LAB10 (已結業)

雖則人人來都會食燒肉，但咁岩朋友唔係食肉獸，我地又想食下韓國野，所以來試試佢既熱食。莫名其妙到刷新左我對韓國菜既感觀，難食到一個點。我地嗌左幾款野 分別形容下慢煮牛面頰 :唔知佢用咩汁燴，食落酸酸地似紅酒，但除左個酸字真係咩味都無，係淋既，但的汁稀到爆卡邦尼年糕 :炒到的汁化曬，又細碟，的年糕又硬又唔入味芝士炸雞:係唯一一樣好食，但成個天婦羅炸雞咁，無韓國炸雞既feel韓式炒粉絲:一樣咁地道既韓國菜，佢竟然可以炒到成個鼓油皇炒麵咁，咸到hi hi,唯一係的牛肉入得下口好似環遊左世界一次咁，但無下次

牛牛板 ＄198呢間食燒肉的餐廳點可以唔叫呢款牛牛板呢？一共有7款牛肉拼盤，每款都可以試岩哂細食又多心既人！呢到既牛都唔差喎，每款牛肉味都好濃，仲要燒落去唔會有好大煙，所以舖頭咁大膽用白色做設計韓式牛肉炒粉絲 ＄85呢個粉絲睇樣以為好Hea, 但食落都好夠味同埋牛肉都唔算少，粉絲味道都好入味，炒得又唔會好淋或者過硬泡菜海鮮薄餅 ＄138呢知Pizza真係啖啖泡菜仲有好多芝士，個pizza底又唔會好厚似係手工薄餅。不過海鮮就比想像中少飲品＄35呢到既水吧位係餐廳入口，見到係真材料咁榨汁，所以小妹一入座都立即叫了2杯，不過就唔記得個名，但真係Fresh好味既總括，小妹都好Like呢間韓或燒肉店，因為環境好舒服又唔會搞到個身有一陣味，不過如果可以提供多D熱食同小吃會更加吸引

前幾日喺朗豪坊同男朋友行街，咁岩經過10樓見到新開嘅韓燒，比$198 二人份量嘅餐牌吸引左。咁我哋二話不說就入去試下，點知就中左伏咁。首先我地六點walkin，同我地講有限時1915要交枱，咁我地都冇乜問題。入到去環境唔錯，冇乜油煙味，空間都好闊落。一坐低我哋就叫咗$198餐，冷麵同一杯特飲。冷麵好快上到枱，啲面比啲冰蓋住，都好夠凍，但份量真係好少同又冇乜味，唔值得食。之後等多五分鐘有特飲飲，味道係唔錯，都好新鮮。等到1830左右，但仲未見主角韓牛上枱，之後吹左兩次先有，有限時交枱嘅情況下，真係麻麻啲肉一嚟到，賣相都好吸引，但食落就冇乜味，同埋好難咬，太多根位。本身諗住唔夠食都會再散叫牛肉，但等嘅時間又耐，肉又好一般，所以最後都係唔飽咁埋單走人。

今日係朗豪坊行街，真係好多人好誇張。朋友配目，先去左lab 10拎左飛先，先再慢慢行。返到去就可以入去食喇。太多人等位，所以有時間限制。餐廳設計好時尚，真係好似入左Lab既感覺！呢度主要食韓燒，通風系統都做得幾好，所以唔會覺得污煙瘴氣咁。唔洗驚食到成身油煙味喇！😬叫左份$198 牛牛板有七個部位俾您食到，都幾抵。有一口手，牛小排，牛板鍵，西冷，牛後腹，牛肋條同厚切牛舌。份量都多，每樣都切得幾平均，燒一燒，好快就食得。唔好燒得太耐！厚切牛舌又幾好味，食落爽口！除左燒肉，仲叫左韓國芝士炸雞食下。過下口癮！熱辣辣，炸到好香脆。再沾啲蛋黃醬，更滋味呀！朋友仲叫左大大杯啤酒🍻飲！我就叫左呢度既特色飲品飲下喇！都有好多款口味！我叫左杯，蘋果，士多啤梨，西柚蜜糖特飲。味道清甜，帶少少西柚既酸，酸酸甜甜又幾好飲，好解渴喎！叫左 泡菜豆腐辣湯，都幾多料。仲有海蜆。飲落好夠辣好開胃。豆腐好滑。

平時食韓燒，食到一身都係油煙，並不是人人接受得來，經朋友介紹之下就試一試這食店.在朗豪坊的商場十分方便.198 這二人牛拼盤十分吸引同經濟.店內的飲品，十分有水準，大家一定要試下，好有特色，好好飲的.我地二話不說地點了198 的牛拼盤.份量十足的，牛都算新鮮.這爐的抽風做得十分之好，真是一點油煙都沒有，比較食得舒服.飲料好好飲，配合得十分好.石鍋飯夠熱.水冷麵，有冰的，麵身爽囗.環境都有特色，坐得舒服.

其實平時食野好少比劣評，但間鋪真係幾離譜，後悔為咗貪唔洗排隊而揀咗呢度。首先地服務好差好差好差，店員叫極唔應之餘黎咗都仲要西你面，好似你增加佢地工作量咁。因為以下既問題佢地去到中後期直頭打眼色叫其他人去。問題一：凍飲+3蚊，無問題。但佢話無冰比杯常温我，然後收返我凍飲價(講真唔係洗唔洗加錢既問題，入得餐廳食野就唔會慳。但常温個人真係接受唔到，寧願飲熱飲)問題二：餐牌寫韓式牛肉鐵鍋炒飯，佢地比咗泡菜牛肉鐵鍋炒飯我地，咁我同佢地講餐牌唔係咁寫架喎，佢地覆話：「唔係咁寫但我地都係用泡菜炒架。」有無諗過如果一早知係泡菜其實我唔會落order？我會叫過第二樣？炒到黎先話係咁，我成碟唔要又係浪費咗。問題三：2碟味道都十分一般，老實說唔係價錢問題，真心我會寧願比貴少少去食第二啲野都唔想黎呢度。呢間無論服務、質素都係不可一不可再。唯有環境ok。總結：太多甩漏，所有野都係踢一踢先郁一郁，食物已經唔出色，但服務又出奇地差，唔通係靠裝修吸客？唔好話42蚊加一就唔好咁挑剔，講真做得顧客，就有權享受應有既服務。

今日去咗朗豪坊行街影相佢中庭影完聖誕裝飾之後覺得好口渴就行過依間然後又有椰汁又有西瓜汁好似好吸引咁咁就叫咗杯Coco飲嘢飲就好飲不過店員嘅態度就有啲差杯嘢飲佢入邊仲有個青檸感覺上好清新可以一試

今日放工後嚟到呢間餐廳。餐廳裝修好特別，好有時代感，從傳統嘅韓式燒烤店唔同。室內座位非常寬敞。每張桌子嘅正中間，都會設有一個燒烤爐，供客人燒肉。肉類選擇非常之多。另外亦有海鮮，小食，飯，披薩，薄餅以及炸雞等等選擇夠曬多。實有一款啱你口味。我就點咗三色五花肉同埋帶子。小食方麵點咗個脆香芝士炸雞。同埋點咗個鰻魚鐵鍋炒飯。三色五花肉好香，配上，有三種不同嘅醬汁零舍惹味。帶子大大粒夠曬新鮮。脆香芝士芝士炸雞，好多肉汁，又唔會炸得太乾身。推介鰻魚鐵鍋炒飯，鰻魚配上鰻魚汁炒飯，仲有飯焦好香口惹味。份量亦夠多。燒烤度最後仲送上一碟菠蘿。無咁熱氣。飲品方面點咗杯蜜糖生薑茶。薑絲夠曬多，好飲。

好耐冇試新餐廳喇, 😍前排網上有人介紹, 難得有燒肉食, 即刻搵日去試😝, 以前好鍾意去牛角食午餐, 但係瓊華嗰間執咗之後, 開咗放題就冇再去食lu今次因為介紹嘅時候, 畀無油煙味呢個原因吸引咗, 原本諗住食$198網上介紹嘅嗰個set, 點知去到去到發現原來 有lunch set, 有好多選擇, 而且最平四十幾就已經食到, 好難得, 我哋未嚟之前已經target咗要食燒肉, 所以揀咗 lunch set嘅 bbq肉, 一碟薄牛肉🥓🥓🥓, 一碟牛肋肉, 薄牛肉個樣好靚👍🏻, 牛肋條就比較遜色, 燒肉有連一碗白飯同埋一杯飲品或者湯, 另外我哋叫咗個泡菜牛肉飯, 開爐啦! 薄牛肉好快熟而且有醬汁好好味, 牛肋肉有根所以一般, 如果冇根嘅就幾林，泡菜牛肉飯就冇乜特別， 我諗應該只適合啲唔鍾意食燒肉嘅人叫， 如果唔係呢個飯同燒肉冇乜分別, 少許泡菜加好多肉同飯, 加上本身人人都有拌飯醬喺醬油碟度, 所以叫燒肉同叫呢個飯只係差咗少少, 泡菜真係好少, 總括而言, 呢間餐廳性價比高, 呢三樣嘢埋單180幾, 幾抵食, lunch hour去見佢坐滿曬人, 門口個外賣飲品店都有唔少人幫襯,唔錯,

係旺角食lunch都係偏貴 普普通通都已經要50蚊呢度食一大盤燒肉都只係要58蚊仲包埋湯or野飲 真係不得了我嗌既係韓式梨汁牛五花黎到我都嚇到！係同我次之前晚餐食既一樣size但係價錢就平一半所以呢個set lunch係超抵食個爐火力好夠 呢隻牛五花好快就會燒熟友人點既beef belly set同樣都係好吸引同樣都係58蚊 包括左有牛舌豬護心肉同豬頸肉兩個set都係份量好大最岩同d同事share黎食海帶湯味道不錯 保持到一貫水準Set lunch全包埋飯架

今日嚟到呢間開業只有半年，位於朗豪坊十樓嘅 Lab 10 食韓燒。餐廳樓底夠高，以白色為主調，略有工業feel，感覺簡約舒服。韓式海帶湯 $68一坐低先嚟個海帶湯，湯料是牛肉片和蔥花粒，味道清甜。海鮮拼盤 $258拼盤包括有生蠔、海蜆、海蝦、帶子、八爪魚。各款海鮮都十分新鮮，入口鮮甜。特級和牛拼盤 $438拼盤包括有韓式牛肋骨、M5級的牛肩肉、西冷和肉眼。牛肋骨好煙韌、M5級的牛肩肉、西冷和肉眼，牛味濃郁，脂肪分佈平均，好咬口。牛肉包上新鮮嘅生菜一齊食，又是另一番味道。韓式水冷麵 $75最後再來一碗蕎麥麵就飽飽喇!蕎麥麵口感幼滑，配料有鮮番茄、鷄蛋和青瓜絲，配上酸湯底，味道美味、食落好醒胃。Thermometer $35沙冰是用士多啤梨和藍莓做材料，入口涼快，味道鮮甜，好飲。Big n Small $35材料是生薑、蜂蜜、西柚和香橙，入口清甜，又辣辣地，感覺唔錯。呢間餐廳門口都經常大排長龍，最好預先訂枱。

同朋友喺朗豪坊行街，見呢間Lab 10門口咁多人等位，心諗啲食物應該有返咁上下，決定試下。餐廳裝修以白色為主，感覺簡潔舒服。餐牌厚厚一本印刷都好精美。特級和牛拼盤 ($438) - 牛拼盤包括：韓式牛肋骨、M5牛肩肉、M5西冷、M5肉眼，M5西冷及肉眼油花分佈平均口感嫩滑；牛助骨甘美；牛肩肉帶少許咬口；款款牛味濃郁，牛魔王必試！海鮮拼盤 ($258) - 有肥美生蠔、大大隻嘅帶子同鮮蝦、新鮮海蜆同八爪魚；款款都新鮮肥美， 味道鮮甜，優質好食！韓式水冷麵 ($75) - 蕎麥麵有蕎麥味，口感滑溜煙韌，配以爽口青瓜絲，新鮮番茄及鷄蛋，加上微酸嘅湯汁，開胃清新之選！韓式海帶湯 ($68) - 海帶湯中加有牛肉片及蔥花，味道鮮甜！Big n Small ($35) - 以新鮮西柚及香橙榨汁，再加入生薑及蜜糖，杯內充滿鮮榨嘅果粒，係食韓燒嘅最佳配搭！Thermometer ($35) - 以藍莓及士多啤梨整成嘅沙冰，藍莓及士多啤梨味香甜，好睇又好飲！除咗肉類及海鮮優質之外，不得不讚一下呢度嘅抽風系統，通常食完韓燒都會成身韓燒味，但喺呢度就無呢個問題，食完之後個身一啲韓燒味都無，真係要畀個like

忍唔住要寫食評，因為真心期望過大一入去，除左有個少年侍應比較好態度，其他人完全零態度，講野勁敷衍，我地幾乎自己服侍自己講食物：叫左一盤最貴+一盤最便宜+3杯飲品因為食過A5和牛，想試下1++嘅韓牛，睇下分別係邊最便宜果盤無乜特別，全部叫放得入口，份量就真係。。。所以唔多講3杯飲品還好，除左菠蘿梳打講最貴果盤1++韓牛一上枱，份量真心嚇親，最重要係完全冇解凍，硬到可以用黎爆頭。。。七舊幾水真係好唔抵。。。CP值超低今次淨食牛，飯類及小食類都未試，但都唔想試了

見到facebook 有post 話198人均99 1個人。就相約同事去try try sin🙃入到去環境好簡約好文青。我地叫左嗰198燒肉set 同 1 jar juice🍊另外加多lunch set 冷面🙂。。。。。。。野食系漫長等待而drink 都系 。。juice 等左15分鐘。好口渴ya 😵而牛肉我地都等20多分鐘。。。牛肉黎講ok 不過份量真系有點少。^_^呢個價錢都可算合理嘅。而juice 太多冰了，5太抵飲。大概有5小杯到。另外冷面系ok 味道，不過偏少份量。。總捨黎講食物等待時間太長。。如果d 牛肉有多點肉味就更好🙃

本身book左枱個餐廳既人mark錯電話遲左十分鐘枱就冇左要等😡不過198套餐好掋食兩個人食真係好飽，不過唔好預期咩靚肉，預先調味了太差，令牛肉出水，為食飽可以一去，但享受食物就免。食完真係冇乜燒烤味幾好，環境不錯