IKI Teppanyaki Bento (已結業)

面對韓流，schoolfood的橫行，隔壁的IKI依然有人等位，令我有一試的衝動看著二人餐hkd$38x，有安格斯牛，大蝦，帶子，三文魚已經覺得ok，包飯，沙律，湯坐係bar枱，望著師傅努力煎煎煎，香味撲鼻，而且非常有氣氛套餐沙律，二人份份量十足，無咩好講主菜！作為海鮮，其實味道一定唔會差，大蝦既蝦頭蝦膏十足，真係靈魂所在，唔係得個擺字三文魚煎得剛剛好，不會太老，但一夾就有d散，適合撈飯多於剩食以上一輪已經算是讚賞，接著下來的會是不斷的批評本人非常喜歡帶子，其實帶子有鮮甜味已經好食！但最好食既應該要剛剛熟，可惜，IKI搞到太熟，令到帶子入面有d乾乾地既感覺安格斯牛生熟度ok，但真係一分錢一分貨，入口已經覺得有d“鞋“，唔太討好有d失望，no next time

之前同幾個老朋友打完波, 係沙田搵好野食!!!周圍搵啊!搵啊! 搵啊!搵啊!終於係新城市廣場樓下個層搵到間唔錯的鐵板燒!!! 其實之前都係手機都search 過,睇過下食評。見到有好有壞!.....搞到我更加想試......我地幾個人膽粗粗就入左去。一人叫一個set, 買相唔錯,可以話係幾得下!!前菜-沙律賣相ok,食落清新!!主菜- 蝦, 牛, 带子,一上來個賣相不錯,食落味道中上。味道是比較淡左d, 但有三種唔同的調味汁,係呢點看得出老板的心思。他知道口味既野各有不同, 所以上菜時以淡為主。給客人多一種選擇! 有時就係少少既安排,就有更好的效果啦!其實出街食飯要考慮幾方面:食物. 環境. 服務同最重要個樣-同邊個食!食物:不錯環境:不錯服務:服務呢樣好睇客人心情價錢:合理

黎到沙田周圍行街, 食飯時間都係到地下睇下有咩好食. 今次就試下到呢間鐵板燒試下。睇下餐牌, 都幾吸引. 而且裡面都係介紹鐵板燒為主, 就當然試下喇.叫左個海鮮鐵板, 有牛肉, 蝦, 帶子, 三文魚...都幾豐富下.先黎前菜: 湯, 沙律...合格喇正餐: 牛肉...軟身, 味道好好呀, 點埋芥辣醬汁岩岩好..        三文魚...脆, 煎得唔錯, 係有點油膩..        帶子同蝦都好大隻woo..另外加多小小錢再有小食一碟...最後揀左蝦天婦羅, 炸得都幾好呀..反應佢呢個唔油總括來講: 野食都幾好, 職員有友善態度

中伏鐵板燒！食材一般，無服務，價格不成正比！門口個餐牌D相好吸引，中左計啦！正正常常，沒有驚喜。質素奇差！門面光鮮，食物九流，失望。食物質素不佳。鐵板燒，唔抵之餘又唔係特別好食。服務奇劣，食物一般，應該冇下次。無味......唔會再去。雜菜好味過主角~ 從未食過這樣的鐵板燒，黒豚肉唔熟，牛肉熟過頭，共通點就係食物唔熱。唔熱既鐵板燒，凍食鐵板燒，最好味就係辣醬。可以不試，完全不及格。好X難食，凍既鐡板燒你食過未? 跌watt！1個字"差"！扭曲快餐式鐵板燒！ 這樣的鐵板燒真的很不行，一定要好好地檢討。這是什麽何等劣燒？

去個時新開都幾多人,不過食落都係普普通通, 甚至覺得有d唔值呢個價錢, 應該唔會再特登食跟餐沙律麵豉湯 (沙律普通; 湯就味道適中, 仲有好多料)牛舌 (雖然係厚厚的, 不過個質感好似怪怪地, 未致於一 pat pat, 但成舊都係軟腍腍咁)美國安格斯牛薄燒 (薄薄的一塊, 應該燒到七八成熟, 肉味還好)炒麵 (普通日式炒麵 + 炒飯無影; 加埋台方提供既類似 XO 醬都幾好食)海鮮拼雞扒 (雞扒都幾嫩滑; 三文魚都正常, 但係帶子同蝦都唔係幾新鮮, 食落都係腍腍地咁)

今次係第一次寫食評，因為同fd約左去行沙田新城市廣場，估唔到閒日都咁多人，仲要勁多大旅遊客。行完就去揾野食，結果就去左呢間叫IKI鐵板燒 既餐廳食。開頭睇完Openrice d食評都心大心細，好壞都有。 但咁個日都見到好多人等位，就決定入去試下。3個人點左兩個2人前套餐，份量都好足，鐵板食物還是有保證，味道仲係唔錯。另外，見到有d食評話呢度員工態度唔好，自己食過又唔覺！d經理都幾有禮貌。下次再去沙田都要食多次！

又為食乜煩惱，行過見呢間日式鐵板餐好似幾好咁，就入去試下啦。叫左一人一個餐，枱上有醬料，環境ok，感覺都幾乾淨。侍應上菜後無題及過醬料，不過我估咩都試下自然知自己口味。跟餐的前菜，個半粒車厘茄顯得十分小氣。味道就一般啦，全部都係生菜加少少芝麻醬，咁就係日式沙律。漬物同面豉湯可有可無，零吸引力。鐵板鮑魚牛扒虎蝦定食，賣相同餐牌上差不多，份量十足但味道有少少强差人意……偏乾味淡，白飯也欠飯香。北海道帆立貝海鮮定食，同樣乾身，味道偏寡，一般。

又係覓食既時間，今晚去左這日式鐵板燒，可能平日兼月尾所以唔使點等就有位。先黎頭盤：面豉湯，沙律〜〜正常野，唔錯主菜；我們叫了不同配搭菜式既鐵版燒可以share食。有牛肉、蝦、龍蝦、帶子、燒三文魚、鵝肝每人一碗飯。唔錯！另外加多小小錢可以叫多一碟小食，我叫了天婦羅，買相都一流。其實以上咁多款野食我比較喜歡牛肉、鵝肝、焼三文魚！牛肉軟身，5成熟岩岩好。鵝肝味道好好，真係有驚喜，而燒三文魚又係好有味道。其實款式都有好多，下次可以再試

看到之前的食評都是劣評就膽粗粗諗住去挑戰一下可能觀點角度問題,都唔係好差姐到達店舖, 看見餐廳不算很大,所以座位都較擠迫Request Table for 3後, 大概5分鐘便能入座入座後侍應便隨即加茶, Request熱水亦隨即送到因為朋友都是女生,怕食唔曬,所以只ORDER了一份大蝦三文魚西冷二人餐以及一客牛舌及天婦羅大概等了10分鐘二人餐便送到餐跟2碗飯,餐上台時侍應亦非常周到地介紹旁邊的SAUCE, 以及遞上3隻碟給我們SHARE,VERY GOOD! 再等多10分鐘小食亦送上,牛舌好正!最後埋單每人大概160蚊總結,我覺得餐廳食物水平同價錢都相乎,無之前D食評講得咁差服務亦相當周到會再返黎食!

平時出街食飯都係食放題韓燒譚仔，食都食厭啦。所以今日就決定同朋友試下新野—鐵板燒。雖然聽個名好似好貴嘅，但係食完之後真心覺得唔錯又無其他人講得咁差，食完會有再黎食多次嘅慾望！今日星期五，晏畫嘅人流都幾多，我同朋友大約等咗十分鐘就有位 ，我地呢次係座吧枱位，可以望住啲廚師煮又係另一種風味！座呢個位之前可能會覺得好大油煙，但事實上係無嘅，可見係抽氣機上做得唔錯！讚呀！因為我同朋友實在太肚餓同menu上嘅圖片太吸引啦，所以我地點咗2款餐，一款係自選定食，一款係二人前鮑魚虎蝦西冷！落完單都無幾分鐘啲前菜已經上咗，味噌湯沙律同漬物，份量岩岩好，沙律酸酸地好開胃！終於啲餐嚟齊囇！份量適中，2個人岩岩好唔會食唔囇！鮑魚同虎蝦好大隻食落去幾爽同幾彈牙！西冷又幾大塊，不過我厭佢啲肥膏厚～雞排同啲菜一齊食真係無得彈！啲海鮮同佢地自家製嘅海鮮汁一齊食真係無得輸！唯一美中不足嘅就係飯唔算太多，不過香菇飯就好好食！自選定食有啲菜係底，啲菜又多又"林"！好好食另外侍應服務態度好又有笑容，廚師手勢非常純熟！而且出餐出得快唔會等得好耐，價錢合理！食完之後我會推介俾朋友！

今日一行5人去食位於沙田既鐵板燒,自己燒就食得多人地燒又唔知點呢??我地被安排去左張大台,幾好幾靜可以大聲小小傾計都無問題見到餐牌d野食好吸引又唔算貴叫左2個2人套餐,分別係龍蝦鵝肝同大蝦3文魚黎到都好大份,甘既份量真係算抵之後再叫左一個蕃茄,,有驚喜好好食,,又甜甜地大家都好滿意今餐,食左大約1000蚊但係大家都好滿意,因為係值回票價!服務方面,算唔錯見到侍應都無停過手,要執台落單但你舉手要求加茶執野,佢地都會走過黎幫你加同埋都幾有笑容;)

星期一，到沙田行街，想食特式嘢，見IKI日本鐵板燒無人排隊，又好吸引，所以試一下。 鋪頭新裝修，座位闊，又整潔，侍應都好有禮貌，唔錯。 叫咗兩個鐵板，安格斯牛拼帶子，虎蝦，什菜。E 個鐵板牛肉好味，好新鮮。什菜吸咗牛肉汁好味，但帶子就凍冰冰。另一個安格斯牛拼鮑魚，蠔及虎蝦就更加好味。蠔及鮑魚剛熟，好新鮮肉質好嫩。但食物唔夠最大問題係唔夠熱，尤其係有什菜嗰個鐵板，同經理反映，佢哋都知有咁嘅問題已經積極改善，希望下次嚟嘅時候有所改善啦。每位180元，食到有質素嘅日式鐵板，我覺得扺食。

見佢裝修唔錯，雖然覺得出街食扒九成九都唔好味，但係都抱住唔係太大既期望試一試。結果，真係唔好食。金玉其外！ 賣相八十分啦，呢個係美國安格斯牛柳加羊扒加三加魚既二人餐。魚：好薄身，鞋霎霎, 一啲肉汁都冇牛：失柳粒，繼續鞋霎霎，又係一啲肉汁都冇羊：算比較正常，冇咁鞋霎霎，有丁點肉汁全餐飯最好味係個iki 辣醬，其實即係xo醬。。好後悔我地竟然唔記得睇openrice先入去。。中大伏！

看見有鮑魚, 帶子, 日本蠔, 大蝦, 安格斯牛扒, 三文魚扒, 實在吸引, 而且不用等位, 不過還是打開openrice看看先, 好多差評, 但男友說不能作準, 還是進去了,叫咗兩個定食有齊以齊食物的, 實物真是差很遠....鮑魚可以接受帶子過熟日本蠔ok大蝦不太新鮮, 過熟, 而且很細隻, 基圍蝦size安格斯牛扒有根, 好un, 好大件肥糕, 不太像安格斯....三文魚扒好薄, 約3mm厚,只能說是三文魚片....不能說好食, 又不是不好食, 就只是一般, 即是一些食材有人幫手煎咗, 全部無味無特別, 有人裝飯拿到你面前, 食完不用洗碗, 就咁簡單,無人加茶, 無人理你, 食物放下就算, 也不會介紹旁邊的醬汁(雖然有寫是什麼汁, 後來才看到的)二人埋單398, 不值

星期日係沙田新城市廣場搵食, 間間都人山人海, 諗住呢間人多冇衰啦....... 唉......有10個左右既set, $60-$80不等, 不過份量好少, 行入去既時候望下人地果D~4個大人, 1個小朋友(2歲半)叫左兩個2人餐, 加左1碗飯, 加左1個烏冬, 有個餐白飯轉左碗炒麵+$18蚊野食味道普普通通, 睇埋個價錢都係冇咩機會再幫襯! $870埋單