Jacomax (已結業)

I had been craving pizzas and wanted to go somewhere new and found this place on openrice. Comments were generally positive so I decided to give it a try! I had reserved a table the night before and when we arrived we saw quite a number of expatriates, lifting my expectations of their food.The lunch sets didn't seem so attractive with limited choices of food so we decided to order a la carte from their menu. We ordered a salad, starter, pasta, pizza and a dessert to share.This  salad sucked as I

店內有個小酒吧🥂放滿了各式各樣的啤酒🍺、手工啤🥂仲有多款Cocktail選擇🍹款式應有盡有👍🏻 ====—====—====—====— 🍝意大利媽媽肉醬千層麵🧀（$139） 濃厚的芝士配上肉醬千層麵一起焗製，千層麵層層疊上，夾住芝士🧀和肉醬🥫非常邪惡👻 🍕公司批（$160/13‘’） Mozz🧀Tomato🍅Ground beef🥩Bell peppers🌶Egg🍳 吃Pizza當然要點Signature⭐️ 餅底夠薄又香脆，餡料豐富👅 ====—====—====—====— 

呢間餐廳我成日用網上外賣平台買外賣會叫，次次想食啲西式野都會食呢個，佢嘅Pizza同意粉從來都冇令人失望，今次去咗堂食，有朋友介紹我再試一樣新嘅嘢，係外賣冇得叫嘅😋去咗佢上環間分店到試，門口位都係用落地玻璃可以望到外面嘅街景，餐廳燈光比較昏暗，有個位可以現場直擊點樣整pizza香烤黑椒雞翼外皮烤得香脆，肉質嫩滑，每一隻都充滿黑椒嘅味道，但又唔會太多太攻鼻，味道啱啱好👍🏿藍芝士蘋果薄餅每一次叫外賣都係必食嘅！真係超級超級好食，同埋未試過喺其他薄餅店食到呢款，淨係試過喺意大利見到有餐廳有。呢款薄餅又咸又甜，味道好豐富，食到蘋果嗰個位仲會特別有汁，超好食！白酒煮海鮮意粉呢個意粉就係外賣冇嘅堂食先有嘅！試左先知點解身邊嘅朋友咁為佢瘋狂。之前其他餐廳食過呢款意粉經常都煮到好淡唔夠味，但呢度味道濃，亦都加咗好多蒜粒，令到海鮮同意粉都吸晒個醬汁嘅味，仲要意粉嘅硬度適中，超級超級好食👍🏿可能因為呢度嘅美食比較高質素，所以價錢都會比較高，未必個個朋友都負擔得到～ 相信他日如果我更富有嘅話，一定會成日嚟呢度食呢個意粉同Pizza😍

今日同男朋友去灣仔整電腦之後就搵嘢食男朋友話想食pizza 上網見到附近有一間pizza好似幾好食所以就去了入到去嘅裝修好有異國風情燈光柔和 所以成個氣氛都好舒服我哋小食方面就叫咗個雞翼個雞翼熱辣辣 外皮煎得好香脆所以我同男朋友都好鍾意而且我哋都叫咗卡邦尼意粉個汁好creamy 之後我哋叫咗個三文魚pizza呢個真係好正每個Pizza都好多三文魚 而且個批好薄仲要勁抵食 $160有成直徑32 cm而且都仲有啲cream係上面嗰啲cream勁好食真係近期食過最好食嘅Pizza一定會再嚟㗎我

難得假日出港島區但落大雨俾我停左喺呢間幾有風味既西餐廳諗都無諗就拉左男朋友入去！係好有寶物收藏店既感覺😂好似太誇張但真係幾多精緻裝飾！食野前飲杯酸甜紅梅汁 好開胃雞翼烤得好香 咬落去好豐富黑椒味 重點！雞肉好嫩好多汁 烤得唔乾但保持到肉汁先勁一上千層麵 啲醬汁係滾到起泡😂好新鮮出爐 啲芝士肉醬係拉絲狀 每塊麵都有心機鋪上去 層次分明重頭戲就係招牌公司批 平時中意食厚批既我 都中意呢個薄批 佢焗得好似餅乾咁脆 仲有加左蛋真係勁好食！蛋香洋溢而出👍🏻推介推介

講起Pizza, 如果你只想起那連鎖店的厚底芝心餅底, 咁你就一定要嚟試下呢度嘅意式薄脆Pizza。呢間Jacomax嘅一大特色就係, Pizza都有得雙併, 不過meun有成2, 30款選擇, 有排先試得晒呀。落單後見住師傅兩下散手就整好Pizza, 即製即烤。Mortadella Fantasy + Capricciosa$168意大利燈籠腸火箭菜松露油薄餅 + 意亂情迷高溫烤烘幾分鐘, 香噴噴嘅Pizza就上檯啦！ Pizza餅底要烤得夠脆, 而又不至於太乾很考功夫, 呢個做到恰到好處, 邊位同餅底香脆, 食落中心帶點柔軟口感, 非常出色。鋪滿火箭菜嘅Mortadella Fantasy, 配料不花巧, 主角Mortadella腸配上芝士本來已經鹹香味美, 再加上火箭菜同松露油, 味道層次非常豐富。另一邊嘅Capricciosa, 配料比較多, 但味道複雜得嚟都好夾。咁好食, 難怪見師傅一整晚都有接不完嘅外賣。Affogato $68呢度竟然有我最愛嘅Affogato。將熱烘烘嘅Italian espresso淋上冰凍順滑嘅Gelato, 一口嘗盡冷、熱、甘、甜, 非常過癮。

認識呢間餐廳係因為曾經行過見到All You Can Eat嘅promotion，對呢間主打pizza嘅餐廳留有印象，所以星期日專程嚟食。原來裏面嘅裝修充滿歐陸摩登風格，座位亦都相當寬敞。主打pizza，有開放式嘅廚房，可以見到即叫即做嘅過程。叫咗一個白酒煮海鮮意粉（ $152 ），意粉食落相當有咬口，味道方面，白酒嘅味道唔太突出，反而比較鹹香，蒜汁味道香濃， 有黑椒和辣椒點綴。海鮮方面有蝦，魷魚，青口和蜆，不過量不多，質素亦都不驚艶。雖然有越嚟越想食嘅感覺，不過這個定價來說，唔太抵食。拿坡里pizza ($135, 13”) - mozzarella cheese，番茄醬，蒜油。既然係主打Pizza，無可否認Pizza係比較出色。揀咗一個冇乜配料嘅Pizza，反而食得出芝士， 番茄醬，和蒜油本來的味道。一拉好多芝士絲，番茄醬帶微酸，令芝士感覺不油膩，味道剛剛好。雖然係薄薄一片，但口感少少煙韌，保留好麵團的彈性。Pizza底焗至微啡色，火侯控制剛好。吃過真真正正的意大利Pizza，就知道連鎖pizza店絕不能媲美。最後以一杯latte作結，很滿足的一餐！

放假黎嘆下pizza hea下～吸引我地嘅係師傅即叫即整嘅薄脆pizza，經過已經聞到陣陣pizza香～啤酒青口$139一份有20隻左右， 隻隻都好大隻同厚身，鮮甜肥美，平時多數食白酒青口，第一次食啤酒青口，青口索晒啤酒味，更添風味～記得用個汁黎沾麵包食！四重芝士拼風乾火腿沙律$152Pizza 可以雙拼，以價錢最高計算，兩個人去食都可以試到兩款味～所有pizza都係即叫即造，我地揀左四重芝士拼風乾火腿沙律，四重芝士分別係mozzarella, Asiago, Gorgonzola, grana cheese，芝士味香濃有層次，由於係番茄醬底，所以唔會話好漏。風乾火腿沙律份量岩岩好～配上薄身軟熟而帶點脆脆嘅薄餅，兩個人好快就KO了～

Thanks god it's Friday!Lunch time同同事行遠d去覓食去左永樂街既jacomax12點幾都已經坐滿哂好彩仲有吧枱位Menu選擇都唔少2個人左揀右揀先決定要一個pizza 一個意粉Jacomax公司批 同鋪頭名一樣 應該係呢到既招牌真係好大份2個人食到勁飽材料有牛肉蕃茄青椒等等重點係佢中間隻蛋！超級加分Pizza有少少厚度食落唔會好硬好乾挪威三文魚蘆筍意粉呢個都大推食落creamy但又唔會好漏三文魚份量都好足意粉爽口 個汁唔會太多太水Like!最後飲埋杯espresso 心滿意足

行入圖章街，見到呢個依家時興嘅工業風門面，非常突出... 原來係間意大利風味濃厚嘅小店，OpenRice簡介話，佢係意大利廚師添～意大利蕃茄醬蒜蓉多士，新鮮蕃茄肉、配上新鮮蒜蓉及香料，的確香又脆～巴馬火腿火箭菜Pizza，濃郁嘅芝士都蓋唔住滿滿嘅巴馬火腿同火箭菜，足料，又香脆～😋黑松露藍芝士手工長通粉，一上枱香氣撲鼻，係我最愛嘅臭氣，丫，唔係，係香氣... 其實，石油氣味加發霉味所混和嘅香氣，真係非筆墨可以形容... 明嘅就明啦... 唔明嘅，唔好同我爭食就得咯... 最利害嘅係佢意大利通粉仲係勁彈牙，勁好口感... 我諗呢啲就係意大利師傅嘅工力咯～

星期日同老公行完街，決定去上環Jacomax，一間正宗嘅意大利薄餅餐廳。 Jacomax 就喺上環地鐵站行出去一分鐘就到，非常方便。餐廳門口佈置得時尚型格，座位舒適寬敞，想飲返杯可以坐吧枱，其他座位部份仲可以睇住廚師即席整餅添！蟹肉沙律配清新菠蘿 $128頭盤點左蟹肉菠蘿沙律，今次「盆」沙律份量十足，除咗大量羅馬生菜、車厘茄同埋爽甜菠蘿外，仲有鮮甜嘅蟹肉絲，配上橄欖油，好開胃口。Risotto Alla Milanese 意大利米蘭藏紅花燴飯 $152意大利飯加入被喻為世界上最貴嘅香料，享「天堂的味道」美譽的藏紅花。廚師製作時將芝士、意大利飯與藏紅花混在一起，令成個飯呈現出明亮嘅金黃色，色香味俱全。 Jacomax & Gorgonzola & Apple 藍芝士蘋果薄餅+公司批 $160如果食開大型連鎖店嘅Pizza, 見到呢款雙併特色Pizza, 一定好有驚喜！傳統意大利Pizza不只要香脆口感，仲要讓食得出自然、原汁原味的味道😯當我一啖咬落藍芝士蘋果薄餅時，食到有小小酸，而蘋果呈圓片薄切，焗後仍保留爽甜，口感好特別。公司批則賣相吸引，一隻半熟雞蛋放在薄餅面上，蛋汁混合茄醬，加埋

一出地鐵站見到間好chill既餐廳，裡面有個長bar抬，非常吸引 各或各樣既酒都有，可惜我已經介左酒；唯有享受依到既食物Jacomax pizza 13” $160一入餐廳已經聞到好香既彩椒味，我地就簡左佢既招牌薄餅，上面有一隻熟左既蛋係薄餅既中間，第一次咁食法好特別食落有蛋香，三色椒同黑椒味好濃Grilled Chicken Wings$54雞翼上都有好香既黑椒味，個皮好脆口，肉質好滑好入味Lasagna Carne Della Mamma意大利媽媽肉醬千層麵$139千層麵旁邊有２塊麵包同２塊蕃茄，口味偏酸，我用左個麵包夾住千屠麵咁食，幾特別！！咁食無咁酸，麵包中和番

今日同朋友食晏，揀左呢間係上環地鐵站隔離嘅pizza🍕內面都幾多位，又坐得舒服👍佢係有lunch set既，但我地都係決定散嗌~《Gorgonzola & apple》13” $150朋友推薦話一定要試呢個藍芝士蘋果pizza🍕本來覺得蘋果同芝士pizza係絕對唔會夾，好奇怪咁，但點知薄薄既蘋果片令芝士冇咁漏，整體更清新易入口！🍎《白汁西蘭花煙肉長通粉》$105長通粉質感好，唔會太淋太硬，白汁杰度岩岩好可以痴住啲長通粉👍《薯角》全部都係新鮮炸出黎熱辣辣👍唯一有點不足既就係炸得太燶了

喺Bangkok 食左太多泰菜！🤦🏻‍♀️🤦🏻‍♀️🤦🏻‍♀️ 返黎要食返d西野，兩個人order左一個沙律🥗一個pasta🍝再加一個pizza!🍕.廚師精選沙律清清地食返多d菜意粉都揀齋d既Aglio olio脆肉瓜炒意粉 但因為有加蒜同辣辣地所以都好好味 😋 粉既軟硬度啱啱好😍😍.最後仲有Jacomax公司批.. 有牛肉🐂+蕃茄🍅+ cheese 🧀+ 三色椒🌶等材料 .. 好味又唔膩！ 比我地清哂！好飽！😂😂😂 .

Jacomax嘅pizza一直出名，所以放工約左朋友去左上環嘅Jacomax聚舊，地點放便大家，呢度有好多款特色薄餅同啤酒選擇，又無時間限制。環境舒適，燈光柔和，坐得幾舒服，仲要係近地鐵，大家傾到夜都可以即刻走到。叫左個小食 - 雞翼，黑胡椒味夠濃郁，啱啱整好，仲熱辣辣，雞翼夠嫩滑，啱晒鍾意食黑椒嘅我，惹味又醒胃，好味～ 送啤酒岩哂～德國麥啤煮藍青口，送到黎枱已聞到酒香，大大隻青口，厚肉，仲要好多隻，好食，正，推介！！千層面好重蕃茄味，麵質軟硬適中，好食～Margherita Pizza，無得頂，新鮮熱辣，即叫即整，拎起個pizza時d 芝士都仲係溶緊，流心，係手流出黎，餡料好足，個皮好香口，好正好味！！ 呢度個pizza夠傳統，又好味抵食，服務又好好～