LAB10 (已結業)

同朋友去旺角行下,突然下雨,走左入朗壕坊找食店食晚餐,朋友喜歡食烤肉,知道有一間無煙韓燒店,就是在10樓的Lab10,店內地方整潔,因為燒烤爐旁有抽氣,即時可以吸走烤肉的煙,所以店內能保持無煙環境.睇到豬雞大聯盟都好豐富,所以就order左一份,濟州三色豬五花有三種不同醬汁放在面上,護心肉、豬頸肉和厚豬架都有加入調味,肉質都好鮮嫩.豬大腸就比較辣,加有柚子黑椒的雞扒夠大件,燒烤後,皮脆肉嫩.韓式海鮮薄餅,餡料加有海鮮粒和蔬菜,薄餅煎得好香脆,不需點醬汁也好夠味！韓式鐵鍋伴飯,韓式伴飯餸菜都好均衡,通常有齊菜和肉,只要自己加入辣醬件均匀就食得