LAB10 (已結業)

韓牛燒烤來來去去幾間連鎖店，但係模式、格式都好相似，又比較油煙，最近食咗朗豪坊嘅一間韓牛燒烤，無論裝修同形式上都有啲新鮮感，比較光猛，又冇咁大油煙，食完個身都唔會一陣味。位於朗豪坊10樓嘅呢間Lab10，主打韓牛燒烤，亦有供應澳洲和牛同埋其他韓式食品。我哋兩個人，人均要幾百蚊，雖然唔算太平，但質素都唔錯我哋叫咗兩份套餐，一份$198另外一份$438，已經包括左韓式同埋澳洲M三和牛，有唔同嘅部位，例如厚切牛舌，牛肋骨同牛肋條，西冷，牛板腱同牛小排等等。唔同部份當然口感，味道都不一樣，自己最喜歡牛肋骨，牛小排同牛板腱。呢份係198嘅牛牛板~呢份係特級和牛拼盤，係澳洲M5和牛~牛肋骨有咬口之餘，牛味亦較濃。牛小排肉質較嫩，口感軟熟。牛板腱比較大片，整片放入口大啖食，又夠腍身，滿足感大配埋杯水果沙冰，解下熱氣同油膩感，爽YY。

番工就等lunch，lunch完就諗晚飯食乜，揀左朗豪坊呢間燒肉店，我諗好多人都好似我咁，有睇過佢地果個套餐嘅介紹。餐廳就喺10樓，面積唔算話好大，訂左位準時入座。我地被安排到最角落嘅位置，同一般韓燒唔同，佢地主要係長枱，用長方形烤爐，主張無煙韓燒，咁的確係比一般燒肉店冇咁大煙我地坐得比較入，店員有時會留意唔到，不過值得一讚，有位店員嘅服務特別好，特別細心。推廣嘅二人餐有兩款，包括198同388蚊，有七個部位嘅牛肉。牛肉拼盤有三款：特選和牛/特級和牛(M5)/1++韓牛，價錢係360/438/780。當然比較彈性可以選擇單點；仲有豬肉、雞肉、海鮮類等。驚燒肉單調，佢地仲有一般韓式料理例如拌飯、冷麵、年糕、薄餅、湯類睇左menu，一心為果個套餐而來，都唔洗多考慮，咁我地再另外加左一份拼盤同料理，就已經夠哂食。枱面已經有一碟醬汁，唔夠可以問店員拎。二人份量牛牛板 198：七款牛肉包括厚切牛舌、韓式牛肋條、牛後腿、一口牛、特級牛小排、黑牛牛板腱同安格斯西冷。牛舌厚身，好有彈性西冷有少少脂肪，好容易燒，有少少海鹽咁，幾好食。牛板腱比較大塊，燒一陣就食得，有肉香。牛後腿味道都唔錯，肉味濃；牛柳粒

天氣凍又唔想打邊爐，好自然諗起食韓燒。朗豪坊有間燒肉店，聽講最近有個 Set 做緊 宣傳主打幾抵食，於是搵左一日放工就同 fd 一齊過去試下。呢家店用上新派佈置，店內以白色，綠色同黑色做主色。入到去好有新鮮感，而且環境好乾淨舒服。而最特別係呢度賣點係無煙韓燒 ! 有食過韓燒既朋友一定知，食完行出去件衫一定會有一陣燒烤味，但呢間既爐用上一個特別設計，油煙係唔會散離爐範圍 ，直接係爐邊就被吸走了 ! 我地坐低左，就叫左呢個招牌牛牛板，$198 食齊七大部份 : 牛舌，牛肋條，安格斯西冷，牛後腹，一口牛，特級小牛排，仲有牛板腱 ! 都幾大份下。每隻肉都有唔同既口感，而我最  Like 係安格斯西冷 & 牛肋條 ! 有牛味，好軟熟好入味。其他部份脂肪較少就比較有咬口，正 !我朋友怕唔夠，又叫左份牛脷 ，仲有韓式炸雞。個炸雞好有驚喜 !外脆內超多汁 ! 真係炸得剛剛好，好香口 Yummy ! 真心推介 ! 牛脷味道好淡，要點汁先食。今餐真係食肉食到飽 !!好滿足 ~ 一定會再來 Encore ! 唔知佢呢個Set 做到幾時呢 ? 

今日同男朋友出街，本身林住去食咖喱飯🤫，結果係街邊見到宣傳單張，D野食又好似好好味甘，所以就上左去😂🙈。餐廳ge環境比我想象中好好多，真係好彩可以見到單張ge出現✨今次我地叫左三樣野，脆香芝士炸雞，韓式鐵鍋飯，同埋韓式牛肉鐵鍋炒飯，仲有蘋果蘇打同柚子蜜，不過可惜只係影左一樣，因為我後知後覺，食緊頭兩樣之後先發覺唔記得影😂不過都等我為大家介紹呢樣啦韓式牛肉鐵鍋炒飯 $68呢個韓式牛肉鐵鍋炒飯大概有1碗飯多D ge 分量對於女仔黎講應該好夠 甚至有多，啱曬對韓式餐廳有興趣ge女仔外貌：飯粒粒分明，用蔥花點綴成個飯，令個飯ge顏色唔會過於單調，反而充滿簡約美。但係如果可以將個鍋邊ge飯再集中係飯四周，食物上ge色就滿分啦味道：大家最緊張當然係味道啦，大家都知道韓式少不免係有辣野，而個飯就唔多辣，老少鹹宜，但係就有D鹹，或者可以再試下放少D調味料，甘就更加好啦下次再去會再影多D相架啦（不過希望我會記得啦😂😂🙈）

朗豪坊10樓嘅韓式燒烤店，話係無煙燒烤，環境又整潔，真係要嚟感受吓。 餐廳主要用白色佈置，感覺素淨優雅，最奇怪係真係每張枱上面都冇抽氣扇，但燒烤時真係好少油煙，燒完晒全身都冇咩油煙味，點抽風架呢? 餐牌好多都有相睇，簡單方便。 即係叫嘢食先。【韓式人蔘雞湯】有兩片菇喺面頭，幾得別。 雞肉燉到好腍，入口即溶嘅感覺，連皮同骨都輕鬆分開。 不過雞味同人蔘味都唔算突出，一般。【濟州三色豬五花】 有三種口味，每種三片嘅五花肉已經預先調好味，伴以三種醬汁：生薑蘋果醬、生薑菠蘿醬、青檸醬。 五花腩燒起嚟油脂豐富，配以三款酸酸甜甜嘅醬汁，真係好正。 最好食係黃色嘅生薑菠蘿醬，味道好特別，清爽得嚟又有少少似啤酒嘅味道。 【牛牛板】一大塊牛牛板，賣相好吸引。 由頭部位置順時針數起： 厚切牛舌、安格斯西冷、黑牛牛板鍵、特級牛小排、嚴選一口牛、嚴選牛後腹、韓式牛肋條。 牛舌好厚切，夠晒滋味。特級牛小排睇見已經知靚，一路燒一路滲出牛油香味，入口鬆化。一路燒個網同爐邊都仲好乾淨，燒烤唔駛滿身油煙真係好！

今日放工陪女兒往朗豪坊購物，行到10樓見到一間食韓燒店，名ab 10,裝修設計時尚，女兒一向是韓國迷，一發現有韓國餐廳，一定要試試，今晚也不例外，立即取籌等位入座。一行行的座位，每枱都有小屏幕隔著，客人有自己的空間。設計不錯！店內採用無煙燒肉，油煙大部分由爐的周圍抽走，所以店內沒有油煙味！秘製豬護心肉：肉質鮮嫩，用秘製醬料醃製過，口感爽口又入味！鹽燒雞排配青檸醬：雞肉好新鮮，燒熟後皮脆肉嫩，點些青檸醬汁，味道帶點酸。不錯！脆香芝士炸雞，除了燒肉，還有熟食選擇，炸雞外層脆口，肉質鮮嫩，芝士十分惹味，還配有沙律醬。鳗魚鐵鍋炒飯：熱騰騰的鐵鍋盛戴著鰻魚炒飯，鰻魚切粒，飯炒得粒粒分明並加有鰻魚汁，食時撈均勻一下，又香又惹味！韓式鐵鍋伴飯，同樣以鐵鍋盛載的伴飯，用料有豬肉、泡菜、菠菜、紅蘿蔔絲、芽菜和煎蛋等，另外侍應會給我們一枝韓式辣醬，憑著自己接受的辣度加入辣醬，之後伴勻鐵鍋內的材料和飯。一鍋熱騰騰的伴飯味道香辣，好好味！

之前經過能朗豪坊見到呢間新開嘅韓式燒肉店一入到去見到呢間餐廳好靚！！入到去就好似去咗韓國啲餐廳咁～裝修係簡約風格！絕對係打卡位！我都係因為咁樣所以吸引咗入去食～～～至於燒肉質素方面， 我覺得係幾高質嘅，雖然分量呢就比較少，食完會唔夠飽，但係啲肉入口即溶， 所以值得一試！

晚上約友人在旺角吃飯，沒多想就約在朗豪坊見到，想到這裡選擇多。在網上看到朗豪坊新開張了這家韓式燒肉店，評語不錯，所以想試試。他們的座位設計感覺時尚，用對座方式，感覺空間感大。店內使用明火燒烤但油煙味不算大。餐廳的菜色也蠻多的，有一般的韓國小菜也有不同的肉類可以選擇。特級韓牛拼盤包括有韓式牛肋骨，M5牛肩，西冷和肉眼。韓牛肋骨油脂豐富的部位，看下去脂肪紋理分佈平均，吃下去充滿肉汁肉質鮮嫩。M5西冷油脂分佈比較多，入口即融。M5牛肩口感爽滑有嚼勁，肉質較結實的部位。M5肉眼：一整塊大大的雪花肉 ，肥瘦相間，肉質有口感。三色豬五花以3種口味餣製，包括有: 青檸醬,生薑菠蘿醬和生薑蘋果醬。五花肉本以為比較肥膩，但燒烤後相反變得爽口，加上醬汁令肉十分清新。外面還有juice bar，有新鮮生果汁作主打，燒肉加上果汁十分新鮮。

旺角朗豪坊餐廳越多越多樣化，通常到旺角逛街的我都會選擇這裡吃飯，有西式有日式的很多選擇。這天剛好走到了這一家餐廳，外表帶點文清風，仔細一看才發現原來是韓式烤肉店。店裏採用的抽風爐很強力，店裡比一般店少油煙，比較清新。餐點有不少選擇。第一份生菜和醬料是免費的，如要追加生菜則要收費囉。特級韓牛拼盤包括有韓式牛肋骨，M5牛肩肉，M5西冷，M5肉眼，看到那色澤和油脂分佈，實在質素不錯。韓牛不會過肥，較有嚼勁，而且牛味比較濃郁。特級韓牛拼盤中的牛肉只以鹽、黑椒輕輕調味不經醃製，更可吃到肉的原味。M5牛肩肉的脂肪比較少，肉質較結實，口感爽滑而有嚼勁。牛肋骨油脂含量豐富，肉質鮮嫩。M5西冷和肉眼的油脂分布均勻，好吃。水泠麵 帶有清新的青瓜絲和冰凍的冷麵，最適合陪著燒肉吃。最後店還會送一份燒菠蘿，很貼心呢。

同朋友係旺角行街，因為係星期日晚上7點多，其實好多餐廳都好多人同飽滿，朋友好貼心原來早早訂左位，話要去【Lab 10】試下無煙韓燒既體驗。好彩有訂位，因為7點多都已經座無虛席。平時去韓燒餐廳第一下既觀感係好大油煙味，但呢到一入黎就無咩太大既煙燻味，證明抽風系統做得唔錯，抵讚望望個MENU，款式都多，睇到花多眼亂，但因為唔想再諗，決定食個2人份量 HKD 198就可以了。牛牛板有七個牛部位既牛肉拼盤，包括有「厚切牛舌、M5黑牛牛板腱、澳洲西冷、韓式牛肩肉、嚴選和牛牛助、韓式牛大腸、特級韓牛牛脊」，其實如果唔望住個MENU真係唔知邊到打邊到牛肉既色澤都唔錯，我諗應該唔係光既問題，澳洲西冷牛味濃郁，油脂豐脥，而肉質好柔軟，牛魔王必試架！厚切牛舌、牛大腸就食過返尋味，可以係咁咬。其他都唔錯!佢仲有D 蔬菜係底，食埋感覺上無咁油膩同健康D。不過因為真係唔夠飽，決定叫左個海鮮大酱湯，咁凍冰冰既天氣下飲番個湯暖暖身就岩晒啦，酸酸辣辣既韓式辣醬湯，味道濃郁，辣辣既口味令人越飲越過癮，配合大蝦，魷魚，真係好開胃，而且價錢唔貴都係HKD 78 就有足料既海鮮大酱湯。

呢排有啲嘢做 逢星期六都今日行過朗豪坊附近 收到呢張傳單 話10樓開咗間韓式無煙燒肉餐廳😯 午市套餐仲好似幾抵咁 試下無壞🤓未入門口就見到三個女仔 啱啱食完行出嚟 迎面而來講真係聞到佢哋有燒肉味嘅😂 但鋪頭以白色為主調 感覺光猛企理 單憑肉眼睇的確無油煙大嘅感覺👀 另外二人細枱之間都會有塊板隔住 唔使睇到人哋食乜嘢都幾好嘅 私隱度高啲 但就有少少似探監😂果然午市套餐真係幾抵 價錢平均係五十幾至八十幾之間燒肉貴少少 但都係合理價錢🧐 我諗諗吓其實唔想食燒肉 (都無牛角飯!😂) 就叫咗個$48嘅泡菜豆腐配熱柚子茶 第一下見到個泡菜豆腐鍋嘅時候 我覺得都幾齋 睇落好似剩係得青瓜同埋豆腐咁 而泡菜都同平時香港最常見嘅嗰種 比較酸嘅大白菜唔一樣 係綠色啲嘅同埋冇咁大塊嘅醃菜撈一撈個底 原來有驚喜 其實係幾足料㗎喎😂 原來有成三四隻蜆 又有少少細嘅豬肉粒 又有烚蛋 原來係我怪錯咗佢😂 味道都係預期之中 合理 收貨收貨最後埋單連埋加一$53 可能平過樓下food court🙊 重點係夠足料 糧尾嘅朋友🙊🙊🙊 不過無煙燒肉呢個gimmick 我就唔係100%認同喇😂

純潔的淨白配上時代感的銀色裝潢，感覺是一間韓式的個性餐廳，好奇為何沒有半點油煙，發現原來個爐附近有抽風位，一邊燒，一邊抽風，油煙不會焗在餐廳裡。點選了燒牛拼盤，有M4及M5的西冷扒、肉眼、牛肩肉。每款都有不同的口感。 先燒肉眼和西冷，肉味濃又軟淋淋，肉質好，不用燒太耐，五成熟就剛好。牛肩肉是我的最愛，肉質嫩，肉汁濃，用大火先燒兩片，鎖住了表面，令內裹肉汁鎖得更好。五花豬肉亦很有特色，切得厚薄適中，燒好後包著生菜食，菜的清新中和了肉膩。果汁選擇多，解解燒烤的口渴，鮮果汁真材實料。

朋友相約於旺角見面， 我們於商場內逛了很久，也到了晚飯時間。 朋友便安排， 一同進餐， 這次選擇了韓式餐廳。餐廳主打韓燒，當然我們也點了一份。無煙韓燒牛牛板，食足牛牛的7大部份。內含二人份量厚切牛舌，安格斯西冷，黑牛牛板腱，特級牛小排，韓式牛肋條，嚴選牛後腹及嚴選一口牛。 食物味道方面店舖自家醃制絕對原汁原味味道可口加上食物素材用料新鮮令到食物整體更加昇華。Sour Bomb，果汁內含檸檬，西柚，奇異果及蜜糖。 入口清新怡人，性價比極高。下次再嚟食過，果汁是必須點的。

趁著天氣繼續有點凍，心血來潮約朋友去旺角逛一逛然後來一個燒肉燒一燒!放工趕去旺角，才想起旺角人流很多，食店都非常多人，沒有預先訂位實在很難找到餐廳。沒想到，好友原來早已訂位! 太貼心了。訂了位於「朗豪坊」10樓的一間餐廳【Lab 10】。介紹呢間係rating都有返咁上下既【Lab 10】，【Lab 10】係一間主打燒肉既韓國菜餐廳，餐廳只有旺角店一間，無其他分店，黎到「朗豪坊」上到10樓就搵得到，非常易搵。既然開得係主線商場既「朗豪坊」，無返咁上下人流點得呢，未到7點已經坐滿一枱枱既食客，都無辦法吧，訂了位都要等左大概10-15分鐘先可以入座。餐廳以白色為主，加上光猛既燈光營造一種清爽既感覺，抽風系統也做得唔錯，抵讚，無論入到黎至離開都唔會有太大既煙燻味。上網見到話必點和牛拼盤，見佢有套餐係做緊優惠，就優惠叫一點，餐牌內又點一點，入面有「秘製護心肉、帶子、生蠔、人蔘雞湯、鵝肝鐵鍋飯、芝士炸雞等等！」直接入正題吧...牛牛板(2人份量) $198搖搖板都玩得多，唔知牛牛板你又食過未呢，牛牛板其實就係我地今日既重點，足足有七個牛部位既牛肉拼盤，包括有「厚切牛舌、黑牛牛板腱、安格斯西冷、韓

旺角，一個集吃喝玩樂的地方，今日與朋友逛完街、看完戲，便去朗豪坊上面找個地方吃個晚飯，大家見到一間韓國餐廳，裡面有燒肉、有石頭鍋飯、韓國薄餅等，食物款式多樣，價錢又合理，想不想便就入去搵位。看了餐牌，點了脆香芝士炸雞、和牛肉醬芝士薯條、海鮮大醬湯、特色和牛拼盤、濟州三色豬五花、韓式鐵鍋伴飯。和牛肉醬芝士薯條－薯條炸得脆卜卜，芝士鋪滿芝士，邪惡得很。脆香脆芝士炸雞－雞件外脆內嫩，嫌芝士不夠，可以點附上的芝士醬。韓式鐵鍋伴飯－鐵鍋熱辣辣，賣相美觀，配餸豐富味美。特色和牛拼盤－共四款，有牛肋骨、M5肉眼、M5西冷、M5牛肩肉，四款中至愛牛肩肉，不但牛味濃郁，而且相當軟腍。濟州三色豬五花－三色指薑、醬汁和黑椒三個口味，豬味十分突出，連脂肪也燒得卜卜脆。