Kailash Parbat

營業中

休息中

友人愛吃不同國家的食物，之前都食過印度菜，但今次更特別，我們選擇了印度素食 這裡環境氣氛都很舒服，外國人也來吃。原來有很多分店在不同的國家 素食種類不算多，我們點了「印度粘土烤蘑菇串燒」、「奶酪蕃茄馬薩拉」，當然唔少得 "naan"。印度粘土烤蘑菇串燒，蘑菇沾上醬汁，香濃美味 奶酪蕃茄馬薩拉，這個加埋 naan 一齊食 但有少少辣！naan，雖然 plain，但熱辣辣，香口，好好味 因食了辣的食物，所以點了「鮮青檸水」，原來有甜味、咸味及混合選擇。我選了甜味，但又不太甜，OK!

先總結: 樣樣都好好味，好有特色，視覺與味覺不一，但都係一個字“好”下面呢個就係喺menu 內Indo Chinese裏面嘅肉汁印度炸椰菜，估唔到係印度餐廳食到有中式味既菜餚。中餐既涵一定係肉，但印度菜就係椰菜，完全感覺良好，唔係啖啖肉，而係啖啖椰菜，非常健康。印度烤包不少得，今次我仲用上面個肉汁黎點，非常嘢味。又跟平時點的醬料有不一樣既食法……正所謂: 自己食物自己配。😋下面呢個係奶酪馬薩拉。好味在用cottage cheese整再加咗辣既香料，仲係用粘土烤爐燒的。口感獨特。愛cheese愛辣既食朋友一定要試。讚下面係街頭特色拼盤: 集甜、酸、脆於一身，超好味你可以叫佢哋提議最受歡迎几款比你，staff好nice好有耐性介紹佢哋既印度食物。呢個印度奶昔mango lassi同其他印度餐廳唔同，因為佢加有cumin喺裏面, 額外既香草味好有特色，而且仲有咀嚼感。店內裝修都几新派，靚㗎!

依間印度餐廳之前我已經有聽朋友講過，今次終於有機會黎食！有時成得多中菜、日本野，都想食啲唔同口味啲嘅野食。印度野都值得食下！首先叫咗個奶酪蕃茄🍅粟米🌽湯，$45一碗，幾特別，夠熱，好飲！然後就有杯印度芒果奶昔$49，如果食到飲品入面果隻香料嘅朋友一定會好中意！因為佢啲奶昔沖得好fresh！係新鮮嘅芒果🥭😜然後印度野必食嘅就佢嘅傳統素咖喱🍛！再加特幾塊特色芝士餡餅，洗乾淨手之後可以用手食，沾啲咖喱汁再將薄餅擺入口，正！最令人驚喜係佢個特色薯蓉咖喱角$80，完全同酒樓果啲咖喱角唔同，兩樣野！但係辣辣地，好開胃，我都幾中意食最後仲有依個印度奶酪🧀️包，個包本身麵好鬆軟，唔會硬！入面啲芝士亦都同西方超級市場買到果啲cheese唔同！值得一食！

呢間位於尖沙咀嘅印度素食餐廳裝潢非常新派別緻，比人一種充滿活力嘅感覺，完全顛覆咗我對印度餐廳固有嘅印像。餐廳好貼心，餐牌上有提供中文翻譯，唔駛擔心會睇唔明。揀咗一大輪之後終於決定到食啲咩：-印度薄餅$20+奶酪菠菜$85薄餅香口，配埋用菠菜茸整成嘅咖喱，非常之夾芝士素串燒$94配特製醬汁，香濃惹味，餡料特別，富有印度風味素印度香飯$75乾身，米飯粒粒分明，鍾意嘅話可以配埋乳酸，酸酸甜甜，正好中和番香飯嘅辣度粉紅秘魯$49佢係一杯番石榴無酒精雞尾酒，顏色鮮艷奪目，酸酸辣辣，別具特色青島啤酒$30啤酒咁啱做緊discount, 幾抵飲。

尖沙咀咩都有得食，今次同朋友決定去試下印度野一入去見到入面個場好大，有人book左半邊場搞緊party咁而且入面裝修得好靚，好有特色，適合一家大細一齊黎menu都有好多選擇，真系花多眼亂，咩都想試下有d應該系正宗印度野，睇完個名都唔知系咩黎不過最搞野系佢有東方菜色，迎合番香港人既口味咁就叫左個印度芝士，有兩隻味印度芝士冇咁膩，而且比較硬實食落有d似 豆腐乾咁既質感而我就比較鐘意食白色既之後仲叫左份芝士波菜菠菜醬勁正，配埋芝士食一流！！為左唔浪費個醬，我地仲叫左一份大蒜烤餅一份已經好大份，而且好鬆軟，好香點埋個醬食真系冇得輸飲品就叫左杯 青檸水 同芒果奶昔青檸好清新，食完飲番杯可以清一清個味蕾因為今次人少少，好多野想食都叫唔到下次要叫多幾個fd一齊去食先爽

我頗喜歡吃印度菜 ，雖然對印度菜認識不算深，但久不久就會有癮起上去吃印度菜。這間在openrice裏面看到食物相片， 挺不錯的樣子， 就沒多比 較之下就去吃了 。沒意識到 原來是一間印度素菜餐廳。也好啊！第一次嚟， 選擇得有點不小心， 全部都是含芝士的食物，烤芝士啦、芝士粒咖哩啦，連烤餅都是芝士味！🤦‍♀️好吃是好吃，但吃得多很漏。那是自己選得不好，整体食物幾好吃，調味一流，夠香味。價錢方面，比一般印度餐廳貴，不過裝潢很不錯，少見的新穎，坐得很舒服。

今晚黎左尖沙咀食呢件印度菜，呢間嘢係國際性連鎖，美國、英國、加拿大都有！一上黎已經覺得呢度與別不同，完全無印度獨有嘅味，而且裝修非常有心思，有啲網紅打卡店feel，中間用左廚具做裝飾，好新派！食物份量都偏大份，同埋因為係素菜餐廳，食物以澱粉為主，好容易就好飽，所以點菜要留意。Veg Cheesy Sheekh 芝士素串燒 $85呢個係蔬菜同薯仔蓉做嘅條，原本以為有芝士夾係入面有cheesy感覺，但原來味道比較似素咖哩角入面啲餡，外面就灑有芝士粉。Saag Paneer 奶酪菠菜 $85菠菜夠曬健康，用黎整素咖哩汁。入面有一粒粒素肉，就係奶酪，口感似硬身嘅豆腐，食落都幾滿足架。Naan 烤餅 $25要左奶油烤餅，都幾大塊，每人一半已經幾夠飽。Veg Dum Biryani 素印度香飯 $75我地以為烤餅唔大，就叫埋個飯，點知真係食唔曬！個炒飯係用左都同啲奶酪去炒，跟個乳酪汁，汁入面有好多蔬菜粒添。Pink Peru $49, Tsing Tao $30飲品方面呢度嘅啤酒絕對跑贏呢一帶，$30支，好抵！有好幾款耳熟能詳嘅揀架，朋友就揀左青島。我要左呢個粉紅秘魯，番石榴味道甜中帶辣！杯邊嘅粉

意想不到嘅超好味😍依家咁嘅時勢鋪頭冇乜人食飯店員都好Nice嘅唔使驚唔識嘅英文因為佢係會俾個中文菜單㗎樣樣野都好好食基本都可以試吓希望佢哋做得住支持下佢哋啦！

印度餐平時比較少食，今次經朋友介紹黎，有少驚喜。餐廳位於尖沙咀，位置坐得舒服寬闊，裝飾佈置得好有風味，又係素食，係好一個特別體驗。🍂奶酪番茄馬薩拉 $85芝士番茄馬薩拉，個汁好濃芝士味，仲有一塊塊好大顆芝士，超級邪惡，雖然係素食，但係食肉獸都唔驚唔慣。🍂烤餅$25烤餅可以選擇用食原味或者係牛油，我地就揀左牛油。可以點馬薩拉汁食或者就咁食都好夠味，利申：叫左一份唔夠，就叫多左一份黎馬薩拉汁。🍂印度旁遮普式咖喱角 $70咖喱角裡面係咖喱汁有番薯粒，味道好足，所以個汁只係可能用黎點烤餅。用玩具車裝食物，感覺好特別同有心思。🍂特製辣番石榴無酒精雞尾酒$49一飲落口好似淡拉味既番石榴汁，但係等一陣喉嚨就會開始好似火燒咁。原來待應話杯邊既粉係辣粉，要沿住杯邊飲先可以完全飲到想調既效果，好新鮮。

之前媽咪投訴成日都淨係帶佢飲茶，所以琴晚就帶左佢試印度餐。一入到舖頭就覺得啲裝飾好有心思係我地坐個張檯隔離吊住唔同顏色嘅飯壺我地一開始睇份英文餐牌，覺得要逐個細項睇有啲辛苦。店員一見到就即刻攞咗份中文餐牌比我地，好細心🤣黎到食印度餐，我地當然就即刻嗌咗原味烤餅同奶酪蕃茄瑪薩拉！除左依啲基本菜式，我地另外嗌咗印度烤特式奶酪串燒、印度旁遮普式咖哩角，同Bambaiya Dahi Puri。飲品就要咗粉紅秘魯。.飲品好快就到左。見menu入面係有番石榴，點知飲落去除左右番石榴味，仲有辣味！！聽返店員介紹，原來係印度係慣咗加啲辣椒粉同tabasco落去杯番石榴度飲。咁凍嘅天氣係幾適合飲杯暖身，但如果驚辣就唔太啱飲。.原味烤餅&奶酪蕃茄瑪薩拉烤餅烤得啱啱好，配瑪薩拉食啱啱好！瑪薩拉入面仲有幾大塊芝士，超級邪惡。瑪薩拉唔會好辣，好夠濃味，所以我地食完一碟烤餅即刻再嗌多碟！.印度旁遮普式咖哩角好搞笑一上台原來係用truck裝住。咖哩角入面有薯仔同豆，偏辣側邊仲有一盤醬，唔會好dry..印度黏土烤特式奶酪串燒成條串燒都係菇，好特別裡面有芝士，同埋可以點個綠色醬，會refreshing啲。.Bambai

之前去過一啲印度餐廳，環境同埋食物都係好相似，但係今次呢一間就好唔同, 環境好靚、冷氣足夠, 而且食物方面都多咗一啲我未見過嘅名稱，所以就叫咗呢幾款品嚐一吓😉之前online search過有個街頭拼盤，分別可叫三款食物，咁就即刻點喇。因為可以同一時間試哂三個味道痳。我就覺得除咗白色果款一般之外，另外兩個都好好味。黃色呢個蓋滿脆卜卜既絲，還加上超清甜果子，口感超豐富。呢個就係我愛印度菜既原因。所有都係素，但好有特色既味覺感受。這個圓圓的波波外皮脆脆的，內裏餡料好好食，但我其實唔知有咩😆😆呢個烤飽可揀Onion or Masala, 我吐就揀Masala, 味帶少少辣，yummy! 另外嗰兩件係炸過既菜，係中印度色嘅美食，確係有啲似食琵琶腐嘅口感同味道。這一杯就特別嘞，粉紅色的guava juice, 柸邊加咗紅色粉，微辣嘅味道，令我對呢一杯飲品有更深既印象。環境真係唔錯，似剛全新裝修。下面這些小方塊叫Masala, 佢係用cottage cheese焗制而成，如果就咁食就好feel到cottage cheese既口感，而點汁就我會好味啲。不錯的😋

朋友約去尖沙咀食印度餐, 以為都係重慶大廈之類, 點知唔係。 寶勒巷成日去, 但真係唔會留意大間咁間大廈，入面竟然有好野食。 忽然覺得我好似變左遊客。樓下冇咩特別, 舊式商業大廈咁, 上到去個環境好令人意外。 裝修好時代感, 唔太有印度feel, 感覺係舒服既。 可能有d早, 去到唔係太多人, 我去研究下環境, 研究下menu, 全素菜, 好多cheese. 我地對印度cheese興趣大d, 最後都係憑感覺, 圖片吸引去點菜。頭盤我地叫左個Pani Puri, 係一個炸球入面係薯粒同cheese, 最重要係要續個球落佢既2款汁，倒埋一齊食, 真係好醒胃, 好好味，食多幾個都唔漏。 然後我地仲點左雜錦cheese, cheese餅，同cheese醬。 雖然叫左好多cheese既野, 但印度cheese唔太油膩感, 反而好似臭豆腐既口感, 當然佢唔臭啦。 所以真係會唔覺唔覺食多左, 這點要小心

Kailash Parbat餐廳提供的素食味道豐富，適合初嘗 Green Day/ Dinner 的人選擇。環境十分寬闊，枱大小適中，最吸引的特別是Sofa位置，一班朋友來的話亦可坐得舒適，又可方便合照。▶️NAMKEEN PINK PERU▶️粉紅秘魯 $49推薦特製辣番石榴無酒精雞尾酒想不到甜的番石榴汁，配上辣味可以沒有違和感。喜歡雞尾酒的人可以一試。.▶️PATIYALA LASSI▶️PATIYALA 印度奶昔 (芒果) $49味道非常濃郁，喝上去甜度比一般的奶昔微，似是加了一些香料去搞成。▶️PANEER TIKKA LABABDAR▶️奶酪番茄馬薩拉 $85如果比較少吃印度菜，單看菜名可能不知道是甚麼。其實是番茄味的馬薩拉，配上一粒粒的奶酪（即芝士粒）。Kailash Parbat 馬薩拉非常香濃，醬汁微辣加上番茄味，令我胃口大開，配上芝士粒及另叫的烤包（即薄餅），十分滿足！除番茄馬薩拉外，店內馬薩拉還有其他款式可選：大蒜黃扁豆、菠菜、濃香黑扁豆和腰豆。▶️KULCHA▶️烤包 $35(洋蔥 / 馬薩拉)我們選了洋蔥烤包，洋蔥味道不會很濃，因為基本上是用來配番茄馬薩拉來吃。▶️PANEER

平時好少食印度菜，因為好少特別去搵啲印度餐廳，但今次個朋友話想食印度菜，咁岩我又係尖沙咀番工，尖咀岀名多印度菜。一上到去間餐廳個感覺完全吾似印度餐廳，反而比較似西餐。見到有好多印度人去食，比我既感覺係幾正宗既印尼餐廳。我地按照自己既感覺叫咗啲野食，因為比較少食印度餐廳，所以睇到餐牌有好多選擇，都吾係太識揀。淨係叫咗個必食既傳統印度素咖哩，咖哩吾係好辣個啲，但佢比較多汁，要叫番個飯或者叫啲薄餅去點嚟食。我地揀咗芝士餡餅，依個餡餅加埋芝士再點咖哩真係好正，只可惜我地淨係叫咗一份，佢得2塊。印度特色薯蓉餡咖哩角，同平時既咖哩角好吾同，佢得兩塊皮包住薯蓉既上下。芒果印度奶昔奶酪蕃茄玉米湯，加咗奶酪好似西湯咁，有creamy既味道。印度辣楊蔥薯蓉

第一次食印度素菜，黎到哩間海外都有分店的Kailash Parbat店舖裝修幾靚，主要以彩色的廚具做裝飾全部員工都係外國人，所以要用英文落單好彩有中文菜單，因為睇英文都未必知道菜係咩黎枱上面放左一大一細的礦泉水，開左就會收費大礦泉水要$25，自己衡量飲唔飲🤔印度奶昔 $49芒果奶昔加入好多粒茴香，芒果奶昔部份不錯但不特別，茴香味道獨特，入口涼涼地，個人黎講唔鍾意茴香的味道，要專登隔返出黎粉紅秘魯 $49粉紅秘魯係特製辣番石榴無酒精雞尾酒賣相好靚，杯口有辣椒碎做裝飾，千祈唔好嘗試食啲辣椒碎，除非好食得辣有辣味的石榴汁幾特別，可以一試印度粘土烤磨菇串燒 $95一粒粒紅紅的磨菇，好濃烈的香料同蘑菇味，帶有少少辣，好食但偏貴2粒蘑菇合拼而成，中間有啲醬料(左) 馬薩拉芝士烤餅 $40芝士烤餅好鬆軟，口感軟綿綿，沾上咖喱好好食(右) 傳統印度素咖喱 $85如果唔係好食得辣可以叫少辣，入面有類似豆卜的炸豆腐，用黎配烤餅食係不錯的選擇餡餅 (印度芝士) $45無馬薩拉芝士烤餅咁好食，中間的印度芝士口感粗糙，而且油份較多，不太喜歡傳統酥油香米飯 $40份量都幾多，但一碗靚仔要$40就真係好貴佢地的米