JUST'er Bar & Restaurant

營業中

休息中

🍴呢間西餐廳位於山林道馬路旁。門面的招牌是白色，但入邊環境是黑暗風，很簡約呢！我鍾意坐門口位，落地玻璃望住馬路，感覺很開揚！♦️熱榛子咖啡甜甜地幾好飲，表面有層厚身奶泡，咖啡☕️口感亦很滑！㊙️主食♦️極真門西淋牛豬仁雞（三選一）VS蝦兵蟹將：依盤食物份量超多，兩人未必食得晒。款式都好多：龍蝦🦞、脆炸美國魚柳、燒雞、軟殻蟹、薯條🍟我最鍾意食龍蝦，肉質彈牙又入味，鉗部位係最多肉好正；另一款係燒雞，用左十多種調味料🧂所以先整到咁好味，而且外皮香脆，用刀切開時有汁溢出，好味。而軟殻蟹及薯條🍟油炸後非常香脆。

對於這次的用餐體驗，我有一些不滿意的地方。首先，食物的份量太細了。無論是意粉還是其他菜式，都好細份。意粉兩下就見底，完全食唔飽囉。另外，我叫咗一份價格為52蚊的雞翼，到上枱只有兩隻半雞翼，食水勁深又唔抵。同樣失望嘅係龍蝦，勁dry~無論是口感還是味道，都無新鮮龍蝦應有的水潤和鮮美。最重要係隔離枱都係叫一樣嘅嘢，但是佢哋上枱嘅龍蝦大勁多。我明隻隻唔同size, 但至少要差唔多size laaa.不過食物係味道係唔錯。雖然食材不夠新鮮，但整體口感還是可以接受。可惜，由於食材的不新鮮和份量太小，整體上對這次用餐的評價唔點樣好。總括而言，我對這家餐廳的體驗感到非常失望。食物的份量太少，龍蝦乾身，食材不夠新鮮，這些問題令到我下次都唔會選擇光顧呢間家餐廳。希望他們能夠改進這些問題，提供更好的用餐體驗。

之前晚上來過這間Just’er Bar & Restaurant ,店內的型格裝修+霓虹燈寫上「全院滿座」呢個招牌夠晒signature！是日中午來到，搖身一變成為一間時尚西餐廳，午餐Menu亦有多款選擇。~自家製MASALA印度咖喱雞飯($68)- 西餐廳可以印度咖喱？估唔到又做得好正宗，成個汁好惹味，好多唔同香料，黃薑粉味特香，雞肉整到一絲絲，口感好好👍🏻～黑松露水波蛋真A5和牛蓋飯($163)- 黑松露味好香濃，水波蛋整得好好，店員建議我們用餐具撈起拌勻蛋漿同埋及飯才吃，好開胃，A5和牛燒得好好，牛味又濃，整體好正！～玉桂桂花蘋果紅茶這個特式熱飲冬天飲真係好適合，飲落好香但又唔太甜，健康又有益！

同朋友出開尖沙咀行街，經過山林道，諗起之前試過Juster bar& restaurant都吾錯，加上價錢又吾貴，決定去呢間食午餐前菜·料理 $83自家製法式冷肝醬 +$20本日日本魚料理 +$15(日本魚使用)紅茶頭盤先先嚟自家製法式冷肝醬香滑細軟 配上新鮮沙律菜 開開胃口。之後到日本魚料理，煎到剛剛好 魚質保持滑嫩 底層配有軟綿綿薯蓉Lunch Set自家製MASALA印度咖喱雞飯 $68一上枱聞到濃郁咖喱香，自家製masala印度咖喱用上多款咖喱香料調配，入口吾算辣，味道都幾特別。雞肉滑嫩都幾入味 送飯一流

JUST'er Bar & Restaurant(尖沙咀) 尖沙咀山林道休閒小Cafe終於放假了，相約朋友到這間小店吃個long lunch，感覺實在不錯。店舖面積不大，以黑色裝潢，牆身的霓虹燈和裝飾非常特別，充滿型格。我們點了：蒜香辣羅勒蜆肉蕃茄意粉一端上枱，蒜香、辣味和羅勒的味道撲鼻。意粉也煮得彈牙。還有很多蜆肉，配合着蕃茄的酸味，整道意粉甜甜酸酸辣辣的，十分好吃。黑松露水波蛋真A5牛蓋飯口感綿密的白飯上配上一隻黑松露水波蛋，我們實在不捨得把它弄破。弄破後的蛋液夾着優質的A5和牛，口感實在豐富。切成薄片的和牛十分嫩滑，還充滿了黑松露的香氣，吃着每一口飯都令人有幸福的感覺呢！洋甘菊蜜糖茶檸檬紅茶天氣乍暖還寒，我們叫了這款熱飲。洋甘菊、蜜糖和檸檬非常夾，又不會過於甜膩，呷一口，有一種溫暖和舒適的感覺。

今日同好姊妹嚟到尖沙咀搵食見到呢間幾有格調又啱feel諗住叫一個午餐再加野前菜：Pate de Compagne 自家製法式冷肝醬+$20有兩大塊冷肝醬睇落好似午餐肉咁，加埋酸酸甜甜既醬汁，新鮮爽口既生菜，口感好特別，好香肝味夾雜著d豆，第一次體驗唔錯唔錯。主菜：Grilled American Chicken with Mashed Potatoes 香草慢烤美國雞配薯蓉雞肉嫰滑煎得剛剛好，薯蓉好香牛油味，好creamy配埋胡麻醬一流。落住毛毛雨最啱叫熱野飲Chinnamon osmanthus apple tea 玉桂桂花蘋果紅茶聞落好香玉桂味，飲落甜甜地，加埋淡淡既桂花味，即刻個人暖晒。再加左個蒜香辣羅勒蜆肉蕃茄意粉🌶$64擺盤幾吸睛，唔算太辣，蕃茄味偏甜正好中和辣味，唔食得辣既寶寶都可以叫。蜆肉份量都幾多，呢個幾好食。鋪面唔算大，但坐位寬敞，唔會太迫。

難得今天提早收爐，一於和朋友去位於尖沙咀山林道的JUST'er Bar & Restaurant 午餐。我們選了一款飯及一款意粉share吃，兩款都份量十足。🍽黑松露水波蛋真A5和牛蓋飯～這個足有十塊和牛的蓋飯，賣相吸引，餐廳毫不吝嗇地落了相當份量的黑松露醬，水波蛋亦做得頗到位～蛋黄仍然呈液體狀，一戳開就有飽滿的汁液，但同時蛋白仍然呈凝固狀。和牛肉質軟嫰，熟成度剛剛好，配搭黑松露醬及水波蛋吃，十分下飯。🍝黑松露牛肝醬卡邦尼意粉～意粉充滿蛋香，黑松露香及芝士火腿的咸香，creamy香滑。🥃紅茶～這裡的洋甘菊紅茶熱燙燙，絕無添加額外糖份，感覺健康，完全是為了我而設呢！😆

特色小店🤪搞笑菜名🙈 霓虹裝修👾玩味十足收工Shopping 行完街，經過就試下呢間餐廳，見到個牆上有個”全院滿座” 嘅牌，真係全院滿座㗎！啱啱好仲有兩個位容納我哋❤️雖然迫迫地但係老闆好熱情招呼，仲俾張凳我擺手袋，感覺好窩心🥰 水牛城雞翼🤤 垃圾垃圾八爪魚🐙兩款小食都好好味！仲食咗個意粉同埋豬仔骨，唔似得連鎖嗰啲做到乾真真，有肉汁夠Juice👍🏻 重點佢個薯條好好味！仲有兩杯特色 “奶昔” 🍹 竟然有我最愛嘅玫瑰花口味🌹 好香嘅玫瑰花味😙原來係法國玫瑰黎架！唔怪得知咁正啦😻📍JUST'er Bar & Restaurant 📍尖沙咀山林道13號地下A1-A2號舖

Lunch time 要搵地方食野，行過山林道，見到呢間餐廳嘅set Lunch多選擇仲都幾抵食。於是同朋友入去試下有個course menu⭐前菜・料理 前菜叫左自家製醬醃煙三文- 兩塊自家製醬醃煙三文魚，真材實料，又夠哂大塊主食料理，今日係立燐燒- 立燐燒非常有驚喜，店主堅持使用日本魚做食菜，魚燐燒而且非常脆口，味道又好👍⭐蒜香辣羅勒蜆肉蕃茄意粉- 蒜香意粉辣辣地，幾惹味！飲品估唔到仲有花茶叫，我地叫左玫瑰花花茶，清甜養生又好味。整體餐廳地點方便，而且價錢合理又多選擇，喺食lunch嘅好推介！

《JUST‘er Bar & Restaurant》📍 尖沙咀山林道13號地下A1-A2號舖MK風鰻魚蛋包白飯 ($76)白飯上面蓋滿了烤至香脆嘅鰻魚 再加上口感豐富嘅蛋包營造左完美嘅層次😍❤️ 每一啖都食到鰻魚嘅鮮嫩同埋蛋包嘅柔軟💕 非常唔錯👍🏻黑松露水波蛋真A5和牛蓋飯🥩 ($163)優質的A5和牛切成薄片再配上蓬鬆嘅白飯同埋黑松露水波蛋 帶黎豐富嘅口感同埋獨特嘅風味😍😍 每一口都可以食到和牛嘅嫩滑同埋黑松露嘅香氣🤤 享受呢份黑松露水波蛋真A5和牛蓋飯一定食過返尋味🤯洋甘菊蜜糖茶檸檬☕️$43呢個熱飲結合左洋甘菊、蜜糖同埋檸檬嘅口感風味 飲落去唔會話好甜 亦都好適合最近冬天飲😍😆#ig #igdaily #igers #idfoodies #香港 #香港美食 #美食 #美食推薦 #香港美食 #香港好去處#FoodPhotography #Eeeeeats #FoodPorn #FoodGasm #Foodie #ForkYeah #FoodInTheAir #Delish #EatingForTheInsta #CleanEating #ELLE愛吃貨#尖沙咀 #尖沙咀美食 #西餐

今日放學跟同學仔去山林道搵嘢食，同學介紹去咗間食豬仔骨好好味嘅地舖西餐。店舖設計非常摩登，有好多霓虹燈管在牆上，以水泥輕工業風設計。雖然地舖細細間但都有空氣能。焗多汁豬仔骨份量剛剛好唔會太多。切開可以有八少舊食。豬仔骨烤到外脆內軟，食落又好香烤豬味。薯條炸到好鬆脆，幼身薯條非常易入口唔會好油膩。多汁淫蝦有龍蝦一隻，仲有龍蝦鉗。店主將龍蝦分開一半。方便用叉已可取出龍蝦肉食，不用用手去鉗開，非常乾淨方便。龍蝦肉非常爽口彈牙，又焗過煙熏味。醬油風海鮮意大利飯未食已經見到有兩隻大蝦喺意大利飯上面。意大利飯煮到剛剛好，唔會太硬亦唔會太腍。個汁超濃海鮮🦞鮮味，所有意大利飯都吸收晒海鮮汁精華，每一口都滿載海蝦味。非常滿足。玉桂桂花蘋果紅茶店主真係用新鮮蘋果煲出蘋果水，再加入玉桂桂花材料一起煲熱。飲落去好似食緊蘋果批。非常潤肺。

最近又去左呢間juster 食野😋之前同朋友食過覺得吾錯，所以又黎encore , 見到佢呢個拼盤十分吸引，超多野食啊，好豐富👏🏻ASSORTED PLATTER SET $490 脆炸美國魚柳🐟肉質吾會好散👍🏻多汁淫蝦🦞個名好fun😂其實系龍蝦，龍蝦原隻上，爆膏勁正❤️‍🔥啖啖肉每啖都好彈牙！慢煮蒜香春雞（半隻）🐥慢煮烹調，所以D肉都好嫩滑炸軟殼蟹🦀都系原隻軟殼蟹上香脆薯條🍟新鮮炸起另外仲嗌左個小食，DEEP FRIED BABY OCTOPUS😋日式嘅芝麻八爪魚就食得多，炸嘅真系第一次食，好特別，配酒一流👍🏻

⭐️門西淋牛豬仁雞vs 蝦兵蟹將 $445 +$30呢個拼盤已經好豐富，情人節男女朋友一齊食一個已經足夠，都係人均$250💕海鮮類有龍蝦同埋炸軟殼蟹，嗰日餐廳只提供藍龍蝦🦞，所以要加$30。龍蝦肉都唔少🤩，而且仲有一啲膏。兩款海鮮味道都正常發揮。雖然豬仔骨有少少唔夠淋，但係燒烤味道好正，入味多汁同埋係我鍾意嘅彈牙肉質！粗薯條仲好食🤤，做到真正嘅外層鬆脆內軟。春雞就麻麻哋🥲，雖然雞皮加咗好多蒜粉好香，不過雞肉唔夠味，而且太乾太柴。

前兩晚同朋友約食飯，揀咗尖沙咀一間聽聞好好食嘅西餐酒吧JUST'er Bar & Restaurant。見佢有個雜錦拼盤套餐好豐富，我哋就決定揀佢啦。 個set上枱見到真係好大份～😂😂呢個價錢真心抵食～👍👍 首推龍蝦👍👍👍👍👍 非常多汁仲有膏添，蝦味香濃，一定要煮到啱啱熟先會做到爆汁嘅效果～😚 次推炸軟殼蟹👍👍👍👍 外脆內軟，同樣爆汁有膏，好鬼正🤭🤭 慢煮蒜香春雞👍👍👍 春雞細細隻夠嫩滑 😉 焗多汁豬仔骨👍👍呢個汁係好好味嘅，不過肉就唔太多😂 最搞笑係叫咗杯熱嘅玫瑰花茶，我以為係杯上或者細玻璃壺上，點知原來一扎上😂😂大份到嚇親我🤣，睇返個價錢真心抵飲喔😂 總結來講，呢間餐廳係適合三五知己邊飲邊食邊吹水嘅聚會點👍地點又方便，係一個唔錯嘅選擇～😉

推介❤️🍱2人拼盤哩個拼盤， 上台時好震憾😨😍😨😍超大盤，又多唔同款式食物，雞豬海鮮咩都有👏🏻👏🏻🦞燒龍蝦原隻龍蝦開邊，好吸睛😍😍龍蝦肉質鮮味同彈牙🐔🍗 慢煮蒜香春雞|半隻用左蒜香同埋孜然粉，好惹味雞肉肉質鮮嫩🍖🐷焗多汁豬仔骨 焗得好香，用左BBQ醬去調味🦀 炸軟殼蟹好大隻，外層脆口，入面juicy 👍🏻👍🏻🍟可揀薯條或意粉，薯條好食😍😍另外推介🥤奶昔打卡好靚，又大杯😍✰ ✰ ✰ ✰ ✰ ✰ ✰ ✰ ✰ ✰ ✰ ✰ 5個為大🈵️分好味指數：🤤🤤🤤🤤🤤靚環境：😍😍😍😍Chill 指數：🌿🌿🌿🌿推介指數：👍🏻👍🏻👍🏻👍🏻👍🏻🔖 JUST'er Bar & Restaurant (尖沙咀)尖沙咀山林道13號地下A1-A2號舖#lifeistooshortforbadfood#hkfood#香港好去處#食好西#foodiehk#吃貨#打卡#hkfoodblog#hongkongfood#hkfoodieblogger#hkfoodie#hkfoodshare#尖沙咀#尖沙咀好去處 #尖沙咀美食#香港美食#香港旅行#香港打卡#香港美食指南#尖沙咀西餐#tsimshatsui# JUST'erBar