LAB10 (已結業)

去朗豪坊行街，經過見到一間燈光好明亮又幾麼登既 完全無諗過係一間韓燒店，因為一d油煙味都無，抽風系統非常好👍🏻 所以我地晚餐就決定係度食啦！我就叫左杯柚子芒果smoothie .味道甜甜酸酸 夠清新 ，十分開胃呢 仲幾大杯下！韓燒點少得韓燒呢，我地就叫左份牛小扒，一黎到 賣相覺得好令，色澤令 而且望落油花分佈平均，一睇就知唔係cheap牛，輕輕燒一燒已經好正，食落好十分軟 牛味十足！我仲叫左燒大蝦，d蝦非常大隻 差唔多大隻過我隻手，蝦肉燒完之後爽口彈牙，正另外蠔肉肥美，唔會有沙。呢度食完野都唔會成身油煙味，真係非常好啊！

朗豪坊又有新餐廳係值得一去既😛呢間韓燒打破左傳統 完全係零油煙 環境勁舒服又乾淨 唔會好油膩～文青到比較似cafe🤣打頭陣係🐮特級薄切和牛肉眼 $128店員話呢塊佢幫手燒呢個一塊上的薄切肉眼撈埋蛋汁食真係好過癮😍 🐷三色五花肉 $130三色係指生薑蘋果醬、生薑菠蘿醬、青檸醬三款醬汁各有特色，可以減低五花肉油膩感👍🏻 🐽柚孑黑椒豬頸肉 $98柚子非常清新，豬頸肉彈牙煙韌👍🏻 而且砌到成個玫瑰花咁🥩特製牛護心肉 $155牛護心肉喺出面餐廳好少見，肉味特別濃郁 🦐🐙大帶子$58 虎蝦 $65 八爪魚 $65推介帶子同虎蝦，彈牙到不得了吃得出鮮味👍🏻用料沒有馬虎唯一美中不足係，前菜類沒有免費提供😛想食既話可以叫我呢個👇🏻💛泡菜金字塔 (泡菜/辣蘿蔔/辣青瓜) $48最impress係飲品超便宜，賣相超美💓而且味道出乎預期的好，超refreshing✨Signature Juice類必選🍹⚡️The Flash $35 Passionfruit + Apple🍎 + Grapefruit + honey🍯Smoothie類必選🍼💣Explosion $35Strawberry🍓 + Peach 🍑

係朗豪坊逛完街想食韓國野，揀左Lab10, 6點幾都幾多人但好彩唔使等位，叫左鵝肝鐵鍋飯，生韓牛拌雪梨牛油果，韓式牛骨湯，慢煮牛面頰，韓式水冷麵，蜜糖生薑茶鵝肝鐵鍋飯熱辣辣，有3大塊鵝肝，每塊都幾厚外脆內嫩，最緊要無腥羶味，個飯底粒粒分明加埋燒汁好好味。生韓牛拌雪梨牛油果擺盤有心思，食時撈勻一齊食，估唔到生牛肉同牛油果咁夾，2種軟嫩帶油香既食物加埋雪梨既爽脆甜好味韓式牛骨湯比起我之前係mega box另一間韓式餐廳食既牛骨湯好太多，濃郁好多仲有牛骨肉，白蘿蔔都好入味慢煮牛面頰醬汁濃稠，牛面頰炆得好淋，帶幾件充滿膠質好好味韓式水冷麵既汁係冰，要等佢溶一陣先食會好點，如果唔係會比較淡蜜糖生薑茶薑味好夠亦夠甜，唔錯侍應都幾nice,環境裝修別樹一格，有別於一般韓式餐廳，枱與枱之間有一塊可移動既板隔住，有d似自修室食左幾樣食物都好味，下次要再來試下韓式烤肉。

今日行完朗豪坊，順道食個飯。見到有韓燒的lab 10好多人食. 就入左去食。一坐低，店員就立刻放低兩杯水。之後就話俾我知有優惠，只要叫肉叫到雙數碟數，雙數碟就有平價，逢第2,4,6,8,10碟都有平價，不過會計較平的。燒肉店當然要食肉🤤毫不猶豫揀左個特級和牛拼盤黎食有牛肋骨，成一大大舊肋骨原條上🤓仲有牛肩肉、西冷、M5 肉眼肉的數量都足夠啊，雪花分佈平均，食落口無咩根，啖啖肉不特止燒完都好嫩口。基本上唔駛調味，食番牛肉味先係最好食。另外再叫左個鰻魚鐵鍋炒飯。一上枱就要兜一兜，唔係會有飯焦。炒飯甜甜地，配上鰻魚粒，不錯吃。

今日出開朗豪坊果邊，就搵下有無咩好野食，行過10樓見到lab10有幾多人排隊，所以決定一戰！我地等左大概20分鐘就入到去。入到發覺喱到嘅設計好得意，佢係有長枱中間有啲間間住，都幾慳位，又可以保持顧客嘅私隱度，不錯。我地見餐牌都幾多野食，主打和牛，我地梗係有點啦。特級薄切和牛肉眼：一上枱，就見到和牛嘅雪花紋，好靚，已到已經流哂口水。值得一提嘅係可以請店員代燒喱個和牛。由於我地驚燒到哂左，所以就請職員代勞，職員服務態度好好，仲耐心同我地講解，值得一讚。和牛肉眼好淋身，好香。香蔥薄切牛舌: 喱個都幾好味，牛舌好爽，配哂啲香蔥簡直一流，如果再厚身少少就perfect 。都幾抵食，有好多塊。三色五花腩:三色即係配唔同嘅醬汁，有菠蘿，檸檬同醬油（唔係太記得）。五花腩好爽脆，好香，配檸檬汁啱啱好，唔會膩。但有少肥。韓式炒粉絲： 普通，有幾多配料，但略咸。Passion fruit soda:好好飲，好清新，可以解膩。Grapefruit soda:有果肉，幾好飲，不過passion fruit 正啲。人均消費大概300。

好耐冇行朗豪坊不知不覺又開咗好多新嘅餐廳呢間韓式燒肉門面都幾特別門口仲有飲品賣試管型嘅飲品襯返佢個鋪名可能早食飯餐廳仲未坐滿人八點就坐滿晒餐牌餐牌餐牌晚市有套餐揀而家做緊優惠叫肉類餐牌上面嘅食物兩碟平嗰一碟半價叫四碟就平最果兩碟半價如此類推因為想叫個四百幾蚊嘅特級和牛拼盤最抵嘅話當然係揀返個相近價錢嘅野所以就叫多左個四百蚊嘅韓國1++牛柳半價左二百蚊就得脆香芝士炸雞小食叫咗個芝士炸雞六十幾蚊份量都幾多炸得好鬆脆好食特級和牛拼盤分量都幾足幾抵食上菜嗰時侍應會每一種肉都介紹一次幾細心拼盤一共四種肉肉眼西冷牛肩肉各四塊牛肋骨連埋骨一齊上全部都走晒油花正韓國1++牛柳賣相唔係好吸引不過啲肉都幾林仲叫咗杯果汁飲可能因為有熱情果嘅關係杯野調校得甜左少少食燒肉最緊要係火候侍應幫你着咗個爐之後燒啲肉嗰時記得熄番細啲個火如果唔係燒到外面熟晒裏面都仲係生嘅

見到門口有個juice lab, 仲以為成間野都係賣果汁, 好奇心驅使底下行埋去睇先發覺係食韓燒, 但竟然完全冇油煙味😨咁靚既裝修同格局真係食韓燒架咩🙈真係架冇呃你..難以置信特級和牛拼盤 - $438有4款肉, 分別係韓式牛肋骨牛肩肉M5 西冷M5 肉眼d 肉既油脂分佈平均, 色水一流👍燒起上黎唔洗太熟就食得, 燒既時候唔好反黎反去, 咁先鎖到肉汁嘛😍香蔥薄切牛舌 - $125因為同行友人非常喜愛食牛舌, 貪佢薄得黎又爽口, 爽口得黎又有牛香, 配埋香蔥一齊燒, 有效減去肉膩感韓式豬皮 - $88韓燒點少得豬皮呢😍慢火慢慢燒, 燒到必晒d 豬油出黎, 最後食落係外皮香脆, 好有嚼勁👍👍Coco (左) - $35Big n Small (右) - $35門口外面有得獨立賣野飲既juice lab, 紅色既係由椰青水, 青檸, 西瓜, 蜜糖溝成,橙色既係西柚, 香橙, 蜜糖, 生薑溝成, 唔會太甜, 但用左新鮮生果榨汁而成, 配埋生薑非常特別👍韓式鐵鍋飯 - $78每款配料都擺得好整齊, 好有美感, 外觀贏晒😂有左外在美, 自然吸引到你食, 內涵既味道亦不俗, 鐵鍋夠熱所以底部有飯焦好

同朋友過黎旺角行街，順便食餐便飯，行左好耐都諗唔到食乜，見到呢間Lab 10裝修好似幾特別，於是就試下。佢地個Menu望落都有好多選擇。由於最近食得太多肉Ge關係，都唔多想叫太多肉類了，唯有留待下次再試啦!燒肉方面我地只係叫左2款，包括:1. 三色五花肉 $130呢款五花肉用三款醬汁，包括菠蘿汁，青檸汁&蘋果汁，放落燒果陣，醬汁滲落豬肉，吸哂D醬汁味道，十分滋味!2. 韓式梨汁牛五花 $115個人十分喜歡這款牛肉，牛肉切得非常透薄，加上梨汁落去爐上輕輕一燒，咬落去有淡淡的梨汁甜味，令人想一試再試!我地仲另外叫左2款食物 ...3. 韓式海鮮蔥餅 $65呢款反而無乜特別，但厚度適中，而且煎得好脆，都尚算不錯!4. 韓式牛肉炒粉絲 $85好少食到咁好味的粉絲，粉絲炒得夠彈牙，唔會太淋或者太硬，配上紅椒黃椒和牛肉，成碟味道好豐富!飲品方面我叫左杯 Red Hot $35呢杯飲品係用蘋果，士多啤梨，西柚同蜜糖整成，成杯野橙紅色好靚..飲落有淡淡的士多啤梨味同蘋果香味，感覺不錯!總括黎講呢間新開韓燒店質素都算唔錯，特別在佢地裝修偏向白色，有別於一般GE韓燒店! 值得一試!

朋友生日 之前見到有報道介紹韓牛 心思思想試下最後揀咗去朗豪坊Lab10 一入到餐廳 裝修很cyber 都幾特別主角當然係韓牛啦 叫咗最靚嗰set 這個應該是比較抵食 有三個不同的部位 韓牛西冷 韓牛肉眼 韓牛牛柳全部係1++全部都係厚切 油脂分佈得非常均勻 我每邊燒咗大約十秒 一啖咬落去第一個感覺係 好重牛味嘅油香 肉身 好juicy 一路食嗰陣 可能因為係厚切 好有口感的確係將其他牛都比下去 我都係第一次食韓牛咋 好好食其實我覺得就咁燒 唔需要點醬就咁食都好好食如果想夠味啲 可以放少少喺碟邊嘅鹽落去一齊燒韓式牛肉粉絲都好好味 味道較濃 啱曬我總括而言 如果要追求最高質嘅享受 這個的確不錯

平時去親烤肉店都好大油煙，今日呢間新開既店，乾淨企理之餘抽風仲出奇地好，食完都唔會成身油煙味枱與枱之間有磨沙屏風隔住，同朋友黎食都可以保留私隱度。另外值得一讚既係店員換勞網換得好密，啲食物唔會被鑊撈痴到黑色一點點。三色豬五花 $130三色既醃料配番相應醬汁，左起：青檸味、蘋果味同菠蘿味上枱既時候除左醬汁外，豬五花本身亦有醃料醃住的。烤至逼曬啲油份出黎，再擺多陣至微微脆邊，份外香口三款醬汁各有特色，青檸酸酸甜甜，醬汁較為薄身，偏向「汁」既質感。蘋果醬汁有果蓉，較稠身，偏向「醬」既質感。個人最喜歡蘋果，同五花味道最夾。菠蘿係最fresh既，同樣都有果肉，食落清新啲、健康啲。生菜 $28食烤肉又點少得清甜爽脆生菜呢~ 佢係好重要既配角黎咖！呢度既生菜洗得夠曬乾淨，切曬菜頭，而且嫩綠新鮮。看似毋須煮食技巧既生菜，其實唔係間間餐廳都有用心處理好。之前經歷過唔新鮮黃曬邊既菜、有菜蟲、唔摘菜頭等等。所以一間餐廳好定唔好，就係要留意呢啲細節位特級和牛拼盤 $438左起：牛肋骨、牛肩肉、西冷、肉眼最香口-牛助骨最有肉味-西冷最鬆化-肉眼和牛拼盤可以一次過試四種部位，我最愛既係肉眼，夠曬鬆化。整體黎講和牛

每次係旺角行街行到累。就會去朗豪坊穩間餐廳坐低食下野傾下計。今次搭電梯上到最頂，行反落黎睇下有咩餐廳係門口見到衣間lab 10有果汁bar. 又係食韓國野！又無乜人禁就入去試下先叫2杯果汁 檸檬，西柚，奇異果，蜜糖，生薑$35$衣個價錢用生鮮水果重有5樣種類士多啤梨+ 香桃smoothie $35顏色勁吸引，好香桃味2款水果都水好新鮮韓式海鮮蔥餠$65厚薄同口感好似pancake，但比較鬆散海鮮有蝦同尤魚，分怖都好平均！唔會一件只有一隻蝦當然唔會小得有醬汁啦人蔘雞湯$118上枱好香人蔘雞味，好足料，成個碗禁大既雞胸但好杰身，好似糊仔粥禁！飲完立刻覺得好補禁！韓式水冷面$75醋係另上的，鐘意呷醋既我落左好多份量唔係好多，但2個share食差唔多了面底都煮得好冧！豆腐泡菜湯$78飲完個雞湯唔夠喉同埋係openrice見到好多人飲衣個湯，就叫黎試下，上枱時個湯重係滾梗辣辣地，下次最好都係飲左衣個湯先食其他野，禁會開胃d

Lab 10位於朗豪坊的10樓，門面光潔亮麗。裝修以白色為主，配襯黑色的枱面石和大量的磨沙鋼材，乾淨之餘，亦有一點Cyber的感覺。枱與枱之間裝有屏封，私隱度不錯。西柚梳打 $28杯子的設計很漂亮，飲品像懸浮在裡邊。西柚梳打帶微酸，而且有少量果肉，很清新！Goldcoast Smoothies $35由芒果和香桃組合而成的黃金海岸賣相很不錯，有漸層的感覺。味道很濃郁，兩種水果的味道非常配合，正！泡菜豬五花漢堡 $88三個小漢堡，伴薯條。小漢堡餡料的份量也不算少，包有輕輕的烘過，帶一點脆身；泡菜和五花肉是絕配，帶微辣之餘亦可解膩；而生菜就為整體帶來了一點清新，很好吃的小漢堡！鵝肝鐵鍋飯 $168份量十足的鐵鍋飯，熱騰騰地送到。鵝肝很厚身，煎至金黃色，味道濃郁，內裡充滿了油香，非常滿足！炒飯也很香口，加點醬汁再伴匀，味道更佳。三色豬五花 $130黃色的是菠蘿生薑口味，啡色的是蘋果生薑口味，半透明的是青檸口味。抽氣口就在爐的旁邊，做到無煙燒肉的效果，烤完肉都唔會攪到成身都係味，的確唔錯。個人最喜歡蘋果生薑口味，蘋果清甜味令豬五花的油香添上一點點的清新感覺，無論點燒肉汁定係辣醬，都一樣咁好食。

今日去朗豪坊行街，晚餐上咗去10 樓搵食，無意中見到有間好有型既食店 - Lab 10 , 環境舒服又乾淨，於是一家四口 （2 大2 小）就快定係度開餐😋 特級和牛拼盤 - 韓牛肋骨，牛肩肉，M5 西冷 ，M5 肉眼 ！ 拼盤附有海鹽，將牛肉沾上海鹽再燒，令牛肉更惹味。牛肉質地夠”諗” ， 又夠香，完全晤覺"漏" 👍🏻👍🏻😋燒烤唔洗落油，而且係無煙既，所以D食物唔會太油腻，食完D衫都冇咁大油煙味 ! 韓式鐡鍋飯 - waiter 會比支韓國辣招醬，自己落醬，多少自己控制。肉就只有幾片肥牛，主要係蘿白絲，芽菜，泡菜等素菜。味道ok 但冇特別驚喜。韓式海鮮蔥餅 - 有大隻蝦，洋蔥和蔥。好香口，有口感，帶比我驚喜 😉卡邦尼年糕 - 不過不失 JL02 Captain Lab / JL06 CoCo總括黎講： 我會下次再幫襯試其他菜式，但一定會食燒烤牛肉 😋今次四人，埋單$800 頭

文青風嘅韓燒🌵環境以白色簡約為主✨同一般韓燒好唔同▫精選和牛拼盤 (HKD 360)厚切牛舌超爽口😻首爾牛肋條已調味咸咸地🐮牛後腹肉同牛小排都好鮮嫩😋配辣醬好好味⠀▫ 海鮮🐚大帶子(2隻HKD 58) 蜆(HKD 58) 生蠔 (3隻HKD 58) 都不錯👍🏻特別係蜆肉超級鮮甜🤤而且完全無沙 不過小心爆開時彈咗啲殻同海水出黎🤣⠀▫Red Hot (HKD 35)蘋果🍎士多啤梨🍓蜜糖🍯西柚🍹飲落好fresh🍃

尋日黎到旺角朗豪坊買衫，之後順便食埋飯～見到好似有間新開既韓國野，又好似好耐都冇食過，一於去試下。同朋友一人先點一杯野飲，Lab 10 既果汁都幾平，即點即攪只需$35，仲要有四款生果攪的～我們分別 sour bomb (檸檬、西柚、奇異果、honey、生薑) 同red hot (apple, strawberry、honey、西柚)飲落清新,健康!!之後就叫左主菜，韓式牛肉炒粉絲～彈牙既粉絲混搭了紅，黃，青椒跟牛肉，賣相吸引，食落好香又飽肚！接著就係燒肉同燒海鮮既時候！燒肉叫左牛肩肉，牛肩肉都幾厚身，放入爐燒一陣，點上醬汁，牛肉味濃又香口！！另外燒帶子同魷魚，帶子好juicy ，而魷魚又香又脆，真心正！下次會黎再試其他野=]