影片
更多
2013-08-10
22 瀏覽
因為喺呢度見到咁多人俾個「喊」佢，所以忍唔住專登黎幫襯，睇下可唔可以為佢平反。是日十二點多D黎到呢到都仲有位，同附近好似Pokka等等既餐廳滿晒都係等位既人龍大相逕庭！入到去即刻搵左個卡位座低，點知坐低唔夠一分鐘即刻後悔！冷氣出風口設計非常差，幾乎垂直吹落黎咁濟，坐裏面果個食晒所有冷風凍到痴線！Other than that餐廳整體感覺都算唔錯，坐位都非常闊落，位與位之間有唔錯既空間唔會迫到乜咁。抽風方面亦都尚算OK，可能因為商場既要求非常嚴格既關係，所以裏面絕對聞唔到鐵板燒果種燒焦既味道，激讚！Set Lunch方面既價錢非常大眾化，由$50至$80幾不等，仲要包埋前菜、味噌湯同埋白飯添，以沙田既價錢黎講絕對叫做抵食。香瓜菜、沙律︰侍應好快手，order左都冇十分鐘前菜就立刻上碟。香瓜菜口感唔錯，小黃瓜放左芝麻上去，令到整體感覺非常香口。不過，可能因為一早就整定好晒再拎出黎既關係，瓜同埋其多蔬菜表面既水份因為咁而略為收乾水，影響左少少口感。不過，「酸酸味味」既感覺卻非常開胃，正！至於沙律方面只可以算係一般貨式勉強收貨啦。只係沙律醬同埋個汁「眾」晒喺碗底，令到上面既蔬菜口感略為乾身，差
入到去即刻搵左個卡位座低，點知坐低唔夠一分鐘即刻後悔！冷氣出風口設計非常差，幾乎垂直吹落黎咁濟，坐裏面果個食晒所有冷風凍到痴線！Other than that餐廳整體感覺都算唔錯，坐位都非常闊落，位與位之間有唔錯既空間唔會迫到乜咁。抽風方面亦都尚算OK，可能因為商場既要求非常嚴格既關係，所以裏面絕對聞唔到鐵板燒果種燒焦既味道，激讚！
Set Lunch方面既價錢非常大眾化，由$50至$80幾不等，仲要包埋前菜、味噌湯同埋白飯添，以沙田既價錢黎講絕對叫做抵食。
香瓜菜、沙律︰侍應好快手，order左都冇十分鐘前菜就立刻上碟。香瓜菜口感唔錯，小黃瓜放左芝麻上去，令到整體感覺非常香口。不過，可能因為一早就整定好晒再拎出黎既關係，瓜同埋其多蔬菜表面既水份因為咁而略為收乾水，影響左少少口感。不過，「酸酸味味」既感覺卻非常開胃，正！至於沙律方面只可以算係一般貨式勉強收貨啦。只係沙律醬同埋個汁「眾」晒喺碗底，令到上面既蔬菜口感略為乾身，差左少少，建議先食車厘茄同埋粟米，吸收左佢地既水份先咁口感就會好好多！
安格斯牛肉薄燒+香菇飯($76)︰一上枱見到只係得六舊牛都有少少失望。雖然係咁，「以質換量」令到牛肉一食就食得出唔係池中物。由於完全冇用過調味料既關係，第一口就已經食得出肉既鮮味，超正！唔韌不特止，燒過既牛肉再配上淡淡既醬汁同埋蒜片之後更加能食得出牛既肉汁，完全係out of expectation！冇諗過幾十蚊既set lunch會有咁既質素。至於香菇飯方面就非常失望喇，飯裏面唔單止無香菇味不特止，飯粒亦都只係俾一D「entry level」既珍珠米同埋好頹既「香菇仔」就算，只能夠勉強叫做「香菇+白飯」，完全無特別！
Overall given 只係$70幾蚊既價錢，我覺得set lunch能夠做到咁既質素係完全接受到的。不過，如果dinner既時候要付出接近$300一個人既價錢，我會覺得佢既質素必須要提高唔少，先至可以達到大部份人既「合理期望」。或者咁就解釋左點解咁多人都覺得佢既晚餐係below standard啦！張貼
