LAB EAT Restaurant & Bar (金巴利道)

營業中

休息中

兩個人羊扒$438 得3舊 完全overpriced黑松露海膽意粉$288 海膽完全冇甜味前菜法國鵪鶉腳$168 有 5件 係煙熏過似臘肉好難食甜品心太軟三件$198 opera超難食，係入唔到口果種。心太軟同雪糕都可以。環境：枱與枱之間非常窄，裝修好似開左燈嘅酒吧咁服務：男服務員收碟時挨得太埋，會無啦啦係你身後面出現完全overpriced，over左2倍價錢，價格仲貴過尖東某酒店西餐廳。仲要求人個半鐘交枱！而且環境服務口味完全唔成正比，千其唔好信openrice的食評，都係比錢請返黎嘅打手。總之，想中伏嘅人可以去。

喺尖沙咀the one商場行完街話咁快就六點幾，又係食晚餐嘅時間想靜靜地同朋友傾吓計想搵一間高級餐廳享受下美食同環境，就搵吓附近有咩餐廳啱食，最終搵到呢間餐廳，員工非常友善，又有禮貌，令客人感覺舒服，環境好舒適，又好高雅有水晶燈同埋好高嘅留底坐得好舒服，地方又闊落，枱同枱之間嘅距離又充足，相當之有氣氛，食嘢傾偈真係唔錯之選店員仲會好細心，每食完一道菜都會幫我哋碗碟咁就唔會令到味道交錯Spaghetti pomodoro$178賣相十分之好，而且香味撲鼻，香甜嘅蕃茄味，酸酸甜甜特別令人開胃，蕃茄同意粉永遠都係最夾，意粉煮到啱啱好，好煙韌，基本上每條意粉都沾滿左香濃嘅蕃茄味，加上少少配菜令到個味道好突出，成個配搭好完美M5 wagyu rib eye$598m5 牛肉肉質食落好嫩滑，脂肪同牛肉嘅比例都好平均，牛肉味好重，加埋啲鹽嘅味道更加出，味道同香氣都好優勝，散發香氣最為濃烈Urchin toast $156海膽多士，🤤烘得金黃色香脆嘅多士，配埋啲新鮮海膽，海膽鮮昧十足，而且份量仲要好多，非常有口感，海膽色澤橙黃，味道濃郁BLUE OCEAN BLASTER$128一杯非常特別嘅Cock

用open rice訂枱有75折呢個豬鞍好有肉汁，份量唔細，剛剛送上黎時熱辣辣，係最好味，但凍咗就有小小肥利呢個澳洲和牛真係一流，雖然豬鞍已經好味，但比起呢個真心差一段距離，牛味重，入口香滑另外叫咗一個火溶芝士沙律，呢個一定要叫，影相位之外仲要芝士係好好味，但好快凍咗之後就硬咗，變得無咁好食另外叫咗2杯cocktail,發現cocktails 都好好飲，有喜出望外的感覺整體黎講餐廳食物一流，但冷氣太大，上菜又快，一次過黎晒啲食物，但我地2個人食唔切，建議大家叫佢哋逐碟上，因為好快凍晒

今次已經係第四次光顧，之前的態度還好，今次卻令我的結婚週年紀念飯變得無奈.....我哋booking 6:30，第一枱客到達餐廳。坐低後想點餐，但侍應好似玩緊伏匿匿咁。到我終於見到侍應行過，立即舉手，點知佢同我哋對上眼之後，竟然行左去🙄咁我唯有繼續揮手，總算最後可以落單🙄落單時，男侍應粒聲唔出，我都唔知佢聽到定聽唔到🙄點知過左一陣，佢返轉頭同我講：「頭先同你講左，有啲食物唔可以用openrice嘅75折」我即刻黑人問號：「你幾時有同我講過嘢呀？」我心諗唔通撞鬼？我無聽到佢想行開，要我叫住佢，佢先逐樣同我講返，邊樣有折邊樣無.......總之好多我叫嘅都無😅😅講返食物.....1. 海膽多士唔知係咪唔係季節？唔算好新鮮，有少少腥同苦 （這是照騙）2. 瑞士傳統芝士配新薯火腿芝士好味，非常濃郁，但火腿片太咸3. 八爪魚蟹膏意大利飯飯軟硬度恰到好處，蟹味很鮮，唯一美中不足係中間大條八爪魚鬚太腍，雖然肉質還好，但腍嘅程度係食唔出係八爪魚，而且偏淡，好似用水浸左好耐.....或者就係慢煮同分子料理？4. 卡邦尼扁意粉有驚喜，麵條煮得好，醬汁creamy 。5. 澳洲M5 和牛肉眼非常高質，油脂分

每個月都會想食一兩間高級餐廳享受下美食同環境，今日出咗糧，一定要去食正嘢！今日來到尖沙咀一間高級西餐廳食晚飯，餐廳環境好高雅，有水晶燈同埋好高嘅樓底Fries Tilefish刻意唔去魚鱗，魚鱗炸完超脆，加上熱辣辣嘅超厚魚肉，人口鮮味滿足，啖啖肉，仲有高貴嘅魚子醬伴碟，令整碟菜式更提升一個層次😋底部的不是米飯，而是薏米，這樣配搭薏米，好味得來很創新Raclette Cheese餐廳好大方，大大舊芝士拎出來，即場厚切大大份芝士，芝士非常濃郁，軟綿綿又暖粒粒，配合埋ham，口感味道都超正

呢個芝士真係好澎湃，火腿幾好食，配搭埋菜一齊食都唔會太漏，但係要快啲食，如果唔係好快會凍會硬魷魚新鮮彈牙，一啲都唔”un”, 飯軟硬適中，醬汁濃厚，但唔會太漏青口幾新鮮，意粉都好味，但青口得幾隻，有啲少drinks 都唔差 可能叫嘅咁啱唔係最signature 嘅野，所以冇咩特別，但價錢喺依間餐廳黎講算平，依三杯各自都唔使$100Overall野食唔錯，餐廳環境ok ，未算好靚，水都要$50 一樽。三個人食以上嘅野，埋單75折後都要人均四百幾。

話咁快就同女朋友過咗一周年紀念，就諗住搵個優質西餐廳去慶祝一下，今次就搵咗依間浪漫到爆嘅Lab Eat Restaurant & Bar 試下，餐廳氣氛環境好有格調，食物都用心製作，Menu仲有啲特色嘅菜式，適合大家大時大節嚟呢度慶祝一番😚😚1. French Quail Leg 法式鵪鶉依款來自法國嘅鵪鶉脾食落啖啖肉，仲有少少煙熏味，配埋底下嘅蕃茄食又係一個幾新鮮嘅配搭2.西班牙極品紅蝦意粉依道菜令到我好surprise，因為我女朋友都好鍾意食紅蝦，因為佢味道濃郁同埋喺出面都好少有依款菜式，大家嚟到一定要試吓依款意粉呀😜😜3. Treasure我哋仲叫咗一杯嘢飲，叫做Treasure，一嚟到竟然有隻好靚既海豚做topping，用酒整成既海豚冰會慢慢融化，配搭下面既椰子酒同梳打水，有一種好清新既感覺👍👍

之前食過佢地旺角新line嘅Lab Eat Bistro，覺得啲食物質素真係好唔錯😋😋今晚慶祝朋友升職，就黎翻元祖嘅Lab Eat❤️-Lab Eat嘅環境好浪漫，食嘅時候都見到有好多情侶💑可想而知，呢間餐廳好適合朋友、情侶黎慶祝❤️❤️佢地嘅位都好舒服，店員嘅服務都好好，每食完一道餸都會幫我地換碟～咁就唔會令到味道味交錯😻👍👍-1.N1 Oyster $276以我所知，N1嘅生蠔係比N2生蠔大隻，數字愈細代表隻蠔係愈大隻架😋而且好似係會根據佢嘅重量而定佢嘅等級～所以size係一定有保證架👍👍呢到嘅N1生蠔真係好大隻，有成隻手掌咁大呀!!蠔唔算係好creamy個種，但係海水味好重，好鮮甜👍佢嘅茄汁亦都調得好唔錯，好提鮮😋😋-2.Iberico Pork Rack $388呢個我覺得CP值幾高❤️因為佢有兩大舊黑毛豬鞍，而且仲係好厚肉👍調味簡單，更加代表佢嘅肉質量好👍覺得唔夠味道可以加芥末😊佢嘅生熟度控制好好，豬肉有粉嫩嘅顔色，食落去當然唔會鞋啦～😋😋-3.Strawberry Shaker $88佢地有好多signature嘅酒類，今次我就試左呢個應該係女仔都好鍾意嘅Strawberry Sh

網上見到呢間餐廳好多好評特意過嚟慶祝紀念日🥰前菜叫咗個煙燻乳鴿一上枱就聞到陣陣煙燻香味🤤乳鴿啱啱炸起 仲好熱肉質亦都做得好嫩滑👍🏻👍🏻非常好食海膽多士價錢唔貴 但係就有超多份量嘅海膽一啖食落去 超級滿足🥰🥰🥰🥰海膽意粉意粉上面鋪咗好多海膽同黑松露醬證明廚師落了絕對冇手軟😍成個意粉撈勻左 都仲啖啖食到海膽至於嘢飲方面建議大家慎重選擇 唔好亂揀啲生果味嘅梳打我叫咗杯白桃乳酪梳打 但係我覺得好似藥水味唔係咁啱我口味所以冇再飲☹️最後甜品方面叫咗朱古力三重奏有心太軟 歌劇院蛋糕 朱古力雪糕.溫馨提示餐廳溫度比較低 怕凍嘅記住帶多件衫同埋預早book位有七五折 不過大部份食品都無折

回到母校探望老師，離開時看到學生時期不捨得食的西餐廳，現在長大了，花上數百元吃晚餐也是值得的。這間西餐廳真是有質素，樽裝水是來自意大利的，入口比較滑和純。餐前包熱辣辣，為一陣的菜式開開胃。在學時期不能夠飲酒，所以今晚作為一個畢業生，當然要叫一杯cocktail 。這杯梳strawberry shaker 令我回憶起中學時期的青澀。上面一層是奶泡打成的士多啤梨奶昔，甜甜地將溶了的士多啤梨雪糕，喝大淡的時候就飲到酒味的苦澀。一杯雞尾酒能夠表達出學生時期的甜蜜回憶及讀書的辛酸苦澀，勁上面紅色一粒粒是山楂脆脆，和雞尾酒有不同的口感， 10分配合。我們叫了鵝肝，本身以為會很油膩，但是很欣賞配菜用了生果為主，有無花果和菠蘿，黃色的醬汁也是生果味，配上剛剛在飲品裏面的脆脆，全部中和了鵝肝的油膩。鵝肝下的脆片是perfect match。鵝肝就好似查在隨便上的醬，入口豐富，一油一脆。另一重點是tilefish 配魚子醬，第一次食tilefish，餐廳將魚皮炸脆，質感很特別，魚皮有一定的厚度，脆卜卜。魚下面的並不是米飯，而是類似薏米的穀物，不錯不錯，比起米飯她更有趙口，更有口感。另一重點是魚子醬，很有魚

今晚去翻以前成日經過嘅韓國街，睇下附近有冇特別餐廳可以enjoy有氣氛啲嘅晚餐。唔少社交平台 post 為我地推薦呢間外國特色餐廳。入到門口，已經感受到好華麗嘅佈置燈飾，桌上亦放置左燭台，比我地享受燭光晚餐。服務員好細心幫我地擺好餐具、餐牌，同埋問我地有咩特別想order前菜有唔同款式食物供選擇，望落煮青口都唔錯Main Course可以試下西西里島蕃茄意粉，之前喺其他意大利西餐廳試過，濃厚嘅蕃茄醬另外一試難忘陣間可以試埋甜品，獎勵吓我哋努力工作我哋都係唔好酒嘅，但可以點一杯兩個人share試吓上菜之前當然要食啲餐包頂下肚熱辣辣配埋橄欖油真係一流第一道菜：白酒煮澳洲藍青口白酒做底配埋辣椒、蒜蓉、牛油一齊煮，濃厚嘅醬汁滲透在每粒青口上面，咬落去嘅時候，牛油嘅香味喺口腔入邊慢慢散發出嚟而青口嘅鮮味冇被覆蓋，真係好夾！第二道菜：意大利西西里島蕃茄意粉呢道菜真係必食嘅選擇，每次番茄醬都係特別濃厚，每條意粉彷彿沾上番茄醬的浸浴，每一口都是香濃未盡對我呢啲番茄迷來講，一定要試甜品時間：冷凍榛子果仁凍批及拖肥蜂蜜窩獎勵自己其實有好多方法，呢個應該係對甜品控而言係個至高無上嘅祝福雖然咁講有啲誇張，但係

尖沙咀金巴利道既LAB EAT Restaurant & Bar，地點係有D遠同唔方便，不過環境氣氛都幾有情調。叫左個二人晚餐有成支香檳，不過呢期身體唔好冇飲。餐前麵包法國生蠔每一隻都好肥美，海水味濃，裙邊爽口，非常鮮甜。煙燻意大利沙甸魚及香醋魚子冇諗過沙甸魚配魚子加埋先蕃茄，口感係幾豐富，而且完全唔會腥。輕煎半熟北海道帶子配菠菜茸帶子輕輕煎左兩面，所以中間係半熟，一啲都唔韌。下面既菠菜茸估唔到幾幼滑，三文魚子更加係提升左帶子既鮮味。牛肝菌湯牛肝菌既香味撲鼻，味道濃郁又保留到口感，好好味。西班牙紅蝦及海膽意粉配魚子醬紅蝦肉質爽口，不過外面有D燶，有小小苦。而海膽味道鮮甜，金黃飽滿，魚子醬都鮮甜，意粉沾滿曬D醬汁，味道濃郁。Opera 蛋糕配雲呢拿雪糕其實黎到尾聲已經好飽，但都要食埋呢個蛋糕，配雲呢拿雪糕，完美作結。

最近，做成一樁大生意，想搵間餐廳，好好食一餐，當慰勞自己，又可以慶祝一番。朋友向我介紹左一間西餐廳，話食物質素高，所以專登走嚟尖沙咀幫襯，試一試餐廳出品品質。先說是白酒，非常容易入口，而且配魚食，非常夾。我覺得此酒真是不錯。嚟到西餐廳，當然一開始，就會有麵包，麵包外脆內軟，好好味。😋你亦可以再配以黑醋一起食，又是另一番風味。頭盤嚟的是生蠔，餐廳好細心，可用夾將檸檬汁擠出來，就不會弄髒手啦👍。生蠔都算大隻，而且非常鮮味，我個人真心覺得超正。香煎法國鵝肝，亦是另一味佳肴，鵝肝煎得表面香脆，入口即溶，成口油香，再配以菠蘿香甜，食落不覺油膩。菠蘿燒烘過，提升菠蘿香味及甜味，正呀！還有，伴碟醬汁，脆片及細細粒酸甜紅色伴食，味道都與鵝肝非常夾，令鵝肝更加好味。香煎鱈魚，大大件，面層煎得香脆，肉質仍滑嫩。甜品是餐廳特式蛋糕，這個超級好食，好多餐廳都有差不多這類型蛋糕，但這間算係我呢年嚟食過，最美味的一個。而且賣相當吸引。值得一試。總括嚟講，此餐廳每樣食品，都可以感受到廚師的努力及心思。所以食品質素相對也比較高。偶爾，獎勵一下自己，享受一頓美味西餐，為自己充充電，一定是值得的。👍👍👍

Today we try a very different restaurant compare to what we went before, the shop decorations is very eye catching. Hence it create quite an environment for those want to enjoy your day with you other ones. 48months Iberico hamWe start our meal with the 48months Iberico ham, the ham itself won’t be too salty. It best that you could go with other topping, rather then eating it alone. Go with topping can help the ham bring out more favour. This is the shop signature.White wine blue musselsOne of o

同朋友都係尖沙咀收工, 見咁耐冇見就約埋係尖沙咀食飯, 選擇左間西餐廳, 位置旺中帶靜, 可以傾下計.我地左個2人餐, 頭盤有4隻即開新鮮生蠔, 十分新鮮, 帶有海水味, 味道比較中性, 配上檸檬汁, 可以食番生蠔原本既味道.之後仲有個輕煎半諒北海道帶子配菠菜蓉, 首先個擺盤已經好靚, 帶子加埋菠菜蓉, 3文魚子, 加埋醬汁, 味道十分有層次, 食完第一啖即刻想食第2啖.湯方面飲左個牛肝菌湯, 十分重菌香味, 仲有香濃既奶油味.本身好鐘意食牛, 主菜係澳洲M5牛柳, 是西冷下面的牛腰肉，亦是最軟嫩和最瘦的部分，油花適中，肉質軟腍，肉汁亦豐富, 煎到大約5成熟, 十分好吃.