139
42
15
港鐵北角站 B1 出口, 步行約3分鐘 繼續閱讀
電話號碼
31532972
付款方式
現金
座位數目
50
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
外賣服務 詳細介紹
加一服務費
招牌菜
招牌燒烤醬焗豬肋骨 招牌8安士安格斯芝士蘑菇漢堡 招牌燒香草法國春雞 招牌10安士安格斯肉眼扒&西冷扒 招牌香烤德國咸豬手 招牌深海香煎比目魚扒
食評 (216)
我其實從來都唔寫食評的,通常睇多,不過今次唔寫係對唔住自己,亦希望其他食客可以從中汲取教訓。星期日同另一半趕功課仔,佢話呢間Cafe靜靜哋環境,做嘢唔錯。咁就轆落去試吓吖,北角我唔熟,一舊雞咁。見到個門面裝修同menu,幾好喎,價錢又合理,睇過吓openrice feedback幾好評,心諗飲杯咖啡砌功課先,之後吔埋飯都得喎。當時大約1830,得小貓幾隻,坐張四人枱,嘩,個冷氣乜事,以為自己死咗,入咗殮房,大佬得幾個人,開咁大冷氣為乜?一嚟唔環保,二嚟趕客都無客比你趕喇。之後陸續有啲客入嚟,大約半滿左右,X,個冷氣又再開大啲,痴線㗎?我杯熱焦糖咖啡,用咗三分鐘變凍咖啡,可想而知,個室溫我估得十五、六度或更低。喇喇聲做完嘢,嘢我哋都無飲哂就撇,之後過隔離街食越南嘢。我奉勸各位千奇唔好去,本身我好人好者,之後一病就成個星期發燒重感冒,痴線的。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-06-08
202 瀏覽
因Openrice有網上訂位,又見餐廳有優惠(惠顧滿$600送德國咸豬手一隻),所以就揀左呢度同阿仔慶祝(生日飯)。訂左7:30pm,我地一行5人準時到達,餐廳環境舒適(工業風),食客不多(可能落雨),店員安排了一張8人檯給我們,所以坐得好寬敞(可以放袋)。因婆婆食量比較細,所以我們只叫一個四人餐(仲有送豬手一隻)$768+10%=$844,食物賣相雖然不錯,但味道卻一般般。而服務方面,可以做得好d。 繼續閱讀
(以上食評乃用戶個人意見 , 並不代表OpenRice之觀點。)
等級3 2018-06-07
142 瀏覽
有次行過北角見到哩間d野食好似幾好,上OpenRice 睇原來有幾間分店🤣仲以為係小店haha 今晚一行四人去食晚飯😛因為有兩個老人家食唔到太多所以叫左一個set for 2 同一個A la carte share 但都飽到仲有帶走一盒自備既食物盒(環保啊✌🏻)今晚食左好多肉😂發覺主菜既選擇都係肉類比較多岩哂食肉獸既朋友仔 (對我黎講都ok ,因為如果係澱粉質同蛋白質2簡1我一定簡肉🙈🙈🙈🙈)Overall 野食都ok 環境幾好會再黎希望下次試其他野既時候有多d驚喜✌🏻 繼續閱讀
(以上食評乃用戶個人意見 , 並不代表OpenRice之觀點。)
等級2 2018-05-25
127 瀏覽
因一早起身想食班尼迪蛋,所以山長水遠駕車去北角la kaffa,諗住嘆一個all day breakfast ,點知希望越大,失望越大,賣相好靚,但一切,班尼蛋入面係乾身的,食熟蛋一樣,同職員講,只補回一隻較生的,但的明明有兩隻過熟班尼蛋,正常都全部一次換,廢事煩,唔敢再問職員補多一隻,是是旦旦咁食完就走,份早餐已經唔精神,仲全程聽住隔離枱客sell保險,同簽保險單,頭都痛埋!想靜靜地食份靚早餐都唔得⋯⋯ 繼續閱讀
(以上食評乃用戶個人意見 , 並不代表OpenRice之觀點。)
頂級牛扒 環境舒適 大件托食 La Kaffa 閨密好友啱啱喺澳洲返嚟我哋就約咗出嚟食飯..諗嚟諗去都唔知食乜最終決定食西餐.佢話見到網上好多人介紹 La Kaffa 環境佈置好似英國火車咁樣食物又好味所以我哋就book咗位嚟呢度食嘢啦我哋叫咗個精選二人晚餐298蚊有齊前菜.小食.主菜.同埋甜品.餐飲.餐湯.沙律超抵食!前菜可以簡單湯或者沙律我哋就一人叫咗一樣嘢.小食有白酒忌廉燴藍煮青口或者有趣搖滾雞配薯角.閨蜜超級鍾意食海鮮所以我哋就揀咗白酒忌廉燴藍青口..主菜都有四個選擇!燒香草法國春雞全隻配魷魚圈..或者招牌豬肋骨全分配薯角..仲有香煎法式鴨腿配辣肉腸及薯角..同埋8安士頂級西冷牛扒!配薯角或者薯蓉仲有得揀燒汁或者黑椒汁添!我哋揀咗燒香草法國春雞全隻配魷魚圈..同埋白安是頂級西冷牛扒配薯角我哋要咗七成熟! 甜品有時令鮮果奶凍同埋仙草莓奶凍我哋都係一人叫咗一個樣樣嘢都可以試齊曬呀嘛餐飲可以揀奶茶綠茶或者紅茶我哋兩個都要咗熱檸水.另外可以加四蚊轉宇治抹茶或者梳打系列等等加30蚊仲可以飲秘密花園水果茶添落完單之後唔使五分鐘已經有餐湯同埋沙律送上枱.速度非常快.沙律好大碟.有生菜同埋蕃茄加咗少少橄欖油..餐湯係香草南瓜湯仲有烘底多士.個湯非常creamy好重南瓜味.多士香脆烘到啱啱好.兩杯熱檸水個杯都算大.唔會話細細杯一啖就飲曬嗰啲杯仔..小食白酒忌廉燴藍青口都係超級大跌超過十隻藍青口白酒忌廉汁好creamy仲有淡淡嘅白酒味食落口感豐富藍青口非常新鮮燒香草法國春雞全隻配魷魚圈不得不說隻燒春雞真係勁大隻一大隻我哋睇到已經爆咁濟.燒春雞外脆內軟啲雞肉非常軟滑.肉質鮮甜又軟滑.炸到香脆可口.魷魚圈外脆內軟. 唔會好油膩食啦啱啱好.仲有配到少少雜菜做伴碟8安士等級西冷牛扒真係正到暈我哋揀咗配薯角啲樹幹勁粗勁大條!每條大細都好均勻亦都唔會炸到好燶啱啱好外脆內軟上檯嘅時候仲熱辣辣!最後仲有兩個甜品為今餐畫上完美嘅句號時令鮮果奶凍底部係牛奶布甸中間有啲芒果汁上面仲有藍莓火龍果奇異果同埋士多啤梨生果都算多元化..同埋仙草莓奶凍.牛奶布甸喺底.士多啤梨醬同埋新鮮士多啤梨粒喺上麵食落口感豐富唔會太甜膩總括:餐廳環境舒適企理乾淨.設計中非常特別.充滿英倫火車嘅感覺.朋友聚會.男女拍拖.影相真係一流.上菜速度快.食物品質高.份量真係大到估唔到.我哋真係食唔曬.298蚊有齊咁多樣嘢真係超級抵食.員工服務態度都好貼心見我哋啲水飲曬都會主動幫我哋加水.唔洗咗吹又吹自己主動幫我哋加呢個服務態度真係100分.我會再來的. 繼續閱讀
(以上食評乃用戶個人意見 , 並不代表OpenRice之觀點。)