影片
更多
2019-07-02
1895 瀏覽
平時出街食韓燒，基本上都係一個高消費既選擇，人均$400-$600應該都走唔甩，視乎order既肉質去衡量，估唔到今次呢間位於旺角地標 – 朗豪坊既韓式燒烤店卻俾到我一個不一樣的體驗。餐廳位於朗豪坊既高層段，如果要搭升降機的話，會等得比較久，搭電梯應該會係最快既選擇。雖然我平日時間過黎食晚飯，但係人流都幾多，我大約7:30到達餐廳都已經有8-9成既入座率。餐廳既內部設計，個人覺得有D似自修室既設計，枱與枱之間會有塊板相隔，可以有多一點既privacy，亦都可以減低燒烤既過程中「互熏」既機會。餐牌都幾大份，除佐有燒外，亦都有其他韓國菜色既選擇，價錢係相宜既。而呢款套餐相信都係最抵之選啦，$198 已經有7款燒肉，又再高一個grade既都只需 $388，出面食分分鐘一碟都已經賣緊呢個價錢。豆腐泡菜湯 $78我地先點了一個豆腐泡菜湯，餐廳用佐石鍋去盛載，所以熱量得以保持，而佢既湯底真係超濃郁，濃到好似有糊糊地既感覺，辣度岩岩好，平時食開2小辣既我都絕對接受得到，而裡面既配料都有好多，豆腐夠哂滑同埋有豆香，夠哂誠意之作。韓式牛肉炒粉絲 $85炒粉絲夠哂大份，而且炒得都幾乾身，唔會油淋淋，韓式粉
餐廳位於朗豪坊既高層段，如果要搭升降機的話，會等得比較久，搭電梯應該會係最快既選擇。
雖然我平日時間過黎食晚飯，但係人流都幾多，我大約7:30到達餐廳都已經有8-9成既入座率。
餐廳既內部設計，個人覺得有D似自修室既設計，枱與枱之間會有塊板相隔，可以有多一點既privacy，亦都可以減低燒烤既過程中「互熏」既機會。
餐牌都幾大份，除佐有燒外，亦都有其他韓國菜色既選擇，價錢係相宜既。
而呢款套餐相信都係最抵之選啦，$198 已經有7款燒肉，又再高一個grade既都只需 $388，出面食分分鐘一碟都已經賣緊呢個價錢。
豆腐泡菜湯 $78
我地先點了一個豆腐泡菜湯，餐廳用佐石鍋去盛載，所以熱量得以保持，而佢既湯底真係超濃郁，濃到好似有糊糊地既感覺，辣度岩岩好，平時食開2小辣既我都絕對接受得到，而裡面既配料都有好多，豆腐夠哂滑同埋有豆香，夠哂誠意之作。
韓式牛肉炒粉絲 $85
炒粉絲夠哂大份，而且炒得都幾乾身，唔會油淋淋，韓式粉絲有咬口同埋彈口感，好味。
牛牛板 $198
我地揀佐比較平價既燒肉套餐 – 牛牛板，有齊哂厚切牛舌，韓式牛肋條，安格斯西冷，特級牛後腹，黑牛牛板鍵，特級小排，嚴燒一口牛，同埋少少既蔬菜，有哂咁多款唔同既種類都係 $198，認真夠抵食。
盛載工具用番圖片上既木板，咁就可以跟番唔同既部位食，更有效率。
每一款牛既質素都好高，個人最like 肋條同埋西冷，肉質嫩得黎牛味夠哂濃，配埋韓式醬汁味道一流。
Captain Lab (Jar) $98
飲品選了這款一樽裝既果汁，有新鮮既熱情果，奇異果，香橙同埋蜜糖，全部都係用新鮮水果即榨而成，健康又好味。
飲落酸酸甜甜，非常開胃，而且份量都幾多，我覺得4個share都夠飲。
平民韓式燒烤絕對值得一試，惟獨有一個四眼大叔店員十問九唔應，服務態度比較差，大家要控制一下EQ或者要搵其他店員幫忙會好一點。
張貼
