影片
更多
2018-10-23
22 瀏覽
好耐冇食韓國燒烤～記得以前好鍾意去食平民化啲嘅韓國燒烤，漢x苑果啲～之前經過朗豪坊見到有一間白色好明亮嘅新餐廳～原來係食韓式燒烤同埋juice bar pairing! 佢外面仲有得外賣綜合水果汁飲～餐廳格局以小清新為主，主要係白色和少少樹木作點綴～講到明係食韓燒，應該好大油煙啦～入到去估唔到係一絲油煙都冇！其實唔講仲以為係西餐廳tim啊～而牆上的Where's The Food燈好當眼，就咁睇都好eye catching以為係粗口XD因為時間尚早，所以唔駛等位，侍應安排咗二人位俾我，不過因為我拎住一袋二袋唔夠位放所以侍應比咗個大小小嘅位置我！呢樣值得一讚～menu有和牛拼盤和一些燒肉，仲有啲韓式料理可以選擇～佢有個menu係韓式燒肉+ juice pairing，睇落好特別～不過今次嚟係想做食肉獸所以就叫咗特級和牛拼盤～特級薄切和牛肉眼同埋韓式水冷麵本來唔諗住叫嘢飲但係諗諗下韓國嘢配佢既果汁好似不錯，所以點多杯 Red Hot配燒肉～Red Hot 係蘋果士多啤梨西柚汁加蜜糖～個配搭好開胃又不失甜度！成杯都比較重蘋果香，加返啲西柚汁又好醒胃可以幫助消化同一時間有蜜糖又好啱食燒肉太熱氣
餐廳格局以小清新為主，主要係白色和少少樹木作點綴～講到明係食韓燒，應該好大油煙啦～入到去估唔到係一絲油煙都冇！其實唔講仲以為係西餐廳tim啊～
而牆上的Where's The Food燈好當眼，就咁睇都好eye catching以為係粗口XD
因為時間尚早，所以唔駛等位，侍應安排咗二人位俾我，不過因為我拎住一袋二袋唔夠位放所以侍應比咗個大小小嘅位置我！呢樣值得一讚～
menu有和牛拼盤和一些燒肉，仲有啲韓式料理可以選擇～佢有個menu係韓式燒肉+ juice pairing，睇落好特別～不過今次嚟係想做食肉獸所以就叫咗特級和牛拼盤～特級薄切和牛肉眼同埋韓式水冷麵
本來唔諗住叫嘢飲但係諗諗下韓國嘢配佢既果汁好似不錯，所以點多杯 Red Hot配燒肉～
Red Hot 係蘋果士多啤梨西柚汁加蜜糖～個配搭好開胃又不失甜度！成杯都比較重蘋果香，加返啲西柚汁又好醒胃可以幫助消化同一時間有蜜糖又好啱食燒肉太熱氣可以中和下！
話咁快特級和牛拼盤就到咗啦～都幾多塊牛肉～每款至少有4－5塊同埋好厚切！分別有M5西冷，M5肉眼，牛肋骨 同牛肩肉 ~侍應好快幫我哋手開咗爐，等一陣就可以燒啦！
不得不提呢個燒爐個設計係好快就吸走晒啲油煙，除咗燒肉啲火之外基本上完全見唔到任何油煙～！
佢啲牛肉紋理分明，每塊肉嘅厚度都差不多，師傅切牛肉刀功應該有返咁上下～西冷非常軟熟～牛肩肉相比之下冇咁多脂肪，感覺唔會食太多肉而飽滯～肉眼比較大塊，食落有趙口！比較特別係有原條牛肋骨 ！我哋唔識燒所以問侍應，侍應都幾內心解答係慢慢細火燒然後可以用刀叉切牛肋骨上面啲肉食～牛肋骨啲肉比較爽脆～其他啲肉我普遍燒五成熟左右就夠了！半生熟嘅牛肉可以有啲牛汁出返嚟成個口感都順滑一點。和牛拼盤會和一籃生菜一起上～生菜新鮮爽甜，和生菜一起食又感覺清新好多！
另外每人枱面都有一碟調味醬～甜豉油和韓式辣醬～我覺得啲肉已經本身好味都唔點醬都已經好好食！
特級薄切和牛肉眼非常大塊！不過真係好薄切~由於燒呢一塊肉眼要經過特別訓練，所以我哋只係等食就可以～侍應首先會用一舊牛嘅脂肪去塗滿整個燒烤架為防痴肉～然後較大啲個火就快速放塊薄切和牛肉眼落去數十秒燒然後放返上碟！成個過程好似睇表演咁！仲真係有火花燒出來～！
和牛燒得剛熟，入口即溶好好食！而且侍應手勢好好，和牛好大塊好滿足！加埋佢哋個由泡菜碎加生嘅新鮮雞蛋混合而成嘅泡菜金字塔醬非常惹味～
最後以一個韓式水冷麵作總結～食完比較油嘅燒肉，配搭返一個清新水冷麵就最好～呢度水冷麵個份量都唔少，仲配以新鮮蕃茄同青瓜絲！令到個麵更加清新！不過最值得一提係佢個上湯，非常香濃嘅牛骨湯！佢好有誠意咁靚冰都係用牛骨湯嚟做！唔怕啲冰溶咗就會溝淡個味道！呢個食完真係好食到要飲埋啲湯佢！
另外原來fb打卡+ share佢哋指定一段video可以有第二碟燒肉半價！嘿嘿，真係好抵食呢！
張貼
