La Kaffa (已結業)

情人節，跟男朋友想試新餐廳，睇過餐牌情侶2人餐都唔洗600蚊，所以一早黎訂位，訂位又唔洗PRE-PAY, 幾好~情人節當日黎到，已經有好多情侶係到用餐，好有氣氛，而我地叫既既套餐有好多野食, 首先有餐湯&蒜蓉包，三文魚沙律煙三文魚沙律菜類雖然好簡單，但個沙律汁好清新，都幾開胃既~~之後就到小食併盤，有腸、魷魚圈、雞翼同炸薯角，每件都炸得好靚，雖然熱氣，但一D都唔油膩，再配埋個辣辣地既茄汁，好有美國風味~而個炸魷魚圈再配埋個汁就真係好MATCH~~非常好食~~~而主菜就叫左西班牙海鮮炒飯同牛扒配薯蓉,海鮮炒飯有青口, 蝦,帶子,魷魚，青口比較細粒，魷魚有少少滑汕汕既感覺，炒飯底夠香，整體都唔錯，而牛扒有3成、5成、8成熟，叫左5成熟，無OVERCOOK, 反而個薯蓉因為MIX左其他香草同牛油，有D食唔慣。不過其實唔差既~而甜品就係士多啤梨MOOSE, 唔會死甜，而且個MOOSE 底好滑，好好食~順帶一題本來個餐係跟2杯野飲既, 但係一直都諗唔到飲咩，見隔離好多人都飲呢個水果茶特盛，一杯茶2份飲，好SWEET SWEET~所以我地都叫左杯既, 而服務員都好好招呼幫我地走冰，超開心~出面食一

星期天往北角逛逛，在明園西街發現一間以蒸汽火車站為主題的餐廳，店裡裝飾有懷舊味道，亦有些火車模型和路牌裝飾擺設，餐廳樓底特高，光線充足，座位濶落，環境舒適。午市有多款全日早餐、意粉/飯、薄餅和小吃選擇。叫了湯姆士兵早餐 ($108)、地中海海鮮比薩 ($78)和巴黎牛柳粒扁意粉 ($72)。湯姆士兵早餐 ($108)好大份，用料豐富，有煙肉、香腸、蘑菇、茄汁豆、西多士、沙律菜和太陽蛋。香腸腸衣薄脆好味，煙肉煎得十分香口，可惜西多士煎得不夠鬆化。地中海海鮮比薩 ($78)材料有鮮蝦、蟹柳和螺肉。薄餅焙得又香又脆，加上面頭的鮮蝦、蟹柳、螺肉，再混上醬汁，十分好味。巴黎牛柳粒扁意粉 ($72)，牛柳粒肉嫩味鮮，加上扁意粉和醬汁，味道不錯，但份量比較小。

＄３９抵食下午茶＠La Kaffa趁等妹妹放學還有一個鐘的空檔便和老公到北角的La Kaffa食個下午茶La Kaffa從地鐵站走過去才３分鐘的路程，位於明園西街轉角處的地下，靜中帶旺，門口相當之別緻小店大約有４０個位，空內裝修帶點歐陸Ｘ金屬風，空間感高，令人坐得好舒適我最喜歡窗邊的位置，可以看到街境，令人感到非常寫意連椅子都寫上了店名，相當用心別緻的ＭＥＮＵ要推介這裡的下午茶餐～好抵食，＄４０就有交易啦，出去連鎖店飲杯咖啡都要＄４０啦～＄４０不用加一就有食物又有飲料拍一張呃ＬＩＫＥ相～跟餐的泡沫咖啡（加＄１５）美麗的拉花令整杯咖啡加分～看到也會笑，味道方面，那泡沫打得棉密，溫度控制得好，咖啡不會太熱而變酸維也納咖啡，用上紙杯去載感覺有點怪怪的～味道偏淡，上面加了一片忌廉，原來是拉花的花朵，有趣～Ｔ５吉列豬扒配薯角＄３９！＄３９真的嗎？一大盤上桌時令我感到好意外，整整滿滿的一盤，那薯角炸得外脆內軟，咸咸地，豬扒好鬆化，而且加入了香草醃過，好好味！不一會就食清光Ａ５皇室班尼迪蛋加法式多士＄５９＋＄１２，其實ＴＥＡ　ＳＥＴ是有班尼迪蛋ＳＥＴ，但我會推介你點Ａ５，因為比ＴＥＡ　ＳＥＴ多了煙肉

拍拖搵食今次嚟試左呢間火車聞名既cafe, lunch 時間一到成間餐廳即時9成滿坐好彩我早嚟可以坐較裡面靜少少。午餐70至90蚊左右，有意粉/焗飯，pizza包餐飲，加10蚊可以轉特飲。叫左2個set 巴黎牛柳粒扁意粉，牛柳粒煎得啱啱好非常好食意粉亦好入味道底配青紅椒。感覺非常健康。pizza，新鮮熱騰騰脆餅底加上青紅椒雞粒料非常足。口痕添左個小食，份量都幾大，有少少食唔落，不過d薯角真係好惹味好食再飽都食多幾舊。唯一美中不足係咖啡並不出色。所以冇須加錢轉特飲都可以。

很懷念昔日讀書時代每天也在北角區嘻嘻哈哈，無憂無慮真好。屬舊區的北角，近年也變了很多，特別是食肆，幾年前常光顧的茶餐廳已不再，換來不少新面孔。是夜相約N先生，由於他還沒下班，先獨自在北角逛逛等他。不過與其在街上漫無目的地走，不如先找個地方坐下。走個每個街口，漆黑之中，焦點落在這間裝潢較時尚的La Kaffa，翻看門外的餐牌價錢合理，就致電N先生標明地點並笑說：「一陣在火車站見!」鎢絲燈泡和木製餐桌，以至牆身佈滿列車路軌及舊式火車，懷舊味濃。仔細一望—迷你70年代的電話、音響、風扇、滅火筒的收藏品，這些值得回味的擺設，相信獲得不少人會共鳴。身後的紅色石磚牆身模仿火車站內，掛上六個時鐘，顯示各地方的不同時間。餐牌如中學時期地理堂專用的地圖集，裡面的小食、意粉、飲品等齊全，不過不用想太多還是Set Dinner比較適合。精選二人套餐/$288，包括餐湯，1款小食，2款主菜及2款甜品。其中主菜可選擇Pizza，意粉及飯，正想致電友人N先生想吃什麼時，剛好他已來到了。是日餐湯為色澤呈深紅色的蕃茄湯。半糊狀的質地，每口都帶有濃郁的蕃茄味時亦不會過酸，冬天喝可暖暖胃。旁邊的半塊多士用來沾上湯亦不錯。

近日因為天氣過份寒冷， 每天放工後， 我總愛約朋友到咖啡店， 喝一杯暖暖的熱飲， 讓整個人都暖和起來。 不過， 我們對於選擇 coffee shop越來越講究，首先，食物一定要有質素，最好就是坐得舒適，而且免加一的話就更好，這天放工後，男友便帶我來北角，試試這間cafe。 店內的佈置真的非常特別，以火車為主題，而牆上更掛了一個又一個的時鐘，顯示不同國家的時間，配合紅色石磚的設計，感覺就像置身懷舊的火車站一樣。餐牌內的菜式選擇非常多，大部份有印有餸菜煮法或味道，而且圖文並茂，非常清晰，不過，我和男友均認為點套裝比較抵，所以點了一個精選二人套餐來吃。套餐內包括了餐湯、小食、主菜、甜品及飲品。由於店內沒有暖氣的，所以越坐越寒冷，所以我們著店員先送餐飲來暖身，綠茶送上來時散發著一股自然的綠茶芬芳香氣，我特別放了一包砂糖，令綠茶的甜度提升，來中和了綠茶的甘澀，當然，若店內能提供蜂蜜的話，相信味道會更好。 這天的餐湯是蕃茄湯，味道不錯，熱熱的湯內帶有濃郁的蕃茄香味，湯質濃稠適中，味道亦不會過酸，喝後能令胃口打開，一邊喝湯，一邊吃著多士，感覺挺滿足。 小食方面有三款選擇，我們揀了雞翼三重奏，三重奏意

小時候喜歡特別的玩具：一套小火車及路軌　是會冒煙的金屬火車頭及數卡車廂。在走廊的空地（公共地方！！！）裝嵌路軌，然後開著小火車氹氹轉。使得鄰家男生們都眼甘甘。誰叫當時自己不喜歡煮飯仔和玩芭比，反而偏偏喜歡男生的玩具呢！現在小男孩的火車玩具，應該是膠制的湯Ｘ士吧！朋友知道我喜歡這種玩具，介紹一家以火車為主題的餐廳！又勾起小時候的回憶了！先到網上看看餐廳資料吧！真係以火車為主題呢！ 心動不如行動，今天和朋友去這家餐廳。　真的有很多火車模型呢！快快點選了几款食物，又開始跟朋友聊天。食物上來了！　雞翼大聯盟　　3款雞翼：紅色雞翼，中間的玫瑰雞翼及蜜糖雞翼。 紅色水牛城雞翼　初時以為雞翼表面是茄汁，原來是辣醬，接近TABASCO的味道。 玫瑰雞翼　雞翼表面都灑有玫瑰花瓣，可嚐到微微的玫瑰花味道。　蜜糖雞翼　食雞翼時，蜜糖會滴下來，要小心。　　　全日早餐：白金漢宮豪華班尼廸蛋　　　　 班尼廸蛋Eggs Benedict ，其實與M記豬柳蛋/煙肉蛋漢堡的結構好相似。都是MUFFIN，火腿/煙肉，蛋蛋，只是M記的蛋蛋煮到全熟，也没有加入荷蘭汁吧!　 制法複雜的荷蘭汁Hollandaise sauce就

去完香港仔，無精神等到返九龍先晚餐……唯有要大少去北角等我，因為我會搭巴士出北角落車~~落車之後，即到OR Search食肆，見到有間Cafe，大少好鍾意飲咖啡，所以即時決定試試~~一入門口，覺得裝修風格好特別，好有美式舊車站感覺，尤其有幾個時鐘，時鐘上顯示6個地方時間，好似真係置身於機場或者長途火車證站一樣荔枝紅茶梳打 - 大大杯，茶入面有一粒粒荔枝肉深海鮮蝦凱撒沙律 - 凱撒沙律第一次試用有少少醋味凱撒汁，但係味道唔會太酸，亦都好開胃，海蝦爽口，另外多款蔬菜，唔會只有生菜魔力雙人舞冷咖啡 - 大少覺得個名好得意，所以試試，咖啡底有啫喱粒，不過大少食唔出咩味道~蕃茄手工肉丸 - 我個人覺得呢個好味，因為我真係好鍾意食肉丸，例如IKEA瑞士肉丸，簡直大愛……原來用蕃茄汁、芝士焗肉丸可以好好味，我都想自己試焗~~芝士磨菇漢堡配辣肉腸 - 漢堡扒夠厚，大約6成熟度，所以漢堡扒非常juice，另外漢堡扒上面有一隻煎蛋，煎蛋屬於太陽蛋，所以一切……蛋汁會流落漢堡扒，麵包皮應該非一般嘉頓漢堡包包皮，一來因為比嘉頓都包大，二來，嘉頓會比較鬆軟，不過整體好味~~法式東坡肉 - 難以想象西式餐廳會有中

年近歲晚，與情人都因事忙，2016年過咗兩個禮拜先勉強抽到少少時間食餐飯，相聚一刻 。由於honey食完飯仲要返公司做野，地點就揀喺佢附近一家開咗半年左右o既咖啡店「La Kaffa」。食店位於北角一條橫街內，傍晚時份其金黃色o既門面都好夠突出 。落地玻璃窗上o既廣告簡單道出店子主要提供香濃o既咖啡及新派o既菜式。旁邊亦不忘貼上餐牌及報章上o既報導供大眾參考。「歡迎光臨」！ 樓面頗高o既「La Kaffa」四周都擺有同火車有關o既裝飾，包括火車模型、指示路牌等。其中一邊牆身掛有多個圓鐘，顯示出不同國家o既當地時間，好有車站feel。收銀處仲裝修成火車站票務部o既模樣，設計上好有心思 。裝飾架上放有古董電話及多件電器模型，似乎店主乃懷舊之人也。步入洗手間時，經過水吧，發現吧邊有多個小盆栽擺設 ，的骰得黎感覺好健康。放喺餐桌上o既餐具全為自助式，輕鬆隨意。見兩口子啲食物主要都係分黎食，姐姐仔呈上食物時更主動送上公用刀叉，細心又體貼 。歡樂時光當然係要先嘆返杯啦 ！Honey受到壓力胃口就會唔多好，所以就先點咗個開胃沙律食。煙三文魚蜂蜜醋沙律（$68）：煙三文魚砌到成朵花咁靚

很久沒有到北角了，對我黎講很陌生的地方，週圍的感覺好有新鮮感今次選左一間以車站裝飾的CAFE去慶祝節日呢到有好多值得拍照的地方，LA KAFFA 北角是其中一間分店牆上的火車佈置 ，收銀處同樣特別，是以票站形式裝飾其中一幅牆掛上世界各地時間粉藍色餐牌，餐牌內的文字圖片很美很有心思，點餐後我仲一睇再睇，值得一讚 我幾鍾意飲湯，是日餐湯有 牛肝菌湯就試試，牛肝菌都幾濃入口幾滑，不過跟餐多士是凍的，失色左~點了兩款主菜，第一樣係 8oz 美國安格斯肉眼扒 $148 配薯角 ，肉眼扒都幾大塊不過就薄身左D，我鍾意食厚身既牛扒口感會更好!而下單的6成熟做得不錯，肉味方面唔算濃郁，以呢個價SO FAR OK~ 配菜有炸薯角，絕對係飽肚之選~ 另一樣睇MENU已經覺得吸引我就係 8oz 安格斯芝士漢堡配辣肉腸及薯條 $98 漢堡賣相睇足，好大好厚 (胃口細的可以兩個人SHARE) 配菜有薯角 + 辣肉腸辣肉腸好惹味!漢堡加入蔬菜同醬汁咬落非常JUICY! 餡料十足口感豐富要提一提呢到漢堡一般是5成熟 ，所以唔鍾意食咁生要下單講番聲 (而我第一次黎食，漢堡黎到先知5成熟，建議預先通知客人一

小店一開張時，我就為左大大杯嘅水果茶而黎過一次。而今次就係因為朋友一直比呢到以火車站為主題嘅環境吸引住，所以就黎呢到食聖誕大餐 呢到嘅Xmas Dinner Set ($298/person)有沙律、餐湯、聖誕特飲同甜品，而main course就有兩款揀，分別係牛柳同鴨胸。正正因為有兩款，我同朋友就一人叫左一款，等大家可以share唔同嘅野黎食！Order左無耐，店員就先送上巴馬火腿配金巴利子華都夫沙律，金巴利醬酸酸甜甜，清新而且開胃 沙律亦都同傳統嘅差不多，除左有新鮮生菜之外，仲有蘋果、西芹同合桃。而巴馬火腿捲成玫瑰花形，賣相即時加分！食到咁上下，熱辣辣嘅酥皮湯就送到喇 酥皮香脆鬆化，但烤得略為燶左一啲，令到有少少苦澀味 但入面嘅海鮮湯都尚算足料，有唔少蟹柳粒，最意想不到係有一隻青口 之後重點就黎喇！先送到嘅係鵝肝慕絲釀鴨胸配金巴利子燒汁，鴨胸肥瘦適中，但比較爽口。而且鴨胸上面有少少醃過嘅肉碎鋪面，令到鴨胸味道更香 最好係已經切好一件件，方便我地Share黎食！而呢個威靈頓牛柳配黑松露燒汁，賣相最為吸引，又有創意 睇落去好似一個菠蘿包，但實情係用酥皮包住個牛

週日和細周生上完興趣班，又係時候四處尋訪美食。因時間尚早，有些店子還未準備好午市，最後挑選了一間提供 All Day Breakfast 的咖啡西餐廳來個 Brunch，正合大家即席口味！餐廳裝潢以火車為主題，入口處是票務部，左邊「大堂」牆上掛滿不同時區的時鐘供「遊客」看準時間。在其餘的牆壁，亦擺放了大大小小的火車模型，貫徹餐廳的主題。十二時之前食物選擇有限，先點上一份豐富的白金漢宮豪華班尼迪蛋 All Day Breakfast 分享享用。這份早餐的重點之一當然是那兩只班尼迪蛋，半生熟的雞蛋配上荷蘭醬口感滑溜吸引，以荷蘭醬蛋汁蘸上多士吃亦是另一重享受。腸仔種類多樣化，尤其喜愛帶辣的款式，惹味彈口。細周生最愛香口美食，即叫即炸的脆薯餅固然是他至愛。魚仔則愛牛油粟米，一粒駁一粒愛不釋手。除肉食炸品外，早餐內亦有田園沙律菜、蕃茄及雜菌等菜蔬，平衡飯餐的營養。至於改善建議，可考慮用上更厚身脆口的特色多士，要知道多士在一份早餐中也佔上一定的位置呀！ 一邊食一邊等，很快已到十二時的午膳時間，可有更多的菜式供選擇。巴黎牛柳粒扁意粉是餐廳的推介之一，特別之處是用上的醬汁，賣相似葡汁，味道似星州炒米所