LAB10 (已結業)

上星期日響朗豪坊行街，有朋友想食韓燒，於是上網睇下附近有乜好食，發現左呢間韓燒Lab 10。四個人總共點左七份食品。前菜點了煎餃子，泡菜湯，韓式牛肉炒粉絲，韓式鐵鍋飯煎餃子肉餡豐富，肉汁鎖在餃子裡，配合少量醬油風味極佳。泡菜湯用石鍋上菜，保持上菜溫度，湯不會太辣，內有大量硯，泡菜，很開胃！炒粉絲麻香十足，牛肉香氣十足！ 朋友點的石鍋飯十分正宗！熱辣辣十分香口主角韓燒於下單後十五分鐘後便上菜，我地點左$198牛板。講真，$198 能吃到七個不同牛部位十分超值，個人最喜歡牛舌同和牛片，前後燒大約45秒便可。飲品方面，我們叫了 The Flash ，清涼怡人。環境舒適，不會有大量韓燒油煙味，抽風系統做得好好。此外，員工服務態度認真，會講解不同部位最佳燒烤時間，值得一讚！人均消費$250 非常合理，值得再去！

每次經過Lab10都見到大排長龍，今日行到九點幾，經過見到唔使排，就緊係要試下啦！裝修好新，有文青風格，座位闊落！無煙韓燒，當然要試下燒肉啦，重點推介$198有2人份量既燒肉，差不多每枱都點，可以食足七大部位，特級牛小排，牛後腹重牛味，份量足！👍脆香芝士炸雞$68用上雞腿肉，去左骨，啖啖肉，外皮炸得鬆脆，內面嫩滑，加上烤過既芝士，十分邪惡！韓式牛肉炒粉絲$85粉絲彈牙，唔會一夾即散，牛肉多，份量足！The Flash $98 jar用上新鮮熱情果、蘋果、西柚再加上蜜糖，真係好Flash😂仲裝到四到五杯，好抵飲！人均消費二百元，質素都幾高，難怪經常大排長龍！

行朗豪坊勁過呢間野，發現價錢咁平既二人套餐，諗都唔駛諗啦，即刻三扒兩步衝左入去，竟然仲要唔駛等位，唔知有冇伏呢？環境幾好，同隔離座位，有野隔住。叫左個198 2人餐。牛一黎到，又幾靚咁wo， 與圖相乎。望落去D肉都鮮色，冇乜唔新鮮既情況出現。厚切牛舌，安格斯西冷，韓式牛肋條，一口牛，特級牛小排， 黑牛牛板鍵，牛後腹，total 7樣野。 講真，全部都冇伏，仲好正咁，樣樣都好食，而最好食呢我覺得係牛小排，牛忟幾靚，入口好有牛味!順帶一提，反而叫左一杯熱情果特飲 完全冇味，好似水咁，但我都俾佢既牛動左心了， 下次去mk 一定encall!

實驗室化身成新派韓菜餐廳，主打燒肉及創新果汁。無煙韓燒二人份量牛牛板食足七個部位，看似很吸引，很多枱亦有叫上，不過是日不太想食燒烤，就此作罷，散叫其他韓食好了。Big n Small果汁乃餐廳主打款式，特以叫上兩杯不同。Big n Small味道有很重西柚香橙味，生薑則輕輕的，拌上蜜糖，果汁味清爽少甜，配濃味食物很清新。Coco椰青水加西瓜汁亦見清甜，單飲亦清爽好喝，兩隻創新果汁味道很是滿意。生韓牛伴雪梨牛油果 生韓牛從未試過，據聞牛味比和牛更好，對此菜式甚有期待。生韓牛切成碎粒狀，帶點咬口，牛味清鮮順滑，伴上生蛋黃雪梨及牛油果，軟滑清爽，就算友人平日很怕食生肉亦大啖大啖放入口。韓式海鮮蔥餅 食韓式薄餅最怕滿口粉槳，此薄餅邊位薄身脆口，中間厚身鬆軟。薄餅每一口都可以食到海鮮同蔥條，點上酸汁一點也不油膩。韓式人參雞湯 與傳統人參雞湯比較，此雞湯無疑材料較少，不見人參或紅棗。雖然材料簡單，但味道卻帶來驚喜，雞隻身型較小，燉煮很夠火喉，連雞骨都可以食用，就算雞脾骨較大的骨頭亦可以食到，雞肉燉煮多時亦不粗糙，連煮得已開花的糯米，湯味鮮甜又飽肚。韓式鐵鍋拌飯 韓式鐵鍋拌飯賣相很似石頭鍋飯，有很多

獨行俠睇完戲，馬上獨行俠食飯，剛好朗豪坊睇戲，當然朗豪坊食野。去到10樓，門面是像買珍珠奶茶的地方，行近一看原來是韓燒，午餐價錢比一般平，午市黃金時間人不多，一於試下。叫了個BBQ牛肋條午餐，(因不太喜歡食定食) 5分鐘到便來，一碟牛肋條(都有12件左右)一碗白飯及一罐汽水，套餐價$58, 雖然一人用餐，但都有屏風板間住，私隱度高，講返野食, 牛肋條燒完不會太韌，肉汁都有，調味不太咸，做得不錯，不過大食關係一碗飯就感覺唔夠，罐裝汽水唔夠凍，減少少分。環境衛生不錯，店員都用心服務，及將部分位置吉枱進行清潔(冇影響食野). 臨走見隔離枱叫份2人牛牛板好似唔錯, 下次可以2口子食。

我D老友係韓流迷，約得佢出街，例牌都一定要食韓國野先可以滿足佢GE韓流精神。今日係朗豪坊行街簡情人節禮物，行到攰攰地就去左Lab 10食野，呢度同一般GE韓式餐廳唔同，有韓燒之餘，亦都有唔少GE韓國特色菜式同飲品可以簡。我地叫左個韓式煎餃子($38)做小食，先墊一墊肚，餃子果然上得快，餃子都煎得幾香脆熱辣辣，點埋個醬油食，一人一舊，岩哂醫一醫肚。韓燒方面我地叫左2大盤肉同一盤菜，分別係豬雞大聯盟($268)、濟州三色豬五花($130)，同埋蔬菜拼盤($88)。豬雞大聯盟上檯時嚇左我地一跳，因為我地唔知佢個份量有咁多，而且食材亦十分高質，由左至右有西班牙豬架、濟州三危五花腩、豬護心肉、柚子黑椒雞扒、柚子黑椒豬頸肉同埋韓式豬大腸。呢度GE食材都幾新鮮，而調味唔會太重，只係輕輕帶出肉GE鮮味，食到高價野，非常開心。而菜蔬亦都非常新鮮，唔會有因為放得耐梅哂，起哂黑班GE情況，拎去燒非常不錯。另外，跟拼盤有三款醬汁俾你簡，岩哂唔同口味GE食客！韓式辣年糕($88)，年糕都煮得夠綿夠透，配埋個韓式甜辣醬煮夠哂惹味，仲有D韓式魚片拌下，辣得我地好過癮，哈哈！韓式水冷麵($75)，個麵好有口感，醋係額

要食燒肉又想搵間環境乾淨又唔大陣味嘅話，真係可以嚟試下朗豪坊呢一間燒肉店㗎😊個人強烈推介佢哋嘅燒肉💕💕先黎個小食酸酸甜甜開開胃胃😋韓國冷麵去到邊都一定要叫嘅，夠哂煙靭落埋佢哋米酒醋仲正😜辣年糕三豬燒肉拼盤 三隻醬入面我自己最鍾意就梗係薑嗰隻😋煎餃子鰻魚飯依家做緊promotion嘅豬肉拼盤， 冇四至五個人嘅話都唔好隨便叫呀😂 份量十足😍過勞中間偏向高溫，所以燒嘅時候記得要留意住呀🤔如果唔係好快就會燒燶曬😂

收爐的一天，當然要約齊朋友去開餐。今次試呢間韓式餐廳，環境都ok的！真心其實佢地d食物煮得唔算差，可惜拎過黎既時候是凍的，年糕又硬硬地，真心有些失望！因為朋友之前係呢間食韓燒係幾好食的！不過下次可以再試韓燒既！

今次又返到黎旺角朗豪坊Lab10韓燒再次幫襯嘅原因好簡單 餐廳使用新式無燒底抽系統成間餐廳唔會有油煙 裝修又cyber 韓式海鮮薄餅 $65海鮮好足料 薄餅香脆作為餐前小食份量適中特級和牛拼盤 $438拼盤好抵食 有三種不同部位包括韓式牛肋骨 m5牛肩肉是同m5西冷肉眼因為油脂較多 牛脂香味十足只要燒一陣就食得 千萬不要過火海鮮拼盤 $258除靚牛之外 另一吸引就係海鮮拼盤份量十足 好有誠意有八爪魚 帶子 虎蝦 蜆 同生蠔每樣都好新鮮 特別一讚係生蠔非常肥美 而且食到啖啖海水鮮味鰻魚鐵鍋炒飯 $128食左咁多燒肉海鮮 以一個主食作結最滿足鐵鍋好熱 撈飯時有鐵板嘅效果 仲整到飯焦鰻魚份量足 鋪滿成個飯面最正就係個醬汁 掛滿每粒飯 回味無窮

一排無食韓燒, 上星期便相約友人去了位於旺角的Lab 10食飯. 坐下後, 見到佢地餐牌介紹牛牛板 – 牛肉拼盤, 二人份量, 只需要$198, 我地決定一試. 我地也點了小食, 脆香芝士炸雞. 小食先奉上. 炸雞係雞柳, 啖啖肉, 方便食. 外層炸粉唔算太厚, 雞肉尚算嫩滑, 味道再濃一點, 更好味. 牛肉拼盤上枱. 賣相精緻. 份量也不算少. 一次過可以試晒牛的七個部位, 包括厚切牛舌, 嚴選牛後腹, 韓式牛肋條, 安格斯西冷, 黑牛板腱, 特級牛小排和一口牛, 啱晒貪心想試多幾款的我地. 當中我最鍾意食特級牛小排, 嚴選牛後腹和安格斯西冷. 牛味幾濃, 而且肉質夠稔身. 我地愛食牛舌, 所以特別多點一份香蒽薄切牛舌. 份量幾多. 牛舌係薄身, 易燒. 入口帶有一些咬口, 幾好味. 我鍾意這店係無煙韓燒, 唔怕食完成身味. 唯獨係用餐時間只有七十分鐘, 時間太短, 食得較趕, 好難一班朋友來食.

係大埔出到旺角搵食，朋友見係網上幾多人都講係朗豪坊有間韓國餐廳評價幾高，而且難BOOK檯，於是早一星期撞下運氣睇下BOOK唔BOOK到，好好彩我BOOK到，可能平日所以易BOOK到。當見到餐廳時，真係以為自己係咪搵錯餐廳，因為外表同平時既韓國餐廳好唔同有D似賣果汁既專門店，全白裝飾好MODERN。打開MENU以韓燒為主，但都有熟食，我地3人由於唔食牛，又見餐牌有好多選擇，所以點咗個雞同豬併盤，個併盤好豐富，有豬五花，護心肉，豬架，豬大腸，豬頸肉同一大塊雞排, 個併盤＄268 都幾抵食，散叫雞排$88 豬架$118 五花肉都$130, 好啱兩三人食份量啱啱好。D肉無論係豬定雞都好多肉汁，同好”林”，我就鐘意五花腩同雞，朋友鐘意護心肉同豬架，另外，豆腐泡菜湯都好味，因為夠辣好啱我口味。而呢度既飲品亦特別，熱情果＋奇異果＋香橙＋蜜糖果汁，超贊今餐消費每人約$200 都算幾好

Boyfriend and I were in Mong Kok and decided we were curious what was Lab 10. Located in Langham Place, we were tempted by the inexpensive promotion and went in.It's a Korean BBQ place but the layout is a bit different. All the BBQ stations are like little cubicles with the BBQ grill in the middle.The grill is a thin rectangular hole in the middle of the table. The ventilation came from the sides of the grill but I felt it wasn't enough. It wasn't really smokey but I felt my eyes sting  a bit. T

好耐無食過韓燒，除咗熱氣之外，加上又唔太鍾意食完好多油煙而又喺身上有味道嘅感覺，但呢間韓燒賣點係無煙，所以我同朋友睇完戲就選擇入嚟試吓~環境都唔錯，樓底夠高，枱與枱之間私隱度做得唔錯，而且真係唔會有煙霧瀰漫嘅感覺食得韓燒，我呢啲牛魔皇一定只叫牛肉，有個二人份量嘅牛牛板，價錢有分兩種，分別我相信係牛肉嘅質素，所以我哋叫咗高價錢嘅嗰款，另外叫多個湯同一杯飲品燒爐嘅設計都有別於其他韓燒，會喺燒嘅過程將煙喺入面抽走OPPA牛牛板食足七個部位，有厚切牛舌、m5澳洲西冷、黑牛牛板腱、韓牛牛肩肉、和牛牛肋、韓牛牛脊、韓式牛大腸，賣相已經非常吸引~先燒牛肩肉，我哋燒到5成熟左右，入口牛味重，口感好淋身不錯接住再燒埋牛肋，大大件要燒得比較耐啲，但入口亦唔會太難咬開，肉質本身質素唔錯！之後再燒其他部位，例如牛板腱亦不錯，油脂分佈得好平均，入口比牛肩肉更加淋身！整體而言，所有牛肉都幾出色，以呢個價錢食到咁多款又唔需要散叫，已經物超所值！韓式牛骨湯味道好濃郁，裡面加入甜甜嘅白蘿蔔，熱辣辣真係好適合宜家嘅天氣，我哋加配咗個白飯嚟撈，真係極品！呢度有幾款唔同嘅果汁可以叫，於是叫咗呢杯The Flash (熱情果+

回味無窮的抵食之選＠Lab 10 這是一家岩岩食完已經又再想去去食的餐廳！抵食好食是重點所在 Lab 10位於朗豪坊10樓，我入去果時因為早，所以客人不萛多，但到我埋單果時 （大約７點左右，門口站滿等候的人，要來食飯還是要等候的心理準備） 裝修很簡潔，充滿現代化，空間感十足 有足夠空間感，坐得很舒適，當日我見到有幾桌客人都是韓國人，相信這裡的食物應該也很’’地道’’吧！ 我們被安排坐在卡位，設計頗別致的 食物可散點或叫餐 以朗豪坊這地段來說，食物價錢說是便宜了 主食都是幾十蚊有交易 店員推介的牛牛板，牛牛板有兩款，一款是比較便宜的＄１９８，另一款是較精的＄３８８重量級牛牛板，食足７大部位。 我們決定點了一份重量級牛牛板，入面包括了二人份量厚切牛舌，Ｍ５澳洲西冷，黑牛牛板腱，韓牛牛肩肉，巨型和牛牛肋，特級韓牛牛脊，韓式牛大腸 厚切牛舌，Ｍ５澳洲西冷 牛舌厚薄適中，燒成外脆內軟，不用加任何調味味道已經超棒！ Ｍ５澳洲西冷是我的最愛！油脂分佈平均，入口油脂香氣滿腔，太正了 巨型和牛牛肋 真的很大片！ 牛肋肉口感頗腍，食起來很重肉味，輕輕沾一下醬汁食，味道

之前來過 今次特登再返嚟因為呢度食物質素好 而且抽風系統做得好好全程可以慢慢享受美食唔使比油煙攻住塊面今次就試吓佢啲熱食前菜韓式海鮮薄餅$65薄餅炸得非常香脆可口啖啖都食到海鮮 非常足料醬汁微微辣 惹味無比鰻魚鐵鍋炒飯 $128食落超級香濃 絕對係令人食唔停口鰻魚切到好細 撈勻之後每一啖飯都食到魚肉 真係好享受韓式牛肉粉絲$85粉絲彈牙 而且調味充足配上香嫩嘅薄切牛肉再加上甜甜地嘅醬汁 風味十足烤肉方面今次點左一個牛肉拼盤特級和牛拼盤 $438分別有韓式牛肋骨 M5牛肩肉 M5西冷 M5肉眼和牛達到咁高嘅級數 質素絕對有目共睹油花分布平均 牛肩肉有咬口牛肋骨肉味香濃 我哋仲燒埋條骨嚟食忝！肉眼亦都非常腍身 實在太美味了