LAB EAT Restaurant & Bar (T.O.P This is Our Place)

營業中

休息中

今日喺旺角做完Facial就嚟咗呢個商場食lunch想搵個坐得舒服啲嘅地方唞一唞，走咗入嚟呢間餐廳。Lunch set Menu中上價格，一百至二百幾蚊揀左波士頓龍蝦肉牛油果三文治配粗薯條龍蝦肉份量唔少，肉質彈牙牛油果新鮮，質素唔錯！但係估唔到係呢一種麵包覺得有少少硬，亦都夾唔到一齊食所以最後食咗少少就冇食。如果可以用返一種軟身少少嘅包，整體感覺會更好環境寧靜舒服，適合見客、同朋友傾計。好少嚟呢個商場，都幾多嘢行，下一次會再嚟☺️☺️

今餐是和女朋友週年紀念日，諗住搵一d特別既西餐。今餐食左每人差不多600元，係旺角商場入面比呢個價錢會期待有驚喜既。整體黎講食物可以拎到4分既5分滿分既話。一入到去環境會係casual少少，透過玻璃都見到個幾大既露台會好relax既，reception帶左我哋去梳化度坐，一入去就睇到絨皮梳化有清洗唔到既污漬，扣左好多分，建議可以放坐氈係上面。頭盤龍蝦湯，洋蔥湯同密瓜火腿係非常有驚喜既，煮湯非常香同火腿質量好好，可惜火腿下面既火箭菜唔新鮮，如果唔放火箭菜有90分。之後黎既海膽意粉海膽同醬都幾好，係個意粉差少少先al dente同埋個火箭菜問題扣左d分啦。仲有係服務細節上面如果想繼續收呢個價錢真係好多野要執，第一枱上面無餐巾，胡椒粉同鹽，第二我食完頭盤一直都好期待會幫我換碟，可惜最尾都無，第三智利House wine 78蚊有d貴。之後炭燒牛柳唔韌無痴牙幾好，最尾個木糠雪糕係滿分既👏🏻

雖然是非常時期，生活還是要繼續，懷著正能量嘅心情來到商場5樓。門口佈置有新年氣氛，吉樹預意係大吉大利，桃花代表花開富貴，看在眼裏，心情都即時開朗起來。餐廳范圍很大，座位之間寬敞，全落地玻璃將外面的城景與室內連成一線。環境舒服。乍看，有長枱，方枱，圓枱就別樹一格，有私隱又不失優雅。座位備有「消毒濕紙巾」，餐前用它抹下手，令人覺得安心。餐前法包，細細件，份量剛好。吃落口又香又脆。新鮮生蠔大大只，來自法國，海水味濃郁，入口滿口鮮甜。香草蛋黃醬焗蟹肉、牛油果、紅菜頭藜麥。＄148賣相吸引，有心思，而且健康又充滿足夠營養。主菜是西班牙極品橡果飼養黑毛豬＄298。顧名思義，此香煎黑毛豬來自西班牙，橡果飼養，肉質鮮嫩，肉汁香濃。Virgin mojito＄68，由青檸，薄荷葉和梳打水max而成，口味清新，解渴又消滯。最後隆重登場的甜品係比利時朱古力波伴焦糖雪粒，咖啡果凍配伯仕利甜酒＄128甜度剛好，層次豐富，是完美的句號和此晚的加分之作。

Lab Eat 畀我嘅印象都係好好，因為環境有格調，食物都又靚又好食今次再黎到旺角分店，餐廳位於TOP入面，佢嘅感覺係比尖沙咀分店更有年輕嘅感覺，餐廳有個露天位置，有篝火咁嘅裝飾，好有外國餐廳嘅感覺講返食物，餐前小食有麵包配醋+橄欖油法國生蠔鮮味濃鬱，雖然唔係超肥，但生蠔好飽滿，唔會縮埋。我好鍾意嗰款酸辣汁，淋上生蠔特別開胃黑松露焗田螺多士幾出色，熱辣辣，入面螺肉飽滿彈牙，黑松露味道突出，我覺得可以做得更好嘅就係多士要脆身d大大粒螺肉😍龍蝦沙律好好食！分量十足，兩人share真係夠曬，除咗菜同龍蝦肉，仲有幾款海鮮肉同埋芒果肉，龍蝦肉鮮味勁出，入口真係會哇出聲主菜係beef short rib配炒菇，肉質彈牙，肉味油香味好濃，我覺得如果配上芥末就更正，可以中和油膩，原黎旁邊骨嘅筋膜都可以食，原本以為要削出黎，旁邊嘅服務員超好人，佢話我聽個秘訣：中間劏一刀就可以成塊筋膜剝開👍最後嘅甜品幾靚，菠蘿乾攤開好似隻蝴蝶，香甜但有d黐牙，整個甜品望落雖然細細件，但作為飯後菜，真係相當滿足。今次嘅用餐體驗好好，服務誠懇，上菜速度快，加上餐廳人數唔多，環境恬靜，好適合約會聚餐

約朋友食飯，想坐低慢慢傾吓偈，佢就推介呢間西餐，話環境同食物都唔錯。揀完食物後，先來杯白酒嘆嘆生蠔一人叫左一隻試下送酒，生蠔新鮮大隻！！有少少海水味👍🏻法國傳統熱溶流心芝士店員會拎住一大舊表面加熱左既芝士，來到你面前將芝士倒下，整個過程真係娛樂十足，真正睇得又食得。 芝士唔死鹹，份量好多，芝士按表示好滿足。12小時慢煮美國一級牛小排慢煮既牛扒非常嫩滑，表面再香煎處理，增添香味，帶骨位置油香非常，推介。蟹肉意粉，雖然望落好似無蟹肉，但完全估唔到蟹肉味咁勁，好好食。超靚既甜品，特別推介雪糕，好濃好滑同外面食既好大分別價錢唔貴，環境好，食物有質素，有機會會再來的

放工同好姐妹去旺角行街，咁啱行到T.O.P佢話想食西餐，見到之前喺尖沙咀食過高質嘅LAB EAT原來有分店喺5樓，即刻決定上嚟食😊新鮮生蠔生蠔好新鮮，落少少檸檬已經好鮮甜❤法國傳統熱溶流心芝士配香草烤薯，火箭菜，慢煮露筍，烤番茄意大利凍切腸因為我哋都好鍾意食芝士所以叫咗，但其實對火箭菜同凍切腸一般🤣芝士好香唔會太鹹，但一定要熱食因為凍咗就會硬咗一塊咁😆12小時慢煮美國一級牛小排(海鹽炭燒)配薯條牛小排係慢煮所以入面嘅肉都幾嫩滑，近骨頭位置嘅肉好有嚼口同埋牛味更加濃郁，薯條熱辣辣😍鮮蟹膏海膽扁意粉醬汁充滿蟹膏嘅鮮味好creamy，意粉亦好彈牙👍🏻法式蘋果批伴香草雪糕咁平時喺出面食嘅蘋果批完全唔同，上層 微酸下層酥脆，配埋自家製嘅雪糕，我自己大愛❤食完覺得旺角同尖沙咀分店同樣高質😊

年初四終於忍唔住出街食個飯。食咗幾日中餐，今日梗係食西餐啦。呢間餐廳喺旺角，但個裝修，服務，食物同定價都徧向銅鑼灣。首先個頭盤係法國傳統熱溶流心芝士，即係raclette，N年前喺半島酒店間瑞士餐廳食過，一試難忘，芝士精必食。呢次個做法唔知係咪法式，有啲唔同，將焊燶嘅芝士刮出嚟舖係啲食材上面，唔似嗰間瑞士餐廳做法連食材一齊焗，但個芝士嘅燶燶地味一樣好香好味，我覺得呢個前菜好值得試。跟住食咗個黑毛豬，厚燒，juicy，好味。個意麵係由三種牛肉煮成，個汁唔太咸，都好夾。整體平衡度好高。最後，讚下個待應哥哥仔，不時為我哋斟水，又好有禮貌👍🏻PS: 有個移居歐州嘅朋友話我知，刮啲芝士出嚟係瑞士嘅傳統做法。媽，我好亂呀，咁呢個做法係法國定瑞士？

周年紀念快樂！!!今年是我們的八周年紀念日，當然要食好西慶祝一番🥰🥰老公book咗這家 旺角 Lab Eat 西餐，本來想坐室內的，閃亮燈飾感覺特別浪漫🌹但這幾天特別凍，還是坐在室內吧！先來一杯餐酒，為這頓特別日子的晚餐點綴😌😌頭盤點了海膽多士，多士香脆，海膽鮮甜creamy ，海膽份量超多🥰🥰Seafood salad 🥗合口味，材料款色多，而且非常配合，龍蝦粒非常鮮甜，還有煙三文魚呢😝😝Beef short Rib 五成就最正👍網紋超級靚，炭香味濃，伴薯角又香又脆😍😍甜品點了蘋果批，賣相靚靚，酥皮脆底，口感一流⋯⋯😋下年九周年要再來😝

兩公婆撐枱腳最適合浪漫西餐🥰🥰 旺角TOP 這家LAB EAT 最適合不過🤪位於TOP 頂層，氣氛浪漫🌹服務當然好，座位坐得舒服😌仲有outdoor 夜晚半住閃燈真係好浪漫💕餐前麵包熱辣辣，伴醋和橄欖油最正😚頭盤點了來自法國M1 蠔，蠔味濃郁夠爽口，淡淡海水味😌😌Seafood Salad 🥗 材料豐富，有煙三文魚、魷魚、龍蝦🦞牛油果🥑、藍莓和新鮮蔬菜🥬加上自家製source 開胃得來又豐富最愛牛😍Beef Short Rib 跟埋Fat Chips五成熟粉紅，牛味非常濃郁，好感一流，外皮蕉炭香味，同其他餐廳有唔同，真心好味😋配牛我喜歡紅酒，講就鍾意白酒，各取所需😂😂最後Apple pie 作結，買相100分，味道都99分🥰🥰真心喜歡這家西餐，不論環境服務食物都一流，價錢合理👍👍

旺角除了街頭小食、日本料理外，還有不少西餐可選擇。這間餐廳以實驗室LAB EAT命名，如從名字猜測，大廚應該是愛好創新的人吧？把食物當成實驗，製造出一個個新發明。Anyway，以食客角度，這裡給人的第一感覺絕對是及格的，整體浪漫又寬闊。還有室外空間可以Shisha燈光擺設什麼的也頗用心如此寧靜的環境，應要慢慢品嚐。點上一壺花茶，悠哉悠哉。玫瑰花茶清而不濁，和而不猛。啜一口琥珀流液，淡淡清香。這個時候，應該來些甘醇古老的味道做點綴。30個月西班牙橡果飼黑毛豬火腿絕對經典，吃橡果的黑毛豬火腿吃下去油潤甘香，有非常重的橡果回味。肉質結實，肉味較濃，口感油潤而嫰，再配以蜜瓜的清甜中和 火腿的鹹，絕配。BBQ醬燒烤慢煮深海八爪魚，對於我來說是新嘗試，蝦、帶子、墨魚西餐食得多，八爪魚真是處女試。八爪魚慢煮至腍身，然後再輕烤增加香味。奉客前澆上燒烤汁和放上芝麻菜及薯菜，伴上藜麥沙律，藝術感十足。完全沒有想到這個深海醜八怪，經過烹調後這麼不錯，肉質軟腍得還是帶有一定口感。最後是每個女孩都喜歡的環節，我當然也不例外！點的這個法式蘋果批配香草雪糕，令我愛極了。一層酥皮疊上吉士醬，再疊上帶蘋果茸的果凍層，最

整個星期都上班好辛苦，湊巧這日男朋友放假，就想食好少少，於是就和男朋友一起食位於旺角T.O.P商裡的LAB EAT西餐廳。餐廳環境整潔柔和，燈光都比較昏暗有情調，座位之間有一定距離，十分舒服優雅的環境～而且還有露天的空間，看起來特別寬敞舒適。點菜過程，Waiter已經上了餐包。紫色、白色的餐前麵包，吃起來份量十足，口感Q彈有嚼勁。搭配橄欖油黑醋汁，把酵母的天然麵味凸顯了出來。問了Waiter點什麼好，他們建議我們先來個生蠔，那恭敬不如從命，有專人推薦絕對不會中伏。這天的生蠔品種是法國的Tatihou，盛惠$55一隻，四隻生蠔乖乖躺在冰上，呼喚著我來食它們。法國生蠔向來得我心，全因為味道比較甜，而且口感都較creamy，size也大。Tatihou這品種，After Taste還有淡淡松果味道，簡單搭配檸檬汁，濃郁的蠔味在嘴裡綻放！在等食物的過程，來杯酒吧！我點了Les Jamelles Cinsault Rose，此款酒清澈新鮮，香味適中，散發著花及紅色蔓越莓的風味，並伴有絲絲生澀。蜜瓜火腿卷是一道很經典的西餐前菜菜。歐洲人喜歡用風乾火腿來搭配當造甜瓜，把風乾火腿薄片包裹密瓜，用香甜多

情調氣氛濃厚的西餐廳❤︎每枱都有蠟燭，超多人撐枱腳〜餐廳推介，就點咗杯白酒，甜甜地，好易入口，不過飲咗半杯左右就紅哂前菜麵包好鬆軟，蘸黑醋食，比想像中好味好多，可以返屋企試下黑松露法國田螺！超好食！一上菜就已經聞到好香！每隻都好肥美，連埋上面滿滿的黑松露一齊食，鹹香極重！食完再食薯蓉麵包，好軟滑，睇返啲相都流口水！特寫！隻田螺閃閃發光！甜品揀咗焗蘋果批，好得意有金箔點綴蘋果肉壓成長條型，甜而不漏，仲幾有咬口〜喜歡蘋果的話，應該幾有驚喜！

收工去左旺角行街, 行到咁上下朋友提議食西餐, 上網見到呢間幾多好評就入去試下.餐廳入面都幾大下, 外仲有露台位, 岩食煙OR鐘意坐戶外既人.一開始叫左D法國生蠔  Tatihou - 口感層次分明, 疾脆, 先是一段海水咸味, 之後甜味再慢慢滲出, 回甘味長久另外叫左2杯白酒 chateau tour sivadon, 易入口, 微酸. 同生蠔好夾.鹽焗牛小排 - 牛小排和我們中餐里常吃的「牛仔骨」是一個部位的肉，指的是牛的胸肋骨部位，第6至第8根肋骨之間帶油筋的肉. 不帶骨頭的被稱為「牛小排」. 牛味重, 肉身較林, 油脂充足, 大理石紋非常豐富.

Top電梯上到四樓再行一層樓梯以為會去到一個細細嘅閣樓仔點知又有兩三間餐廳而且都幾大間旺角嘅西餐 唔計酒店呢間都算係裝修同餐牌都幾decent幾posh嘅一間頭盤麵包配醋/橄欖油湯就揀咗龍蝦湯龍蝦湯濃郁不特止仲有好大舊龍蝦肉M5和牛伴鴨肝雖然鴨肝係冇鵝肝咁肥美但同時亦冇咁油膩亦好細緻順滑扒係char grilled 所以係幾香口M5幾肉味係幾濃郁又有啲肉嘅油脂 分佈得算幾平均而我最鍾意係最尾呢個甜品有啲餐廳雖然main course好有誠意但去到甜品就好似湊一湊數咁整個奶粉味極重嘅心太軟或者hea到爆雪櫃拎出唻嘅窩夫令成個感覺跌哂watt但呢個雪糕三文治係真係酒店質素有樣有新意對得住佢個價錢

黎到旺角，就梗係好多唔同種類既野食喇，咁今次黎試下係TOP既呢間特別既西餐廳，食左佢個set dinner，都幾滿足下。食得西餐，就梗係要留意下佢個裝修格局喇，環境方面，就真係無得頂喇，內籠用左偏藍色裝修，加上暗燈同滲光效果，就顯得好浪漫同有情調，同另一半黎食，就岩曬氣氛喇同埋佢有2戶外位，戶外就望樓景，居高臨下咁食野，都咪話唔過癮。依家呢個秋涼天氣，就最岩坐出面。Bouns point係佢仲有水煙食，不過本人就唔好水煙，所以都無試。前菜方面，餐包就非常有水準喇，用左紫薯，做落又夠熱辣辣，正呀另外仲叫左佢個燒春雞，味道就清淡左少少，但肉質就唔會好乾，幾Juicy，算okay喇。最抵讚係佢個甜品，乾冰出場夠特別，味道又唔會太甜