La Kaffa (已結業)

自己在小時候很喜歡火車，豆丁可能遺傳了這個喜好。豆丁不單單喜歡湯Ｘ士／TOMICA了，更對MTR產生濃厚的興趣。還把MTR每條線路的站名順序及各站月台的顏色都記得呢！即是綠色的炮台山，下一站就是橙色的北角／天后囉！總之有路軌的火車／地鐡／輕鐡／電車，豆丁就會特別精神。今天就給豆丁一個驚喜！出發前告知豆丁：我們要到一家放滿小火車的餐廳午餐。豆丁真的很期待。在Openrice網頁先找來地圖，查清楚由MTR出口至餐廳的路線。 順便教豆丁看地圖呢！ 　終於來到＜明園西街＞路口了！豆丁看到大大塊易拉架＜舊式火車主題餐廳＞！就座後，職員主動詢問：需要兒童餐具嗎？當然要啦！　　　　兒童餐具～SHINKANSEN列車！！！！！　　來到最重要的事情：看餐牌！　我倆大人各選一份午餐，再加一個Pizza套餐，這就每人都可有一杯飲品了！   香煎牛扒早餐 Steak & Eggs　　　大大碟，有薄西冷牛扒，炒蛋，薯餅，炒菇菇，茄汁豆及多士。　　還有小杯的水果。家人分給我一部份。　炒蛋最好味，很滑很香。是否提前在蛋漿加入牛油呢？經典英式炸魚柳薯條 Classic British Fish and Chips

放工後就簡單的和朋友隨便在公司附近找間餐廳吃，這間從外面看起來就覺得它很有個性，懷舊的裝潢以火車為主題，地方不小，感覺很舒服。看看餐牌，因為我們沒有很餓所以便單點，邊吃邊聊天。看到有wine menu, 我便點了最喜愛的紅酒 Shiraz France （$58），味道有點spicy 但也不難入口，雖然Shiraz 來說我還是較喜愛澳洲，但這法國的也不賴。朋友點了手工水果茶（$48），看起來已經很吸引，數款水果有奇異果草莓藍莓等等，聞起來味道很清新，朋友說酸酸甜甜很開胃。我們點了個開胃的沙律，帶子蜂蜜醋沙律（$68），數款沙律菜顏色繽紛很吸引，帶子雖然煮過但味道還能保存，最大的賣點是蜂蜜醋的醬汁，酸甜的不但開胃而且帶起沙律的鮮味。再來個8oz美國安格斯肉眼扒（$148），點了5成熟，雖然吃起來肉質像煮過5成熟，但也不會太硬，能鎖住肉汁，配上燒汁更加味美，薯角亦炸得剛好，重薯味，熱哄哄的薯角裡的薯肉還軟軟的，很不錯。甜品來個Tiramisu ($38) ，外貌比一般的很不一樣，一小塊的蛋糕沾上了咖啡酒，酒味不太重，而上面有很滑溜的cream 和少許可可粉，份量少少一點也不油膩，滿足了我的

o係附近做完野,唔想食平時食開o個d餐廳,黎試下感覺好似幾relax o既cafehmm一坐低就覺得d冷氣都幾勁,雖然最近天氣係熱返,但都唔洗兜頭吹呀嘛menu選擇都算多,又有all day breakfast,又有扒餐我地怕d breakfast唔夠飽,都係要食飯同事揀左呢個唔記我左咩牛,唔容易切開,味道平平個黑松露醬就好香,撈飯o岩哂另一個同事要左牛柳粒意粉,冇之前o個個薄牛咁難切不過碟大份量少我就唔係太鐘意食紅肉,所以要左魚柳以為會係煎o既,點知炸到咁犀利,真係有d失望意粉略油,不過都可接受o既飲品方面跟餐係奶茶,紅茶(但英文寫black tea??),綠茶,特飲要加錢相入面呢杯係熱綠茶,飲落係香片咁o既味,同埋唔知點解會跟一包糖同事要凍紅茶同綠茶,就係凍香片同凍普洱....環境ok但食物就麻麻,唔算好抵食,冇下次~

假日既休閒梗係食番個All day breakfast啦 當中既皇者班尼迪蛋當之無愧 呢間都做得唔錯 個蛋生熟度啱啱好 配埋佢個芝士味重既汁 但個鬆餅就一般~ 其他配料仲有茄汁豆、煙肉、粟米粒同沙律菜 沙律菜加左少少蜜糖 中和左有d人可能唔中意既草青味 抵讚兩件吸滿蜜糖既炸吐司 除左蜜糖味 佢既蛋味都好香 不過質地就偏粗糙~腸仔既味道亦唔錯 唔會太咸又香香草味五顏六色既水果茶本身已經夠gimmick 佢仲要係特盛唔單只相機食飽 你都會大杯到飲完佢都飽入面有火龍果 奇異果 士多啤梨 藍莓 青檸 檸檬 仲有淡淡蜜糖味 幾清新 不過略甜 兩個人share就最好啦成間餐廳既裝潢充滿歐陸風情 而且係內街 令佢更加寧靜有情調 不過下晝都幾多人 book定位好d

一個人係下午時份，去食一個all day breakfast 做早午餐，真係完全無違和感😂呢一間係以火車做主題的餐廳，以售票處和不同地方時間的鐘做裝飾，就當然架喇！ 睇完環境，就緊要睇下食咩好喇，經過一番思量之後，就揀左燒雞扒早餐跟即磨咖啡（+$4）～ 咖啡好快就到，但就唔記得叫走奶😅咖啡好香，但奶味偏重（應該係因為我本身唔太好奶） 等左一陣，野食就到喇～一黎個感覺就好似兒童餐咁😂。因為我無將西多士蜜牛角包既關係，所以就送左個生果杯～生果杯除左個奇異果甜之外，藍梅同火龍果都有d酸～咁多野食，第一個食既就係雞扒。雞扒就乾左少少，但佢完全唔肥，同有雞味。而腸仔同菇同蛋，雖然係無咩特別，但都係好味～個薯餅就好脆，唔油，加少少鹽，好好食！西多士食落會食到少少蛋味，而且唔會好似茶餐廳咁，中間會夾左花生醬，但佢都唔似茶餐廳咁會落糖漿，而係用蜜糖～整體：好味！會再返黎試其他早餐同埋意粉😋ps. 店內優惠，供大家參考返～

因為要去嗰個元宵戲棚懷舊墟，無意中嚟左呢間幾靚嘅咖啡店開飯，相比天水圍城嗰間真係靚呀！裝修係模仿舊式的火車站！有好多不同時間的鐘喺牆上，同埋有好多火車的裝飾！加上昏黃的燈光，真係有點懷舊feel....晚餐除左有單點，仲有兩款套餐，都係人均百多至二百多，選擇都幾多，只是那天我杜完牙根，Mr.K又作病，大家都無胃口，最後決定單點....先叫左個抹茶紅豆鮮奶，因為牙痛想飲熱的，我以為這款只有凍飲，但店員說可以做熱飲，好奇想知紅豆抹茶熱上是如何味道，所以就點了熱飲，Latte 上面拉左心型的拉花，都幾靚㗎，不過奶泡打得不算太厚身，飲落質感有點削，可幸不太甜，都屬於好味嘅！鐵鍋黑菌牛柳粒 $49呢個價錢我有少少驚中伏，因為堅用熱辣辣的鐵板上，食落啲牛柳入味而且無overcook，肉質唔會好韌，仲有好多菇菇，整體有驚喜！蕃茄手工肉丸長通粉 $68價錢問題令我覺得有點危，但好又一餐唔好又一餐，食左先講，肉丸口感味道似IKEA 嗰啲，無咩特別，但長通粉唔會好淋，有咬口，雖然嗰日我真心唔想咬野（因為牙痛）但佢做到我喜歡的Al Dente 口感！仲叫左個西班牙海鮮飯， 呢個就比較貴，而且唔係用Paell

環境：以火車站為主題，成間Cafe嘅裝飾裝修都好靚。架上擺滿舊電話、留聲機等飾物，好特別。牆上就有火車裝飾、貼滿英國法國嘅畫、六個世界時鐘。靚就靚喇，星期二嘅下午嚟到，客人唔多。唔知食物如何呢？香辣番茄吉列豬扒飯($63)：吉列豬扒炸得唔錯，炸得鬆脆，起碼炸漿同豬肉嘅比例合理，撈番茄醬食酸酸甜甜幾好。不過飯只係白飯，如果係炒飯就好啦。不過同menu張相好唔同喎，相入面有雜菜，但真嗰個冇嘅？泰式冬蔭蝦扁意粉($83)：扁意粉軟硬適中，但非常辣，辣到連好食得辣嘅人都辣到標眼水。蝦數量唔算多，不過都尚算有啲鮮味，起碼好過蝦仁。蘆筍唔會煮到太軟，保持到脆脆嘅口感同埋蘆筍嘅獨特鮮味Mocha ($31)：咖啡味濃，有淡淡嘅朱古力味，值得飲夏威夷果仁朱古力($28)：充滿果仁味，但過甜，應該唔好整到咁甜，咁樣先可以跟隨自己喜好選擇落醣與否

位於北角的La Kaffa，用火車作為主題，你看到牆上掛滿展示世界各地時間的鐘，更有不少有關火車的擺設。看到有如火車站的格局就令我想起離別，想起朋友快要離開，正在依依不捨的道別的情景。熱手工水果茶一大壺的水果茶中有奇異果、火龍果、青檸、檸檬、藍莓和士多啤梨等水果，而紅茶中加了一點糖，整體不會太甜但又帶有果香，值得一讚的是，可以無限量添加茶或水，如此慷慨甚是難得。蘋果薑茶天氣寒冷所以我點了這個蘋果薑茶，可惜蘋果的味道都被薑蓋過了。雞翼三重奏 $48這款雞翼小食共有三種口味，先吃甜甜的玫瑰，雞翼的外層稍為煎得甘香，雞肉口感嫩滑，肉汁仍然在保持內，再配上帶有淡淡玫瑰花香的醬汁，感覺甜甜的。之後是水牛城雞翼，味道辣中又帶點酸，蠻惹味的。最後是檸檬，帶陣陣檸檬的芳香，感覺清新，正好用來解解辣。招牌豬肋骨全份配薯角 $98因為我本人是非常喜歡吃豬肋骨的，所以豬肋骨又再次出現了。豬肋骨外層帶焦香，而肉質保持嫩滑，再配上濃郁惹味的醬汁，非常惹味。而旁邊炸至金黃色的薯角，炸得香脆可口，內層又夠粉綿，而且一點也不油膩。順帶一提，這個豬肋骨的份量比平日吃的大，肉的份量可不少，只需$98實在抵吃。蕃茄手工肉丸

每個人小時候都總會有一、兩件玩具陪伴成長，可惜人長大了，貪心厭舊、土地不足的問題以致無法不把玩具拋棄。人總是不斷犯錯的動物，失去了錯過了，才懂得後悔去補救，物件、人或事亦然。你有錯過一些東西嗎？毛公仔、模型、遊戲機都是各種小孩喜歡的玩具，長大了，當然不能像兒時般再日對夜對著玩具，但若果你舊時喜愛的是火車模型，或許這間餐廳的設計會帶給你無限的思念和啓發性。位於北角的La kaffa，原來是承繼台灣的連鎖西餐廳，香港已有九間分店，這天是小妹無意在附近做事而有所發現，恰巧晚上未有決定在那裡吃晚餐，神的旨意和引路就決定選它好了。餐廳的設計路線十分劃一，以紅色磚牆作牆身，牆上放有不同類的的古式蒸氣火車模型或機器組件。垂吊下來的烏絲吊燈、木系餐桌和刻上餐廳名字的座椅，都帶有一股懷舊情厚的火車味道。另一邊的牆身掛有不同國家城市的時間鐘，像是根據火車開車的時間，把世界各地地方連接起來，拉近人與人之間的距離。就算連收銀處都裝飾起火車售票亭，非常盞鬼。精選二人套餐分有A和B，價錢為$288和$428，包有餐湯、小食三選一、甜品三選一以及飲品。便宜一點的A餐，主菜主要為pizza、意粉和海鮮飯五選一。至於較

＄３９抵食下午茶＠La Kaffa趁等妹妹放學還有一個鐘的空檔便和老公到北角的La Kaffa食個下午茶La Kaffa從地鐵站走過去才３分鐘的路程，位於明園西街轉角處的地下，靜中帶旺，門口相當之別緻小店大約有４０個位，空內裝修帶點歐陸Ｘ金屬風，空間感高，令人坐得好舒適我最喜歡窗邊的位置，可以看到街境，令人感到非常寫意連椅子都寫上了店名，相當用心別緻的ＭＥＮＵ要推介這裡的下午茶餐～好抵食，＄４０就有交易啦，出去連鎖店飲杯咖啡都要＄４０啦～＄４０不用加一就有食物又有飲料拍一張呃ＬＩＫＥ相～跟餐的泡沫咖啡（加＄１５）美麗的拉花令整杯咖啡加分～看到也會笑，味道方面，那泡沫打得棉密，溫度控制得好，咖啡不會太熱而變酸維也納咖啡，用上紙杯去載感覺有點怪怪的～味道偏淡，上面加了一片忌廉，原來是拉花的花朵，有趣～Ｔ５吉列豬扒配薯角＄３９！＄３９真的嗎？一大盤上桌時令我感到好意外，整整滿滿的一盤，那薯角炸得外脆內軟，咸咸地，豬扒好鬆化，而且加入了香草醃過，好好味！不一會就食清光Ａ５皇室班尼迪蛋加法式多士＄５９＋＄１２，其實ＴＥＡ　ＳＥＴ是有班尼迪蛋ＳＥＴ，但我會推介你點Ａ５，因為比ＴＥＡ　ＳＥＴ多了煙肉

Buckingham Palace Royal Breakfast | 白金漢宮豪華班尼迪蛋.egg benedict, frankfurter, spicy sausage, pork sausage, veal sausage, bacon, harsh bown, mushroom, kernel corn n toast. a cup of tea or milk tea was included. 這份全日餐不得了 份量不是一般的多! 就是腸已經有五條 吐司也有三大塊 很飽肚 質素就一般般啦 腸認真麻麻 薯餅煙肉班尼迪蛋不錯 但"蘑菇"竟然是用新鮮冬菇 雖然我是所有菇菌類的狂熱fans 但這個煮法實是不夾 不過價錢好抵食 這個價錢幾乎是在任何餐廳吃全日餐的基本價 但這份份量是我吃過的最多 還配飲品和免加一 結合了價錢與份量 是滿意的

唔知甚麼時候開始大家都好鍾意食全日早餐，亦唔知幾時開始all day breakfast有個咁嘅中文譯名。是日同勁鍾意食all day breakfast嘅朋友黎到la kaffa，佢覺得好正，有好多款唔同配撘嘅全日早餐，難得黎到，梗系要叫個豪華版啦。先點了一客鮮蝦凱撒沙律，沙律菜，蕃茄仔等十分新鮮，爽脆多水，半熟蛋嫩滑蛋味濃，沙律醬不太酸好creamy，唯鮮蝦我覺得可有可無，蝦是鮮甜的，但好似同凱撒沙律唔多夾。再黎一客小食，魷魚圈配薯角，魷魚圈不算太厚粉，剛剛炸起好熱，咬落好彈牙，薯角亦很脆口，點少少茄醬好正。朋友勁鍾意食雞翼，堅持要多叫一客小食雞翼三重奏，分別係檸檬雞翼，水牛城雞翼同玫瑰雞翼，檸檬味感覺有點像西檸雞，但更甜，用上真蜜糖。水牛城帶少少辣，很惹味。玫瑰很香，淡紫色，帶著一片片花瓣，好夢幻嘅感覺，又香又甜，三款都好味。自己點了一客較簡單的早餐，火腿芝士鄉村旅館，好奇怪嘅餐名……主要係被呢個芝士加火腿絲嘅奄列吸引而叫的，果然無失望，芝士下得很多，咬落一絲絲，加上火腿咸咸地，蛋又嫩滑，好味！另外仲有麵包三片，牛仔腸兩條，薯餅兩塊，粟米粒等，超抵食勁飽肚。另一份叫左最豪嘅白金漢

今日在便利店買飲食雜誌時附送一包幸運星紙巾, 打開一取, 內有一張 "你今日的幸運指數" 咭, 今日有四星的幸運, 但這並不是重點, 最重要是當中的字句, 上面寫着 "家中一老, 如有一寶, 相約父母飲茶啦!" , 的確一個好好的提醒, 已有一段時間沒有與兩老一齊外出吃飯, 今晚一於坐言起行, 但飲茶對他們來說太普通, 要揀間有特色的餐廳給他們新鮮感。 餐店的招牌以小燈泡砌成, 鑲在正中央, 相當閃耀搶眼。門口貼齊餐牌和一些報導, 亦擺放了一塊大易拉架, 資料齊備。站在店外亦可清楚看到內裏的裝潢, 富工業味道, 設計充滿特色。全店以古舊的歐陸火車站布置為主題, 一入門便看到一個設計成火車售票處的收銀區。破爛的紅石磚牆配木餐桌和鵭絲燈泡, 鑲上模仿火車橋的拱形鐵架、火車齒輪、古式火車模型、多款型號蒸汽火車的復刻板畫, 亦掛上六個不同城巿時間的掛牆鐘, 還有不少古老的擺設, 如細鐵風扇、懷舊相機,、古老的收音機、留聲機、撥號電話等等, 設計極富心思。餐店的座位數目適中, 設有一排面向街景的單人高枱, 中間 “界” 分了數張二至六人枱, 而泊牆則有一排軟墊背座連木椅的四人座位, 面對着水吧處