La Kaffa (已結業)

❤北角是個覓食天堂隨街一看都是吸引我入去的店然而令我驚喜的，是找到一家店員細心服務周到極有韓風卻主打歐洲菜的CAFE環境舒服，裝修用心以車站為主題，收銀超正，似足票務處！對於一向欣賞歐洲與韓國文化的本小姐而言又點會唔入去？今次試了✿ 秘密花園水果茶 $38✿ 熱名字讓溫馨的韓風暖入心愛看韓劇的都知道什麼是《秘密花園》吧？一套溫馨的科幻愛情電視劇我中意酸酸甜甜的味道，所有時令水果都是我最愛養眼秋冬飲就最正！✿大蝦沙拉 ✿吃沙拉是PEGGY每個周末的指定動作菜菜好新鮮，店員細心問醬汁是否分開上令同行不吃沙拉只吃大蝦的朋友好開心！✿ 西班牙海鮮飯 $138✿西班牙海鮮飯強調的香鮮辣，帶蕃茄酸味，呢家店仔做得不錯青口新鮮帶子略煎，因此口感雙重表面香口，內裡鮮嫰足見是即叫即整份量多，可以和朋友一起SHARE所以我一般都是叫2個主菜大家HAPPY SHARE✿ 小食拼盤✿炸得香脆惹味雞翼脆口，薯角調味一流辣肉腸非常惹味特別喜歡這款小型炸炸的薯角容器好打耳呀！✿ 燒春雞✿半份燒春雞，熱辣辣上台其實叫了小食拼盤已經大份抵食再點燒春雞只為懷念小時候在大家樂與家人一起吃燒春雞的感覺此款還有炸魷魚圈，炸魷魚

北角LA KAFFA CAFE真係大件夾抵食！次次都有新驚喜～秘密花園水果茶 $38 大大杯一見到真係哇左出聲水果茶配搭新鮮果肉 有益又健康而且真係好大杯兩個人一齊share都冇問題 抵飲!先來一個健康嘅前菜!科布烤雞沙律 $48真係唔講得少望落已經唔簡單有兩隻煮得超好既半熟蛋烤雞餣得勁入味而且肉質鮮嫩 真係好滋味沙律菜加入左特別嘅醬汁係難得會一食想再食既沙律！真係好好食好新鮮如果每日媽媽都整呢個比我我諗我每日都可以食呢個做早餐雞翼大聯盟 $108 成晚最期待既一碟多謝大家封我為雞翼女王一共有三款 Rose, buffalo & honey lemon最鐘意當然係玫瑰果款啦玫瑰同雞既味道都幾夾 好香檸檬蜜糖都好清新 酸酸甜甜咁Buffalo果款就有d太辣了好重Tabasco 既味不過對我黎講 雞翼點煮都好食香煎美國安格斯肉眼扒 $148 肉眼雖然冇西冷咁香牛味但勝在肉質腍 同香草牛油搭夠配上黑椒汁微辣 味道唔錯配菜可揀薯粒或薯蓉對得起價錢 抵!西班牙海鮮飯 $138 炒飯濕度適中 幾有咬口青口同帶子都幾新鮮蝦如果採用大蝦會更吸引味道不過不失咁啦份量都ok 適合同朋友仔share而且係新

北角有間抵食夾大件 但情調同食物質素又好知道佢地既既有酒牌先黎杯champagneCheers!!雞翼大聯盟(18隻) $108好食指數: 4.2/5抵食指數: 4/5飲完杯靚酒 緊係食正野 頭盤先黎雞翼拼盤分別有三隻味道 玫瑰 水牛同檸檬蜜糖先講玫瑰 岀面好少食到 你以為味道好怪？咁就錯喇 味道十分夾 而且好香水牛雞翼就充足Tabasco味道 少少辣檸檬甜甜酸酸 幾開胃咁多雞翼 一大班朋友分享就最啱招牌豬肋骨配薯角(全份) $168好食指數: 4/5抵食指數: 4/5Baby rib 最怕好硬 切唔開但呢個就做得算幾腍醬汁份量適中 薯角都香脆不過全份真係幾大份！

去完新都城行街，拎openrice出來睇睇附近有乜好食發現呢條橫街仔呢間未去過，決定去試試。 6點鐘都未夠就坐低，唔多客，環境幾舒服，睇得出裝修都落左d心思，係一個車站的主題！連收銀位都扮賣票站！有Feel！侍應遞上餐牌，除左全日menu仲有dinner menu，話爭少少唔介意我地叫dinner。佢dinner set係二人的，有兩款，一款200另一款388, 真心抵！睇落388 d野食岩食d所以點左呢個。 個set有湯，前菜，兩個main，drinks，仲有甜品，仲要唔收加一！見我地點晚餐侍應隨即送上酒menu，估唔到呢度都有酒飲，有紅有白同啤酒，我加左錢點支Somersby，友人都點左支erdinger～ 講番食物，我地點左個小食拼盤、牛扒同埋海鮮飯。 是日餐湯係蘑菰湯，味道不俗都幾足料，有啖啖蘑菰食到！ 小食拼盤，個賣相都擺得幾靚，最欣賞係佢個辣肉腸，好惹味！不過可能本身細食，食完個拼盤都飽飽地。 主菜牛扒喇，我嗌左5成，控制得ok，塊扒寫係8oz但來到比我想像中大，佢可以揀薯粒定薯蓉我見幾特別揀左薯粒。食完真係飽到上心口，甜品都係食左兩啖算，總括來講呢度值得一試呀！性價比非常

因為餐廳就在家附近，已經來過幾次，午餐和晚餐還不錯，而且侍應態度很好。今天懶得煮，就來吃個brunch。客人不算多，不用等，點了Egg Benedict 和 hazelnut latte。5分鐘內兩樣都送上，實在快…… 但吃下第一口就有點失望……在不同地方吃過Egg Benedict, 蛋都應該是半熟的。但這份竟然是全熟蛋！整份溫度半暖不熱，明顯是預先準備好再砌成，並不是即點即煮。還以為餐廳在繁忙時間水準才會下跌，估不到在非繁忙時間水準也不過如此，比以前下降之餘亦沒有誠意，越吃越失望…

今朝諗住試新店，點之失望而走。入到去諗住叫野食，舉手示意一段時間，冇人理！後面個水吧又視而不見，送歺後惦行惦過，叫佢都唔彩。之後個女待答我等等，然後行出去同其他枱落單！火都黎...你有冇分先後架！.全店嘅特色，係無論樓面，水吧都死囗死面，連廚房叫人送歺按鈐都係暴力狂拍十幾下，係其他鋪少見！收人五十蚊一個早餐，但招呼仲差過翠華太興等茶記，真係不去也罷。免得消費仲要睇人面色

新開左一段時間，因是連銷式，故在沒有期待下試了。店內充滿了歐陸式火車裝潢，好特別。試點了二人 Dinner Set先上薯仔湯，味道嘗可，熱辣辣的，如果再濃D會更好。烤雞沙律大大份，滿有驚喜，醬汁酸酸甜甜，好開胃。吉烈豬扒飯，用上特別的船形碗載著加上支架搖下搖下幾得意，豬扒炸得香脆又不太乾加上香辣蕃茄醬，一讚。墨西哥烤雞Pizza, 外觀非常吸引，餅底為薄底，食完不會太濟，饀料大大粒又新鮮，食指大動。最後上了 Tiramisu Cup, 杯是雪凍左，幾有心思，可惜糕底濕左，影響了口感，而且 cream 太多。

週末tea 一 tea, 更要食好d啦。知道家附近有間特色一點的餐廳新開張已久，但一直未有嘗試過。 終於今天悠閒了整個下午，午餐也懶得吃，趁外邊應該還有茶餐便走出外看看，就想起了這間。餐牌看過後，最想食凱撒沙律，就點了深海鮮蝦凱撒沙律。 只吃沙律又怕晚點餓😂 還點了一個皇室班尼迪蛋全日早餐 等候食物中，便看看Cafe上的裝飾 約20分鐘後，服務員先送上皇室班尼迪蛋全日早餐，煙肉既味道ok，不會鹹,不燶，又不油膩，very good! 吃完煙肉才吃鬆餅上的火腿連醬跟半熟蛋，醬是甜甜酸酸的。 是粟米粒但沒有粟米粒的味道，有點懷疑是否浸入糖水裡!?我最愛的凱撒沙律來了， 未吃已經感覺到很酸的醬味道噗入鼻中。 鮮蝦味道尚可，沙律菜算新鮮，但越吃越酸，有一點兒失望呀!總括來說，食物味道一般，不試也不可惜。可能是接近黃昏，未有太多食客，服務員在空檔期間， 竟可無视是工作時間，在客人面前看了好幾次手機，實在不雅。

環境雅致, 服務又ok, 上菜速度可比快餐店, 但味道又不錯。兩個女生吃了三式雞翼, 凱撒蝦沙律, 黑松露雜菌寬條面, 一人一杯水果茶, 埋單才每人$130, 抵食。三式雞翼推介, 特別推介玫瑰蜜糖味👍凱撒蝦沙律就是以它的價錢就不要太挑剔的質素, 好像才$90, 但大大碗, 還有5, 6隻大蝦。黑松露寬條面也不錯, 略嫌乾了些, 建議少些面, 多些雜菌, 配上多些汁就很好了。水果茶熱飲好味, 香香甜甜, 別小看它好像比凍的壺小, 熱的絕對不小, 我到走也喝不完呢～

趁住放假去北角試下間新開無耐嘅cafe，可能係假日都幾多人喎，等左10分鐘終於有幾枱人埋單離開，以為有得入啦...點知啲侍應淨係顧住執枱，執晒咁多張先醒起原來我地等緊位囉 不過算啦，因為坐底就比佢啲火車模型同周圍環境吸引左😍見到menu都幾多選擇!而且價錢比一般all day breakfast 平！最後嗌左個"白金漢宮豪華班尼迪蛋"，"田園烤雞排早餐"2個set。白金漢宮豪華班尼迪蛋set好大份，啲德國腸好好味，有4,5條唔同口味，正👍🏾但係荷蘭醬味道就唔太突出...田園烤雞排早餐嘅雞扒好食，不過得一件比較細件，反而西多士有3件不過就硬左啲同漏左少少嘅。補充返佢嘅西多士係無花生醬嘅。btw呢個set等左好耐，差唔多4,5個字先送到黎朋友嗰份都食晒啦仲要催多2催先黎，不過店員就解釋因為雞扒新鮮煎嘅....咁都唯有等啦...有樣要讚嘅係佢杯奶茶好好味(如果中意多奶嘅朋友)，比較接近台灣式嘅奶茶。

皇室班尼迪蛋這店的食物全是即叫即整的，所以蛋和鬆餅都夠熱，班尼蛋配上酸酸甜甜的荷蘭醬，美味可口！熛肉又不咸，但沙律菜就苦左點!茄汁豆原來齋吃都好好食！原來小小的班尼迪蛋好高卡路里！本以為用雞蛋烹調就健康，原來淋面的荷蘭汁是由蛋黃、牛油和辣椒醬煮成！含有大量脂肪和膽固醇披頭四吐司依個all day 真係豐富全部即叫即整，西多剛剛炸起，呈金黃色，內裏夾住香甜的蜜糖，比夾花生醬更健康好味，所以話新鮮炸起西多士真係無得輸啊可是厚方面用哂，要𨍭普通方包！香腸脆囗而味道不會過咸！是我喜歡的味道！不過等待時間太耐，我們旁邊很多客人都忍不住發脾氣我們雖然沒有多説，但很餓，心中極不爽

今日一個人的下午茶！閒逛到北角！想試啲未試過嘅食品！上網搵到呢間餐廳食物賣相唔錯！去到唔使等位，店員指示我坐大堂中央二人位！環顧四週，裝修以火車站做主題！收銀係售票處！牆上好多火車模型！幾特別！睇返餐牌！食物西式，飲唔台式！最特別嘅係T8皇室班尼迪蛋配沙律（$32）！呢款蛋我好少食，一來唔係間間西餐廳會做，通常價錢都比較貴，嗰個價錢食蛋好像唔係咁抵！我知道煮呢款蛋好似要技巧！落單之後都要15分鐘，賣相吸引，好小心摌起一隻蛋放入口！由得啲蛋漿在口內流動，蛋味香！上面嘅蛋黃醬好濃厚，唔會搶走雞蛋本身嘅味道！第二隻我就切開慢慢食！沙律菜新鮮，醋汁亦開胃，但⋯⋯點解要咁大塊上菜呢？一塊要開四先至適合放入口！唔係肯定會比啲醋汁沾滿塊面！跟餐咖啡（$4）夠熱但咖啡味唔香！一般！店員正常，唔算殷勤！又唔會趕住催住！所以好悠閒咁完成我嘅下午茶！

呢間cafe未開之前對佢都有d期望，諗住裝潢幾靚個menu又幾吸引點知前後試左呢間cafe兩次都唔合格，一次早餐一次lunch服務：一行入去企係門口完全無人理，d staff個個好似睇唔到我地咁，完全唔夠人食物：plasta完全無味，d雞肉仲有d怪味，早餐份量少（以80蚊一個早餐我會expect食得飽…）飲品：最估唔到係一間cafe既飲品特別係咖啡可能咁難飲，佢地d咖啡似雀巢即溶咖啡，奶茶竟然係台灣即沖奶茶環境：唯唔錯就係裝潢幾靚坐得幾舒服

之前已在午飯時間來過這餐廳，印象不錯，所以便提議與朋友們在晚飯時間來聚一聚。先來一個海陸空拼盤作為前菜小食。用料不錯，特別推介雞翼和薯角，零舍好味的。尤其是薯角，新鮮炸出來特別惹味，加上有特製的茄醬，所以味道特別好。另一款惹味前菜就是蕃茄肉丸，細細粒，易入口，又很有肉汁和肉味，不錯。前菜離不開的還有沙津，這一款沙津的醬汁酸酸的，很開胃，而沙津菜也很新鮮。最開心的是上面還加了一塊大雞扒。餐湯是磨菇忌廉湯，濃濃的很夠味道。喜歡。是晚吃了很多主菜，挑選三款來講講。第一款是黑松露雜菌意粉。先聲奪人的當然就是那份香味，遠遠都已經可以聞到了，而配上雜菌當然是很好的配搭啦。另一款是大蝦薄餅。用料不錯，每一片薄餅都至少有一隻大蝦。蝦味雖淡，但醬汁及餅底都很出色。是不錯的自家製薄餅。但有另一款主菜就略為遜色了一點：魚柳飯。魚柳很鯹，加了醬汁後也不能完全覆蓋那陣味道。最後的甜品也頗為太過特別，是Tiramitsu。外型與自己之前見過的可為完全不同。上層純綷是忌廉，很肥的感覺吧。要吃了很多，或把忌廉撥開才可以吃到下層細細塊，染了咖啡酒的手指餅。味道可以，但只得很少。加上上層過多的忌廉，難以讓人喜歡這甜品吧。

落雨濕濕的星期日諗住搵間café食下tea hea半日，發現連鎖Café品牌La Kaffa終於係港島區開咗新分店﹗位於北角的新店以火車為主題，店內擺放咗唔少火車模型同路軌裝置，充滿復古情調。北角分店主打fusion菜式，除咗小食、意粉外，仲有多款all day breakfast任君選擇，而且價錢十分商宜，都係約$50-100。飲品方面選擇亦好多，咖啡、奶茶、水果茶等等都係$25-38左右，價錢非常親民。見到咁多款all day breakfast，都真係好難揀，仔細睇過menu上list out的配料之後，最終決定揀湯姆士早餐﹗我點的壺手工水果茶味道唔錯，亦十分足料，有藍莓、火龍果粒、士多啤梨粒、奇異果片等等，果味十足帶少少果酸，非常醒胃，仲有個非常精美的心型蠟燭台keep住烘熱。直到呢個moment我對呢間café的感覺依然係非常良好，諗住可以優優閒閒咁食野睇書。男友點咗杯普通凍奶茶，味道同色水都好麻麻，似台式珍珠奶茶的味道多於西式/中式茶味香濃個隻，得浸奶味。湯姆士早餐終於黎喇，男友食咗一啖腸之後，我望多兩眼碟早餐發現無咗我最想食的薯餅x2，仲有法蘭克福腸x2同埋煙肉x2，於是