LAB10 (已結業)

今晚同老婆出開朗豪坊行街，見到呢間舖食韓國野，而且仲有燒肉食又唔係貴。裝修比較簡潔，座位都唔小。入面唔覺有油煙味，所以個爐抽風好好。Lab cube，每種味有兩支，青蘋果、士多啤梨同芒果，佢另外仲有個杯比你倒埋一齊，好似中學做實驗咁。另外叫左杯CoCo，呢杯比較消暑，主要係椰青水同西瓜汁，清涼得黎唔係好甜。牛牛板，有7份牛唔同部位既肉，最好味非牛小排莫屬，油脂分布唔錯，比牛後腹相對腍。而厚切牛舌就比較爽口有咬口。韓式牛肉炒粉絲，無想像中咁濃味，味道恰到好處，出奇地好食。韓式海鮮蔥餅，比其他地方食開厚身，底同面都好脆。

咁岩今日想食韓燒記得朗豪坊有間無煙韓燒 又冇人等位 好快就入到去😹😹餐廳做緊優惠牛牛板 $198可以食到牛既七個部位 好吸引價錢唔算貴 啲牛質素唔錯 好食 好驚喜 又唔乾 夠juicy 可惜牛舌好一般 太厚 好難咬

難得約到好姊妹出黎聚一聚，我地就決定去試下呢間韓燒兩個女仔食得唔多，所以嗌左一個$198牛肉拼盤同一個豆腐泡菜湯，再加一支真露燒酒牛肉拼盤入面最鐘意食牛舌！燒到岩岩熟咬落又夠口感而其他牛肉就略嫌鞋左少少豆腐泡菜湯$78呢個價錢黎講都算幾好飲同埋唔算好辣，岩哂食唔到太辣嘅人飲！總括而言呢間韓燒都算抵食，人均200都食得幾飽，但男仔就可能會覺得唔夠喉同埋我地入座前店員同我地講返因爲繁忙時間關係，用餐時間只有70分鐘，真係食完坐一坐就要埋單走人

同女友在朗豪坊睇完戲，找個地方吃晚飯，途經這間店，而女友又喜歡食韓國燒肉，就揀佢啦其實行入嚟嘅主要原因都係比外面嗰間姊妹飲品店-juice lab 吸引左與其話係飲品店，不如話係小賣部，入到去發現可以叫order佢d飲品堂食左面是the flash，右面是cocothe flash-熱情果、蘋果、西柚、蜜糖打成，有d咬口，香甜coco-椰子水、青檸、西瓜、蜜糖，青得嚟好refreshing 牛牛板-七個部位全部牛味都重，肉質各有不同！牛舌爽；安格斯西冷有咬口；牛肋條淋滑；牛扳腱有𡁻勁；牛小排香嫩；一口牛有咬口！七個部位各有各好食雞豬大聯盟-好抵食剩係塊西班牙豬架都$118，換句話說餘下的只是$150，感覺好抵餘下的有勁大塊柚子黑椒雞扒，豬護心肉，豬頸肉，三色豬五花，韓式豬大腸西班牙豬架-好大塊，好厚身，但極淋滑，應該本身豬種的肉質關係有關原來佢最出名係tube drink，感覺好似用試管飲嘢，可惜已order飲品，下次一定要試下

當晚與老婆兩人朗豪坊購物，约7:30到Lab 10取票等候，约10分鐘已經可以入座。入座後點了「牛牛板」二人餐及一瓶果汁。不久後，食物已送到。整板牛肉份尚可，但入口卻欠牛肉味，只有表面的胡椒味，而且部份牛肉過肥。至於飲料，份量少、冰太多。一瓶$98果汁，竞有8成是冰，太取考，值。整體而言，收費偏高，食物質數未能對應所收價錢。如果想食有牛肉味的韓牛燒，請找别家店。

去朗豪坊睇阿童木展覽諗住係埋呢度食晚飯，搵咗呢間餐廳。餐廳裝修時尚，整到成個實驗室咁，特色係無煙韓燒，真係唔講都唔知係食韓燒牛牛板 $198-擺碟係牛牛樣好得意，好幾種唔同部位嘅牛肉，有厚切牛舌、安格斯西冷、牛板腱、牛小排、牛後腹、牛肋條同一口牛。最鍾意食牛舌，口感軟脆爽口，西冷都好正，肉味好濃同肉質同脂肪比例均勻濟州三色豬五花 $130-五花腩脂肪較多，燒嘅時候滋滋聲勁吸引，流曬口水，食落好香口，三種醬分別係生薑蘋果醬、生薑菠蘿醬同青檸醬，減少五花腩嘅油膩感大帶子 $58-個殻雖然燒到燶燶地但係個帶子燒得啱啱好，食落有彈性又鮮美韓式牛肉炒粉絲 $85-冇油膩嘅感覺，味道都一樣濃，甜甜地咁，粉絲亦夠彈滑Captain Lab $35-熱情果、奇異果同橙嘅mix，好香甜食完唔會成陣韓燒味係身

本來想試烤肉，但又不太餓，結果點了set lunch!結果中晒伏老公點的伴飯，係鐵板上，但飯不夠熱，只是微暖，伴菜不少，但牛肉只得極少幾絲可見，味道一般我點了大醬湯及白飯個湯只得死咸，湯料就只得幾塊百福豆腐、幾塊脆肉瓜，金菇都無條，當然碗白飯係唔熱，飯粒又頭又爽口的平價米好耐無食過咁差的食物烤肉我無試，但以上2款咁簡單菜式都完全無心烹調，我一定無下次囉！

我一平凡懶理世情的人，就看食評評分去約朋友聚會吃飯，沒想到真的失望到我要一字一字的寫食評來宣洩我心頭之憤老實說如果好吃的菜我都不介意價錢的， 我們三個人首先叫了一份二人份量的198蚊韓牛定食， 一份生牛肉 ，一份泡菜煎餅， 除了泡菜煎餅真心叫好食 ，其他都很普通， 生牛肉不知道為什麼要加牛油果， 生牛肉的鮮味都蓋過了。然後再叫了一份268的雞混豬二人份定食， 冇醃過嘅雞，肉質上算嫩滑， 但是那個有滑的厚切豬扒， 油脂多了可以剪去，但是咸得很過份，這都算了。到最後我自己貪平見到佢嘅水冷麵只係賣75蚊， 一般我去傳統的韓國餐廳水冷麵大約都要100蚊以上， 於是點了個水冷麵，來到水冷麵沒有水，沒有湯，亦都沒有冰，只給了一瓶白醋自己加，芥辣也沒有， 那些年也不是蕎麥麵， 而且到最後竟然吃到鹼水味， 這個就更不能忍了， 吃手去感覺就像是用洗碗的水來煮這個麵。 真的很失望所以才寫這篇，完。

上一次黎Lab 10主要係食燒肉，點咗少少小食。但係今次黎到就係想叫啲主食，韓國主菜都唔錯～先叫咗飲品先，red hot ($98/Jar) 入邊有蘋果，士多啤梨，西柚同埋蜜糖。blend埋一齊係特別清新，好fresh好解渴🤤 真材實料好重水果味，份量仲要超級多，呢個係真係抵飲！韓式煎餃子 ($38) 係比較普通嘅食物，入邊都係肉同埋粉絲，係同超級市場買返黎既冇咩分別，但係呢度煎到個皮好脆，食落都係唔錯的卡邦尼年糕 ($88) 呢個年糕味道好正，係比較重蛋黃同埋忌廉味，好creamy，而且年糕係開咗邊，所以係更加吸收到蛋黃忌廉汁嘅味道，食落好入味又唔會覺得好漏~鰻魚鐵鍋炒飯 ($128) 鐵鍋好似起唔到咩作用，唔係特別熱😂 但係炒飯就夠香夠入味，照燒汁嘅味道帶點咸同甜，炒得好惹味，飯粒都好飽滿帶有口感～韓式牛肉炒粉絲 ($85) 去韓國餐廳都一定要叫炒粉絲🥰 呢碟粉絲既牛肉份量好多😂 所以味道都好鮮，亦都幾濃～ 但可以改善既地方係有少少太油。

呢個星期又係陰陰天加落雨，冇得打波唯有去做瑜伽。同女朋友上完堂之後順便就喺旺角搵食。朗豪坊有一間叫Lab 10嘅韓國燒肉店， OpenRice評語不俗於是就走去試吓。星期日嘅午飯時間都有午市套餐可以食，見到好多menu裏便出色嘅單點菜都喺午市套餐有得叫，好肚餓嘅我於是乎就兩個人叫咗三個餐再加前菜同炸雞食，唔講人哋仲以為我參加左大食比賽。鰻魚鐵鍋炒飯 - 呢個炒飯大大碗，用咗蒲燒鰻魚汁去炒，味道適中再加上鰻魚嘅香氣，為呢個飯增添左唔少分數。Lab 10 beef platter - 呢個牛肉拼盤包括有牛舌、牛小排、牛肋條、一口牛同埋西冷，每一個部位都有兩塊， 正好兩個人每一個部位都可以試下，又可以滿足一下自己燒嘢食嘅樂趣。再加上佢個Lab10飯係有生雞蛋、紫菜同醬油，個飯好味到唔使餸都可以食到大半碗。韓式水冷麵 - 冰涼嘅麵加上酸酸嘅醋， 正好為呢個奄悶嘅天氣解解暑。脆香芝士炸雞 - 呢個炸雞係有三重芝士，分別炸粉裏面嘅兩種芝士，再加埋點醬用嘅芝士醬，喜好食芝士嘅人又點可以唔叫呢。意外嘅係佢嘅炸雞雖然大大塊，但亦都炸得好鮮嫩。生韓牛伴雪梨牛油果 - 最後要講嘅係佢嘅前菜，呢個生韓牛配牛油

Lab10在朗豪坊開業了好一段時間，平時經過多是看至店外的飲品小店，但是有天跟男友走過，我倆都定晴在198二人餐上！男友至愛的生啤，非常適合烤肉！清新的花香連我也適合喝。不過我還是較鐘情這裡的特式果汁特飲，選的sour bomb用了檸檬，西柚和奇異果，充滿維他命C！味道沒有想像中酸，因為用了蜜糖調味，但仍是開胃解油膩之選。牛魔王最缺的是牛，所以我們追加了一碟香蔥薄切牛舌，超大碟有好多片！它們用了黑椒、大葱調味，味道較刺激濃郁，薄薄的又快熟又爽口。重點來了！只要198元的Oppa牛牛板用了超可舜的牛型木盤上菜，肉的部位也有根據的擺放，一共有七個部位的肉！未吃都覺得抵！先吃特級牛小扒，雪花分佈最平均，充滿牛香，肉嫩嫩的。長條形的黑牛牛板腱肉質較結實，牛肉味較突出。安格斯西冷脂肪不會太多，肉質軟身又充滿肉汁，不過牛味沒有上面兩款的重。牛後腹肉質較爽口。把一口牛的六個平面炙一炙，鎖住中心的肉汁就是最好的吃法。吃過薄切牛舌，現在終於吃個厚切的！外爽內嫩的口感很好最後是用醬汁調味過的韓式牛肋條，鹹香中帶甜味，是最惹味的一款。今晚是全牛宴，其他主食小食都沒有點。實實在在的享受牛肉，才是牛魔王們的重點

心血來潮好想食燒肉, 但又唔想食放題, 行朗豪坊期間經過LAB 10, 首先比佢吸引行埋去睇既係佢既飲品, 之後見到佢有個無煙燒肉2人SET都只係$198每人$100左右都幾抵食, 仲寫住係無煙燒肉, 所以就入去試試呢張近住門口既枱好似係FOR比客人打卡用, 因為見到店員都唔會安排客人坐呢個位置同埋呢度冇抽油煙既裝置2人SET份量都唔少, 足夠2個人食, 牛肉既質素都唔錯係出面飲杯果汁都幾貴, 呢度有好多款特色既果汁MIX, 都只係賣$35咁就緊係要試下啦西柚汁味較濃, 但都飲到其他果汁既味道呢杯就橙汁味重, 但食到粒粒橙肉, 同有將奇異果打成碎整體都算唔錯!

話說好耐冇食韓燒 上網之前見到LAB 10係無煙韓煙咁就同媽咪試下先 事關佢都好耐無韓燒過啦 媽咪一入到去就話都幾光猛好似cafe咁  樓底又高我地就叫左個2人餐 呢到講明食韓牛 牛味都好重嫁 樣樣都有D 再自己加左好多骨膠原既豬皮同埋牛腸 豬皮都幾大塊 牛腸洗得好乾淨 如果散叫黎講佢價錢唔算貴呀再叫左2杯青檸梳打黎飲 可惜梳打唔係太夠氣 呢到扣左小小分不過環境幾好 坐得都好舒服

最近在家裡吃飯都比較清淡，這晚終於可以放縱一下去吃燒肉！選了一家在朗豪坊的韓燒餐廳，地點比較方便。點了一個$198 的牛牛板set，有7款牛肉加上份量不小，絕對是超值之選，個人偏愛厚切牛舌、韓式牛肋條和牛小排，全都是嫩滑多汁，吃起來很有嚼勁口感，非常不錯。除了燒肉set 還點了個海鮮大醬湯和水冷麵，大醬湯有多款海鮮，辣度不可小看，喜歡辣的朋友可以試試看。水冷麵保持著冷溫上菜，麵上還有冷粒保溫，確保吃起來麵身Q 彈，爽口到不得了，差一點連麵也咬不斷，配上酸酸的湯汁，是開胃菜最佳之選。這裡的飲品也非常有特色，加上傾錢不貴，這一頓吃得這樣飽又有燒肉也只是人均～$200，絕對是性價比之選。

今日去左旺角食韓燒，係朗豪坊，主張無煙韓燒的lab 10。韓式人蔘雞湯 $118，飲晒所有湯，好暖胃，湯無乜人蔘味，不過估唔到得半隻雞。好多人點的牛牛板 $198，我地所點左一份。有七款牛不同部位，一口牛、牛小排、牛板腱、牛後腹、牛肋條、厚切牛舌同安格斯西冷，我覺得厚切牛舌最好食，厚身有咬口。另外朋友介紹韓式梨汁牛五花 $98，呢個好味過牛牛板，大家不妨試下，上枱賣相好靚，一片片排得好整齊，韓式梨汁好好味，不過燒完就比較多油。有好多生果系列特飲，我就揀左Explosion $35，香桃+士多啤梨沙冰，唔算藥水味，酸酸甜甜，飲到最尾無乜味，淨返d冰。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨