LAB10 (已結業)

係旺角燒肉種類很多但要搵一間非常之好食嘅亦都比較難但有朋友極力推介朗豪坊既lab 10 聽講佢哋餐廳就係主打韓式燒肉，睇完戲見肚餓我地就去咗試試入到覺得店舖坐位很多，座位與座位之間亦都有一塊板格住空間感足夠，坐底無耐店員為我地推介菜式，比較少食韓式燒烤嘅我就叫咗佢哋點店裏面幾樣主打嘅燒肉牛牛拼盤，一次過食到牛既七大部位，牛肉放得好整齊，但牙爽口嘅厚切牛舌，入口嫩滑嘅安格斯西冷，肉味濃厚既牛板腱，入口鮮甜多汁嘅特級牛小排，醃制過肉味香濃嘅韓式牛肋條，肉味香濃既牛後腹澳洲M五西冷，肉質肥瘦均勻，頭上面嘅雪花亦都非常之飽滿，食落喉嚨味超香超濃郁，但唔會成口油因為我同女朋友都係好鐘意食牛舌，我地就追加左一碟最後不得不介紹，佢哋嘅lab 10 飯，大大碗嘅飯加上秘製醬汁紫菜再加鵪鶉蛋，令今晚呢個晚餐畫上完美句號

去完韓國重好掛住d韓燒，放工就同朋友去了朗壕坊的Lab 10 食韓式燒烤，餐廳是一間無煙韓燒，是用網燒，由爐周邊抽走油煙，所以沒有油煙味。烤肉有散叫也有套餐，朋友比較喜歡套餐，因為套餐有多款肉類不同的部位。可以食得豐富一點。就選了豬雞大聯盟，有抽子黑椒雞扒、抽子黑椒豬頸肉、韓式豬大腸、西班牙豬架、秘製䕶心肉、濟洲三色豬五花。豬頸肉和䕶心內都好入味，口感爽而不硬。豬大腸煙韌有辣味。豬五花肥瘦均勻，經燒後非常香口，不會太油膩。厚切的西班牙豬架，有口感但不鞋口，肉味香濃。脆香芝士炸雞：炸雞外層酥脆，肉質鮮嫩有汁，配芝士醬好惹味。韓式鐵鍋伴飯：伴飯有肉有蔬菜，還加上蛋和紫菜。侍應會一拼送上韓式辣醬，讓客人可以按自己喜愛的辣度，在攪拌飯和餸時加入辣醬，伴出一鍋合口味的飯。可樂2罐

黎到朗豪坊, 諗唔到食咩, 朋友話試下WALK IN LAB 10, 因為佢想食燒肉~~我地黎到, 先叫左"牛牛板" , 佢係FOR 二人份量, 成個盤都擺滿牛嘅唔同部位, TOTAL 有7個部位~我地比較中意食安格斯西冷, 牛肋條,  好有肉味～而牛小排同嚴選牛後腹都好推介，嫩滑～ 不過牛板腱肉就比較乾身＞＜另外叫左個泡菜ＰＩＺＺＡ，食落口啖啖泡菜，好得意！個ＰＩＺＺＡ仲係薄批形式上，一Ｄ都唔ＨＥＡＶＹ，我中意～仲叫左個牛肉炒粉絲，牛肉同粉絲份量都好多，食落真係好似去左韓國既粉絲咁，值得一試~最後仲叫左杯APPLE/ STRAWBERRY HONEY JUICE, 健康有益, 又清新, 而且個杯都幾靚丫 !

<<HK$198食盡全隻牛>>成日路過都想食架啦, 終於的起心肝試! 第一次嚟食其實一定係試Oppa牛牛板, HK$198就試晒7種牛肉, 用左可愛牛型木盤上菜, 你而家用肉眼咁睇都覺得超值啦! 而事實啲肉既質素係真係唔錯, 而如果你本身唔係好肚餓既話, 呢盤野夠兩個人食, 唔洗加餸架啦! 而佢地真係做到無煙韓燒, 原理我就無深究, 但係可以令到自己個身無味咁食完一次韓燒真係好開心~-餐廳既果汁都係主打, 有唔同款式由唔同水果溝成既特調果汁, 一杯HK$35都算抵飲, 仲要配合餐廳名, 用實驗室既conical flask裝住, 打卡心心眼之選!

韓燒風好似無停過禁，今次係實驗室食足一隻牛！黎到朗豪芳，就去 Lab 10 體驗下啦Oppa豪華牛牛板好吸引牛控黎呢度食呀！好似食左隻牛落肚，呢個係二人份量，都係$388，分別有 厚切牛舌、M5澳洲西冷、黑牛牛板腱、牛肩肉、牛大腸、巨型和牛牛肋、特級和牛牛脊 只要叫oppa 牛牛板+$68就以下兩款食物！可以話係超級優惠韓式梨汁牛五花脂肪較多，加上梨汁醃製，比較甜甜的及牛脂味重Lab Tube有三種唔同味道，分別有士多啤梨果汁、芒果果汁、蘋果汁，另有一個化學量杯比客人自行混合！非常有創意呀！整體黎講，lab 10 呢間韓燒既吸煙系統非常好，食完唔會有陣燒烤味！食物質素亦令人相當滿意

呢間韓式餐廳為左將實驗室套用係餐廳上，係裝潢上花左唔少心思，一反傳統韓燒店一枝枝抽氣管由天花板向下垂既概念，顏色上採用左白色，空間感大增，餐廳又引入唔少試管飲品，為大家帶黎實驗室既感覺呢度其實除左韓燒，仲有其他韓食，有燒肉（豬牛雞、海鮮及蔬菜）、小食、湯類、飯麵等等，飲品仲有好多其他選擇（果汁、梳打、啤酒、奶昔等等）呢度採用左無煙抽風嘅韓燒爐，韓燒完都可以無一身油煙味啊，同一般韓燒好唔同，冇左平日傳統嘅抽風機牛牛板為二人份量，涵蓋共七個牛部位，包括厚切牛舌、黑牛牛板腱、m5澳洲西冷、巨型和牛牛肋、特級韓牛牛脊、韓式牛大腸、嚴選韓牛牛肩肉牛肉既色澤都唔錯，牛肉呈現雲石紋，肉脂分布細緻，肉厚厚所以有點韌，咬口十足！ 連鰻魚都肥美嫰滑

香港有數之不盡的韓燒店舖，各家各戶都要找一些gimmick，吸引食客。位於朗豪坊的Lab 10，門外是精緻的果汁飲料吧，餐廳入面則主打韓燒。餐牌選擇不少，韓燒以外，韓國小食、主菜、湯品、飯麵類均有。牛牛板($198)，是二人份量，有不同牛部位可嚐。這樣的價錢，也無可挑剔。生韓牛拌雪梨牛油果($108)，雪梨鮮甜爽口，拌在一起吃口感獨特。脆香芝士炸雞($68)，一開始還以為是普通炸雞，沒想到原來是像天婦羅般，雞件浸入粉漿，再炸熟，加上份量挺多的芝士。粉漿略厚，但這樣的吃法也挺有趣。較欣賞這裡的果汁，The Flash ($35)賣相漂亮，熱情果、蘋果和西柚的配搭，相得益彰、互相配合。吃著韓燒，喝著新鮮果汁，感覺更清新。

常常去旺角朗豪坊一帶，卻好久沒有在那個商場吃過東西，多數去旺角也是在那區尋找一些比較便宜的食物，會認為那些大型商場的餐廳價錢昂貴之餘又缺乏選擇。「Lab 10」是朗豪坊一間新開沒多久的韓式燒肉店，剛巧在朗豪坊的10樓，也許就是為何叫Lab 10的意思。值得一提的是，Lab 10原來跟一間叫「JUICE LAB」的飲品店連接在一起，兩間是一樣的，只是Lab 10是吃燒肉的，Juice lab則是賣飲品的。晚上時分竟然不用等位就能入座。餐廳的意念十分創新，用了實驗室不同的溶液裝飾作為餐廳的設計，令人彷似進入了實驗室當中。以大型商場來說，食物的價錢偏貴也實屬正常，但勝在食物種類也算多，有豬、雞、海鮮等等。而這裡最有名的想必會是這款牛牛板，只需$198就可吃牛的不同部位，另外又有個重量級的OPPA牛牛板。燒肉也要花時間去等待它們變熟，先吃一個炒飯醫肚。鰻魚的份量稱不上很多，但質感軟稔，整個飯也充滿鰻魚汁的香氣另外好像還加了韓式的燒汁，令炒飯滋味非常。OPPA牛牛板有很多牛肉的部分，裡面有牛舌、m5西冷、板腱、肩肉、牛肋、牛脊，牛舌位爽口，但感覺偏硬，不像日式的牛舌。西冷和牛肋的部分也是比較硬的

圖中呢塊板係呢到名物 每張枱都有必點之選🥩叫「牛牛板」按不同部位擺放 感覺蠻專業der個燒爐抽氣位抵讚 坐到咁埋都無乜油手煙味 而且好夠火🔥(當然有得教大細火) 🥅又唔易痴底又真係無呃你 二人份量剛剛好除非你係好crazy既🐃牛魔王不然的話 我會善用個胃試多d其他野食我就叫左個炒粉絲食快d去試下呢間朗豪坊開店啦!————————————————————————————#lab10 #koreanbeef #koreanbbq #koreabbq #BBQ #grill #koreanfood #koreangrill #bbqbeef #beef #steak #韓燒 #韓牛 #燒肉 #香港好去處 #食左先講 #hkfoodie #foodiehk #mongkok #mk #langhamplace #旺角 #朗豪坊

提早一日係Openrice book檯，以為五一勞動節假期無論去邊食lunch都會多人，但12:30來到都仲好多位。埋位坐低之後staff好快俾menu我地睇，最後媽咪決定要一份鰻魚炒飯，我自己就要廚師推介— 紐西蘭西冷牛扒飯，然後各一杯柚子茶，一熱一凍。之後媽咪仲講笑咁話：「廚師推介通常係伏喔。」當然我不以為然，但原來......真係伏🤦🏻‍♀️。首先莫講牛扒要自己燒（佢只係先將表面稍微煎熟，中間仍然係raw，要自己再擺落去燒；唔排除有人鍾意自己燒既樂趣，但我唔係🙈），肉質太韌，太乾，連咀嚼肌都瞬間發達起來🙊 俾82蚊基本上都係食個紫菜撈飯，十分唔抵。媽咪既鰻魚炒飯就話太濕太鹹，熱柚子茶份量亦太少。。。本來滿心期待（好耐冇食韓國野），結果並不滿意。。 如果大家想食hea啲，但都想環境過得去既可以考慮呢間。

見咁多好評先入呢間野本身都無乜期望正正常常都得晏晝食lunch 叫左個泡菜牛肉鍋飯 點知黎到熱都唔熱 叫做比常溫暖 泡菜又少之後叫侍應幫我拎入廚房加熱出到黎都仲係一 d 煙都無 叫做暖左 d 但依然係凍既之後唯有用開左既爐自己放個鍋上去整番熱 一兩分鐘就熱到有煙朋友叫左個牛肉飯有得自己燒肉 但 d 肉都乾又un 呢間野好大伏 唔明點解d 野煮完出黎熱都唔熱 拎番入去整熱都一樣大家真係咪入去俾錢佢賺

放工經過旺角， 天氣太熱好想即刻匿入去冷氣地方 順便晚飯。 於是約埋老公去晚飯。 這间無煙韓烤 坐落於朗豪坊10樓， 每次經過都想入去食，因為見到門口有好多 實驗室試管 ，把唔同果汁自己 調配，絕對吸引! 今日比較早所以唔得會太多人。餐廳環境光猛潔淨， 模擬實驗室嘅簡潔， 亮點係中間有棵植物無煙韓燒二人份量$198成個燒烤拼盤都係以牛嘅唔同部位為主。 烤爐就喺面前較低嘅地方， 熱力頗高， 小心唔好掛住影相跌啲嘢落去！$198套餐已經可以嘗到七大牛的部位。安格斯西冷和牛板腱肉質比較乾， 記得唔好再燒得過熟～ 牛肋條幾有肉香～ 覺得最好食都係"牛小排" 和"嚴選牛後腹" 。 牛小排夠juicy, 肉質軟腍。 牛後腹肉質好有彈性，夠肉味。牛舌並非厚切， 很難咬扯開，最好成塊發放入口都幾有彈性幾爽㗎！仲點咗個韓式海鮮餅($65 )裡面有蜆肉，蝦， 韭菜， 外面煎得香脆，蘸咗帶蒜味嘅醬油特別惹味！韓式泡菜湯$78夠曬熱辣辣嘅石鍋， 充滿泡菜嘅辛辣， 絕對推介泡菜湯裏面嘅豆腐， 囗感超滑但又唔易爛。來到實驗室一定要體驗吓佢哋調配出嚟㗎 雜錦果汁。Captain Lab $35用咗奇異果，熱情果，香

鐘意食韓燒，但係有唔鐘意煙霧瀰漫咁樣食，黎哩度就最 perfect！哩間韓式餐廳，除左有個好cyber 嘅餐廳設計可以打咭之外，仲可以食佢地標榜嘅 “無煙BBQ”2個人鐘意試多幾款，最啱就嗌哩個二人份量嘅韓燒肉拼盤唔同部位嘅牛都有得試到，份量多，真係好扺食哩度燒肉食嘅好處係真係一啲煙都無，唔會好似平時食韓燒咁噴到成面都係煙，食完之後真係比平時少左好多油煙味，食完都唔會怕成身都係燒肉味哩度嘅特飲真係好特別，而且一啲都唔貴，真係一定要嗌杯黎試下紅色嗰杯係Explosion，係桃加士多啤梨嘅沙冰，有香桃味亦有士多啤梨嘅甜酸味另外一杯 big n small 就有濃濃嘅薑味，好fresh 卡邦尼年糕都幾 creamy，年糕煙煙韌韌咁樣好有咬口哩個芝士炸雞一定要嗌，一黎到未食就已經勁香芝士味個皮夠晒脆，雞肉又夠晒嫩滑，真係好好味

放假可以同朋友食個長lunch梗係要搵個地方可以坐耐啲 又可以傾下計成日都想食韓燒 但係好怕好大油煙食完個身成陣味 所以都好少食黎到Lab 10 甘岩見到無煙韓燒 又唔駛排隊就入去食牛牛板 $198 寫住二人份量 食足七大部位有厚切牛舌 安格斯西冷 黑牛牛板鍵 特級牛小排 韓式牛肋條 嚴選牛後腹 嚴選一口牛份量唔算好多 我一個都食得晒厚切牛舌好正 好厚身 燒完唔會好韌特級牛小排油花好靚 肥瘦均勻 最估唔到係個菇好好食 濟州三色豬五花 $130三色嘅意思係另外有個 生薑蘋果醬 生薑菠蘿醬同青檸醬燒完之後點呢啲醬 食落冇甘油 可以食多啲芒果+香桃 smoothie $35好靚呀 仲有個好似雪糕球嘅沙冰係上面食完真係一啲油煙味都冇 唔錯同埋枱與枱中間有個屏風格開 私隱度相對大左如果有埋泡菜小碟更好

之前行過覺得呢間餐廳幾靚，但唔知食乜，今次同朋友約開食野就食呢間，原來係食烤肉！同平時去開既烤肉店感覺超唔同！！平時嗰啲係黑蚊蚊，好暗，但呢間係白色tone為主，感覺光猛。而且格調時尚，幾鍾意！打破左我對烤肉店既感覺！同朋友叫左個Oppa牛牛板，有唔同部位既牛，望圖就覺得好吸引！總共有七款唔同既牛，包括厚切牛舌、巨型和牛牛肋、m5澳洲西冷、特級韓牛牛脊、黑牛牛板腱、嚴選韓牛牛肩肉同埋韓式牛大腸。講埋個燒既爐，雖然佢唔係傳統韓燒店，中間有個抽氣，但爐頂已經有一排排抽氣孔，所以都唔會好大陣味！既有烤肉既享受，同時唔會食到成身都係！特別我地呢一日係下晝黎食，之後仲有街去，一流。講返啲牛，我覺得如果餐牌有講埋唔同部位既牛點燒法，燒幾耐就好啦！因為我地不停好驚燒耐左會韌，結果啲牛大腸我地真係燒到好韌🙈🙈🙈完全掌握唔到竅門。浪費左啲食材。牛舌ok wor，有少少韌度，但口感不錯！西冷、牛肩肉我都好推介，西冷同牛肩肉既脂肪分怖好平均，食落去係好正，有啲入口即溶既感覺🤤🤤🤤牛肋有厚度，所以有咬口，但一開始係一大塊，要烤熟左先分得開兩塊，如果店舖有提供較剪就perfect😁冇分得咁lei hea。食烤肉