影片
更多
2023-08-26
94 瀏覽
之前聽觀塘工作嘅朋友提起食Lunch 發現咗間好餐廳，今次同男朋友去完工廈整手工就順道試一試。餐廳係樓上鋪，一走入餐廳，感覺都幾唔似係觀塘工廈，裝修有格調又舒服，枱與枱之間距離好夠。夜晚都有一個dinner set可以揀，300幾蚊包湯品、飲品同甜品，主菜仲要都唔普通，睇menu已經好期待。一坐低就有熱好嘅麵包同牛油，外脆內軟，配上牛油香好好味。💡Dinner Set $348 & $388💡前菜: 鯷魚車厘茄沙律 & 蟹沙律酥皮撻沙律酸酸甜甜，酸味調和鯷魚，減去咗魚腥味，相當開胃。蟹沙律面仲有蟹籽，蟹鮮甜又有蟹籽鹹香味，撻底真係做到一層層超薄酥皮，脆到嚇親，又唔會似平時厚酥皮有種少少油膩味，整體好清新！💡法式洋蔥湯 & 龍蝦湯 (+$18)餐湯見兩樣都好吸引，其中一個加錢升級做龍蝦湯試一試。法國菜最招牌莫過於一道一道菜俾你慢慢品嘗嘅態度，每次都較好時間上枱，湯品冒住煙咁送到，對最鍾意熱食嘅我嚟講好幸福。法式洋蔥湯係洋蔥甜味，勁足料，每啖都一定有洋蔥真身出現。龍蝦湯又真係有龍蝦肉俾你咬下好驚喜，味道比一般嘅濃，酒香突出。另外仲送上麵包，俾你點住湯嚟食。💡比目魚伴白酒珍珠比目魚煎得外皮香
一坐低就有熱好嘅麵包同牛油，外脆內軟，配上牛油香好好味。
💡Dinner Set $348 & $388
💡前菜: 鯷魚車厘茄沙律 & 蟹沙律酥皮撻
沙律酸酸甜甜，酸味調和鯷魚，減去咗魚腥味，相當開胃。蟹沙律面仲有蟹籽，蟹鮮甜又有蟹籽鹹香味，撻底真係做到一層層超薄酥皮，脆到嚇親，又唔會似平時厚酥皮有種少少油膩味，整體好清新！
💡法式洋蔥湯 & 龍蝦湯 (+$18)
餐湯見兩樣都好吸引，其中一個加錢升級做龍蝦湯試一試。法國菜最招牌莫過於一道一道菜俾你慢慢品嘗嘅態度，每次都較好時間上枱，湯品冒住煙咁送到，對最鍾意熱食嘅我嚟講好幸福。法式洋蔥湯係洋蔥甜味，勁足料，每啖都一定有洋蔥真身出現。龍蝦湯又真係有龍蝦肉俾你咬下好驚喜，味道比一般嘅濃，酒香突出。另外仲送上麵包，俾你點住湯嚟食。
💡比目魚伴白酒珍珠
比目魚煎得外皮香脆，魚肉仲好嫩滑，配上番茄湯底，酸酸甜甜嘅魚肉更有鮮味，建議加埋底嘅薯蓉，口感更加得意。魚肉面上有白酒珍珠，望落似蟹籽，但其實係酸酸地，呼應返番茄湯，又增加咗層次感。
💡熟成21日阿根延西冷配法式賓利士汁
熟成西冷最唔同嘅係肉質，嫩滑同時保留牛肉味，脂肪好均勻，唔怕食到成口油，伴菜係冷盤酸青瓜包住露筍，解膩之餘，味道又好清新🥩
💡Flamingo & Virgin mojito
Flamingo 揀俾女仔最適合不過，顏色似係夕陽漸變，飲用前當然攪一攪最好，由蔓越莓汁同橙汁調配，再加上薑味汽水，甜甜地又消暑。🍹 Virgin mojito好清新，味道唔算濃，唔會影響食物嘅味道。
💡朱古力蛋糕配焦糖香蕉
朱古力蛋糕內層仲有脆脆，cream好綿滑，每一層配合得好好，一個人食一個都唔會超飽超膩，尤其我成日一個人都食唔晒一件，但呢件很可以！
張貼
