La Kaffa (已結業)

店鋪以歐陸風格為主，仿似外國嘅火車站，有唔同地方嘅時鐘，火車軌模型，收銀處仲模仿售票處添！感覺好似身處外國，別有一番風味。格格簡單，令人有種舒適嘅感覺！收工之後，約埋朋友黎聚一聚，都係一個唔錯嘅選擇！

聽朋友講呢間cafe平時好多人，難得今日唔駛等位可以舒舒服服。一入餐廳第一個感覺係好歐式古典風格，靚！由於今日大家都唔係好肚餓，只係旨在搵個地方坐低傾吓偈tea吓，所以叫嘅份量唔多，只係點咗一份班尼迪蛋同一壺水果茶share，份量啱啱好！因為呢度啲嘢好抵食，一份我至愛嘅班尼迪蛋59蚊，水果茶原價38蚊，跟餐減8蚊，仲要都幾大份下，喺呢個市道嚟講真係幾唔錯。水果茶嘅水果份量好夠，感覺好豐富。對我嚟講唯一美中不足係味道偏甜，但係佢哋好細心，俾咗杯水我哋，溝咗水之後就啱啱好！仲有要讚吓就係佢哋啲食物賣相好靚，我哋見到其他食客嘅食物都排得好靚好有心思，最衰今日唔係好肚餓所以冇食其他嘢，下次嚟就可以試吓其他！

呢間係設計上花左相當心思，成間好復古，仲有好多唔同擺設，收銀位置仲好似一個火車站既售票處咁，好靚。白金漢宮豪華班尼迪($102)，真係好「豪華」，班尼迪蛋愛好者一定要試啦，呢個蛋係即叫即整，唔係雪過夜Standby翻熱，荷蘭醬唔會太稀，酸度亦岩岩好，切開蛋黃係流心，但唔係過生所以流，仲有薯餅、腸、栗米、火腿、微烘多士，朝早食番份都咪話唔飽，其實呢個份量可以兩個人share。披頭四吐司($48)，如果想食細份d既就可以選擇呢個，有兩隻煎得好靚既蛋，腸同茄汁豆，仲有西多倒糖漿落去再由件多士吸收哂，係正既！秘密花園水果茶($38)，與其話呢隻係杯，更加覺得佢係一隻碗，一拎過黎，大家既反應都係「嘩～嘩～嘩」，一個人基本係唔會飲得哂生果仲要好足料，新鮮仲要食極仲有，唔會過甜，飲得到生果既果甜，真心好抵飲。同場加映當日既甜品，Tiramisu，甜品製作亦唔求其，中間果層濕潤但唔會果濕，咖啡味好香有少少Rum，上下兩層整得好Smooth，夾埋一啖食味道水準幾高！窮遊指數：7/10好味指數：8/10

等位: 紅日11:30嚟, 好在早嚟唔算等得耐, 等左20分鐘; 後來12點後嘅人平均等1個鐘入座: 首先位四眼短髮小姐安排位就好有問題, 叫先來的兩pair人拎飛等位, 但後來的一pair人就被問到搭唔搭枱...而且不止一次, 後來一次終於被位大媽鬧等野食: 應該係史上等得最耐一次, 一份all day breakfast 等左70分鐘先有等食...而且唔止我, 見到在場好多枱都等到呆左/燥左味道: 算好食, 但真係等得太耐太耐......服務: 算有善有禮貌

新開幕在家附近，好奇心驅使下很期待的來試試餐單上的菜好想每樣都試試阿今晚點了主食:牛柳粒扁意粉、辣肉腸pizza、香草春雞、招牌豬肋骨。甜品:提拉米蘇。飲品:藍莓柑橘蘇打、蜜桃綠茶蘇打、香濃奶茶。店內的裝潢環境氣氛很好讓人感覺放鬆，我很喜歡，而座位部分也不會很擁擠算舒適服務員態度也很好，這頓晚餐食物雖然不是那種很驚豔的美味，但是想悠閒的與朋友一起吃點東西小小聊一下，來這裡很適合

進到這餐廳，第一個感覺就是很古式，也很外國。而坐在一個大玻璃前，又很舒適及悠閑。餐牌的設計也很特別，以一個空郵信封做封面，真的很有外國感覺，頓時很想去旅遊。而這次也選了很西方的食物：炸魚柳配薯條（Fish and Chips），是很早餐的感覺。賣相很好，很豐富的感覺。而魚柳及薯條皆很有熱度及脆度，也很新鮮，絶對是即叫即製的那種。而魚柳除了熱及脆之外，內層也很柔軟，很有肉汁，也很美味。