LAB10 (已結業)

收工去咗朗豪坊行街順便搵食，經過見依間Lab10裝修幾特別，於是我地緊係入去試下喇原來依間餐廳係無煙燒烤，唔會煙霧迷漫，更加唔會食到成身燒肉味黎到緊係叫燒肉，有個二人份既牛牛板啱曬我地，一次過可以食到七款唔同既牛部位，包括有#牛舌 #牛柳粒 #後複 #牛肋條 #西冷 #牛板腱 #竹小排 仲係二百蚊唔使~除咗唔同既肉類，仲有多款海鮮，我地叫咗虎蝦&大帶子，兩款都幾新鮮，燒完仲好juice唔會乾爭爭燒肉濟濟地最啱就食水冷麵 涼浸浸又夠酸味，非常開胃，不過份量就少咗啲，一個人食都可以兩個就唔夠一瓶西柚梳打有好多杯既份量仲有西柚肉係入面

Lunch set $42起，有鍋物有飯仲包嘢飲，喺朗豪坊嚟講應該算好抵😆 我點咗個豆腐湯set，豆腐好滑好好食，有隻蛋，幾隻蜆同少量菜，唔係好大食嘅姐妹應該會覺得夠飽，如果大食嘅就建議點個韓式炒飯會比較好。侍應都好nice，上菜幾快！

經過好多次，次次見好多人所以未入去試過。果日偶然經過見到無人唔使排，就同朋友入去試。我地無吃烤肉，單點左一個人參雞湯，韓式餃子，同一個泡菜海鮮pizza。雞湯好細碗，完全無人參味，雞肉柴到爆。餃子好似bibigo果d超市可以買到噶冰凍餃子，可能我自己系屋企煎都煎到出來。 pizza最衰，有d位咸到死，有d位完全無味。幾乎吃唔到有泡菜。盛惠350幾蚊，兩個人吃一半吃唔落，去另外一間餐廳吃。大家來都係唔好吃烤肉以外菜式（見其他人食評烤肉好似OK）...                                           

同朋友去旺角行下,突然下雨,走左入朗壕坊找食店食晚餐,朋友喜歡食烤肉,知道有一間無煙韓燒店,就是在10樓的Lab10,店內地方整潔,因為燒烤爐旁有抽氣,即時可以吸走烤肉的煙,所以店內能保持無煙環境.睇到豬雞大聯盟都好豐富,所以就order左一份,濟州三色豬五花有三種不同醬汁放在面上,護心肉、豬頸肉和厚豬架都有加入調味,肉質都好鮮嫩.豬大腸就比較辣,加有柚子黑椒的雞扒夠大件,燒烤後,皮脆肉嫩.韓式海鮮薄餅,餡料加有海鮮粒和蔬菜,薄餅煎得好香脆,不需點醬汁也好夠味！韓式鐵鍋伴飯,韓式伴飯餸菜都好均衡,通常有齊菜和肉,只要自己加入辣醬件均匀就食得

聽聞呢到出名無煙韓燒，所以今晚你拜訪一下特級和牛拼盤係澳洲M5和牛西冷、牛肋骨、牛肩肉、肉眼等等...油脂平均，燒完油脂同肉汁一滴一滴咁流出黎，流哂口水加少少鹽帶出牛嘅鮮味亦可以同生菜一齊食，好清新燒緊嘅時候，原來火爐兩邊有個強力抽煙機所以食完唔覺衣服有臭味，抽氣力強👍🏻 韓牛三重芝士薄餅Pizza係薄底，邊邊焗到好脆有3款芝士，所以芝士味超重加埋韓牛粒，兩個字「好吃」鰻魚炒飯鰻魚燒汁炒，炒到濕濕的用鐵板上，底部有飯焦，食落有少少脆

今日係朗豪坊食左間新派既韓燒牛，六點去到吾洗排隊即刻坐低。店內既清潔同通風都做得吾錯，地板同四周圍都無油煙同油。其實燒完之後個身都無味。海鮮類叫左帶子，虎蝦。帶子大大隻，多汁，吾洗燒好耐就熟。虎蝦又係好大隻，蝦都彈口係新鮮既。牛都有好多CHOICE，我就叫左澳洲牛肩肉同牛小扒。牛肉脂方吾算多，但切得夠薄，吾需要燒太耐就可以食，牛味重，而且鬆軟。牛小排好夠juicy, 肉質軟。我地另外叫左個石頭鐵板飯，不錯。好大碟，兩個人食完即刻夠飽，配料亦十分多。 飲品西柚梳打水，好多西柚係入面，吾太甜，十分解渴。兩個人食埋單都係527蚊，CP值好高。

難得假日走去潮人勝地旺角梗係睇戲食飯直落啦約咗朋友先睇場5:30之後順便去朗豪坊有間潮人韓燒牛叫Lab 10 ,呢度仲係無煙燒真係新潮👍🏻👍🏻我同朋友就兩個選擇咗二人份量全牛套餐非常之抵食有七種唔同牛嘅部位 1 有安格斯西冷牛薄身多雪花牛味充足🙊2 黑牛牛板呢個部位其實好少食但食落都唔錯 3 特級牛小排非常頂級厚薄平均牛味濃厚🤤 4 嚴選牛後腹雖然牛味冇咁重但起碼食到個層次 5 韓式牛肋條都唔使多講牛肋係受歡迎之選👍🏻👍🏻 6 厚切牛舌雖然厚切但好彈口爽身😋😋7 嚴選一口牛雖然牛切到一粒粒但非常之容易入口🤤🤤最後我同朋友仲叫咗個三重芝士薄餅講明三重芝士當然芝士味夠晒濃薄餅仲要脆👏🏻👏🏻飲品我叫咗杯Co Co ,Captain Lab 兩杯我都要推介一下🤗🤗

久不久也會來朗豪坊逛街，這裡的店舖比較集中，一次過買到想要的東西。逛完街累了，不想再到處走，就在這裡吃飯吧，很久沒吃韓國菜，突然很想吃，就來到這。最近發現很多韓國人家居都是白色、灰色、木色簡約主調，這裡裝修很韓風呢。香蔥薄切牛舌$88: 份量比想像中的多, 不斷燒呀燒, 也燒好久才完成, 而且薄薄的牛舌已是很快熟的了。燒好的牛舌很嫩, 很香, 讚! 有些香蔥在面, 燒的時候很容易跌下, 後來掌握了, 試試將牛捲著蔥燒, 效果不錯。海鮮大醬湯$78: 味道比想像中的辣, 是青色的辣椒很辣的緣故, 這是韓國人愛用的辣椒, 利害。大醬即是韓國的麵豉湯, 味道濃郁, 有蝦和蜆等, 及翠肉瓜, 感覺豐富。韓式牛肉炒粉絲$85: 不會炒得很油膩, 蠻乾身的, 牛肉片薄又帶少少肥, 味道調較得好。鰻魚鐵鍋炒飯$128: 人氣最高的炒飯, 果然名不虛傳, 醬汁平均分佈每粒飯上, 超惹味的, 鰻魚變成了一粒粒, 沒一大條的肥膩, 這很易入口。價錢十分相宜, 比想像中平, 質素也不錯, 下次可以再來吃!

週末來到旺角決定食燒肉之前經過朗豪坊已經見到呢間燒肉價錢好抵食 仲標明係無煙燒肉平時食燒肉最怕就係食完成身味 行出街係人都知你頭先食過咩但呢間寫明是無煙的 非常好👍🏿一去到就有等入座了韓燒的環境好新派 感覺整潔2人份量的牛牛板只係$198好抵食仲有7個唔同部位食如果想再食好少少可以食$388 既oppa牛牛板 肉的份量更大份個人最喜愛食就係牛舌同牛肋條呢度既牛舌係厚切 食落去好有口感而牛肋條肉質鮮美 食入口好有咬口之後點了一個炒粉絲和海鮮薄餅炒粉絲沒有大驚喜 不過不失而海鮮薄餅記住一定要沾醬食不然會後悔個醬汁可以提升到成個薄餅既鮮味唔沾醬食便失色了最後，飲品點了最多人點的tube原來一款是米酒一款是果汁我們點了果汁款式包括有士多啤梨汁，芒果汁和青檸汁店員會教我們3款混合一起飲是最好飲你亦可自己調教自己的口味

第二次食呢間睇朗豪坊主打無煙燒肉嘅韓國餐廳 明明記得上次食嘅時候新開 環境企理好坐過foodcourt 同埋係40幾50幾蚊一個餐 今次變咗最平68😂 加價嘅幅度嚟講係跑贏市場嘅通脹😂食物質素係正常嘅 冇話特別好食特別難食啦 食之前唔記得咗影我個炒豬肉飯 係正常嘅 淨係影咗朋友個鰻魚飯 但係鰻魚大家都睇到啦 唔算特別肥美又唔唔算特別香口 雖然有芝士同埋蛋呢啲咁樣嘅配搭係唔會死 但係以佢加咗價之後嘅價錢嚟講 我可能就唔會再encore 係朗豪坊都係幫襯返pepper lunch lu🙊

今日和朋友係朗豪坊見到一間新的韓燒，而且價錢唔貴！即刻就人左去食韓國野。原來呢間餐廳係無煙韓燒，食完出黎都唔會有陣味！！正。我地叫左$198的OPPA牛牛板，豆腐泡菜湯同埋辣炒年糕。如果食肉獸的朋友覺得$198的牛牛板唔夠吼，餐廳仲有個升級版。OPPA牛牛板：牛牛版裏面有七個部位的牛肉！其中包括有：牛舌，牛板鍵，牛肩肉，西冷和牛大腸等等。款式夠多，2人分剛剛好！7款肉類裏面我最喜歡就是牛肩肉和牛大腸。豆腐泡菜湯：泡菜湯上菜是還是很滾燙，味道正宗，而且裏面的材料也不馬虎。除了豆腐泡菜和一些蔬菜外仲有蛤蜊！蛤蜊提升了泡菜湯的鮮味。辣炒年糕：年糕煙煙韌韌很Q 彈，而且紅醬的味道調得挺好，不會太辣！

同朋友係朗豪坊睇完戲，俾呢間門口有賣果汁既韓國餐廳吸引咗，感覺好清新，入到去見係食韓燒既，就試下佢。佢啲爐燒係唔會有煙～首先叫咗個小食，韓式煎餃子($38)，一份有五隻，都幾好食，朋友幾鐘意。見到佢有個二人份有七個部份既件都係$198，見幾抵食就叫咗呢個，大部份部份每個人都可以食到兩塊，啲部位有牛舌、牛肋條、西冷、後複、牛板腱、竹小排同牛柳粒等等，份量都唔少，食落去都幾新鮮，唔錯。朋友都話食韓燒除咗要食牛，仲要食五花肉($130)，除咗啲菜之外，比較特別既仲有佢會俾三個醬你，有生薑蘋果醬、生薑菠蘿醬同青檸醬，自己最鐘意個蘋果醬，食落去都幾特別。係門口見到已經好想飲佢地既果汁，我就叫咗個Captain Lab($35)試下先，有熱情果、奇異果、橙同蜜糖，聽講係無加糖既，幾fresh。另外朋友就叫咗呢個西柚梳打($28)，因為佢話幾好飲又唔甜，我之後都要多一個青檸梳打($28)，好清新好好飲。

我同朋友都好喜愛食肉，常常無肉不歡，所以嚟到旺角朗豪坊10樓，第一次嚟到韓式燒肉店 Lab 10。我地即刻點左一份兩人份嘅燒牛肉套餐，$198試咗七個部位，包括安格斯西冷、牛後腹、牛肋條等等，一大盤上到嚟，食落都份量適中。呢間餐廳提供無煙韓燒，近距離望油花滴到火上面，都唔會話被煙攻到或者覺得好熱。肉有油脂而唔膩，口感清爽，牛舌有咬勁，西冷柔嫩多汁，燒完呈網格紋，配略甜既醬汁唔會過重口味。水冷面以冰涼清淡見稱，可以中和下口味，配菜新鮮，面底條條分明有韌勁，原本既面無加調味，加少少醋提味好食好多。卡邦尼年糕，因為芝士足料，食落易有飽足感。加埋有煙肉、三色椒，係新穎嘅fusion韓式菜海鮮大醬湯有香濃既大醬味，微辣，有青口豆腐蝦！果然係韓式滋味。

前排同朋友去左旺角行街搵國食～行到朗豪坊見到有間幾新潮既餐廳🍴原來係食燒肉架！！見未滿座就入左去食～的地兩個人叫左個貴啲既牛肉，個牛舌好好食呀🤤🤤有啲位其實我都唔知係咩不過照食🤭因為味道幾好又新鮮～淨係肉驚唔夠飽我地叫多個牛肉炒粉絲，估唔到食燒肉既地方啲熟食都好出色！！完全係我杯茶🤩🤩 好入味，好鐘意食呢種粉絲既質感 夠彈又夠味🥰我地仲叫左一榨熱情果特飲，都好飲不過個人覺得偏甜左啲～總體黎講都幾好，注意用餐時間係70分鐘～

#lab10 係朗豪坊行到攰攰地就去左十樓一間店鋪飲下野， 休息下！依間主打韓式燒肉及果汁飲品，成個環境好似置身於實驗室小編點左 香桃+芒果沙冰 及 captain lab （即混左熱情果，奇異果、香橙等的飲品）真係好消暑解渴😋就算幾種水果混在一起，完全冇違和感！ 評分：7.3/10