LAB10 (已結業)

今日朗豪坊行完街順便係lab10 食埋晚餐，lab 10屬於新派韓式餐廳，裝修時尚簡約，枱同椅以灰色為主，餐廳充滿綠色植物。我地既座位有足夠私隱度，兩塊板可以隔開旁邊既顧客。之前去韓國食1++牛覺得好正，lab10有1++牛拼盤，但咁岩賣晒，不過仲有特級和牛拼盤，當然要試吓啦！最先上菜嘅係鰻魚鐵鍋炒飯。鰻魚大大粒冇咩骨，炒飯亦夠鑊氣，鐵鍋上菜可以炒飯長時間保持熱辣辣，做法抵讚！我哋叫咗韓式牛骨湯，非常清甜，入面有牛肉蘿蔔等等既配料，飲湯都覺得飽。牛骨中間有大量牛骨髓，餐廳非常貼心附上一支細羹，令我哋盡情享受當中嘅精華。呢道菜非常邪惡，係脆香芝士炸雞。炸雞總共有六，七件，外皮香脆之外，雞亦非常嫩滑。嫌芝士味唔夠重？炸雞仲附送一碟芝士醬，給你一個雙重芝士享受！重頭戲當然係特級和牛拼盤啦！$438嘅價錢但分量非常多，有牛肋骨、肉眼、西冷，牛肩肉。油脂分布非常平均，款款牛味相當重，口感有少少入口即融，我最鍾意嘅係牛肩肉，肉質更加嫩滑。網燒最正係可以燒到啲牛有一格格嘅痕，好靚。加上抽油煙做得好，啲煙味未上到空中已經抽走咗，食完完全冇油煙味。lab10 除咗餐廳部份仲有一個juice lab，各款

因為最近追看韓劇，不時見到出現韓式燒牛肉的情境，於是心血來潮想食韓式燒牛肉 ，上網找到一間位於朗豪坊，有一間非常之科幻及專食韓牛的餐廳...Lab 10大約收工七時半左右去到,幸好一早訂了位，不需等位，就可以入內，當日非常之多人在門口排隊。見了餐牌有三個牛肉的set,我們就點了中等價錢set: 特級和牛拼盤 $438 韓式牛肋骨 牛肩肉 M5西冷 M5肉眼 牛肉一上台，心中非常暗爽，完全同餐牌圖片一模一樣,份量頗多。牛肉色澤鮮明，肉質看似細嫩，脂肪分佈不錯，朋友巳急不及待，放上一塊一塊牛肉在鐵網上燒，牛肉慢慢熟透，香氣撲鼻，沾上韓式醬料，再入口即溶，肉汁在口內四濺，鮮甜美味，再配上白飯，幸福指數爆燈，將一日工作辛勞，完全可以忘記。還有點一枝啤酒，韓式牛肉就是最好的送酒菜。朋友不飲酒，所以點一杯特飲，熱情果加西柚加蘋果加蜜糖，酸酸甜甜，好醒胃。和牛肉醬芝士薯條：這個醬汁好特別有牛肉的鮮甜味，配上香脆的薯條，好味呀。生韓牛半伴雪梨牛油果 賣相不錯，因為伴上雪梨及牛油果，反而意料之外好味，牛肉更是鮮甜及多汁，剛中和油膩。鰻魚鐵鍋炒飯 這個用鐵鍋保溫極佳，吃上暖暖的鰻魚，美味可口，鰻魚汁充滿每

今晚同幾個朋友嚟食飯，一入到門口已經有驚喜，諗住食韓燒一定好油煙，點知點知現場空啱啱空間好大樓底夠高最重要係完全聞唔到有油煙味，仲要冇支煙通喺度阻住晒，問一問嗰度員工先至，原來佢哋啲煙係喺個爐下面抽走，所以我食完相信都冇油煙味！然後去到食物，個鵝肝炒飯直頭叫咗一碟唔夠，我自己要叫多份嚟食，鵝肝有幾份是原塊放在飯上，炒飯是有少許飯焦夠乾身，因為用鐵鍋上夠熱，而牛肉夠嫩口新鮮，五花腩肉很特別有幾個醬汁配，全晚大家一致認同係有質素的，價錢亦合理，可以約朋友再嚟食個

今日放工，同同事朋友一齊食飯，就去咗朗豪坊，大家都知道朗豪坊有好多嘢食，今次就揀咗喺10樓嘅韓國菜，因為見到餐廳裝修都幾有特色，而且我都幾鍾意食韓國菜，同時間又有得韓燒，最啱我呢啲鍾意食牛嘅人🍖我地叫左好多野食，我叫左杯red hot，好鐘意佢有陣陣蜜糖味🍯飲咗兩啖，我哋啲餸就開始嚟，啲餸都上得幾快😍😍鵝肝鐵鍋飯呢一個真係幾好味，因為佢有飯焦，鵝肝又煎得啱啱好，淨係睇佢個樣估唔到👍🏻👍🏻泡菜海鮮薄餅呢個就煎得幾香脆，泡菜味都算濃炸芝士卷呢一個好特別，佢加埋少少果醬，唔會食得好濟😎生韓牛伴梨牛油果呢個菜式既有韓國嘅特色，有適合香港人口味，好適合前菜食，因為好清新，好開胃😋燒肉方面揀咗特級和牛拼盤對於牛肉拼盤，呢度有三個可以揀，我就揀咗中間，四百幾蚊但又可以食到好多唔同部位嘅牛，絕對係一個出色嘅選擇🤗特製牛護心肉牛護心係一定要食既，由其係鍾意食牛既人，因為唔係度度既燒肉都有得食，通常都得🐷韓式豬皮豬皮嘅話我就唔係好鍾意食，所以我都唔識評論🙈三色豬五花呢度啲豬五花好有特色，因為佢配合左三個唔同既醬汁，三個都好match，入口有三種唔同既口感🤩而最直得欣賞既係我食完韓燒都唔覺，身上一D油煙味都

原本以為係一間果汁店, 諗住買杯果汁解解渴, 睇真 D 竟然係間韓式餐廳, 可以食韓式料理及燒肉｡餐廳以白銀為主色調, 設計簡約, 座位數量唔少, 而檯同檯之間都有間開｡餐廳採用無煙燒烤, 所以食完燒肉都唔會搞到成身油煙味｡兩個人叫左一客特級和牛拼盤 + 一客香蔥薄切牛舌, 由於兩個都唔係大食嘅人, 所以我諗應該都夠食｡特級和牛拼盤拼盤有4 款和牛部位: 牛肋骨、牛肩肉、M5 西冷、M5肉眼｡ 牛肋骨油脂較多, 受熱後油花慢慢流出, 香味四溢, 肉質細膩｡ 牛肩肉是經常運動嘅部位, 所以油脂相對少, 肉質比較結實｡ 西冷油脂比例平均, 肉質較有彈性, 食起黎好有咬口, 肉味濃｡ 肉眼嘅肉質軟嫩, 油脂比例豐富, 而且肉味同樣非常濃｡香蔥薄切牛舌由於係薄切, 所以唔可以燒太耐, 口感非常爽脆, 配埋香蔥一齊食可增添一份清新感｡Sour Bomb以新鮮嘅生果製成, 有檸檬、西柚、奇異果、蜜糖 & 生薑, 味道微酸, 係一杯好解渴嘅果汁｡Big & Small同樣以新鮮嘅生果製成, 有西柚, 香橙, 蜜糖, 生薑, 味道甜甜酸酸, 清新又開胃｡

牛肉有好多種，和牛、安格斯、Prime…仲有我從來未食過嘅韓牛。前三者都大概知道係乜東東，咁韓牛呢? 原來韓牛係歐洲牛與韓國牛的混血種，肉中能產生葡萄糖成分的含量是其他牛肉中兩倍以上，使牛肉潤澤爽口的兩種磷酸鹽的含量是其他進口牛肉的4∼10倍。兩者皆對牛肉味道產生重要影響。(Google 再次令我長知識)講多無謂，食最實際。今晚終於有機會試下。特級和牛拼盤 (韓式牛肋骨+牛肩肉+西冷+肉眼)分量頗多的。牛肋骨脂肪比例較高，油香相對較重。其餘三款剛剛相反，肉味相對較濃。整體有食高級牛肉的感覺，質素絕對可以媲美 Prime, 值得一試。香蔥薄切牛舌雖然切得非常薄，但依然有Q彈口感。每邊各煎20秒就食得。鰻魚鐵鍋炒飯飯粒粒粒分明，帶一點點甜豉油的香氣。如果鰻魚份量再多一點點就100%完美。CoCo (椰青水+青檸+西瓜+蜜糖)用新鮮西瓜製作。下火一流。座位寬闊，與鄰座有飾板隔開。 燒烤爐獨立抽風一流。自家果汁Bar, 有外賣供應。

今日同朋友一齊嚟到Lab10😍環境比想像中靚同乾淨，往時去嘅韓燒餐廳好多都好間，但Lab10令人眼前一亮！Lab10嘅特級和牛拼盤真係值得一試！當中肉眼真係入口即化🤤令人好滿足！（而且有個小貼心嘅位，係個拼盤會配試鹽、椒鹽等等，口味可以自由斟酌）仲有個三色豬五花！我哋五個人去，每人都可以食到幾塊，份量剛剛好！而泡菜海鮮薄餅，辣得嚟又有啲酸味中和返，值得一讚！另外仲有一個鵝肝鐵鍋飯！本身我有少少怕食鵝肝，點知呢個鐵鍋飯令我非常驚喜！鐵鍋飯嘅飯焦配上鵝肝，令口感好豐富，超級好食！最後叫咗杯Coco嚟飲，清滿地嘅西瓜汁，舒緩返成個晚餐嘅飽足感！整體而言，Lab10真係一間值得翻撻嘅餐廳😍已經決定好下次會帶其他朋友再嚟過！

今日同我約個friend一齊去openrice既個一度搜尋到呢一間Mong Kok咁有名既Lab 10，見到出名無煙燒烤咁鬼死得意，我地就膽粗粗上左去試下了!!!!我都係第一次見到有燒烤店咁乾淨利落同埋咁乾淨明亮呢!!!!可見Lab 10既環境絕對係非常之好，Lab 10既員工絕對係訓練有素，同埋非常之有責任心呢!!!!我地都食得非常之開心同滿足同滿足呢!!!!真係要打一個full mark俾Lab 10呢間餐廳，我地一定會再有下次，再來呢間Lab 10食多一次!!!!

韓式豬皮 ($88)侍應細心提醒我地豬皮放3分鐘先好燒，等佢融一融雪。豬皮好厚😏食落口感煙煙韌韌，好有膠質既感覺。平時好少會燒豬皮，第一次燒既朋友可以見到豬皮燒到有少少捲起就差不多熟喇！三色五花肉 ($138)五花肉有三種唔同醬汁配搭，分別係生薑菠蘿醬，生薑蘋果醬，同青檸醬。菠蘿醬🍍第一次試覺得好特別，有果甜味。青檸醬就淨係食到有少少青檸檬酸味，唔太特別好食。最好食既我覺得係生薑蘋果醬，配埋燒肉黎食好香好好食，根本唔需要去沾其他既燒肉汁。韓式海鮮蔥餅 ($65)一碟蔥餅切開有6塊，但絕對唔係一人一半架。我一口氣就食左四塊😂蔥餅仲配一碟醬汁，少少辣，點黎食又幾香口。韓式水冷麵 ($75)水冷麵最緊要當然係個麵底喇。但係今次呢個水冷麵既麵底唔算係最好食之一，雖然幾煙韌。冷麵又冰送上，相反有d餐廳會俾一碗凍水浸住d麵。水冷麵仲有蕃茄🍅同埋烚蛋🥚，凍冰冰又juicy 既蕃茄，最啱就係夏天食啦！😋Lab10 除左韓燒之外，仲有得叫Juice Lab既野飲Red Hot ($35)蘋果+士多啤梨+西柚+蜜糖飲得出佢係新鮮榨出黎，杯面仲有鮮榨果汁既一層泡泡。加埋蜜糖甜甜地幾好飲。Goldcoast

同友人去旺角朗豪坊睇完戲之後搵食， 發現開左一間裝修富神秘又現代感嘅餐廳， 憑店名「Lab 10 」和裝潢完全諗唔到係食咩菜！😂 細看menu先知原來係韓式燒烤店！😯 餐廳呈簡約工業風， 外面有一個juice bar， 以新鮮生果打成嘅果汁做主打， 梗係要試吓啦！ 飲品嘅顔色真係色彩繽紛～ Sour Bomb（$35） 材料用了檸檬🍋、西柚、奇異果、蜜糖、生薑， 酸酸甜甜，夠晒開胃～ Big n Small（$35） 西柚、香橙🍊、蜜糖、生薑， 味道甜中帶微酸，幾refreshing～ 精選和牛拼盤（$360） 有厚切牛舌、首爾牛肋條、牛後腹肉、牛小排，每款四件， 所有牛肉不經醃製，夠晒厚汁原味，不用蘸任何醬料都夠晒美味！☺️ 牛舌有差不多1cm厚，幼嫩多汁，好正呀！😋 好食到仲想追加。😂 首爾牛肋條油香四溢，口感有嚼勁； 牛小排和牛後腹肉雪花分佈平均，肉香軟腍， 牛魔王必定不可錯過！ 蜆（$58/份） 一份有十隻，個頭都幾大隻， 洗得乾淨無沙，海水味十足。 大帶子（$58/2件） 帶子即叫即開，連殼上陣，証明有幾新鮮！ 食落彈牙有嚼勁，鮮甜味美～☺️ 鹽燒雞扒配

今日同老公睇完戲，順便喺朗豪坊裏面食晚餐。 經過見到一間餐廳裝飾幾特別， 而且是新開的，就一於試下門口設置一個juice既櫃檯， 如果行過又想飲 ，可以take away， 又幾方便喎內裏光猛闊落， 樓底也相當高。 裝飾和擺設都模擬緊實驗室內， 當堂勾起我讀書年代嘅回憶。 一樽樽模擬嘅化學液體， 顏色唔同， 放置在架上，整到好真實， 真係幾有創意呢度主打係冇煙韓燒， 燒出嚟真係見唔到有煙，好神奇， 當堂唔會覺得烏煙瘴氣精選和牛拼盤我哋係牛肉控，牛肉是必食的。 當中包括牛肋肉，牛腹腔 ，牛舌和牛肩肉。 牛肉味好重，鮮甜之餘非常嫩， 當中無筋而且一啲唔韌。鰻魚鐵鍋炒飯 一粒粒冇骨嘅鰻魚跟炒飯炒在一起，味道好夾，份量好足， 再配上鐵鍋， 溫度可以保持耐熱d，非常惹味。韓式牛骨湯整條牛骨放在湯嘅中間，濃濃嘅牛骨味， 牛湯夠清甜， 火喉好足， 當中還有大量牛骨髓在牛骨中間，可以拔出嚟食，呢啲先係精華我額外叫咗呢杯嘢飲， 即叫即沖!當中有熱情果， 西柚，蘋果和蜜糖。 飲起上嚟，香濃既熱情果和西柚味好重，味道好夾，好鮮甜。 呢杯嘢比我想像中好好飲， 當堂也可以消下暑選擇非常多和特別，價錢也相對非常合

韓燒我整日都食，但lab 10呢間餐廳同其他韓燒唔同嘅地方就係一D都唔會煙霧濔漫。lab 10位於朗豪坊，但佢嘅價錢都好親民，菜式選擇又多，除了韓燒外，仲有傳統韓式食物可供選擇。由於唔想食咁多紅肉，我地今次主要都係以燒海鮮為主。叫了2客虎頭蝦，一共4隻，仲有1份帶子。主食方面就叫了一份鰻魚炒飯，韓式海鮮蔥餅，還有2杯特飲。虎頭蝦好大隻，燒完後唔會太乾，而且好鮮甜，每人食了2隻都唔係好夠。燒帶子連殼燒，所以唔會變乾瑶柱，火候控制得相當好，啱啱熟，好鮮甜。鰻魚炒飯估佢唔到咁好味，韓國餐廳估唔到有日式嘅鰻魚汁，鰻魚汁帶小小甜，炒飯好乾身，鰻魚份量好多，呢個炒飯非常有水準。海鮮蔥餅都好好味，帶少少泡菜辣味，好惹味，餅身煎得外脆內軟。呢間餐廳叫做lab10，佢嘅飲品就係經過無數嘅試驗後調校出最好嘅味道。我地揀左西柚＋香橙＋蜜糖＋生薑果汁同碟豆花沙冰。西柚香橙味道異常地夾，帶有少少薑嘅辣味，好特別。碟豆花顏色好靚，味道都好味，但比較單調。

用最新潮嘅玩法時尚嘅裝修無煙嘅效勞, 位於朗豪坊10樓。單憑外表已經知道係潮流嘅尖端， 好有期待期的一餐。精選和牛拼盤：拼盤包括有厚切牛舌，牛肋條，牛後腹肉，牛小排。可以用入口即用嚟形容牛舌每邊大概銷四十秒就可以進食。牛小排係我成個拼盤覺得最好食，牛味夠重，肉質夠鮮嫩，唔會有渣。好少接觸牛後腹肉用， 質感都算唔錯， 建議可以燒耐少少。鰻魚炒飯：飯底炒得夠濕潤，吾會太乾，份量亦都好大，連埋秘製汁撈埋鰻魚一齊食，口感非常之好。韓式牛骨湯：湯底清甜，好香牛油滲透入面，非常濃厚嘅牛肉味，食埋啲牛骨髓，蘿蔔亦都好淋，好夠入味 ，簡直係一個享受。熱情果+奇異果+香橙+蜜糖：一杯係一個特色飲品，自家製，奇異果味道相當突出，幾樣嘢加埋係夾嘅，仲有好多其他味道俾你選擇，飲完杯嘢覺得好健康。

現在旺角街頭少了街頭表演，所以行多了朗豪坊，見LAB燒烤好似幾特別，上網查一嚇，都很多正評，尤其是牛肉方面，及稱贊此店的無煙燒烤，所以與先生決定試嚇。整間餐廳給人一種整潔明亮的感覺，枱及椅令人感覺整齊舒適。枱上間開約4人一個嵌入式的燒烤爐及座位。我們要了牛小排$185。牛小排顔色新鮮亮麗，肥瘦分布得恰到好處，廚師刀工非常好，件件切得厚薄均勻，大小適中，我比較喜歡燒到七成熟，牛肉夠腍多汁，而先生則喜歡燒到八九成熟，牛肉稍為帶少少口感，但牛肉味濃郁及帶香口，真是非常推薦。牛肩肉$175。牛肩肉比雪花肥牛瘦小小，最適合現代喜歡食得健康的人，切得比牛小排長形少少，真是啖啖牛肉香，正。虎蝦$65。虎蝦2隻，蝦肉帶爽口，非常新鮮，如果多2隻就更好啦。八爪魚$65。八爪魚用2片青瓜圍著，十分有創意，味道雖然淡口少少，但都很香口。終於可以體會到無煙燒烤的體驗，原來爐的頂端有2排抽煙口，可以即時將油煙由爐中抽走，令室中空氣非常清新，設計者真是值得一贊。

放工去了朗豪坊行街街經過見到呢間餐廳做緊第二碟燒肉半價感覺上都幾抵，於是就入左去試下餐廳裝修走型格路線除左有燒肉之外，仲有其他韓國菜最特別係有不同配搭嘅果汁。。。。。。。。。。。。。。鹽燒厚切牛舌配青檸醬▸牛舌都幾厚切，幾爽口彈牙，再配埋個青檸醬汁，酸酸地幾醒胃，咁嘅配搭令個牛舌唔會咁漏😊。。。。。。。。。。。。。。首爾牛肋條▸賣相一般，但估唔到又幾好食喎，牛肋條都幾淋，亦都唔會好肥好膩，不錯😊。。。。。。。。。。。。。。韓式海鮮蔥餅▸煎得都幾香脆，主要配料都係蝦同蔥，個汁有點咸，記住趁熱食，唔係就會有點油。。。。。。。。。。。。。。Juice Lab Signature ▸果汁有不同嘅配搭，都幾新穎，試左Red Hot同The Flash，前者甜啲，後者酸啲，兩款都不錯😊