LAB EAT Restaurant & Bar (金巴利道)

營業中

休息中

今天和久違了的朋友吃晚飯，特意選來一間fine dinning,好好享受一番二人晚餐會包括兩支紅酒和兩杯白酒白酒果味很重非常香甜，很易入口麵包亦香脆可口頭盤新鮮生蠔四隻生蠔大隻又新鮮香醋魚子輕煎半熟北海道帶子會菠菜茸帶子肉身豐厚富彈性， 味道又鮮又甘甜牛肝菌湯牛肝菌湯非常creamy，有濃郁奶油香味西班牙紅蝦及海膽意粉配奧西得特拉鱘魚子醬紅蝦爽口彈牙，帶有濃濃鮮咸香， 海膽意粉非常creamy, 海膽味道濃郁， 口感幼滑，機呼入口即溶，鱘魚子醬成個送咗顯得驚有貴氣， 最平的魚子醬都要過千， 這樣一口已是$100 了😹😹甜品Opera cake with 雲呢拿雪糕歌劇院蛋糕是法式甜品的經典，蛋糕層次分明，海綿蛋糕、法式奶油霜、黑巧克力相間，表面上還有金箔和食用花，更顯貴氣。雪糕味道精致，不會太甜。整個甜品有內涵，外表又華麗，真在太完美了

食過幾次lab eat發現唔同分店既菜式略有不同，依然好有新鮮感，今晚試左二人晚餐set。頭盤係四隻同款生蠔，非常新鮮清甜，冇乜海水味，尺寸同飽滿程度中等，作為頭盤幾唔錯。煙燻意大利沙甸魚及香醋魚籽酸酸甜甜，食到魚生嘅鮮味，但食落似普通雜菜沙律，唔係好感覺到沙甸魚嘅口感，如果切返大粒啲會更佳。輕煎半熟北海道帶子配菠菜蓉一嚟就聞到好濃嘅帶子香味，半熟嘅帶子外脆內嫩幾鮮甜，連埋三文魚籽一齊食可以提鮮，菠菜茸都好幼滑唔失禮。澳洲M5和牛牛柳冇問幾成熟，default已經係完美既medium，牛味濃、多肉汁，rest得好好冇血水，鵝肝細塊但香醇。西班牙紅蝦意粉香到爆，紅蝦殼雖然睇落過左火都無損佢既美味。 當然蝦夠甜夠厚肉，但重點係蝦膏真心好香，配埋海膽同鱘魚籽醬，一次過有多重享受。整體環境幽靜開揚，比旺角分店更有高級感，想把酒談心係唔錯既選擇。

食物好好味，但係食得有啲唔開心。嗰晚我book咗兩位, 跟住去到我同佢講可唔可以轉三位？跟住佢就同我講可以，不過淨係得呢一張枱做到俾你，其他四人枱都俾唔到你。佢指咗一下嗰張枱, 感覺張枱好似臨時加建喺走廊位位置, 對住廚房門口。咁佢咁講我都接受，當時餐廳起碼有超過一半嘅四人枱係冇人坐，之後我哋成餐飯都差唔多食完，其實佢所講嘅四人枱都仲係有好多張吉咗……. 佢啲嘢食係好食嘅，但係我覺得佢咁樣安排令我好失望，如果餐廳係full 晒，我真心唔介意。

餐廳外觀以黑色為主都幾有格調, 步進餐廳第一眼會見到一串好搶眼的水晶燈,  而Bar枱位就放了好多不同種類的酒🥃🍷🍾🍸🍶🍺比人有一種好chill 的感覺。 座位與座位之間都幾闊落, 梳化位置坐落蠻舒服😃熱溶法國流心🧀配香草烤薯及意大利煙火腿基本上差唔多每枱食客都會點的菜色之一, 食物遞上時職員會當場切一片厚厚的🧀舖在煙火腿和烤薯面上,  不過本人對這道菜有點失望, 因為整碟菜的溫度只得微暖所以芝士比較難溶, 當職員切好芝士諗住將所有食物拌勻時 芝士已經變成一團了😶 加上烤薯的口感咬落去是脆的, 建議製作時將食物部分配菜煮耐一點, 可能味道和芝士溶的程度會更好。 28天熟成🇪🇸黑毛🐷鞍好多人都話豬要全熟先可以食因為唔熟會有蟲,其實一塊高質的豬鞍只需要七至八成熟已經足夠, 因為全熟會影響豬的肉質同口感😃 又厚又大件的豬鞍表面煎到輕微脆身, 切開仲見到淡淡的粉紅色廚師在控制溫度方面真了得👍 味道方更加不在話下😎食落每啖都充滿肉汁, 完全無豬的羶味之餘會食到好濃的豬味在口腔陪迴, 好適合食肉愛好者😬煙燻法國鵪鶉髀好濃烈的煙燻味撲進鼻腔, 老實講本人第一次食這樣製法的鵪鶉髀, 估唔到味道又幾夾鵪

生活忙,要好好慰勞自己,所以就算一個人,我都要享受環境,食好味既野。Lab Eat比到我fine-dining既感覺。由餐具佈置到bottle water,都感受到餐廳既誠意。頭盤係mushroom soup,有分子料理既感覺,mushroom既味道好出,可用麵包點湯吃。前菜就係鵪鶉比,好特別,有d herbs同tomatoes,好有西式料理既味道,好食!第一次食,好有新鮮感。主菜有白汁意粉,雖然成日見,但佢既煮法又唔同d,好香濃既白汁,mushroom既份量都多。而另一個主菜係pork rack!份量真係比想像中多,擺盤賞心悅目加精緻。豬真係高質,一切開會見到裡面肉既色澤同質地都好靚。飲品就叫左杯白酒,本身食豬應該配紅酒多D,但我一向只飲白酒。呢度服務好,店員不時幫我清走桌上既食物,好細心、友善。呢餐真係令我好滿足!

適逢開學日之後相約咗阿妹一齊食個晚餐傾下啲近況 所以就諗住去一間比較靜啲可以傾到偈嘅餐廳最後就揀咗呢間 不過位置比較偏 係近金巴利道街尾三角公廁嘅位置職員介紹白酒sangria話係佢呢度signature 幾好 唔會太過甜 容易入口 好適合女士飲餐前麵包牛肝菌湯我最鍾意菇湯㗎啦 味道唔會話好重忌廉味 香滑濃郁 有好香嘅牛肝菌香味 八爪魚 risotto呢間餐廳每款食物嘅擺盤都用心精緻呢款意大利飯幾特別 第一次食意大利飯係雙色嘅 我哋都笑說話第一次食西式嘅鴛鴦飯 另一款係墨魚汁嘅意大利飯 飯粒煙韌彈牙 會太生太硬 再加上側邊嘅明太子 呢個海鮮意大利飯幾特別 八爪魚亦都好新鮮最後叫咗個cappuccino gelato 呢個甜品真係幾好食 其實自己本身好怕食Gelato 因為我唔鍾意食有碎冰嘅感覺 但今次呢款似雪糕 咖啡味亦都好出 另外個兩個小盆栽係朱古力製成 都好好食 紅莓脆脆直頭係食到我停唔到口

餐廳環境很有氣氛，而且食物的賣相都很精美。煙燻法國鵪鶉脾，鵪鶉脾肉質嫩滑，吃起來充滿煙燻的果木香味。海膽多士，法包預先烘過，中間間著紫蘇葉，上面是滿滿的海膽，味道濃郁，口感幼滑。這里的鯛魚煮法很特別，一整塊魚柳，外皮炸得很香脆，魚鱗都是脆卜卜的。底下的魚肉卻是十分鮮嫩，形成強烈的對比。旁邊是蝦片及花花，認真睇其實裏面是三份魚子醬，十分美味。主菜是慢煮西班牙八爪魚蟹膏意大利飯。慢煮八爪魚口感軟淋，意大利粉混合蟹膏味道香濃，而且飯粒有口感。飲品方面很特別，我點的是Present，非一般的咖啡cocktail，咖啡底味道濃郁，另外分開上的Baileys，可以按自己嘅需要加減分量，而且那個小熊冰也是咖啡制成，令到飲品可以持久充滿咖啡味。朋友那杯Hopeful，菠蘿賣相的mocktail，是一杯混合菠蘿七喜的飲品，口感酸酸甜甜，味道清新。甜品賣相超級精美，咖啡杯內的就是Cuppuccino Gelato，香濃的咖啡味。旁邊是賣相精美的紅桑子配焦糖榛子，外層是Dark Chocolate製成的。另外還有兩小盤的薄荷芝麻盆栽，好可愛！

今日同朋友嚟到尖沙咀食西餐😋入到餐廳雖然鋪面唔大，但環境幾有格調，職員服務都幾好👍🏻首先叫咗Daily Oysters試吓先～法國嘅Dooriel & Poget生蠔 ($69 @oyster)兩款生蠔都好大隻、多肉，亦都有啲海水味😚每檯亦都會送餐前麵包，題外話覺得橄欖油同醋個樽嘅設計幾得意幾方便😆話明restaurant & bar梗係要試試啲酒～LABEAT Sangria ($118)呢杯white sangria cocktail好啱女仔飲，一嚟個樣好fancy好ig-able🤪二嚟飲落好fruity又甜甜哋，有酒味不過唔會太勁～飲到嘅甜味係佢本身落嘅菠蘿而唔係出面有啲飲落嘅藥水味 ><Lamb Rack ($438)好耐冇食過羊架，今日就食豪啲啲😬羊架整得啱啱好，夠香滑亦唔會羶～擺盤亦都可以睇得出好有心思，有budget的話都幾推介試吓😋最後就到甜品環節🤩Hazelnut Cream Cake ($138)件cake都幾大件算抵食😆，亦都好creamy，唯一係雪得實咗少少～不過我最欣賞係旁邊嘅蛋白脆脆加埋啲酸酸甜甜嘅berries，消暑一流🥸整體嚟講呢間餐廳都

呢度店員服務好好💆🏻‍♀️大家都好Nice同感覺熟悉餐廳日常操作。有安心的感覺，樓底超高環境舒服，中庭有個大嘅水晶燈💎⭐Fried Tilefish Fillet with Caviar $468外觀超靚嘅主菜！炸馬頭魚配魚子醬，魚鱗片片豎起立體有層次，用刀切開時仲聽到咔嚓超脆聲音！味道酥香爽脆，裡面魚肉嫩滑厚實，配子醬味道回味帶甜。集味覺、視覺、聽覺、嗅覺於一身嘅菜式👨🏻‍🍳呢個喺廚師推介，記得卜位時預早落order吖！🥰超鐘意呢個！擺碟超靚！呢碟真喺好驚喜超高質💯🥗Avocado & Beetroot Quinoa Salad$188牛油果紅菜頭藜麥沙律，切粒紅菜頭夠Fresh，牛油果軟熟度剛剛好🥑配上意大利油醋汁，超級開胃😙味道唔錯，外觀上執一執會更加吸引～🍞Sea Urchin Crostini 2pcs 海膽吐司 $156鮮甜海膽配上帶點咸香脆脆吐司，兩者口感又幾夾😆🍝LABEAT Linguine alle Carbonara $258傳統卡邦尼意粉蛋黃味道濃郁，醬汁好足夠Juicy！意粉彈牙🍨Coffee Cappuccino Gelato Caramelized Haze

這次去了一家西餐廳吃晚餐，環境挺美而且舒適涼快☺。店舖位於尖沙咀金巴利道。平日晚上來人流不人太多，所以不用等位。這次選擇了一個二人套餐，套餐包括頭盤/餐湯/主菜/甜品，另有兩杯香檳飲品。-💥香煎頂級法國鵝肝 HKD$288，鵝肝大大件，入口即融化的口感，油份在口腔散發著很香😍。配料有菠蘿、士多啤梨、士多啤梨乾、自家製醬汁、炸蝦片。有水果拌著來吃，可以中和鵝肝的油膩感挺好😊。-💥紅菜頭藜麥牛油果沙律 HKD$188，這個沙律份量十足，材料有牛油果、紅菜頭、小蕃茄、露荀、薯仔、沙律菜。另有乳酪在裡面，味道酸酸甜甜的很開胃😆，餐前吃個沙律是個不錯的選擇。-💥Lab Eat 特色卡邦尼扁意粉 HKD$258，這個意粉味道很香😍。材料有煙肉、野菌香草，口感豐富有咬感，煙肉切粒版本味道小小咸。卡邦尼汁味道不太咸，意粉口感煙韌，而且口感很滑身。-💥伊比利亞豬鞍架 HKD$388，這個豬鞍架份量十足，服務員告知用慢煮方式煮，可以鎖住肉汁🤤。一份有兩大件擺盤賣相不錯，還要是厚厚的版本。豬鞍架肉質很腍身，而且肥瘦均勻口感煙韌😋。-💥泡沫咖啡意式Gelato雪糕 HKD$127，甜品賣相精緻吸引，分別有泡沫

朋友就快要去外國讀書，趁佢臨走前，我哋決定一齊食餐好嘅。Oysters $69生蠔每隻$69 ，今次嘅生蠔有Poget同Dooriel，食落鮮甜有海水味，亦都大大隻。Melting French Raclette Cheese with Spanish Chorizo and Assorted Cold Cut Sausage $218有三款唔同嘅cold cut，薯仔亦都好甜好好味。呢道菜嘅重點係芝士，店員會喺我哋面前將熱溶咗嘅芝士逐啲逐啲咁切出黎，鋪喺薯仔同cold cut上面，芝士味超濃郁，啖啖滋味，Black Truffle Mushroom & Sea Urchin Linguine $288有好多海膽同黑松露，海膽食落都唔會腥，幾鮮甜。醬汁好creamy，呢個扁意粉好食。Lavender $88呢杯無酒精飲品特別用咗日本嘅巨峰提子，加上梳打水、蝶豆花同埋yogurt，酸酸甜甜好開胃，一路食嘢一路飲都好夾。

朋友要回內地工作，我薦行順道食餐好的！尖沙咀食什麼好，我當然提議Lab eat!好一排無來Lab eat，這裏的餐牌都改頭換面。環境依舊，但人氣依然。晚上7點半來到已經滿了九成！坐低先點了兩杯白酒。這裏的白的酒是少有的我會encore的，因為香甜易入口。麵包先來，但我更愛這裏的沙甸魚多士，因為烤得香脆，沙甸魚咸香味濃，單食有點咸，但送白酒的確一流！然後來了我的最愛芝士！這個French Raclette Cheese 是半溶的上枱！芝士已預先燒至半溶，侍應係我們面前將這厚厚的半溶芝士用刀一次過切出黎，倒在有ham、薯仔、火箭菜、番茄仔的石鍋內！半溶芝士是淡黃色的，份量澎湃洶湧，輕輕叉起都已經係滿滿的拉絲！單食甘香可口，配ham食又另有風味，芝士控不能錯過！主菜是番茄意粉，茄味香濃，意粉質感彈牙，深得朋友心。我反而更喜歡我的羊架。攞盤精緻，三大枝肉厚的羊架叠在一起，加上芥末畫花伴碟，有誠意。味道亦無令人失望，羊架燒得兩邊焦香，五成熟做得到位，入口仍肉嫩多汁。甜品是驚喜的，粟米雪糕不單外型幾可亂真，真得令人懷疑係條真粟米，味道更完全係一條粟米！入口除了濃郁粟米味更有奶香，好好食！墊底的紫薯

oyster🦪生蠔好肥美，好大隻，海水味足可見十分新鮮，一啖落去十分滿足。另外值得一讚餐廳用檸檬夾夾住個檸檬，令食客可以唔使點檸檬擠啲檸檬汁，十分貼心！抵讚！urchin toast🍞海膽好creamy好香，toast就好脆身，一啖食落去creamy海膽同脆身toast完美融合，好滿足！spaghetti pomodoro🍝新鮮番茄煮既意粉，酸酸甜甜好開胃！意粉軟硬適中，而且番茄汁好足，包裹住每一條意粉，完全唔怕食到後面得返意粉冇汁好dry！cod fish🐟魚肉既嫩滑又多汁，一啲都唔老唔鞋，魚皮好香脆，一啲腥味都冇！怕腥既人都完全唔怕！環境方面：餐廳好有格調，天花板有一盞水晶吊燈，每一台都有一盞蠟燭，節日或者週年紀念同另一半黎燭光晚餐都不錯！服務方面都好值得讚賞，每一碟菜碟都係熱既，呢個細節位都係十分加分！侍應態度又好好，上菜會提醒客人小心碟熱，又會主動去添水，服務態度值得like！

看到openrice好评颇多，海鲜迷一直想试试。可能是期望过大，现场感觉实质不及预期，价钱颇贵，而质素也只是一般般，没有outstanding，coctail味道也不喜欢，太甜。

<Cheat day> Angus and bacon Hamburger 🍔 今日忍吳住要出街啦！食翻個漢堡飽先得，個餐轉薯條同甜品。啲薯條真係熱辣辣嫁，辣親我個咀仔🥺. Finally I leave my place for lunch gathering. Hamburger, and bacon?! What not!!!! Is that tasty? Not so....haha....but gathering is the key.