LAB10 (已結業)

上一次黎Lab 10主要係食燒肉，點咗少少小食。但係今次黎到就係想叫啲主食，韓國主菜都唔錯～先叫咗飲品先，red hot ($98/Jar) 入邊有蘋果，士多啤梨，西柚同埋蜜糖。blend埋一齊係特別清新，好fresh好解渴🤤 真材實料好重水果味，份量仲要超級多，呢個係真係抵飲！韓式煎餃子 ($38) 係比較普通嘅食物，入邊都係肉同埋粉絲，係同超級市場買返黎既冇咩分別，但係呢度煎到個皮好脆，食落都係唔錯的卡邦尼年糕 ($88) 呢個年糕味道好正，係比較重蛋黃同埋忌廉味，好creamy，而且年糕係開咗邊，所以係更加吸收到蛋黃忌廉汁嘅味道，食落好入味又唔會覺得好漏~鰻魚鐵鍋炒飯 ($128) 鐵鍋好似起唔到咩作用，唔係特別熱😂 但係炒飯就夠香夠入味，照燒汁嘅味道帶點咸同甜，炒得好惹味，飯粒都好飽滿帶有口感～韓式牛肉炒粉絲 ($85) 去韓國餐廳都一定要叫炒粉絲🥰 呢碟粉絲既牛肉份量好多😂 所以味道都好鮮，亦都幾濃～ 但可以改善既地方係有少少太油。