LAB10 (已結業)

兩個人食，叫左個無煙燒肉任食。員工態度好差，好似好唔想理你，問佢野佢一臉不耐煩。客人舉手想落單/埋單，全部好似睇唔到聽唔到，唔止我一個係咁，其他客人都有同樣情況。我唔係過要求你笑到四萬咁口，只係覺得正常基本態度應該要有。客人問一兩句野姐，又唔係問你十幾廿個問題，俾少少耐心答都唔得？食物上桌速度係好快，但野飲會唔會太慢？食左成廿分鐘，野飲都未上到桌，同個員工差野飲，佢就黑哂面咁講等多陣，過左成七八分鐘依然未有野飲，忍唔住再催左一次（因為好頸渴，冇水），然後等多幾分鐘，野飲終於到！因為成餐食得都唔開心，相都唔想影。至於食物，質素一般。基於員工既態度唔會再回頭。一人$248加一，我去食其他放題好過！俾錢買難受😣

Lab 10 (旺角).今次我地叫左牛牛板，有七款牛嘅部位可以一次過試哂，當中牛舌同埋牛小排都好好味。牛舌好厚身，食落充滿牛香！$198有二人份量！ 價格相宜！.⚜The flash⚜.叫左杯The Flash，熱情果，蘋果，西柚，蜜糖混合而成，好清新！.📍Lab 10 (旺角)旺角亞皆老街8號朗豪坊10樓26號舖

一大棚人既午餐通常都好難諗食乜，今日來到食韓國野Lab 10，但好快就有位喇！我地當然要支持下！之前食過都覺得ok，今次有新選擇當然要試下！今日我叫左個熔岩芝士配西冷飯，飲可樂！上菜幾快，個飯都幾熱，證明係有誠意！西冷食得出係靚牛，有三四塊，食落好重牛味，估佢唔到，芝士就唔係太重味，反而我覺得淡左少少，如果加返咸少少會好啲！可樂係長型既罐裝，有少許特色🤗俾少少建議呢間餐廳，應該要做更多既衛生清潔！🙈

食燒肉最怕搞到成身油煙味，呢間位於朗豪坊嘅無煙韓燒就掂哂✌️。我叫左主食韓式鐵鍋飯，加個和牛牛板腱同豆腐泡菜湯🥗。走簡約風設計，夠光猛感覺乾淨，坐得舒服，食物性價比OK👍

今日下午三時許食lunch. Promotion 的單張話二人set$199,但實際是$388. 單張D肉的相同餐廳內的相有很大不同的地方，仲有一D口感似內藏的東西,味道極之奇怪。仲話自己是韓國餐廳，連最基本免費的韓國kimchi 都要自己order比＄。D waiter 根本不會serve 客人，初時以為佢地係韓國人，同佢地講野冇乜反應，要問先有水比。2人午餐花了$496仲唔飽，要到丸十再食過。我話過以後都唔會再去，超級搵笨，不知所謂!

平時食開D燒肉店，食完出嚟都會成陣油煙味，碰巧嚟旺角行街朋友介紹呢間Lab10係以無煙韓燒為賣點見D相影得幾靚，拼盤係有牛同豬形狀都幾得意～就決定嚟試下~★★★★Captain Lab $98@Jar熱情果＋奇異果＋香橙＋蜜糖好豐富嘅水果層次，又fresh又夠凍，剛好解走燒肉的油膩感不過蜜糖落得比較多偏甜★★★★★重量級OPPA牛牛板 $388厚切手舌﹑M5澳洲西冷﹑巨型和牛牛肋肉﹑特級韓牛牛肩肉﹑黑牛牛板腱﹑韓式牛大腸牛質不得不讚好靚，冇血水，色澤飽滿好放心可以微微燒過就食得落肚不過太大火好難控制我地都係燒到５成熟左右已經好正，好香濃牛味，點埋醬食超正★★★★★豬雞大聯盟 $268青檸黑椒雞扒﹑柚子黑椒豬頸肉﹑韓式豬大腸﹑西班牙豬架﹑秘製豬護心肉﹑濟州三色豬五花青檸黑椒雞扒同柚子黑椒豬頸肉醃得唔係太重味，可能想保留返牛肉原味肉質嫩滑，脂肪比例好，五花油脂較多非常搶火，開最細火都差D hold不住🤣其他部分都非常之高水準，肉質鮮嫩油脂分佈均勻個豬架係最重量級，巨大一塊又超厚，比較難燒，店員話好多客都覺呢個難燒易燶後尾拎咗把較剪剪開一半就比較易燒，好彩我地用最細火慢慢燒，燒得唔係太燶，岩

Lab 10 #旺角呢間位於朗豪坊嘅韓燒，特別在於佢大部份嘅座位設計係比兩個人，而且仲有啲二人份量嘅套餐，所以如果得兩個人無啦啦想食韓燒，呢間的確係唔錯嘅選擇。最最最好係佢係冇煙韓燒，所以唔會食完之後成身都係韓燒味！牛牛板 $198(二人份量)厚切牛舌、安格斯西冷、黑牛牛板腱、特級牛小排、韓式牛肋條、特級牛後腹、嚴選一口牛以呢個價錢可以食到咁多唔同部位品種嘅牛，都真係幾抵！而且大部份嘅牛都好淋、入晒味 (除咗牛舌比較硬之外)。 不過雖然佢話係二人份量，但其實每一個部位只係得幾塊，嗌多碟飯或者面會飽肚啲。味道:4/5性價比: 4/5韓式牛肉炒粉絲 $85呢個就普通左少少，佢嘅牛肉其實似肥牛，而唔係真係一塊塊牛肉。而且佢嘅調味偏淡，就咁食真係有啲難入口，但係點少少佢嘅韓燒豉油就會即刻好味好多！而且成碟野都好油，比一般嘅韓式炒粉絲油好多，一般般。味道:3/5性價比: 3/5我都幾推介呢間嘅韓燒，但係就絕對唔建議帶炒粉絲，如果真係唔夠飽可以試吓去其他熟食。

今日去到旺角朗豪坊，午餐諗唔到食咩，所以就搵openrice，睇下食咩好，見倒呢間Lab10無食過，就衝入去試吓。午飯時間佢會有午市套餐（$42起），由於今日諗住簡單食所以我同朋友就各自點左一個餐。韓式水冷麵（$42）- 無也特別，同平日嘅水冷麵味道差唔多，但係份量超級少，兩啖就食完。熔岩芝士鰻魚飯（$72）- 芝士可以做到拉絲嘅狀態，但冇咩芝士味，鰻魚尚算可以，但飯嘅部份就相對非常少。柚子蜜食物質素尚算可以，但份量偏小，另外服務態度真是有待改善。

今日去到朗豪坊覓食 揀左位於10樓既 #lab10主打除左係無煙烤肉之外 仲有成塊牛型板咁上既牛牛板————————————⭐️牛牛板 HK$198 二人份一個牛牛板上面有七款牛既唔同部位不基於無寫明邊part 打邊part 所以其實我只係認得牛舌同牛柳粒不過牛舌相對地好夠厚切 所以食落好有好感而牛尾個邊個款我就覺得最入口即融.⭐️濟洲三色五花肉 HK$130韓燒點可以無五花肉呢呢個三色五花肉就有三種唔同調味既sauce~食落豬味好重 好好味

今日有人想食韓燒，我們一行五人，出「旺角」最方便～～～上Openrice 找找旺角有什麼「韓燒店」，原來「朗豪坊」10樓有間新式韓燒店 LAB 10, 評級不錯，一於試試～～～這兒環境跟一般韓燒店好唔同，簡潔時尙有點文青氣息先來飲品，我們都點了「果汁梳打」果汁梳打都是用鮮榨果汁做的，非常新鮮，但是梳打水比例不夠、不夠氣；似飲果汁多過飲梳打。肉類我們點了必食「五花腩」脂肪比例多，所以燒起來都幾「野火🔥」，但吃起來又不覺肥膩，味道不錯「護心肉」第一次食傳說中的「護心肉」，想不到又真係好好味喎！！有肉味又有咬口！！所以都忍唔住再Encore!!最抵食是這個$198 「牛牛板」有齊牛的七個不同部位的肉，有牛小排、一口牛、黑牛板腱、牛後腹、安格斯西蘭、牛肋條、厚切牛舌。大部份都好味，尤其是「牛肋條」、好林、好香牛味，好好味只是厚切牛舌就失色了，很靭、比較難咬得開呢個「牛牛板」，我們都再Encore!!「蔬菜籃」蔬菜都OK 新鮮，不過南瓜很難燒很林，燒都濃晒都仲好硬。「薄切牛舌」牛舌真係要薄切先好食，口感好好多；加上上面的洋蔥碎，好香好味！！這兒的抽氣是向下抽的，所以不會成間餐廳煙霧瀰漫～～～食完

#lab10  同朋友係旺角朗豪坊見到有間以實驗室為主題的烤肉店，可能係係10樓所以叫做LAB 10，店內抽風系統充足，唔會有成身煙味，屬於新派韓燒。和牛巨型牛肋條 $125 每張桌子都會有一個烤爐，剛剛好可以烤完一碟牛肋條，一碟有3塊，每一塊都很厚實。我喜歡烤肉的過程，看著肉的變色，油脂慢慢滴出來，肉餡慢慢飄出來，心情感到很愉快！韓式海鮮蔥餅$65 海鮮餅裡面有芽菜還有洋蔥，有一些酸的醬汁可以點，韓式海鮮蔥餅煎得金黃色，香脆可口！

平日7:00入去都唔使排隊 餐廳差唔多滿 牛一般般 無特別 價錢都合理加咗個韓式牛肉炒粉絲 味道係幾好不過就份量真係少，但衛生環境就麻麻地 ，餐具同杯水有啲昆蟲爬 ，不過無煙燒烤係真係做得幾好嘅！

今日約左個朋友食飯，又係去左個大家都就腳返屋企既地點食啦！佢唔太食辣，咁為由食牛啦！兩個人叫左個重量級oppa 牛牛板$388 再加左個牛五花同Lab3! 朋友就叫左杯啤酒添待應話$388既牛牛板同$198既分量一樣但質素唔同！$388高質好多！咁就叫個$388試下啦待應話兩人只可食70分鐘！咁我地都係差唔多到！個牛冇咩特別！唔似待應講到既咁高質！但個牛五花返而幾好味！個Lab3 係二人份！但朋友叫左啤酒！咁即係成份我家唔待應話可以溝埋飲又或者分開飲！兩個都ok! 但甜左dd 都入到口埋單$6xx

相約朋友到達朗豪坊Lab 10 ， 網上預約6:30， 提前一日confirm booking ! 第一個電話☎️接觸沒有提及限時90 分鐘！ 到場後因人沒齊（欠一人) 職員話限時90分鐘，你地齊人先入座啦！入座後， 點餐 招牌和牛7 部位拼盤，豬五花腩，韓牛肋排，厚切牛舌，炸雞，韓式年糕炸雞， 啤酒，特飲。 十分鐘後炸雞年糕飲品也到了。 職員也為我們開爐了， 等又再等，等⋯⋯⋯等， 半小時多，忍不住向職員查詢， 職員回答廚房出單部機有問題，唔知有order (但炸雞年糕又會出來）等等等等！ 我們問職員得90分鐘，會不會唔夠時間呀！職員一笑回答了！ 入座到上菜足足五十分鐘， 肉食到了， 沒理會了燒，燒燒燒⋯ 7:46 一名年長架眼鏡的男服務生把我們的的賬單放枱上說：「埋單」， 我們驚訝的回答：「未食完喎，冇叫埋單」他便說90分鐘用餐時間！ 吓！唔可以再叫食物嗎？大家對望了十秒左右！ 男服務生說「你係咪叫吖」他便走開了。 太過分了！ 裝修， 食物價錢（可能我食慣平野啦）都算中價！ 千幾蚊埋單接受咁既服務！ 食品就算有幾好都補唔返！

Wanted Korean style deep-fried chicken that night in Langham Place. Found one with mostly deep-fried chicken, but at the same time I wanted something else as well. Picked this one on OpenRice as it had more variety to choose from. However, I wanted to leave as soon as we sat down. I really didn't like its layout! I felt like a prisoner! My friend and I sat face to face, but the distance was a bit far. It really felt like my friend visiting me, the prisoner. Lol... We couldn't help from picking u