Le Viet

營業中

休息中

19/4 同女朋友來到慶祝生日來到時人不太多，侍應見我手擰紙袋，仍好細心擰一個膠箱俾我放野。我地目標明確先來一碗生牛河，加一碟炸春卷、椰青及芒果糯米飯。上菜好快，先黎左椰青，好甜好夠凍👍🏼睇過食評D相, 唔見生牛河有跟九層塔，我就問侍應姐姐可唔可以俾碟九層塔？侍應姐姐話另上俾我，我好唔客氣問: 可唔可以俾多D😝（因為我女朋友鍾意食🤭）九層塔上枱，侍應姐姐仲問我夠唔夠多tim😝言歸正傳，生牛河個湯底真心好飲，唔會死咸，我番屋企後都冇勁口乾。肉味令個湯好鮮甜。靚牛肉，好有牛味👍🏼👍🏼春卷係豬肉餡，一般啦，有加D花生碎都香口。但佢做法唔係炸得好脆，又唔係煎得好香口，唔3唔4，所以一般。但不得不提，佢跟生菜，D菜靚到不得了，好新鮮，冇穿㝫，好青新爽口。最後到期待已久既芒果糯米飯。因為同女友食親泰國菜，想叫芒果糯米飯，都唔知點解話賣晒，好鬼邪。今次終於食到，救命呀，好好食，叫我為左芒果糯米飯過海黎食我都願意。糯米飯係一球正常糯米，一球紫糯米。椰醬上枱時已淋上去，兩側各4片芒果。糯米飯夠熱夠黏身，椰醬唔太甜、好香，食多都唔漏。芒果又係一流，好甜，唔會有陣過熟味👍🏼👍🏼👍🏼總結: E餐好好食，好高質

呢間餐廳之前試過好滿意👍，已經有一排無黎過，今日就同朋友去嘆個lunch啦🥳。.大蝦波蘭飯🍍 $78首先就當然唔少得我最愛嘅菠蘿炒飯😆，用左鮮菠蘿炒更加香😛，而且仲有三隻大蝦好滿足😎。.咖喱牛腩撈檬 $65咖喱汁撈檬粉其實我都係第一次試😂，估唔到味道驚艷💕，咖喱汁好濃郁，而且牛腩口感一流，呢個撈檬真係好正🔥。.炸蝦餅 $68小食方面我就試左炸蝦餅🤩，炸得好脆之餘亦都好厚肉😋，而且點埋泰式甜酸醬汁就好夾❤️。.椒絲炒通菜 $62蔬菜就當然唔少得🥬，通菜夠曬爽口，而且加左椒絲有少少辣味更加正😜。.焦糖燉蛋 $36最後想食甜品就叫左個焦糖燉蛋😍，甜度同口感都一流🤤。.飲品：凍咖啡+凍檸茶

同朋友出去睇完戲，想搵間越南🇻🇳野食嘆下前菜食咗豬雞牛串燒，香濃味道，燒到熱辣辣咁樣送上嚟，加上沙嗲汁都真係超級正去骨海南雞半隻大大份，同埋去骨好方便！有時候走骨食得好麻煩，去完直接啖啖肉！最緊要雞肉夠滑，真係唔會鞋口，整體感覺好新鮮，加上配料，個醬都十分夾啊大蝦🦐菠蘿海鮮飯估唔到上既速度好快，大蝦夠鮮甜，同埋菠蘿🍍香甜多汁，更加夾！開胃的感覺，加上少許肉鬆，菠蘿飯不馬虎，好多飯！加錢可以飲到三色椰汁冰，抵飲最後甜品就食咗芒果糯米飯🍚少少亂亂地嘅感覺再加上椰汁超級香！

The One商場，每次扶手電梯走上去，都總會看到電梯口的這間店，而這店也總時人潮～超載椰青焗飯～名字真的沒改錯，上桌時很彭湃，都越戴了🤣飯及椰漿都流出來，而餸料有墨魚仔，蜆，大蝦,雜菜及提子乾～整個飯也充滿著椰子味，超正～去骨海南雞飯～無骨的真的吃得最爽😈而且雞肉有水份又滑嫩，雞湯也清～牛油雞翼～炸得很脆，幕後功臣應就是外圍包著已炸過的脆漿粒，雞翼外脆內嫩，好味～椰青～原個上的，椰青很清甜，吃到最後還可掘椰青肉吃～

有時行過尖沙咀The One都見到有兩間泰國/越南餐廳，因為住得好近九龍城嘅關係，多數食越南泰國嘢會去九龍城，好少喺商場食，而且成日都會覺得好貴，但係望一望Menu，呢間le viet其實又唔算太貴，而且都幾抵食。入去餐廳大概八點幾，因為滿座嘅關係等咗一陣，好熱鬧好受歡迎好多人食。店員好好人好有禮貌，帶咗我哋好大張嘅四人位，坐得幾舒服。最鍾意係佢呢度嘅咖喱，真係每一滴汁都好想食晒😅仲好想好想嗌多個薄餅，不過驚食唔晒其他嘢所以冇叫到。但係真係好值得一讚！因為咖喱好多調味，好多層次，講唔出係用咩煮但係就覺得好濃郁好豐富，每一啖都同我老公講真係好好食😂我叫咗豬頸肉米紙卷，平時老公唔太鐘意食米紙卷因為覺得好淡，但呢一間配埋醬汁就剛剛好，好夠味。包得脹卜卜，好多粉絲同豬頸肉都算大舊。串燒覺得偏濃味，咸咗少少，但整體都ok，如果醃料減返啲我就覺得岩岩好。花生沙嗲醬好味。

好耐冇食過越南野，咁岩今日去左尖沙咀The One就黎呢間試下😋炸蝦餅🦐必點嘅炸蝦餅，外皮炸到金黃色😍咬開係彈牙嘅蝦肉😋炸粉唔會落得太多，炸得岩岩好😋串燒🐓🐖🐂次次食串燒最想食嘅都係佢嗰醬😝鍾意個沙嗲醬甜甜哋又帶少少辣好香口好開胃😋雞肉嫰滑，牛肉同豬肉唔會煮得過熟，同埋每串都好大串😍份量超足👍🏻辣椒醬炒大虎蝦🦐第一次試用辣椒醬炒既海鮮，辣既程度岩岩好，唔會辣到蓋過左大虎蝦既味，唔係好食得辣既人都岩食😋虎蝦都有好多隻，好足料😍越式咖喱軟殼蟹🦀配法包🥖好鍾意佢個咖喱椰味重😍唔會淨係得個辣字🤣軟殼蟹同法包係分開上菜，唔洗驚會浸到淋哂🤣軟殼蟹新鮮炸好，熱辣辣😍法包都有焗返熱，外脆內軟，值得一讚👍🏻👍🏻

*💭𝐋𝐞 𝐕𝐢𝐞𝐭每次經過都必定有長長的人龍或滿座，這次終於有機會一試😍𝘔𝘦𝘯𝘶的選擇有很多，有前菜、小食、主食、飲品和甜品，全都是十分吸引的越式食物😋米紙卷，外皮晶瑩通透😍內層包裹著米粉，蔬菜清新，外皮跟米粉都十分爽口，沾上少少魚露調味，酸酸甜甜令人開胃☺️炸蝦餅，外層炸到金黃色，香氣撲鼻，咬下去彈力十足😙半打串燒包雞豬牛，串燒燒得香口，不乾身，尤其是雞肉，咬下去感到肉質豐厚juicy，點上辣醬，惹味十足😋辣椒醬炒大虎蝦，雖然看似好多配菜，但仔細一看也有不少蝦肉，絕不是用三色椒胡亂充當。用上了辣椒膏但也不是太辣，可接受，每隻大蝦食落有些許大排檔的味道，鑊氣充足😍黃咖喱軟殼蟹鍋配法包，法包鬆脆可口，一點也不硬。軟殼蟹份量絕不惹少，新鮮炸起卜卜脆，法包及軟殼蟹如海棉沾上熱鍋爐的黃咖哩後，令人食指大動。有咖哩自然有薯仔，不過薯仔經過油炸，略略覺得有點硬，如果用燘會比較好。飲品點了青檸梳打及奶茶，不過不失。總結食物份量絕不欺場，份量十足，主食吸引，串燒也很出色。

久唔久就抽起條筋想食越南野，今日行開尖咀做野，一直都好想食的「越南仔」終於有機會！食飯講求味道同時我最講究是要坐得舒服，Le Viet位處尖沙咀The One，空間闊落，環境亦相當舒適，坐得舒服享受美食人生一大樂事。午餐好抵食，一個大蝦菠蘿飯唔洗$80仲要配埋飲品及餐湯，二話不說點咗個先，朋友好想食咖喱火鍋，於是再點一個炸軟殼蟹鍋再加埋杯越南特產滴滴咖啡及青檸梳打，完美! 黃咖喱軟殼蟹鍋配印式薄餅，本身可配法包，但食咖喱當然配薄餅才是王道，咖喱上枱用爐一直熱著，軟殼蟹另上，食之前將軟殼蟹拖一拖咖喱汁就入口，超好味！咖喱味香而不辣，印式薄餅軟腍煙靭而不油膩，就咁食都好味，配埋咖喱更是一絕! 大蝦菠蘿飯是午餐Menu來的，原隻菠蘿上枱，賣相一流，大蝦蝦身已脫殼，保留蝦頭及蝦尾，食用方便又不失美感，要讚! 菠蘿炒飯材料豐富，有肉鬆有大蝦有蔬菜粟米火腿等等，每一啖都滿載美味食材，炒飯好爽口，酸甜菠蘿加啖啖咖喱味，好正! 食飽主菜未夠喉點埋甜品 - 焦糖燉蛋，焦糖夠哂香口，入口爽爽脆脆的，燉蛋夠香滑又不會過甜，水準之作! 至於香芒糯米飯，有紫米飯同糯米飯，配埋香滑椰汁及香甜芒果，幻想一下自己又走

冇得去旅行都要食越南野以前唔鍾意食越南野，自從去完越南之後就愛上海鮮炒檬粉 $68除咗有粉仲有蝦同埋魷魚，呢個價錢絕對唔貴，朋友起碼講咗三次話好好味，不過啲海鮮就反而冇乜味串燒 （豬，牛，雞）6串 $89啲串燒又幾好味喎，一定要配佢沙嗲醬，串燒一定要有沙嗲醬先好食大蝦米紙卷 $42如果唔落個汁會冇乜味，但就食得出好清新嘅味道蒜蓉牛油雞翼 $72其實一直都好想試呢個雞翼，今次終於試到，平時對雞翼麻麻哋嘅我今日都食咗好多，一定要加埋佢啲蒜蓉用咗點牛油，雖然有啲油，但好邪惡好好食椰青 $42東南亞必備嘅嘢飲，已經好耐冇飲過清新之餘又解渴

其實我都幾鐘意食越南菜，今次食呢間未食過，例牌都係食香茅豬扒湯河加越南春卷+多個椰汁紅豆沙冰同蝦餅！香茅豬扒都好夠味，反而個越南春卷個皮有啲硬，蝦餅都好脆好香口，椰汁紅豆冰可以多返少少紅豆，因為只飲到椰汁味較重

好耐無食越南野。天氣開始轉熱，又係時候食多d東南亞菜。今次就黎尖咀Le Viet食個lunch。餐廳位於大商埸，座位舒適，裝修企理。最鍾意呢度既午市套餐，選擇多而價錢平，一共有九款，有飯有撈檬有炒檬有湯粉，價錢由$62到$78不等，有加一。每個午餐包一杯基本飲料，凍咖啡另加$5，特飲另加$8。香茅燒豬頸肉撈檬 $65 另加一一如以往，香茅燒豬頸肉撈檬面鋪上七塊燒豬頸肉，燒得香脆可口，美味非常。魚露分開上，滿滿的香蒜，酸酸甜甜，加上冷凍的檬粉，非常醒胃。蔬菜量充足，包括生菜、芽菜、蘿蔔絲、青瓜絲。必點之選！咖喱牛腩撈檬 $65 另加一咖喱牛腩撈檬大大碗，份量十足。有五舊牛腩左右，肥瘦適中，都算煮得淋。牛筋都有一舊。真係好鍾意呢度嘅咖喱汁，微辣微甜，香滑可口，好冶味！檬粉吸盡咖喱汁，非常邪惡。面頭有三大舊明顯新鮮炸起既薯仔，外皮少脆入面淋。其他配料有青椒、辣椒、洋葱。另一個必點之選！飲品選擇成個清單咁長。加$8就飲到大大杯嘅梛汁紅豆冰！梛汁紅豆冰 跟餐+$8  另加一椰汁紅豆冰唔會過甜，底下紅豆粒粒分明，不過有些少實。叫左少冰，所以唔會冰粒大過主人婆。飲完呢杯椰汁紅豆冰好似食咗甜品咁，好滿

The one 入面高質既越南野 我第一次食 都係聽人介紹話好食去試真係好唔錯 等我介紹下有咩好食先1. 蒜蓉牛油雞翼雞翼炸到好脆又大大隻又入味，唔會好多油上碟，加上炸蒜 好食！2. 串燒沙嗲三串 雞牛豬各一呢個串燒烤到有少燶邊 脆脆地幾好3. 咖哩鮮雞+法包呢個我最中意食，個咖哩甜甜地多椰奶香 ，仲有個火熱住食 100分！😻4. 滿載椰青海鮮飯份量真係好多🤣滿到山咁高 ，椰漿撈飯甜甜地好開胃 有蝦、魷魚、蜆肉 不錯👍🏻我兩個人食飽到傻 ，但齋睇menu 樣樣都好想食下次再食先得

放工行左陣THE ONE，有時放工真係想係街食就算，轉轉下轉左入呢間Le Viet醫肚先來叫左個札肉蒸粉包，呢個係我既至愛。呢度既蒸粉包都好好食，粉包裡面有重重胡椒味既肉碎同埋d菇呀配料夾埋一齊，好香口而個粉皮係薄面不膩，好食！另外，我叫左半打串燒同椰汁焗蝦，兩樣口味都偏甜⋯串燒個d雞牛豬烤得好好，d肉唔係話好嫰，但一定唔韌。問題係個花生醬真係唔係我熟悉個款口味，佢係偏甜而重花生味。椰青焗飯賣相唔錯但口味係偏甜，椰青水加埋佢入面提子乾呀肉鬆什菜食左一半就覺好溜。飽住肚滿足的一餐。

今日去咗睇買一送一波鞋，勁多收穫！買完野勁肚餓梗係坐低食食嘢啦，經過呢度俾個幫我炒飯吸引咗，就坐低試吓！大蝦菠蘿飯😋😋😋😋菠蘿炒飯好多材料，仲加咗我最鍾意食嘅肉鬆，面頭仲有幾隻大蝦，大蝦仲好細心咁剝咗殼，值得方便值得一讚，幾十蚊仲包杯嘢飲真係抵食！飯粒炒到粒粒分明，仲有少少酸甜清新菠蘿味，加咗啲雜菜提升口感，仲有我最鍾意嘅肉鬆撈埋一齊食！睇得又食得！串燒三色雞豬牛😋😋😋😋😋牛肉串燒勁好味，面頭有少少黑色焦香，看上去還會以為肉質鞋口，誰知食落有驚喜！一咬開爆出肉汁中間軟綿綿肉質超正！味道夠晒香囊，完全唔使點醬汁都好好食😋雞肉串味道少少香辣，肉質都keep到，點埋咖喱汁仲夾！豬肉都充滿炭火香，燒得好好味！好明顯老公覺得好滿意，仲話好彩叫咗半他，唔係實爭食咁話😂越式咖喱軟殼蟹鍋配法包😋😋😋😋😋迷你版軟殼蟹份量雖然得多，不過全部新鮮炸起，食起嚟仲keep到趣卜卜，輕輕沾上咖喱汁，已經鮮味爆棚！然後也不要忘記了薯仔🥔，輕輕炸過，薯味香濃，特別好味!推介將法包弄成小片浸在咖喱汁內，帶少少甜味的香辣咖喱汁就會軟化了有點硬硬的口感的法包，半脆的法包將海綿一樣吸收晒咖喱汁，勁好味！

座位舒適寬敞，提供紙巾和清水～裝修簡單別具風味，另收+1服務費大蝦 #菠蘿炒飯 $96鮮蝦爽口，熱騰騰的炒飯好香，炒得夠乾身和好夠味，配菠蘿粒少少甜，更加開胃。加上肉鬆好好味😋不會辣，推介#咸檸梳打 $28轉七喜鹹鹹甜甜好開胃，個人很喜歡❤️#越式拼盤 $98（優惠中）配泰式辣醬#蝦餅 ：有3件，厚切足料，吉列外脆內爽，熱氣之選#豬頸肉 ：5片，香濃肉味，不會太肥又嫩#扎肉蒸粉包 ：2件，粉皮夠嫩滑，清淡#春卷 ：4條，炸至外脆內軟，記得沾醬，小心𠝹口#咖哩牛腩鍋 $105 配印式薄餅牛腩鍋會點火一直燒，香濃越式咖哩味，甜甜的微辣，有青椒🫑洋蔥🧅薯仔等配菜，牛腩、牛筋 好有咬口，非常堅韌服務質素：8/10環境舒適度：8/10ᶘ ᵒᴥᵒᶅ個人口味評分：8/10