LAB EAT Restaurant & Bar (T.O.P This is Our Place)

營業中

休息中

同女朋友去旺角食飯, 去新個個商場TOP行下同食飯, 去咗食LAB EAT。餐廳都幾有情調, 又靜靜地, 唔錯。叫了白酒飲, 都係侍應推介,唔錯。Tatihou ($55@)叫了2隻生蠔食!呢隻係法國蠔, 都幾大隻!入口先係海水咸味, 之後甜味再慢慢滲出, 一d都唔腥, 好食!Iberico Pork ($298)呢個賣相好得!羊鞍我食得多, 豬鞍都係第1次食!入面係好靚既粉紅色!肉好嫩, 一d都唔鞋!肉味濃。另外想讚一讚d配菜, 雖然係配菜, 但佢一d都唔馬虎, 有焗過, 蕃茄好香好甜!我覺得好好食!

早排同個朋友食飯, 佢帶我去食Lab Eat~食過我覺得好好食呀, 所以呢晚帶左男朋友來食, 順便預祝情人節旺角呢間Lab Eat係新商場T.O.P. 5樓, 姐係旺中對面~地點好方便~一去到就見枱面放左candle light,好浪漫然後就有餐前麵包, 配黑醋, 好開胃!呢度都幾靚, 仲有室外位可以揀~開左星星燈, 成件事好浪漫~Chateau Tour Sivadon ($78/glass)叫左2杯白酒飲, 咁先有氣氛嘛Cappuccino Mushroom Soup ($88)haha, 湯面個d泡泡, 真係好似Cappuccinod奶泡咁~個湯好香好濃好重菇味~好好飲!Ox-tail Risotto ($188)呢個又係好好味!Risotto米煮得岩岩好!夠林, 但又唔會太林, 而且掛汁掛得好好!再加埋上面舊cream cheese一齊食, 入面仲有d蕃茄仔, 一陣陣酸甜味好refreshing!牛尾, 切左粒粒, 都好林好入味!Apple pie ($98)呢個apple pie係拿破崙款式, 上面有靚靚金箔, 好grand!我最欣賞就係佢中間個層蘋果蓉, 啖啖清甜!呢餐飯好

第二次黎到旺角LAB EAT兩次食完嘅comments一樣服務質素需要改善食物就普普通通甜品出色過主菜意大利蕃茄水牛芝士及羅文菜沙律配脆芝士片 火箭菜 蜜糖合桃 羅勒醬及陳年黑醋一黎到 呢個一柱擎天嘅賣相嚇到我嘩左一聲其實棟高中間條菜係咩玩法而佢用嘅食材都食得出好普通 唔夠新鮮白酒煮西班牙藍青口青口就好番少少 都算入味彈牙鮮蟹膏海膽扁意粉呢個唔錯 海膽算多Keep住都食到海膽味但係意粉有少少太濕全餐最驚喜係甜品自家制比利時73%黑朱古力心太軟配雪糕呢個真心好味 首先賣相都吸引然後外面硬嘅一層黑朱古力加軟嘅雪糕口感非常好 而且黑朱古力好濃法式蘋果酥皮批配香草雪糕個皮好夠脆 面除左兩片蘋果仲有一層蘋果粒 令口感更豐富好戲在後頭 其實最驚喜嘅事係咁嘅話說朋友同我慶祝生日 訂位留哂Birthday message但黑朱古力甜品黎到時 冇寫Happy Birthday咁佢即刻扮有第二個甜品出緊等左15分鐘之後 就黎左酥皮批但寫左第個人個名 我都驚會唔會同第枱調轉左擔心係咪隔離枱嘅 但環顧四周都唔似有人等緊甜品我最後唯有自己抹走左唔係我個名 當冇事發生

旺角新開左個商場叫TOP,喺地鐵站B出口上蓋，到達好方便，入邊都有好多餐廳進駐！ 今次同朋友試一間高質嘅浪漫西餐廳，好適合同閨蜜或者同另一半嚟聚餐，估唔到旺角都有呢種咁有格調既靚地方，仲有露天area 可以俾朋友飲酒吹下水！首先店員會遞上面包作前菜，個面包面焗得好脆口，仲要熱辣辣，好有心！點左個牛油白酒青口，份量好多，肉都好厚身！仲有黑松露法式螺，配上濃郁蒜蓉包，一啲都唔膩！主菜有燒烤醬慢煮西班牙深海八爪魚，慢煮得泥可以鎖住肉汁，令你食到唔會un同鞋口！配合埋獨家調配既bbq sauce ，突岀八爪魚既鮮味！第二樣係西班牙黑毛豬配紫薯容，上碟份量好多，絕對好夠食！呢間店特別之處係會有新鮮打磨既紫薯容，口感新鮮，帶點天然甜味，令你可消滯更健康。

好耐冇出旺角，今次約左兩個朋友去食高級西餐，偶爾地奢侈一下。餐廳喺top 入面，新商場，環境好唔錯。頭盤係Seafood platter，有龍蝦，生蠔，鮑魚，螺同其他貝殼類海鮮。啲海鮮係十級新鮮，有四隻醬點住食。特別推介龍蝦，冇雪味又多膏。然後叫左洋蔥湯，夠濃味，應該有落牛一齊煲，飲落幾香。仲有餐包點住食。Raclette cheese 喺呢道都出名，有侍應喺你面前將一大份整熱左嘅芝士批落食物道，睇到都覺得好吸引。下面有薯仔，肉同筍，加上芝士好夾。主食有m5 肉眼扒加血酒醬，好難得牛扒唔韌好好口感，同埋食到肉汁唔會太乾身，應該都幾花技巧整。我地仲叫左個羊架主食，羊肉好嫩口，騷味唔會太重，整得幾香。薯條炸得熱辣辣，夠脆口。三個叫左每人一杯野飲，一杯白酒，一杯narcissus同virgin mojito。narcissus 荔枝味幾重，甜甜地。甜品有fruit pie and mousse， 整得好靚，mousse 都好滑。Chocolate ball and jelly 係外面朱古力，入面酒心甜品。一上到枱有噴煙效果，打卡一流。

💁🏻‍♀️ LAB EAT Restaurant & Bar (旺角) 🍴-高質high class黃店，食得安心又放心🤪仲要系商場頂層，勁好feel🥰海鮮🦞拼盤配意大利🇮🇹黑魚子醬（$1088)如果多人一齊食一定要叫呢個拼盤，擺盤好靚，一次過食曬高質新鮮海鮮，有生蠔🦪、青口、北寄貝、螺肉，另外加埋黑魚子醬，食到啖啖海水🌊味，大滿足🤩法國🇫🇷傳統熱溶流心芝士（$178)平時見到人系外國餐廳🍴又或者酒店先食到，估唔到呢到都有，熱溶流心芝士即場切俾你，配以香草🌿烤薯、火箭菜、慢煮露荀、烤番茄🍅、意大利🇮🇹凍切腸，唔會太膩，食到多重滋味澳洲M5和牛肉眼（$528)少有高質肉眼扒，400g大大份，我地三個女仔都食到超飽，老闆幫我地決定牛扒熟度，果然食落肉質嫩滑，一啲都唔老，牛味剛剛好，配埋極濃紅酒🍷汁，成件事昇華左炭燒澳洲自然放牧羊扒（$318)朋友唔太食得牛，所以我地叫多左個羊扒，驚豔！330g，份量岩岩好，個人覺得羊扒比牛扒食落更嫩滑，而且醃到甜甜地，好對我嘅口味，另配橄欖油封煮薯仔，露荀，薄荷香草🌿醬🥰甜品🍮分別叫左Fruit Pie & Mousse ($118)同Chocolate B

Never thought that Mongkok’d have such a fine diner.T.O.P. is a very down-to-earth but distinctive mall. Very 00s Mongkok. Shops are small but characteristic, targeting teenagers. What makes this mall special is the garden it has here. A romantic spot right in the centre of one of the HK’s busiest district.Classic steak and spaghetti menuOrdered a lobster spaghetti with baby-arm sized lobsters in a firm and springy texture.Even as strong as the tomato sauce tastes, it still can’t cover the scent

作為一名健身教練, Lets eat Lab Eat學生介紹top商場原來有好野食, 落左堂就過黎食下啦, 環境又唔錯喎原本以為只係一般商場餐廳, 但佢佔左半層而且好有格調, 同商場環境係兩種感覺, 仲有outdoor添。法式餐包餐包中心軟綿外皮微脆, 配上橄欖油同醋。叫埋杯house red wine開始哩餐nice dinner瑞士芝士焗法式洋蔥湯經典法國菜, 洋蔥散發住香濃甜味, 面頭芝士經烤焗呈金黃, 濃郁煙燻法國鵪鶉脾 好刁鑽嘅一道菜, 鵪鶉已經夠細隻, 仲要只係食佢嘅脾位, 散發著濃郁嘅煙燻味道, 香濃又唔會過鹹。餐廳仲配埋特色嘅檸檬蒜鹽, 將鵪鶉髀嘅味道再提升層次。西班牙極品橡果飼黑毛豬黑毛豬厚身但好嫩滑, 非常juicy食落似slowcook, 豬香而不酥, 出色! 中意佢配搭既紫薯蓉, 有新意d又好味。法式蘋果批伴香草雪糕唔係平時食開既applepie, 好特別有蘋果製成既糕, 食落成個都散發住甜美果香, 配軟滑上雲呢拿雪糕, 正。食物質素非常好, 環境舒適而服務都唔錯, 可以encore

平時去行旺角都好少食西餐因為覺得西餐一定要喺尖沙咀銅鑼灣中環地段食先至有質素有保證估唔到今次嚟到呢間餐廳又有啲意外驚喜👍🏻呢度主要係食 fusion菜既 🍝🥩一入到覺得地方都算幾大 見到出邊有個戶外露天用餐嘅地方不過今日落雨所以冇出到去如果唔係都想去嗰度撐吓枱腳感覺幾有氣氛🥂一嚟到我哋太肚餓就食咗個餐包同埋叫咗兩杯白酒先 頭盤 鵪鶉脾🍗細細隻有啲似雞髀但係肉質就比較實 肉味亦都比較重 同食開嘅雞髀有少少分別 鹹鹹地都幾開胃用嚟頂住個肚同埋送下酒先🍗主菜我哋叫咗Bbq燒烤慢煮西班牙八爪魚 $278🐙食落去都有啲驚喜平時好少主菜叫八爪魚今次難得見到呢度有所以就試吓啦食落去八爪魚都幾大隻醬汁亦都係餐廳自己調製嘅幾易入口 今次呢個八爪魚都幾有驚喜因為平時主要食牛扒都估唔到呢度煮八爪魚可以媲美牛扒味道鮮蟹膏海膽扁意粉$198🦀🍝呢個扁意粉份量同埋用料都幾足 食落去已經食咗兩舊大大嚿嘅海膽同埋好多嘅蟹肉 呢個個價錢來講覺得性價比算幾高同埋幾有特色好少食到一個海膽蟹意粉係咁入味嘅 如果大家嚟到想食下澱粉質意粉個的建議可以試吓呢個總括嚟講平時食開銅鑼灣尖沙咀中環嘅西餐廳但係今次嚟到旺角呢間西餐廳感覺入

LAB EAT 店內裝潢富有情調及浪漫氣氛。座位及梳化很寛敞舒服，尤其室外的環境很有特色，半露天式的座位，令人感受到倍感浪漫、寫意的感覺。 菜式很富有層次口感，新鮮及好味道；賣相很美及特別。店員很細心、很貼心地問我們什麼食物不能食，這點令客人很窩心及細心。 座位及梳化很寛敞舒服，尤其室外的環境很有特色。首先，食個法包仔加橄欖油及意大利醋。🍸Narcissus : Rose Syrup, Lychee Puree, Lemon Juice ＆ Spite 濃郁的玫瑰花香、茘枝及檸檬汁口味，很適合不飲酒的姊妹淘🍹法國塔蒂島生蠔Tatihou，富有海水及creamy口感，爽口而不膩😋🥂Baked Grab Meat, Avocado 🥑, Beetroot with Quinoa牛油果食的健康不多說了，配上蟹肉，小麥草，酸甜的紅菜頭及藜麥，真的健康之選了。🍹Charcoal Grilled Slow-cooked Spanish Octopus 🐙 with Baby French Sweet Pepper, Mint Quinoa Rocket Salad 炭燒八爪魚，口感很彈牙，要越

西餐平時都算成日食啦不過來來去去都係食牛扒意粉漢堡包有時都會覺得冇乜新意嘅 今次嚟到旺角商場呢間西式餐廳佢哋主打食fusion菜 今日同男朋友行過見到就入去試吓啦餐廳食物都算係偏貴但係食落又覺得佢哋嘅價格主要係貴在佢哋嘅食物質素同埋種類一嚟到我哋叫咗四隻法國生蠔同埋兩杯白酒開下個胃 做前菜 生蠔食落去比較重海水味肉質亦都幾鮮味個人唔係好鍾意加其他嘅醬汁 今次食嘅生蠔唔好加其他醬汁食落去一啲都唔腥 質素唔錯主菜我哋叫咗Bbq燒烤慢煮西班牙八爪魚 $278平時食開牛扒燒雞意粉今次試吓啲特別野咬落去八爪魚非常彈牙醬汁調配亦都唔錯 食得出係餐廳自己嘅心思唔係周街買到嘅醬汁 八爪魚咬落去煮得啱啱好唔似其他燒烤鋪整到過熟 個人來講比呢個八爪魚都幾高分 可能係新期啦唔似成日食嘅牛扒如果大家想試食下新嘅食物都幾推薦試吓呢個鮮蟹膏海膽扁意粉$198食落去都幾濃嘅蟹肉同埋海膽味道 食食吓搵到兩舊大大嚿嘅海膽眼淚都喊埋出嚟幸福到呢 海膽份量同平時食日本餐廳俾我哋嘅海膽差唔多再大塊少少 淨係海膽成本都唔少了呢個價錢拎得返呢個份量嘅海膽算係滿足滿足了 成個意粉好多啖都食到有蟹肉 都幾足料所以評分都幾高最後叫咗個

餐廳的氣氛不錯，有室外的位置。但服務質素一般，經理只顧著服務一張枱的客人，其他的服務員也有點懶散。超誇張的經理和客人一齊用餐，但當時是上班時間。餐包好硬和凍冰冰的海膽多士海膽份量超大量，超奶油質感。甘甜的海膽在口中衝擊，十分驚喜。雖然多士一點也不脆，而且有點硬身。凱薩沙律（煙燻三文魚）沙律菜帶草清味，也是非常清新。煙燻三文魚味道帶咸味，但煙燻香氣缺乏。黑松露菌泡沫濃湯帶有香濃的黑松露味，而且蘑菇和其他菌類也是香氣撲鼻。用料十足，味道天然，每一口都有豐富的菇菌粒。西班牙極品橡菓飼黑毛豬一開始上枱是5成熟的黑毛豬，怕生就不能點這一道，裡面是粉紅色的肉。豬肉基本上不建議生食，是因為有豬旋毛蟲或豬肉條蟲寄生，所以叫待應幫忙再煮熟一點。再上枱的時候，太熟很粗糙。綠茶雪葩 加馬卡龍The lab 撈勻方糖和熱情果後，味道更加豐富。

星期一的晚上去食番個西餐，旺角是相約又方便的好地方！TOP 商場上有間Lab Eat restaurant and Bar，友人說評價好好 等我又去食下先！先上2片法包，烤得香脆，填一填肚子！又order左2隻 生蠔Tatihou, 好好食，友人愛吃，我個人沒有太喜愛生蠔！前菜仲有 牛油果蟹肉多士，是半個牛油果加加上混入了醬汁蟹肉，酸甜的很是開胃！玉桂脆煎法國鴨肝 加入了焦糖菠蘿醬，藍莓汁，多士等，份量少少的，加上不同的酸甜sauce 又是另一道開胃菜式！主菜是西班牙極品黑毛豬，黑毛豬是帶骨的，肉質鮮美多汁，不會煎得過老！一大塊冇手掌大，與友人一同shade 剛好，另外伴碟是紫薯蓉，少見又不錯！Drink order 左non alcoholic, 是narclssus, 是玫瑰，荔枝汁，雪碧混好，甜甜地 又不錯！

今日同朋友諗住搵間露天餐廳食晚飯，係openrice見到Lab Eat做緊promotion，所以就即刻訂左檯。餐廳位於旺角T.O.P.商場，方便得黎又易搵。餐廳有分室內同室外兩個area，我地想影下相，所以就揀左室外。牛尾Risotto 依個飯係成餐飯我地最滿意既菜式，味道幾特別，而且牛尾煮得啱啱好，唔會太老。飯上面有cream cheese，芝士迷一定會中意。蜆肉青口意粉依個意粉香草味有點過濃，唔係好啱我同朋友嘅胃口，不過蜆肉同青口勝在夠大隻同新鮮，而且無沙。燒春雞主食黎講我地叫左燒春雞，佢既汁料做得唔錯，雞肉幾滑，無雪味。總括嚟講，環境真係唔錯，食物性價比都OK，坐室外仲有暖爐提供，店員服務都唔錯，我同朋友都諗住下次再食過。

我唔知呢間餐廳夜晚抵唔抵食，不過晏晝算唔錯。我講緊嘅就係呢間旺角TOP樓上嘅高級餐廳（旺角嚟講）。叫咗個300g牛扒都係賣$168。未黎之前都戰戰兢兢，你知道㗎啦，茶餐廳$110牛扒你係食唔到牛味同埋扒味。慶幸呢度件牛扒比多$50可以食到牛味同扒味（唔多但都有啲），已經好感恩了👍。再加埋個湯係有心做嘅👍，值得推介嚟食晏晝。唔知點解佢哋你間餐廳整得專業，樓下food Court就業餘。One more thing,，係咁個時勢，我都不禁同個waiter講啲嘢唔錯，等佢哋多啲movitation做野。