🥢皇牌3+2撈檬粉 $68 (手撕雞, 豬頸肉絲, 脆豬肉, 扎肉絲, 烤牛肉） $68勁大碗 真心好抵食 覺得份量多到足夠兩個女仔食🤣 滿滿嘅餸鋪面 烤牛肉有用火槍烤👏🏻 撈檬配有青瓜絲 食落好fresh *** 🥣 Combo dinner 🥢牛豬椰汁酸湯檬粉 $94 🥢手撕雞沙律 🥢手撕雞檬紙卷 本身係蕃茄湯 +$5轉左椰汁酸湯 椰汁味幾香 但係稍微油左啲 配有一小兜蝦油蒜頭 店員教要落埋落湯食 我自己就鐘意就咁點黎食 更香口🫢 一樣都係大大碗 手撕雞本身鹹鹹味 好味🤤 *** 🥢秘製沙嗲串燒雞 $29/2 雞肉本身有香茅味 +埋沙爹醬 啱重口味人士😗 *** 🥢凍檸水 跟餐+$4 🥢凍檸茶 跟餐+$4 做緊新張優惠 飲品每杯-$8🥳

. 嚐吃套餐 $560+1 ****************************** 🥢甘筍汁帶子鮮蝦蛋包飯 餐點上枱後 店員會幫手𠝹開滑蛋變成蛋包飯😗 帶子有煎香 蝦非常彈牙爽口 飯係炒飯底 呢碟有種好豐富好多款嘢食嘅感覺🤭 *** 🥢甘筍汁香脆豬扒長通粉 甘筍汁好似濃同比較杰身嘅西湯咁 估唔到呢種texture同長通粉好夾🤩 豬扒超級脆又唔油👍🏻 *** 🥢燒醬油黑毛豬白切肉配大醬生菜 呢碟一上枱嚇一跳 比預期中大盤好多😂 黑毛豬肉係厚切 望落已經好juicy🥳 *** 🥢春日小甘筍芝士蛋糕 呢個芝士蛋糕好正 唔係成舊都係cheese cake 中間有一層海綿蛋糕 最下面有一層餅底 所以食落去冇平時嘅芝士蛋糕咁漏👏🏻 *** 🥢凍水蜜桃茶 🥢凍濟州綠茶鮮奶

🥣 Dinner Set $368 for 2 🥢士多啤梨牛角包窩夫 ⭐️ 呢個甜品真係今餐嘅MVP!! 牛角包窩夫外脆內煙韌 內餡食落有種麻糬窩夫嘅感覺👍🏻 面頭除左cream同士多啤梨 仲有一層芝士蛋糕!!!😍 口感層次豐富 必點! *** 🥢蕃茄濃湯👉🏻羅宋湯 本身starter揀左蕃茄濃湯 店員送餐上咗羅宋湯 因為蕃茄濃湯售罄🥹 建議大家可以問吓濃湯仲有冇先落單 雖然飲唔到蕃茄濃湯 但係羅宋湯味道都幾出色 味道唔會太酸啱啱好 *** 🥢慢煮雞胸肉沙律 作為Starter黎講 份量比預期多👍🏻 雞胸肉唔柴 配料酸酸甜甜好開胃 *** 🥢 16小時慢煮西冷牛扒 可以配飯/意粉 跟少少沙律菜 我地想走飯麵 所以店員主動話比多啲沙律菜🥳 牛扒唔韌 筋位容易入口 *** 🥢龍蝦意大利飯 龍蝦係已剝殼嘅龍蝦肉 意大利飯偏濕 有淡淡胡椒味 *** 🥢鮮奶咖啡 🥢凍檸茶

bookmark左呢間好耐 覺得牛霸王漢堡嘅賣相比挽肉と米更吸引🤤 一場黎到試左招牌嘅手打和牛漢堡扒 雖然有點少貴 但係真心好味 暫時係我心目中漢堡扒界嘅天花板✨ *** 🥢招牌手打和牛漢堡蘭王蛋丼飯 $128 漢堡扒丼飯可以自選醬汁&配菜 我揀左秘製漢堡汁+日式泡菜 日式泡菜微酸唔辣 醬汁酸甜 店員介紹牛肉係選用澳洲和牛 和牛獨特嘅油脂香同酸甜醬汁好夾 篤爆橙紅蘭王蛋黃嗰一下真係好療癒😍 鐘意蘭王蛋生食都冇蛋腥味 蛋黃撈粒粒飽滿嘅日本米飯好好味✨ *** 🥢招牌手打和牛漢堡蘭王蛋沙律 $138 減肥人士可以揀沙律😗 如果自助落單見到售罄 可以問問店員可唔可以人工落單 點解我地會知？ 因為見寫住售罄 我地都厚面皮問係咪真係冇得點🤣 然後成功請店員手工落到order✌🏻 有點可惜嘅係點沙律就冇得揀醬汁同配菜 沙律菜新鮮 如果份量可以多番啲就更好啦😗 *** 🥢白桃烏龍 $15 用日式茶具好靚 白桃味超香 茶香而不澀 個人覺得值得點👍🏻

🥢慢煮手撕豬腩窩夫三文治 $115 ⭐️ 必點美食！ 苦惱左一陣點甜定鹹窩夫 最後決定試鹹嘅 因為未試過😂 估唔到幾有驚喜😍 滿滿嘅嫩嫩手撕豬肉 充滿醬汁又有芝士 但係又唔會太鹹🤤 窩夫厚身 邊緣脆口 兩者一齊食出奇地夾 而且夾有生菜&蕃茄 中和膩感✨ 見好多枱都有點手撕豬窩夫 睇嚟係窩子嘅人氣招牌😗 *** 🥢意大利烘蛋(蝦) $129 鐵鑊上熱辣辣 蛋香十足 食到最尾都仲暖暖地 但係溫馨提示要小心焫親手🥹 鐘意烘蛋入面加左菠菜😋 整體份量都幾多 3-4人share會食得開心啲🫢 *** 🥢假日早餐 $112 有滑蛋, 煙三文魚, 腸, 杏鮑菇, 沙律, 乳酪, 麵包 煙三文魚擺成玫瑰樣 滑蛋奶香重 有一小碟乳酪好加分✨ 唔酸而且低甜 食到飽一飽都食得落🥳 *** 🥢慢煮口水雞扒 $45 雞扒本身撒滿孜然好香口 配左一碟texture似沙律醬嘅口水醬 好特別😯 食辣好水皮嘅我表示口水醬好辣😂 *** 🥢白桃手搖冰茶 $46 有高級冰震蜜桃菓然系嘅感覺😗 飲落去涼陣陣 好啱食到濟嘅時候飲😍

爐邊蛋無限添好滿足😍 睇menu有點小貴的感覺 但係有爐邊蛋同side dish 唔洗嗌太多肉都足夠食到飽😗 *** 🥣自助區🥣 🥢酸泡茶 🥢喜來泡菜 🥢芽菜 🥢蔥絲 🥢酸蘿蔔 🥢青瓜 🥢生菜 *** 🥣點菜🥣 🥢一頭豬 $480 🥢海鮮牛胸肉大醬湯 $85 *** 爐邊蛋可以揀純蛋/芝士+蛋 大量芝士一啲都唔孤寒🥳 嗌左「一頭豬」set 有豬嘅各個部位 超級推薦燒完要點喜來嘅特製鹽食 好香口😋 請店員幫手換烤盤&加爐邊蛋都好快手👏🏻 大醬湯好足料 仲有蟹係入面😍 *** 同埋不得不提坐得好舒服👍🏻 平時打邊爐/燒肉 枱底總有一大個柱 而喜來嘅枱底非常寬敞 冇嘢阻住雙腿自由伸展實在太正🥹

小店有部大電視一路播日文歌😍 當日播嘅歌好多動漫op/ed 本宅宅表示好開心😂 而且有一枱客係真日本人😯 有種去左道地日本拉麵店嘅感覺 *** 🥢特製背脂煮干沾麵特盛 $108 呢款沾麵汁鹹中帶甜 背脂滿滿嘅同時又唔覺好油膩😯👏🏻 特盛有哂咁多款肉 叉燒角，慢煮豚肩，炙燒豚腩，一本滿足 麵有得揀軟硬度 我揀左正常 食落感覺偏硬 下次再食嘅話會揀軟🫢 *** 🥢海老辛醬沾麵特盛 $118 🥢加白飯 $8 呢款沾麵汁重口味啲 鹹中帶辣 比較香口 另外加左碗白飯 珍珠米粒粒分明👍🏻 *** 🥢靜岡蜜瓜梳打 $24 🥢靜岡綠茶可樂 $24 食沾麵咁重口味嘅嘢 配有汽飲品gur一gur就最啱😍

餐廳環境好靚 偏木系文青風得黎又夠光猛 見到呢排做緊星期一至四嘅晚市優惠 惠顧套餐 第二份半價 就腳嘅話過黎食下嘢傾下偈都唔錯🥳 *** Ocio嘅甜品一向深得我心 但係今次冇咁大胃口 所以淨係嗌左主食 一樣咁好味🤤 *** 🥢鰻魚玉子燒定食 $138 🥢跟餐配南瓜湯&熱飲 定食有好多款嘢食 鰻魚有肉地又冇骨 正😗 迷你玉子燒係我鐘意嘅甜味玉子 蒜味螺肉好爽口 麵豉湯最有驚喜 有好多海帶同好大塊嫩滑豆腐😍 餐飲嗌左熱啡多奶 奶係另上 仲熱辣辣嘅添👍🏻 *** 🥢迷你芝士流心蛋燒南瓜煱伴脆皮單骨雞翼 $128 呢個小食好特別 半挖空嘅南瓜裝滿流心芝士 雞翼沾上滿滿嘅芝士 好邪惡好滿足🤤 而且成個南瓜都焗得好淋 輕鬆全部完食 真正食到渣都冇得淨😂 btw半粒流心蛋拎左去撈定食嘅珍珠飯 增香不少🤭

🥢雙拼雲吞套餐(韮菜豬肉&鮮蝦豬肉) $61 🥢雪梨茶 小雲吞一口一粒 食得好方便 雙拼雲吞每款10粒 好抵食😋 鮮鰕同韮菜都好新鮮 湯底有4款選擇 我就揀左紫湯 雲吞&紫菜湯係標配！ 餐飲本身想揀香桃茶 可惜賣哂 於是揀左雪梨茶 估唔到又幾好飲 有雪梨香得黎茶味唔澀 平時就咁外賣一樽解喝都唔錯🤭 *** 🥢酸辣肥牛金菇紅薯粉 $65 🥢雪梨茶 揀左BB辣 誠不欺我！只係落左好少好少辣油 終於食到一間餐廳係真BB辣🤩 肥牛份量都多 滿足 *** 🥢泡椒豬手 $39 豬手好爽口 雖然係泡椒但係唔會好辣👍🏻 *** 🥢紅糖糍粑 $33 食辣嘢點少得紅糖糍粑🤤 食一件即係解哂辣🤭 *** 🥢香辣菜甫丁(1樽) $22 食餐廳菜甫覺得好好食 好有咬口 見佢有得一樽樽咁買 於是買左1樽返屋企送飯✨

All to share menu (set for 2) $488 ****************************** 耐唔耐就有股唱K癮😂 想唱K又想食懶人餐 於是事隔N年再次踏足Red Mr 叫左個二人餐 本身純粹諗住唱K嗰陣口痕嘅話有啲嘢𡁻下 點知野食幾多款又唔錯喎😍 *** BEGINNING 🥢和風海蜇沙律 🥢汁燒雞肉串燒（3串） 🥢香煎鵝肝多士（1件） 🥢脆炸素菜春卷（3件） 我真係好鐘意食鵝肝🥹 只要有鵝肝嗰一餐都會覺得特別美味😂 沙律, 串燒&春卷味道夠濃 啱重口味嘅我🤭 小吐槽位係二人餐但係啲嘢食全部都係單數😂 *** MAIN COURSE 🥢珍寶軟殼蟹龍蝦汁鮮蝦意粉 🥢香草蜜糖烤美國春雞（半隻）（香蒜燒汁） 軟殼蟹好多膏😍 同埋掛住唱K擺耐咗依然咁好食🤤 燒春雞嘅皮烤得香脆 甜中帶蒜香好好味✨ *** SIDE DISH 🥢日本海膽流心忌廉薯餅（3件） 🥢和風豚肉炒飯（小） 炒飯超級驚喜 米飯粒粒分明 唔會太鹹又唔會好淡 調味啱啱好🥳 *** Drinks 🥢厚芋泥奶茶 🥢芋泥抹茶牛乳 嘢飲偏唔甜 好啱唱K嘅時候飲 因為唔會起痰🤭 *** 走嘅時候見到有個好吸精嘅紅色corner 原來點酒類套裝就可以玩一次「最紅搶錢機」 頭獎有$10000😯 可惜嗰日冇人玩 冇得八卦吓🤣