La Kaffa (已結業) 查看

我其實從來都唔寫食評的，通常睇多，不過今次唔寫係對唔住自己，亦希望其他食客可以從中汲取教訓。星期日同另一半趕功課仔，佢話呢間Cafe靜靜哋環境，做嘢唔錯。咁就轆落去試吓吖，北角我唔熟，一舊雞咁。見到個門面裝修同menu，幾好喎，價錢又合理，睇過吓openrice feedback幾好評，心諗飲杯咖啡砌功課先，之後吔埋飯都得喎。當時大約1830，得小貓幾隻，坐張四人枱，嘩，個冷氣乜事，以為自己死咗，入咗殮房，大佬得幾個人，開咁大冷氣為乜？一嚟唔環保，二嚟趕客都無客比你趕喇。之後陸續有啲客入嚟，大約半滿左右，X，個冷氣又再開大啲，痴線㗎？我杯熱焦糖咖啡，用咗三分鐘變凍咖啡，可想而知，個室溫我估得十五、六度或更低。喇喇聲做完嘢，嘢我哋都無飲哂就撇，之後過隔離街食越南嘢。我奉勸各位千奇唔好去，本身我好人好者，之後一病就成個星期發燒重感冒，痴線的。

因Openrice有網上訂位，又見餐廳有優惠（惠顧滿$600送德國咸豬手一隻），所以就揀左呢度同阿仔慶祝（生日飯）。訂左7:30pm，我地一行5人準時到達，餐廳環境舒適（工業風），食客不多（可能落雨），店員安排了一張8人檯給我們，所以坐得好寬敞（可以放袋）。因婆婆食量比較細，所以我們只叫一個四人餐（仲有送豬手一隻）$768+10%=$844，食物賣相雖然不錯，但味道卻一般般。而服務方面，可以做得好d。

有次行過北角見到哩間d野食好似幾好，上OpenRice 睇原來有幾間分店🤣仲以為係小店haha 今晚一行四人去食晚飯😛因為有兩個老人家食唔到太多所以叫左一個set for 2 同一個A la carte share 但都飽到仲有帶走一盒自備既食物盒(環保啊✌🏻)今晚食左好多肉😂發覺主菜既選擇都係肉類比較多岩哂食肉獸既朋友仔 (對我黎講都ok ，因為如果係澱粉質同蛋白質2簡1我一定簡肉🙈🙈🙈🙈)Overall 野食都ok 環境幾好會再黎希望下次試其他野既時候有多d驚喜✌🏻

因一早起身想食班尼迪蛋，所以山長水遠駕車去北角la kaffa，諗住嘆一個all day breakfast ，點知希望越大，失望越大，賣相好靚，但一切，班尼蛋入面係乾身的，食熟蛋一樣，同職員講，只補回一隻較生的，但的明明有兩隻過熟班尼蛋，正常都全部一次換，廢事煩，唔敢再問職員補多一隻，是是旦旦咁食完就走，份早餐已經唔精神，仲全程聽住隔離枱客sell保險，同簽保險單，頭都痛埋！想靜靜地食份靚早餐都唔得⋯⋯

頂級牛扒 環境舒適 大件托食 La Kaffa 閨密好友啱啱喺澳洲返嚟我哋就約咗出嚟食飯..諗嚟諗去都唔知食乜最終決定食西餐.佢話見到網上好多人介紹 La Kaffa 環境佈置好似英國火車咁樣食物又好味所以我哋就book咗位嚟呢度食嘢啦我哋叫咗個精選二人晚餐298蚊有齊前菜.小食.主菜.同埋甜品.餐飲.餐湯.沙律超抵食!前菜可以簡單湯或者沙律我哋就一人叫咗一樣嘢.小食有白酒忌廉燴藍煮青口或者有趣搖滾雞配薯角.閨蜜超級鍾意食海鮮所以我哋就揀咗白酒忌廉燴藍青口..主菜都有四個選擇!燒香草法國春雞全隻配魷魚圈..或者招牌豬肋骨全分配薯角..仲有香煎法式鴨腿配辣肉腸及薯角..同埋8安士頂級西冷牛扒!配薯角或者薯蓉仲有得揀燒汁或者黑椒汁添!我哋揀咗燒香草法國春雞全隻配魷魚圈..同埋白安是頂級西冷牛扒配薯角我哋要咗七成熟! 甜品有時令鮮果奶凍同埋仙草莓奶凍我哋都係一人叫咗一個樣樣嘢都可以試齊曬呀嘛餐飲可以揀奶茶綠茶或者紅茶我哋兩個都要咗熱檸水.另外可以加四蚊轉宇治抹茶或者梳打系列等等加30蚊仲可以飲秘密花園水果茶添落完單之後唔使五分鐘已經有餐湯同埋沙律送上枱.速度非常快.沙律好大碟.有生菜同埋蕃茄

今日同屋企人到這間餐廳食晚飯，因為見喺屋企附近，同話訂座及食滿六百蚊有一隻豬手送，去到我們剛好坐的位置不太好，四人枱，沒梳化，凳背又有個大洞，包包都機乎沒有位置擺放，要經常留意包包有沒有掉下 ，跟住我地叫咗個四人餐，包括：餐湯配蒜蓉包、小食牛柳粒、炸尤魚配薯角，這幾個味道比較正常，只係尤魚圈很細同較小，餐仲有五成熟牛扒配薯蓉（黑椒汁）同銀雪魚配薯蓉，全部薯蓉都又酸又鹹到離晒普，從未諗過薯蓉都可以難食，西班牙海鮮炒飯仲恐怖...個飯都未熟，好似食緊生米咁，食到頂住個胃，個送既豬手都係勁鹹又乾，一d都唔好食，成餐飯既總結係得個鹹字，食完真係怕個腎會有事！以後唔會再黎呢間lu....其實仲有個豬肋骨，媽試咗一啖，話唔好食，我地已經無人想再去試...

本人一向對大大份嘅早餐情有獨鍾，今次就揀呢間試下，所以星期6一早9點去到，等佢開門。我覺得佢真係好用心整呢份早餐，每樣嘢都好好味，menu嘅相同真實一模一樣，完全無呃人，我一定會再嚟試埋其他架

I had salad here and the portion is only half of that in ma on shan branch but for the same price, clearly this means you are paying for the rent in the location rather than the food. same goes for pasta and rice dishes toothis also means quality is inconsistent across branches.the entrance is close to the road and has a foul smell

朋友們book左La Kaffa同我慶祝生日，cafe唔係好大間，座位有點窄，但食物飲品就相當唔錯，個忌廉湯唔熱，真係麻麻，反映比店主，店主都好接納意見及承諾會檢討，其實除左個湯，其他食物都very good突別推介係啲飯同意粉真係好好味，我地點左…豬手同豬肋骨，食落唔肥膩意大利飯及扁意粉一流雞翼，肉丸必食甜品~鮮果奶凍，鮮草莓奶凍，我無食但朋友話ok我選飲藍莓金桔梳打，意想不到既好飲最後朋友送上小小心意，一件小小既cake🍰加上Happy Birthday ~ 寫上完美幸福句號❤

約左朋友交收，為方便佢由觀塘過港島，就約左佢享北角食晚飯。上OR見到La Kaffa好評都幾多，一於入去試下。其實有個二人dinner set,但太多野食唔想浪費，所以散叫。帶子卡邦尼長通粉。帶子煎得半熟幾香，長通粉質感都好好，芝士味濃但晤會好章唔會好咸。香烤德式豬手配酸菜及薯蓉。原隻豬手上好有挑戰性，以為好難切但原來ok的，但當然唔Pro啦。豬手好香醃得啱啱好，塊皮脆肥膏唔會太多，食落唔漏。酸菜都真係幾酸下，可以中和啲肉。至於薯蓉就偏咸少少。另外叫左芒果綠茶同咖啡，味道ok!餐廳好有格調環境舒服，係一個唔錯嘅聚腳選擇。

這餐廳給我一種世外桃源的感覺，雖位於北角鬧市，但剛好處在小巷中，稍稍遠離繁囂，帶來一片難得的幽靜。店內環境更是令人像置身外國一樣，裝潢設計十分雅緻，有不少西方風格的擺設，很有心思，還播放著經典的懷舊英文歌曲，格外有情調，在柔和的燈光下看著街景，很是寫意舒適。只是六時多，已有不少人客正在用餐、歎咖啡。店員親切有禮，招呼周到，服務佳。餐牌設計精美，菜式選擇頗多，連飲品都有多達數頁的款式，當中有不少甚具特色的飲料例如特調啤酒、抹茶系列、手工果茶等。最意想不到的是價錢非常親民，在這種環境及服務皆優的餐廳裡吃個意粉飯或薄餅竟然只需六七十元，完全是良心小店。落單後食物很快送上。套餐包是日餐湯、包、飲品及甜品，好豐富，而且樣樣均有質素，絕不是交行貨。雜菜湯好足料又香濃，不會好稀。蒜蓉多士烘得香脆可口，蒜香味濃郁。不用額外加錢便有大大杯冰凍奶茶，而且不是一般茶餐廳的奶茶，而是像台式珍珠奶茶那種味道，茶香奶滑，甜度適中，十分好喝。脆炸黃金魷魚圈配薯角熱乎乎的，炸得金黃香脆，爽口彈牙，炸薯角外脆內軟，內裡薯蓉飽滿，薯味十足。比目魚扒極出色，兩大塊超厚肉，煎得皮脆肉嫩，更是每一啖都好鮮好嫩滑，加上香草忌廉汁

難得靓表姐约我晚飯, 兩表姊妹叙頭, 互訴心中情, 密密倾又不要打擾隔鄰枱, 绝對要找一间環境舒適又高雅的飯店!找一間就近我们倆公司的地点, 我挑選了中间位置 - 北角區, 已经久仰多時的 La Kaffa , 有如環遊世界般, 吃一下不同國度的不同菜式吧餓! 由1點吃午飯, 距离放工及乘車的時間, 相距6個小時, 一般消化系统操作是4小時, 這個飢餓的感覺, 真尤如所謂的"放監”般! 哈哈, 飢也不可擇食的, 當然要小心挑選, 否則只會浪费食物和金錢喔!

難得過海工作，便相約男友到北角撐枱腳，並再次重臨呢間充滿情調La Kaffa~以火車英倫風作主題的餐廳吸引不少小情侶、一家大細前來進餐，7點左右已經坐滿人了~蕃茄意式肉丸很有ikea的感覺，舖上面嘅係濃厚嘅蕃茄醬，中間仲夾雜左超邪惡嘅芝士，我地當然三兩啖就好快將佢食完🤭白酒忌廉燴青口一如過往嘅水準！超香嘅白酒味，但同樣多點忌廉令個汁"杰"啲味道會更好，不過我同男友都停不了口咁將個汁當湯咁飲晒😂😂 黑松露香菇萹意粉一上菜就聞到超香黑松露味🤤仲有幾片大大片嘅芝士，而且多菇又多汁，可以一路伴著餸同汁咁食到尾，唔會似有時食果啲意粉食食下已經變左齋啃意粉🤦🏻‍♀香烤德式豬手都幾值得推薦！切開時係聽到"咯咯"嘅清脆聲音，擔心會唔會烤到肉質老晒，但驚喜地肉質係超鮮嫩的！😍而且仲超香肉味，個人認為唔使沾任何醬汁豬手嘅味道已經好出，唔錯！👍🏻我地兩個人食左500幾左右，算係中上價錢，但以食物嘅水準同餐廳嘅情調黎講都算值回票價~

今日係北角睇完戲，就係附近搵野食。係對面街見到呢間餐廳，好似幾好咁！所以入去試下喇！餐廳都是歐陸風格，裝修上花了一點心思！幾靚，坐得幾舒服！叫了一個set dinner. 😊先來一份前菜沙律！清新的蔬菜，浪一浪個胃。準備等陣吃牛扒，岩哂！叫了 8oz頂级肉眼扒，可選薯角或薯蓉。不想太熱氣，所以我選了薯蓉。8oz原來都好大塊。以木板上菜，顯得更大份！望落塊牛扒很不錯的樣子！煎得幾靚！點了5成熟，剛剛好，不會有血水浸出。容昜切開。而且肥膏同根位分佈都幾平圴。所以食落不會覺得好瘦好韌。肉質都幾好，同幾多肉汁！塊扒好大，所以食完都好飽！飲品揀了紅茶🍵茶味好濃，剛好解一解油膩！今日甜品係士多啤梨奶凍！🥛🥛味道很不錯，奶味很重，很香滑！誤打誤撞入左黎這間餐廳，估唔到又幾好喎！

今日黎到北角這間西餐廳。😃見佢環境唔錯，又很有情調。岩哂同朋友食下野傾下計。價錢亦很親民，能夠以這價錢係香港區食西餐，選擇真的不多！😊一於揀這間餐廳享受我的晚餐！本身想吃這個香煎比目魚扒，好吸引！可惜咁岩缺貨。職員介紹可以試下 三文魚扒，都好吃。一於聽佢講😉另外加左$38,轉左set.揀左沙律.大大碗水果沙律，好fresh的感覺。通常沙律都落黑醋，這個沙律卻不是。食落酸酸甜甜咁，幾開胃同幾好味。賣相很好的煎三文魚扒🐟配有茄子，翠玉瓜，車厘茄，薯蓉。薯蓉很香滑，夠薯仔味！不錯！起初怕三文魚扒煎完通相都很“鞋”，很“老”。而這三文魚扒食落又不會有這感覺！反而煎到出面乾身，裡面卻很嫩滑！更逼到d三文魚油流出，不會覺得很膩。最好味的是三文魚皮煎得又乾又脆身！😉很好吃。另外叫左小食：雞翼三重奏 ，一次食到三種味道。玫瑰雞翼🐔食落陣陣花香味。很清甜既味道。我最喜歡吃這個味！水牛城🐓食落有少少辣的雞翠。惹味十足。檸檬雞翼🐣酸酸甜甜的味道。這個味道也不錯！最後還有餐飲同甜品：我選了：草莓奶凍🍓喜歡吃甜的岩哂了！😊甜甜的草莓醬配埋淡淡的奶凍味，令到甜到剛剛好。這間餐廳還一直播著一些音樂，一路吃一路聽著音