LAB10 (已結業)

燒烤無煙很好，不用帶走燒烤味，我們只有兩個人，所以點了最平的那個set，飲品要以正價計算，肉質鮮美多汁，而且有自己私人空間，有間板間開，傾計時不用擔心嘈，可能我們是較夜8:30幫襯，侍應步伐收拾東西很急促，所以吃了沒有一個鐘都走了！

呢間餐廳門面我本來以為食甜點，點知我朋友同我講原來係食韓國菜，所以我哋就約咗黎依度。佢哋嘅座位方法好特別㗎，好似兩個兩個會談咁，中間有塊板格住，私隱度好高，呢個要俾個讚。我本身以為啲份量會好細分啦，其實佢都幾大份好抵食。我點左一個牛骨湯，我個裏面真係有牛骨髓㗎，個湯頭亦都好甜，一路食燒肉，一路飲，再加啖飯，正！燒肉我就點左一個豬肉同牛肉，博博嘅雪花牛肉，燒一燒就可以食，再配埋韓國給無敵麻油紫菜飯，好正啊！另外想讚一讚佢個爐，抽煙系統做得非常之好，食咗成餐飯煮左咁多肉，我個新同埋頭都冇油煙味架。最後覺得唔夠飽就點左個肉醬薯條，芝士肉醬加埋一齊無敵，薯條炸得啱啱好！其實佢Menu仲有好多唔同嘅嘢食，下次想再同朋友嚟試吓！唯一要彈嘅地方就係佢有限時㗎，所以大家記得一開始就嗌晒你想食嘅嘢盡情食！

點了$198牛牛板，可吃到2人份量的7個牛的不同部位，牛小排算比較好，其他就普普通通，D肉黑黑地唔覺新鮮又冇肉味。也點了韓式水冷麵$78，完全唔值，又細碗又少配料。店內員工好多，但大部份都只顧員工之間談天，舉手點菜很久也扮睇唔到，連水也懶得送上更不會添水，作為朗豪坊的價位不便宜的餐廳真係估唔到服務差成咁。枱同餐具都有污跡，衛生有待改善。總括來說，服務差，食物質素差又唔值，一定冇下次😡

今晚決定食番餐燒肉～(⁎⁍̴̛ᴗ⁍̴̛⁎)朗豪坊原來開左間無煙燒肉特色，食完無人知你食完韓燒整體來說韓國特色菜黎講味道算好好，適合香港人口味... 韓國特色菜：泡菜海鮮薄餅，味道好重，但一般✨Lab10特飲：Sour Bomb (西柚、檸檬+奇異果🥝混蜜糖），甜甜酸酸充滿鮮果香味，唔會太甜，一試愛上！小食：泡菜海鮮蔥餅，十分重口味好多配料，有飯、韮菜、洋蔥等，口感豐富，賣相吸引，切好一件件上碟份量剛剛好，不油不膩另一款水準之作「和牛肉醬芝士薯條」🍟，薯條炸至金黃色配合剛溶化的芝士🧀😌交織出美味的交響曲🎼 🤗大口大口拉芝士特別滿足 、滋味😋！主菜：「豬雞大聯盟」（二人餐）包左柚子黑椒雞扒、韓式豬大腸、濟州三色豬五花、西班牙豬架🔥🍴豬肉味香濃、油香十足，好滿足呀🐂🐖🇰🇷———————————————————

Lab10📍旺角亞皆老街8號朗豪坊10樓26號舖Kay gor 放假當然係要同朋友食飯啦甘岩同朋友去開旺角去到朗豪坊當然又係搵食啦見到最近有間無煙韓牛燒🇰🇷🇰🇷，立即好想食啦🐂🐂牛牛板(二人份量)$198 👍🏻👍🏻👍🏻👍🏻👍🏻上台用一塊牛形木板盛載各款牛肉賣相已經超吸引仲可以試到牛嘅不同部位牛肉好重牛味又帶點油脂, 比例岩岩好燒完後牛肉香口又有口感七個部位包括：特級牛後腹，特級牛小排，黑牛牛板腱，安格斯西冷，厚切牛舌，嚴選一口牛，韓式牛肋條🧀🧀韓牛三重芝士薄餅 $168 👍🏻👍🏻👍🏻👍🏻👍🏻芝士味濃郁 , 薄餅超脆焗得岩岩好既脆度，而且批身鬆軟芝士入面包住牛肉碎 🍹Lab Burn $35👍🏻👍🏻👍🏻👍🏻柚子加芒果既沙冰，柚子既清香帶出芒果既鮮甜超級絕配阿，正份量都超多阿Kay Gor 推介 👍🏻👍🏻👍🏻👍🏻👍🏻備注👍🏻5粒代表最推介——————

喺朗豪坊飲完Cup of...之後，我哋又想食嘢啦！咁就去咗呢間位於10樓嘅Lab 10 🧪 佢係主打韓燒🔥嘅，不過佢特別之處就係無油煙燒烤，食完都冇平時燒烤嗰陣味跟住自己😏1️⃣牛牛板🥩$198 佢俾咗七種牛牛嘅部位我哋食!有厚切牛舌，韓式牛肋條，安格斯西冷，嚴選牛後腹，嚴選一口牛，黑牛牛板腱，特級牛小排。咁牛小排呢d肉質就比較香嫩！牛肋條就比較嫩滑同淋身，安格斯西冷同埋一口牛就有咬口d，牛舌就好爽口彈牙。黑牛牛板腱就相比之下要咬耐d啦！可以一次過俾你試晒不同部位嘅牛牛🐮，大家各有千秋🤤不過我同大肥肥👦🏻當然就唔夠食啦，所以另外在叫咗其他嘢🍴2️⃣韓式鐡鍋拌飯🥢$78 呢個就同出邊食到嘅韓式拌飯差唔多味，冇咩特別，不過勝在多飯🙈我同大肥肥👦🏻都太肚餓，所以唔記得咗影相，只可以照下個肚俾大家睇吓😅3️⃣ 南太平洋生蠔(一客四隻)嗰時咁啱做緊promotion，所以送咗一客大肥肥👦🏻最愛的生蠔🤤蠔非常肥美，而且值得一讚👍🏻係佢仲有淡淡嘅海水味。不過都係果句啦，想睇相，就只可以比個肚肚大家睇下🙈💡想食高質牛，又唔想俾咁多錢，可以嚟呢間性價比高嘅Lab 10試下💕

今晚去左朗豪坊睇戲，睇完揀左呢間Lab 10 食晚餐。.揀左牛拼盤，貪佢乜部位都有，一次過試晒。.重量級oppa 牛牛板 $388 厚切牛舌 - 三塊厚切牛舌，燒到兩邊都金黃色。.M5澳洲西冷 - 唔算好厚既西冷扒切成4條，好快熟。.巨型和牛牛肋肉 - 好厚既牛肋肉扒呀！燒完之後中間仲有肉汁，鍾意食筋位既人岩！.黑牛牛板腱 - 板腱位通常都係少油脂，依塊肉好大塊啊。.特級韓牛牛脊肉 - 雪花油脂分佈均勻，靚料！.特級韓牛牛肩肉- 一般，且有筋。.韓式牛大腸 - 將大腸切成條，容易燒。要睇住個火，腸既肥膏令火燒得好猛烈，好快燒焦。.叫呢個牛牛板可以以優惠價 +$98 加配Lab cube 同 牛五花。.Lab Cube - 6枝tube ， 好似以前中學做lab 咁，自己溝野似。有三款味道：芒果、草莓、青蘋果。雖然唔係新鮮果汁，但勝在有創意！.韓式梨汁牛五花 原價$98梨同牛肉好夾呀！薄薄既牛肉片（我諗係肥牛）淋上梨汁，燒完既牛肉片有肉汁同梨汁...一啖放入口，正！

服務態度極差！ 舉手舉幾次 服務生明明見到都直行直過，全程黑面落單同埋出菜，我係後加飲品既，因為我坐近門口位見到飲品其實一早整好左 5分鐘以上都唔會有服務生去出飲品 明明佢地服務生都會出出入入都可以咁耐都睇唔到 ！ 中意傾計既就傾計 完全無諗過要去做野 好似預左另一個服務生會幫佢做埋一樣 ！當日都唔多客人 大約5桌左右 都可以咁樣既服務態度都唔知講咩好！舉手都唔會有人見到 就連埋單個陣都係一個服務生推比一另一個做！食物就不過不失，不過經歷左呢d服務質素 真係唔推介。

同男朋友係朗豪坊睇完戲，正煩惱晚餐食咩，見到廣告牌，韓燒拼盤都只係$198🙀🙀呢個價錢深深打動左我地，腳仔不入自主踏入了lab 10😂餐廳主張是無煙韓燒，所以用網燒爐取代平日的韓式鐵板，油煙味的確大大減小，食完野，啲衫都無咩味😚🔸牛牛板 $198份量都ok，共有七款不同部位的牛肉，包括：牛舌、西冷、牛肋條、牛後腹、牛板腱、牛小排及一口牛。每款約有四件～肉質以這個價錢而言，我們都很滿意。其中個人認為最好食的部位係韓式牛肋條和西冷👍🏻🔸秘製護心肉 $98護心肉肉味濃郁，口感豐富，配上燒肉汁好match😚🔸韓式牛骨湯 $118牛骨湯材料有牛骨髓、肥牛肉和蘿蔔。湯呈奶香色，味道鮮甜，牛骨髓營養價值好高，女仔可以補骨膠原呢😆🔸芒果柚子沙冰 （左）$35🔸芒果香桃沙冰 （右）$35整體食物質素不俗，價錢以商場黎講係非常抵！惟值得注意的是餐廳沒有提供韓式前菜，只提供一種醬汁：燒肉汁，建議可以增設多啲醬汁，如鹽、辣醬等～

行過朗豪坊，見到一間裝修幾in嘅韓燒餐廳，於是入去試吓。我地叫咗牛牛板，因為係呢間餐廳嘅主打食品，所以叫黎試試，牛牛板分別有7個唔同牛嘅部位，分別有厚切牛舌、安格斯西冷、韓式牛肋條、特選牛後腹、牛板腱、特級小牛排同一口牛，每款都好正，好重牛味，好juice,尤其是厚切牛舌最出色，入口彈牙，因為佢係厚切關係，所以唔會鞋。其他部分嘅牛都好好食，脂肪分佈均勻。韓式牛肉炒粉絲-好大碟，粉絲炒得好入味，非常彈牙，仲有好多牛肉同配菜一齊炒，唔會炒得太濕或者太乾，啱啱好。韓式鐵鍋拌飯-用煎pan上碟幾特別，上枱時熱辣辣，咋咋聲，仲有好多配菜撈埋d韓式辣醬一齊食，好正宗嘅韓國菜。香桃士多啤梨沙冰同柚子芒果沙冰，呢2杯飲品好靚，因為每杯都有2隻唔同生果沙冰mix埋一齊，好fresh,佢應該係用咗新鮮生果打成沙冰，所以果味好重，唔會太甜，涷冰冰，涼入心，夏天飲一流。

無油煙韓燒，應該是我第一次，平常的就算無煙都有氣味,食完總不自在，相反 Lab 10抽氣勁,火力猛，幾搶火既肥油都好快燒熟，另外其中一個特色,店門外設有飲品專賣櫃位提供外賣或堂食飲品，可以一試。基本食物不錯，韓牛既嫩，西冷既濃郁肉味，但牛舌太薄，就比較失敗;而另一賣點，就是其韓牛拚盤亦比較抵食，因當時只有本人一人，故沒有叫，但大家可以一試。

平時出街食韓燒，基本上都係一個高消費既選擇，人均$400-$600應該都走唔甩，視乎order既肉質去衡量，估唔到今次呢間位於旺角地標 – 朗豪坊既韓式燒烤店卻俾到我一個不一樣的體驗。餐廳位於朗豪坊既高層段，如果要搭升降機的話，會等得比較久，搭電梯應該會係最快既選擇。雖然我平日時間過黎食晚飯，但係人流都幾多，我大約7:30到達餐廳都已經有8-9成既入座率。餐廳既內部設計，個人覺得有D似自修室既設計，枱與枱之間會有塊板相隔，可以有多一點既privacy，亦都可以減低燒烤既過程中「互熏」既機會。餐牌都幾大份，除佐有燒外，亦都有其他韓國菜色既選擇，價錢係相宜既。而呢款套餐相信都係最抵之選啦，$198 已經有7款燒肉，又再高一個grade既都只需 $388，出面食分分鐘一碟都已經賣緊呢個價錢。豆腐泡菜湯 $78我地先點了一個豆腐泡菜湯，餐廳用佐石鍋去盛載，所以熱量得以保持，而佢既湯底真係超濃郁，濃到好似有糊糊地既感覺，辣度岩岩好，平時食開2小辣既我都絕對接受得到，而裡面既配料都有好多，豆腐夠哂滑同埋有豆香，夠哂誠意之作。韓式牛肉炒粉絲 $85炒粉絲夠哂大份，而且炒得都幾乾身，唔會油淋淋，韓式粉

🔎旺角亞皆老街8號朗豪坊10樓26號舖「冇油煙韓燒」－Lab 10 早幾日同朋友係朗豪坊行街，行到有d攰諗住食埋飯，咁岩見到呢間韓燒，又諗起好耐無食過咁就入左去試下啦。之後睇返原來呢間係標榜無煙韓燒，咁食完就唔會一身煙味咁走啦！我地叫左$198的OPPA牛牛板，一份鹽燒雞扒，豆腐泡菜湯同埋卡邦尼年糕。如果自問係超級食肉戰既朋友覺得$198的牛牛板唔夠喉，餐廳仲有個升級版($398)。OPPA牛牛板 $198首先係OPPA牛牛板，牛牛版裏面有七個部位的牛肉，包括有：牛舌，牛板鍵，牛肩肉，西冷和牛肋條，牛小排同牛後腹。款式夠多，2人分剛剛好！7款肉類裏面我最鐘意就係牛舌同埋牛肋條。牛舌佢雖然唔係厚切，但都唔算薄，燒起上黎好有咬口，但又唔會咬唔到。加上非常juicy，係我既至愛。另外就係牛肋條，用醬汁腌過之後再燒，味道非常好！其他既相對以上兩樣黎講就無咁特別，但都係好味既！豆腐泡菜湯 $78另外個豆腐泡菜湯，對於我呢d唔太食得辣既人黎講都算幾好食，少少辣得黎又幾易入口，仲有滑一滑既豆腐同惹味既泡菜，配搭一流！卡邦尼年糕 $88食卡邦尼年糕，最重要係個醬料，唔係就令到個年糕冇咩味，呢到煮得濃郁

今日約咗幾個朋友行朗豪坊，跟住走去搵嘢食，行經十樓，突然眼前一亮， 有間韓式餐廳都幾吸引，燒牛肉開正我哋呢一瓣， 一set牛牛板，總共七樣，款款精品，厚切牛舌，肉汁多到源源不絕流進口裏，令你非常滿足。 巨型和牛牛肋，肉汁同樣豐富到不得了，肉質軟軟綿綿，牛味濃郁。還有黑牛牛板腱、牛肩肉、 牛脊等同樣不遑多讓，極為高質素。一款牛大腸比較特別，平日好少食到，非常煙韌， 要有啲牙力先得。我哋還點了一款鰻魚炒飯，呢款都好出色，又夠飽肚，飯粒顆顆圓潤飽滿，調味恰當，鰻魚粒肥嘟嘟，非常滋味。

平時都係去朗豪坊飲下酒買下野happy hour 但真係幾少去朗豪坊食野（除左food court ）。而韓國燒肉相對上就更少。由於今日落雨諗唔到食乜 ，所以就上朗豪坊睇下有無野食。咁啱LAB 10唔洗排隊而價錢幾合理，而且係食無煙韓國燒烤唔會有油煙味就決定食呢間。 Lap 10 係一間韓式燒肉餐廳，以「無煙韓燒」吸引住我地。牛肉拼盤： 係呢度最出名既，主要有7款牛部位包括牛舌、牛板腱、西冷、牛肩肉等，依次放在木制拼盤上。濟州五花肉：油脂均衡入口半融，配上生菜食可以解解油膩感。韓式水冷麵：小弟食過平壤水冷麵，呢種有啲唔同，少左青瓜同肉等配料，但依舊清淡而且開胃，可以一試。Lap 10飯：加上了蛋黃令飯略有香氣，還配了韓式紫菜，類似牛角飯比牛角飯便宜的價格，可以一試。總括而言，LAB 10價錢系韓國燒肉之中價錢同質素都位列中等，可以一試。