LAB10 (已結業)

星期日係旺角行街，夜晚想搵地方醫肚，突然收到張傳單，原來係韓燒。本人真係好耐無食韓燒，覺得都係時候食番次，就入朗豪坊搵下呢間野。呢間野裝修好cyber feel，就咁睇真係唔覺係韓燒！餐牌好多選擇，我地叫左兩份前菜，兩份主菜，一個水冷麵，兩杯飲品。<泡菜金字塔> ($48)分別有泡菜、辣蘿蔔、辣青瓜。黎到唔係餐牌上面既金字塔有啲失望，不過份量都幾多，本身我又勁鍾意食酸甜食物。<韓式煎餃子> ($38)韓式煎餃都係煎得硬硬地，點啲甜酸醬，餡料爆汁，好有韓式風味。<牛牛板> ($198)係呢度既主打，集合咁多款牛，就梗係試試。每款都要自己好好控制時間，唔好燒過龍。最鍾意韓式牛肋條同安格斯西冷，夠牛味同埋好煙韌。牛舌真係厚切，食落爽口。<生菜> ($28)生菜要快快反完再反，如果唔係就好易燶。用燒完既牛油燒生菜，都別有一番風味。<韓式水冷麵> ($75)煙韌既蕎麥麵加上白醋，涼涼地，最適合係食完熱辣辣既燒肉之後降下溫。<Captain Lab> ($35)分別有熱情果、奇異果、香橙、蜜糖。用科學實

一間位置於旺角朗豪坊走韓國簡約風嘅燒肉店，主打無煙燒肉，係個爐邊已經有吸煙系統，真係吸得好好，食完都冇燒肉味，呢個好抵讚👍而家都開始興起呢種無煙燒肉，早排食個間燒肉火鍋放題又係，真係日新月異科技進步🙈 回歸正傳，店舖入邊嘅食品都十分之韓風，鐵筷子，鐵腕等等用具，小妹就食咗個韓國重量級oppa牛牛板，試一試佢地嘅極品韓牛，嚟嘅時候就分哂部位名稱話晒你知，咁你就唔會唔識分邊個部位打邊個部位，十分貼心，試咗佢個極上牛肉之後，覺得牛肉味重，醬料亦都配合得好好唔會太咸，另外佢嘅午餐大約都係$50至$80 包埋飲品，旺角區來講十分知平民化。我都叫左個豆腐泡菜湯飯，味濃但唔辣👍再試埋佢個芒果+桃沙冰，個冰底都好綿下，做得幾好，可以一試。

🔎旺角亞皆老街8號朗豪坊10樓26號舖*  「無油煙韓燒，高質新鮮食材」.其實一直想食韓燒，但無奈好容易成身食物味、肉味、炭火味，難得標明無油煙，一定要試試！.牛牛板 $198一入到去，就見到「食足7大部立」，對眼立即發光咗！餐牌上各個部位都標明清楚，食落口都唔會唔知自己食緊咩部位。每款大概4件，2人份量剛剛好！款款油花充足，油香、肉味各有特色，肉味濃既黑牛牛板腱肉、韓式醃製既牛肋條，真係非常滿足！豬皮 $88豬皮已經沾上黃豆粉，口感有勁道之餘，外層仲燒得香脆，完全食到停唔到呀！p.s: 要即燒即食，如果唔係放涼左變硬就唔好食鵝肝鐵鍋飯 $108 Lunch set有鵝肝，緊係要食啦！鵝肝肥美甘香，外層煎的香脆，入口即溶！份量亦多，目測有3分1牛扒咁大！同時有配埋甜甜鹹鹹既醬汁，撈飯相當惹味！另外包咗一杯飲品，我就叫咗柚子蜜，潤一潤喉嚨。最值得一讚既地方除左真係無油煙外，係你同隔離枱係有塊板做間隔，起碼有返少少自己空間同朋友傾計。🍽8/10

係朗豪坊買飛睇戲，咁啱經過見裝修幾得意，橫掂都要食晚飯，朋友話不如試試，可能時間尚早唔洗等位。呢到嘅座位與座位之間有屏風間格令大家有私人空間，感覺仲有d似自修室😂又唔算侷促。同朋友兩個人就叫咗個-主打套餐伴果汁（$548），內容都幾豐富價錢又唔算貴。-泡菜金字塔（泡菜+辣蘿蔔+辣青瓜）味道唔算太辣，非常醒胃。-生韓牛伴雪梨牛油果，本身有啲怕生嘅牛肉唔知會唔會有陣腥味，但呢到用咗牛油果中和咗牛嘅腥味，另外雪梨增加咗口感同提升咗清爽道，令到本身好怕都一啖接一啖咁食，果然好睇又好食。-豆腐泡菜湯，上枱時熱騰騰，飲落辣度亦剛剛好，非常開胃。-套餐燒烤肉類包括：澳洲西冷（M5)、澳洲牛板腱（M5)、首爾牛肋條、牛舌、豬頸肉、青檸雞扒，其中推介以下4款：西冷-肉嫩而且油脂豐富、牛板腱-無筋而且軟嫩適中、牛肋條-肉味濃郁、豬頸肉-軟滑爽彈，總括各肉類質素不錯。-套餐燒烤海鮮包括-生蠔及虎蝦，兩款都味道新鮮，大小適中。-韓式鐵鍋拌飯，一鍋拌飯裡有著不同蔬菜配料、牛肉及煎蛋，整道料理嘅靈魂‘韓式辣椒醬’還提供一大支任加，所有配料攪拌均勻，大啖食，熱辣辣好好味！套餐果汁包括咗3款混合果汁，上枱時係用一套試

夏日炎炎相信不少港人，也愛行商場，睇下戲，食下飯過一個，有冷氣的假日了.食店十分方便，在大商場內，不需要行出戶外.lunch 有不少set , 十分經濟.肉份量也不少的，本店還是無煙韓燒，比較健康.飲品，也是這食店本打，用新鮮的生果做成的.真係抽風設備做得好，無煙.牛骨湯也充滿了韓式風味.豆腐湯夠正宗，配上白飯，最好的配合.叫了388 的牛牛板可免費有1set lab cube , 但要十秒內講到三次.炒粉絲有穫氣.

今日同朋友去朗豪坊行街見到呢間鋪頭出面個樣好簡約小清新🙆🏻入到去發現原來係有燒肉食㗎😍😍同埋呢度係無煙韓燒 唔會食完成身都係燒肉味咁食完再去行街都冇問題啦😎😎呢度嘅燒肉汁係舖頭自家製嘅 味道啱啱好同燒肉好夾🤓呢度仲會有塊板隔住私隱度好高自己食都唔怕尷尬啦😆😆🐮和牛牛板腱 $125和牛牛板腱有四塊 花紋好靚 肥瘦適中 燒完好香望到都流曬口水🤤🐷秘製護心肉 $98護心肉用一個玻璃樽裝住入邊嘅份量都幾多有差唔多十五塊🆙好juicy又嫩腍🐥韓式人蔘雞湯 $118人參雞湯入面嘅雞都好嫩滑😋😋雞湯人參味唔會好濃🥟韓式煎餃子 $38煎餃子有五塊仲配咗一個醬個醬酸酸地辣辣地🍸Captain Lab $35Captain Lab有熱情果 奇異果 香橙 同蜜糖飲落酸酸地 好健康嘅感覺💕造形都好配合Lab嘅主題🍹Thermometer $35呢杯係藍莓🍏士多啤梨沙冰 好啱一夏天飲消暑一流😆😆10% Service Charge

工作辛苦了一星期，嚟到星期五，梗係想奬勵自己。難得今日半日off，坐車去旺角朗豪坊睇下有沒有新餐廳。這間餐廳門口唔算特出，但卻被這餐牌吸引，一set 都係50-100蚊左右，以大商場餐廳來說，算係便宜。我order了最愛的燒肉，韓式梨汁牛五花。相片與實物完全相同，味道一流，一個人食真係好滿足又飽到死另一個要讚的地方是這裡的燒爐左右兩方有抽煙位，所以啲煙唔會直吹到你身上👍🏻最單埋單$75（連加一）～

旺角呢個人山人海既地方 包羅萬有想食韓國野 其實周圍都有很多但要有質素既 韓國food 當然就要睇餐廳介紹位於朗豪坊 10 樓 叫 lab.10餐廳環境清新 簡潔 乾淨 吾會有一條條既吸油煙通 阻礙食野 反而勁有私人空間 會有分隔牆 分開兩人座位 四人座位 甚至一班人坐低食都冇問題係Menu上 點左個$198 二人餐可以食足牛既7 大部位睇落細細份 其實好夠飽 牛舌部位 爽口 其他部位就好鮮嫩 肉質柔軟 油花豐富 吾使驚會燒窿添餓肝鐵鍋飯 份量剛剛好 -鵝肝食落口入口即溶 蛋飯配上豉油及香蔥 非常香口 入味 仲好熱辣辣食到口乾乾 點左一渣 水果茶蘋果-士多啤梨-西柚-蜜糖 好新鮮 仲好好飲呢

話說好耐冇見一位中同 難得今個星期得閒 所以就約咗出嚟食飯 我哋揀咗大家返工嘅中間點旺角朗豪坊 方便大家 朗豪坊一向都好多嘢食嫁啦 我又唔想食food court 所以就搵左呢間韓燒試下***我地叫左個$198牛牛版拼盤 係二人分量 入面有一口牛 牛板腱 牛後腹 安格斯西冷 牛肋條等等 最驚喜嘅係厚切牛舌 燒完之後幾有口感 牛小排亦非常軟腍 可以一次過試晒咁多種唔同嘅牛部位 另外我哋仲叫咗韓式鐵鍋拌飯 用料非常豐富 有菠菜雞蛋泡菜肥牛芽菜 朋友幾中意韓牛三重芝士薄餅 因為芝士味濃郁 芝士入面包住牛肉碎 最後叫咗杯蘋果梳打 幾fresh

又到左blue monday，放工當然要搵D好野食下，今晚黎到呢間位於旺角朗豪坊的韓燒店，這間餐廳比平時的韓燒店不同，這裡主推無煙韓燒，入到餐廳真係聞唔到一大陣韓燒的味道，而且平時韓燒店通常都係黃燈為主的，而這裡選用了白燈，給人一種好潔淨的感覺。這間餐廳除了韓燒，還有其他韓式料理食。牛牛板($198/二人份量)，這款牛牛板幾乎每枱都會點，因為是這間店主推的食物。這款牛板共有牛的7個部位可以食到，包括牛舌、安格斯西冷、牛板腱、牛小排、牛肋條、牛後腹同埋一口牛。當中牛舌味道濃郁，牛小排肉質鬆軟，一口牛非常juicy!韓式水冷麵($75)，食完燒肉食個冰凍的冷麵也不錯。這裡的冷麵麵質彈牙，附有酸汁可自行加到麵中。配料還有蛋、青瓜，令口感更豐富。韓式牛骨湯($118)，這裡的牛骨湯有很大舊牛骨，可以食埋牛骨髓。牛骨湯清甜，因為落有胡椒，令味道更加惹味!牛骨湯內還有肥牛和白蘿蔔，白蘿蔔煲得都幾淋而且很鮮甜!韓牛三重芝士薄餅($168)，這個薄餅芝士都算幾多，食到三種唔同味道的芝士，芝士下有牛肉碎，批邊烤得好香口，脆卜卜味道不錯!總括黎講韓燒能夠沒有韓燒的油煙味實在難得，有機會會再黎試下其他食物!

今日放工出旺角買鞋，行過朗豪坊見到呢間門面吸引嘅新派韓式餐廳，反正都要揾食就試下佢啦。呢間餐廳最大嘅優點就係無煙燒烤，所有燒肉出黎嘅煙都會立刻被爐邊的氣孔抽走，所以絕對唔洗擔心成身油煙味。鋪內環境寬闊光猛，服務員都係後生仔女，十分有活力。牛牛板牛牛板包括厚切牛舌，安格斯西冷，黑牛牛板腱，特級牛小排，嚴選一口牛，嚴選牛後腹以及特別唔同色嘅韓式牛肋條。牛肉整體質素不錯，每塊都好濃牛油香並且肉質鮮嫩。如散叫兩款牛都$200，所以這一整板絕對抵食!海鮮大醬湯用石頭鍋盛載嘅海鮮大醬湯氣勢十足，一上枱滾過不停，第一啖務必要小心辣腫嘴! 個人真係好鍾意韓式嘅辣湯，既美味又醒胃。海鮮湯內有蜆有蝦有豆腐，同個湯好夾。韓式水冷麵燒烤咁油膩，最啱就係食碗凍冰冰，酸咪咪嘅水冷麵refresh下。很喜愛水冷麵嘅麵質，彈牙有口感。脆香芝士炸雞明明喺小食類，但份量一啲都唔小!炸雞原本已有芝士覆蓋，但額外仲會配送芝士醬，鍾意芝士嘅人真係大飽口福。就算食唒雞都要剷起pan底啲芝士黎食呀!Coco(椰青水，西瓜，青檸，蜜糖)用實驗室容器盛載的鮮果汁，清潤解渴又消暑，原本擔心加入青檸會酸，但飲落完全冇酸味，十分推薦!整體來

係ig見有介紹呢個無煙韓國燒烤就黎試一試雖然佢係韓式燒烤 但沒有前菜提供的叫左個板牛2人set雖然個價錢$198 2人份量係幾抵但係d肉無咩味肉質亦都偏鞋口另單點了一個護心肉圖片十分之多 但實物得幾片實在大失所望另外韓燒一般包既生菜佢都要叻外買啊飲品方便生果汁係幾好飲但份量又係偏小 個杯算細 仲唔滿完全唔夠飲 如果沙冰份量係比較夠但反之又無咩味...唯一係無煙燒烤真係無煙同咩燒完無咩味裝修如埋d飲品杯係幾靚 幾岩打卡希望外表整得靚之外食物質素同份量可以改善一下

同朋友最近去咗旺角朗豪坊食無煙韓燒，真心第一次覺得伏到嬲嬲地😠哩間餐廳完全係違反商品說明條例啊🤯總共叫左4樣野同2杯果汁，食到半飽都要$500幾蚊🌚〰️👉🏻牛牛板(2人份量)$198🐂共有7個部位，包括一口牛、牛肋條、牛後腹、牛小排、牛板腱、牛舌同安格斯西冷(每樣有2-4件)—👉🏻秘製豬護心肉$98🐖佢menu幅圖係一大碟有10塊肉仲有啲蔬菜咁款(圖4)，但一上枱係一個玻璃樽裝住4-5片，覺得被騙😢—👉🏻生菜$28🥬生菜要收錢都算，重點佢地連泡菜涼拌菜都無都要收錢。。仲要成$40😓—👉🏻韓式海鮮蔥餅$65🍕個味唔差嘅😉不過所謂嘅海鮮其實只係得幾粒蝦🦐—👉🏻Captain Lab $35🍊👉🏻Sour Bomb $35🍋前者有熱情果、奇異果、香橙、蜜糖，後者有檸檬、西柚、奇異果、蜜糖🍹但實在太酸，味道一般🤖〰️總結係希望大家唔好去中伏啦🤭

朋友係要見嘅~~~所以一早打電話黎 Lab10 book 枱book7:00，留枱到7:10五個人坐六人枱，好濶落環境好光猛，有d枱中間有塊隔板，好似自修室🤣我地叫左一份牛牛板 ($198)同埋OPPA 牛牛板 ($388)一共食左12個牛嘅不同部位🐮🐮🐮最鍾意食黑牛牛板腱、特級牛小排同埋厚切牛舌！😋😋😋韓式牛大腸都好好味，一定燒到脆先好食喎~🤤🤤🤤野飲我推介Red Hot同埋The flash($98/Jar)😌好refreshing，同韓燒好夾！除左韓式燒肉之外，我地仲叫左其他韓食韓式牛肉炒粉絲($85) 好普通韓式鐵窩飯($78) 好味泡菜海鮮薄餅($138) 好有特色，餅底好脆韓式水冷麵($75) 還可以黎食一定要book枱呀～勁多人排隊！

今日上完堂同學約埋一齊去食嘢，我哋做學生經濟梗係唔係好富裕，但係都想食好嘢㗎嘛，班長介紹我哋嚟呢一間朗豪坊食韓國牛嘅餐廳，佢話實惠又好食，我哋梗係唔放過。 一份牛牛板餐，有七款不同部位提供，一個厚切牛舌真係冧冧肉，柔軟又多汁。安格斯西冷梗係正啦，不用燒烤多久，牛香噴噴。牛小排同樣滋味，牛香蜜糯糯，食完都仲有回甘牛 味，仲有牛板腱同牛肋條，同樣出色，都有滿滿的濃郁牛香。一口牛都係嚴選之作，呢個套餐真係超值。至於個薄餅，都係好高水準，餅皮脆卜卜，多重芝士濃香撲鼻，配搭正宗韓牛食材，更加甘甜 無比，調味鹹香馥郁，皮脆肉嫩。佢嘅飲品一啲都不吝嗇，份量好多，我哋一齊分享都好滿足，還相約下次再嚟可以嘗試其他的款式再分享。加多份蘋果梳打，賣相同味道都非常清新！