Le Viet

營業中

休息中

affordable modern Vietnamese cuisine @leviet23 in Tsim Sha Tsui, Hong Kong @hktheone 🍜 new quality tender beef pho 🥩 lunch sets include curry brisket vermicelli, pineapple fried rice, and lemongrass pork pho 🍛香港尖沙咀商場抵食新派越南菜 @leviet23 位於 @hktheone 🌿 推出限定小黃牛肉粉系列 - 匙炳 /吊龍 / 雪花 🥩 午市套餐 多款選擇 包括咖哩牛腩撈檬、菠蘿炒飯、香茅豬扒湯粉粉等 🍜 🍜 越式雪花牛湯粉 HKD$92pho with chuck eye log小黃牛肉 薄片嫩滑 河粉柔軟牛骨湯 六小時製成 濃郁牛香🍖 香茅豬扒湯粉 HKD$72 (午市)pho heo (rice noodle soup with deep fried lemon grass pork)豬扒大塊 香茅醃製 金黃酥脆肉質柔嫩 河粉滑嫩 湯底清澈🍍 大蝦菠蘿飯 HKD$96

朋友邀請我去尖沙咀食晚餐，佢已經有心水餐廳，就係The One 係開放式設計，見到廚房乾淨企理，感覺良好，座位亦寬敞舒服，侍應親切有禮以下係我哋點嘅菜式 越式拼盤 $138越式拼盤小食有蝦餅、越南春卷、蒸粉包同埋燒香茅豬頸肉，賣相唔錯，蝦餅炸得香脆，彈牙多汁，餡蒸粉包料超多惹味，同埋炭燒豬頸肉燒得脆、又多肉汁。牛油雞翼 $78牛油雞翼一上枱超香牛油味，又超多蒜蓉，賣相吸引！雞翼炸得香脆，肉軟嫩又好juicy，，牛油味加埋蒜蓉味好夾又惹味，食到停唔到口。越南咖喱牛腩鍋 $108牛腩份量十足，肥瘦適中，燜得幾腍，亦有大大件牛筋，又腍又滑，滿滿骨膠示原，配搭材料有粉腍薯仔、香口洋蔥、青椒和辣椒，咖喱汁有淡淡椰汁味少辣且甜，有層次感，十分惹味。百香果綠茶 $36天然果香嘅百香果加埋綠茶很配，鮮甜微酸，帶百香果籽，配搭香醇回甘嘅綠茶，清爽怡人！食完先見到餐牌上面有特別菜式：越南菜 X 限定小黃牛肉粉系列-匙炳/吊龍/雪花下次再試下

典禮完成，可惜吃不飽，唯有在附近找餐廳祭祭五臟廟。市道雖然不佳，但尖沙咀的人潮還是熙來攘往，因此一見此餐廳有位便立即入座。豬頸肉的醃料偏甜，相信年青人會喜歡，但卻不是我的一杯茶，除此之外，豬頸肉的口感還是不錯的。扎肉蒸粉包的亮點是溫度，因為位置接近冷氣風口，因此熱烘烘上枱的粉包便很適時，可惜亦因為熱中帶濕墊底的蝦片很快便軟掉。扎肉雞絲湯粉十分平常，雞絲和扎肉都是隨處可尋的貨色，沒有驚喜也沒有失望。椰菜苗很爽脆，只是「師傅」下得有點重手，掩蓋了椰菜苗的菜味。青檸梳打只有兩片薄薄的檸檬，而綠豆冰則有點過甜，反而是免費的檸檬茶最合心意。

真係好耐好耐無出街食飯啦🥲！老公話幾忙都要二人世界一下❤️，所以今日佢就帶左我去尖沙咀食餐好🍽️！🔆 金不換粉絲虎蝦煲🍤 以新鮮的虎蝦做主角，配上滑嫩的粉絲🍜，再用好濃郁既醬汁煮到啲粉絲入曬味。最後用加埋金不換🌿去增加湯汁既層次感，真係食唔停口！😋🔆 鮮蝦米紙卷🦐 用鮮蝦、粉絲，配米紙卷，清新可口🥗。搭配特製的醬汁，絕對是開胃的絕佳選擇！🔥🔆 手撕雞扎肉湯河粉🍜 手撕雞加埋扎肉，雞肉嫩滑🍗，配以精心調配既湯底，搭配河粉真係完美的選擇！✨今日真係食得好開心，希望下次再有機會出街食飯！🥳💖

環境：坐得舒服 服務：職員都算有禮貌價格：4人合共$620（平均$155/人）~ 在尖沙咀地區食晚飯, 這價錢屬於可以接受的價格.食物質素：普普通通,食物份量一般.推介：蒜蓉炒椰菜苗 （超香口椰菜苗鮮嫩爽脆）其次推介：椰青海鮮飯 （清甜椰香汁伴飯加上少少海鮮都算幾特別）~ 平日我們會選菠蘿炒飯,這裏就有多一個選擇啦. 原隻椰青,可以連椰肉一齊食😋咖哩軟殼蟹~配薄餅咖哩牛腩~配法包以上兩個咖哩都不算太辣, 配薄餅與法包都可以. 越式拼盤：共有4款小食~包括炭燒豬頸肉（略為乾）,扎肉蒸粉卷（普普通通）, 越式春卷（好食）& 炸蝦丸（普通)

約咗出尖沙咀行街～行完決定去Le Viet 食個快飯！係週末黎講～當晚book枱都有位半開放式既餐廳唔算好滿座最先上菜嘅係兩煲咖喱1️⃣ 咖喱牛Curry Stewed Beef $108 2️⃣ 咖喱軟殼蟹 Curry Soft-shell Crab $138兩煲個咖喱都係一樣～配上法包～只係主菜唔同咖喱既香味稍微淡左少少但味道還可以～仲有好多配料包括煎香左嘅薯仔同埋好多洋蔥蟹肉新鮮（份量偏少）～ 但牛肉肉質唔算特別軟嫩3️⃣牛柳沙律 Tenderloin Salad $88 算係比較健康既選擇 （雖然配咗兩塊蝦片🙈）牛柳煮得啱啱好～整體係幾開胃既前菜4️⃣牛油雞翼 Butter Chicken Wings $78 係比較期待嘅菜色雞翼炸外脆內嫩～味道中規中矩～5️⃣ 豬頸肉粉 Pork Neck Noodle $83 湯底比較清淡，而且粉既份量比較少，女仔食啱啱好，男仔可能會唔夠飽豬頸肉既口感同味道都冇特別驚喜～正常操作整體感覺一般～食物唔差～性價比中等冇太大驚喜～🙂

二訪位於The One 嘅Le Viet最近新推出越式小黃牛系列天氣涼涼地 食返碗熱辣辣嘅湯粉就最好不過🙂‍↕️🔸吊龍湯河 HKD82吊龍位於牛背脊內側油花唔多 肉質相對較嫩 牛味重用嚟配湯粉令成碗粉嘅味道更昇華🔹豬頸肉金邊粉 HKD83豬頸肉即燒 需要等待片刻 但絕對值得一等嘅因為豬頸肉燒至微焦 肉質彈牙且香口隨湯粉附上新鮮芽菜 香葉可以根據口味選擇落唔落 做法幾細心🔸春卷 HKD58呢度嘅春卷用米紙包 相對普通春卷皮厚實少少餡料有肉碎 木耳 粉絲等附送一碟生菜用生菜包住再加啲花生碎嘅食法幾獨特而且冇咁膩🔹牛油雞翼 HKD78店員一拎上枱嗰吓已經不斷講:好香啊好香啊！五大隻炸至金黃酥脆嘅雞翼 每隻都淋上大量牛油蒜蓉 非常香口但咬開又幾juicy 超級邪惡 必食推薦😈🔸百香果綠茶 HKD36🚩Le Viet 尖沙咀彌敦道100號The ONE 4樓L402號舖

最近新出咗越南菜X小黃牛肉粉系列😲匙柄/吊龍/雪花，潮汕火鍋crossover 越南pho，都幾吸引～不過，我地試左招牌豬頸肉撈檬✨香茅燒豬頸肉撈檬有八片燒豬頸肉，燒得燶邊，調味好食有豬味，帶少少黑椒味～下底係檬粉、生菜、芽菜、蘿蔔絲同青瓜絲都爽脆魚露另上，酸酸甜甜～～✨串燒雞、牛、豬三串即烤嘅串燒超惹味，比較中意雞，燒完都仲係好滑唔會乾✨椒鹽軟殼蟹偏向港式避風塘嘅風味，好多椒鹽碎、乾蒜，勁惹味！軟殼蟹大約有四五隻✨甜品拼盤入邊有椰汁千層糕、芒果糯米飯、仲有法式焦糖燉蛋賣相打卡able~三款甜品質素都好高特別係焦糖燉蛋，綿滑嘅燉蛋，又香又甜

尖沙咀這個商場其實都真係幾多嘢食，今次就食咗依間新派越南fusion菜，價錢方面真係有啲驚喜，而且食物質素又唔差喎！首先要推薦嘅係吊龍湯河，見佢餐牌寫住越南小黃牛肉粉系列 ，好似幾正咁，有三款牛肉匙炳 /吊龍 /雪花可選擇，湯河的湯頭濃郁，鮮香四溢，搭配著彈牙順滑嘅河粉一齊食，真係幾唔錯，吊龍即係牛背脊內側嘅肉，用熱湯灼幾灼，口感軟嫩細膩.再來就係咖哩雞配式薄餅，咖哩的香味撲鼻而來，雞肉嫩滑，椰汁味唔會過重，搭配薄餅一齊吃，完美的組合，真係要encore.另外，燒白鱔也有驚喜，外焦內嫩，搭配特製的醬汁，辣辣哋，幾惹味，不錯。蒜蓉炒椰菜苗，蒜味唔會over，菜苗綠油油，蒜蓉份量配搭得啱啱好.最後當然不能錯過食越南小食鮮蝦米紙卷，晶瑩剔透的米紙卷包滿檬粉，點埋秘製醬汁，好滿足.💰 就尖沙咀商場食肆而言，性價比幾高❤️✨ . 環境又裝修得幾有氣氛，幾colorful .服務方面也不錯，如果想去尖沙咀搵食，呢間都係不錯嘅選擇.

The One呢間越南餐廳行街經過好多次，見到佢而家出咗越南小黃牛肉粉系列，天氣涼涼地好想食碗熱湯粉就入咗去食晚飯。越式拼盤 $118首先嗌個小食先，呢個拼盤啱晒我哋，有齊蝦餅、越南春卷、蒸粉包同埋燒香茅豬頸肉，款款都唔錯，我就最鍾意餡料惹味嘅蒸粉包同埋炭燒得好香嘅彈囗多肉汁豬頸肉。越式雪花牛湯河 $92湯粉熱辣辣香噴噴，雪花牛肉鬆軟，配上清甜嘅湯底，河粉朔晒湯汁好好味，食嘅時候加上青檸汁味道更加突出滋味。椰青海鮮焗飯 $118賣相好吸引，滿到瀉。椰汁清香帶少少甜，成個焗飯好似入咗口，感覺一啲都唔會膩。配料方面有蝦、蜆肉、八爪魚、青豆同埋一啲提子乾，配埋椰汁飯味道好夾，感覺輕盈清爽。

今晚晚餐去吃越南菜，我們來到位於尖沙咀The One的《Le Viet》，這間餐廳價錢抵食，而且味道還不錯。先來個「越式匙柄湯粉」，匙柄肉質嫩滑，河粉口感獨特，湯底還很鮮甜。「越南咖喱軟殼蟹鍋」，帶有明火保溫，讓咖喱味更香更濃郁，軟殼蟹炸得香脆可口，再配上外脆內軟的法包，沾上咖喱汁，實在太美味了。小食來了份「牛油雞翼」，雞翼炸得香脆，牛油滿瀉。最後，再來個甜品「芒果糯米飯」，熱呼呼的糯米飯，煙韌有嚼勁，芒果香甜再配上香滑椰汁，真係好好味。

放工同男朋友去咗一間好出名嘅越南餐廳食飯，人氣真係好旺，成間餐廳都坐滿人！好彩我哋早少少去，唔使等位就入得去！🤣🐔🧈牛油雞翼牛油雞翼真係超正！💕雞翼炸得好脆，而且好入味，配埋牛油同香料，真係好香口！🦐🍲粉絲虎蝦煲粉絲虎蝦煲好足料，入面有好多粉絲，虎蝦大大條，仲有好多配菜，真係好豐富！粉絲好滑好入味，虎蝦好鮮甜，成煲仲有淡淡嘅玉桂同羅勒香味，真係好正！👍🏿🦀🥖咖喱軟殼蟹(配法包）咖喱軟殼蟹(配法包）好香口，  咖喱汁係煲住keep個温度！裡面仲有薯仔🥔軟殼蟹炸得好脆，而且咖喱汁好濃郁，配埋法包同薯仔🥔yumyummm🙋🏿‍♀️💕地點又方便！食物好味，而且份量十足，真係好抵食臨走先見到原來新出小黃牛肉粉系列！超想試🥹🥹下次要book位再食😋！

當日約咗朋友出the one行街 晚餐時間經過哩間屹立多年 但一直都未試過嘅越式餐廳😎 決定試一試😆越式咖喱牛腩鍋 $108咖喱瓦煲上枱 牛筋、牛腩、薯仔🥔炆得入味夠淋 不過牛腩稍為偏瘦 咖喱味道偏甜帶微辣 配上鬆軟嘅法包🥖 完美咁吸晒啲醬汁 大滿足😌沙嗲串燒$68豬、牛、雞 各一串 三款都好juicy 肉質軟腍 非常惹味 甜甜嘅沙嗲醬帶花生粒🥜香芒糯米飯 $66紫、白兩種糯米 面淋上椰漿🍚 🥭芒果份量都唔少 而且每件都好淋甜越式湯粉x小黃吊龍牛肉 $78限定小黃牛肉粉系列 可以選擇匙炳 /吊龍 /雪花牛 當日匙炳售罄 所以試咗吊龍 牛味濃郁脂肪比例少 不過湯底稍為有啲鹹豬頸肉米子卷 $56米紙卷大件到嚇親 中間嘅檬粉加埋可能真係有半碗檬粉🤣 不過味道相對比較普通 豬頸肉肉質稍為有啲乾整體食物份量十足 個人覺得串燒同咖喱牛腩煲都唔錯～去開The One又想食越南菜嘅話 可以考慮吓

鋪頭：Le Viet地址：尖沙咀彌敦道100號The ONE 4樓L402號舖​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ ​1️⃣ 越式雪花牛湯粉 $92牛肉好嫩滑，牛味夠同時唔會有臊味，湯底亦都好清，湯河夠爽身​2️⃣ 牛油雞翼 $78黎過幾次都必點，好香嘅牛油味，外皮炸得好脆，咬開嘅雞肉Juicy，雖然非常邪惡，但都要order😋​3️⃣ 蘆薈柑桔檸檬 $36最底下面有蘆薈肉，好咬爽口，最驚喜係俾嘅份量都唔少👍🏻👍🏻👍🏻​😋總結：鍾意食呢間嘅越南湯河同埋牛油雞翼

Le viet位於尖沙咀the one，地點方便，嘢食又好食，好耐冇嚟食，星期日全場爆滿😝今次仲見到有新菜色《越南菜X限定小黃牛肉粉系列- 匙柄/吊龍/雪花》，非常吸引😆「匙柄湯河」 🍜 匙柄位於牛前腿上方，連著肩胛骨的肌肉，有明顯的白色肉筋 🥩 牛肉湯湯底清鮮，搭配的河粉滑順。「蒜蓉牛油雞翼」 🍗 雞翼外脆內嫩，蒜蓉和牛油的香氣融合得恰到好處，搭配的青檸汁能解膩，更添風味。「香茅豬頸肉撈檬」 🍝 豬頸肉嫩滑，搭配酸酸甜甜的醬汁和香茅的清香，撈檬的口感Q彈，讓整道菜的味道層次分明，十分開胃。「椒絲炒通菜」 🌿 通菜炒得剛好，保持了鮮脆的口感，椒絲的香味增添了不少風味，十分惹味。「芒果糯米飯」 🍚 芒果的甜味與糯米的煙靭軟糯的口感相得益彰，讓整餐有個完美的結尾。