i kitchen (已結業)

I reserved a table and the food are good. It is in suitable price and the environment is good. i ordered a steak. The steak is juicy and tasty. The drink is iced lemon tea without ice and it is very cold, I like it very much. So I recommend this restaurant to my friend. They said this restaurant is good.

今日做野做到好夜先收工，收工時覺得好肚餓，所以要慰勞下自己個胃！知道i kitchen嘅last order時間係十點半，應該剛剛好趕得到！ 得自已一個都冇心情食晚餐！而且我最後一刻先走入嚟費事阻住人收工啦！ 所以都係散叫個飯或粉意算啦！最後叫咗個北海道帶子刺身，黑松露意大利飯！帶子略為煎過，所以表面有少許香脆，內面仍然係刺身，因為係半生熟，所以有點香口又不失鮮味！因為有芝士同黑松露嘅關係，都好香口！而意大利飯亦都軟硬度適中，煙煙韌韌！

今天和朋友在觀塘Apm逛街，驚覺已經下午一點半，時間真係好尷尬！未到下午茶時段，食午餐又唔Gur。如果份量唔太勁，食物夠好味，.坐得舒服，咁就好了！最緊要近Apm, 唔想曬到太陽，唔想曬黑，家陣三十四度呀！！！朋友介紹，附近巧明街有家餐廳，二點後入座有折，咁就arm曬!來到店門，未到二點，已經有客人等位，等候約15分鐘，職員安排於窗邊SOFA就座。先看看今日餐牌，原來周未有Brunch Menu.仲有我喜歡的漢堡包。不過這個叫肥牛漢堡喎～～～E餐 i-kitchen肥牛漢堡配溫泉蛋, 薯角, 田園沙律通常漢堡包的牛肉都是用和牛/澳洲牛肉漢堡扒，肥牛都是第一次遇到，（講真，肥牛火鍋常見，但未聞肥牛漢堡。）食物上檯了，果真係肥牛漢堡喎！芝麻包內肥瘦相間的牛肉，連同已溶化的芝士，夾著蕃茄青瓜及菜菜，太厚了，無法一手掌握。原件的肥牛，牛肉味十足，肉質纖維很實在，加埋牛脂的油香，其實比起漢堡扒，更能帶出牛的味道。這裡是西餐廳，檯面上是刀叉，但每一口都充滿著肥牛火鍋的感覺！脆脆的薯角表面有調味料,有少少似卡樂X.但中間白色的薯肉軟棉棉, 用叉子篤幾下, 即變薯蓉.(註:不喜歡炸到硬掘掘的食物)難得

週末因為好友瑞寶要加班搶一下錢，我就想順道去她辦公室參觀順便郊遊，逛一下聽說是蠻大的shopping mall APM，看看香港不同地方！好友瑞寶平日就很喜歡她們附近的一家餐廳，藏在工業大廈中，她說平日中午生意很好，有時還要排隊才有位子，想趁週末清閒，好好的享受一番！沒想到假日也都是接近客滿！好友帶上她的好同事加入我們，所以我們就選了不同的主餐，我因為最近迷上黑松露，看到黑松露無法抗拒，沒想到，黑松露真的是一個非常正確的選擇！新鮮滑嫩的炒蛋配上黑松露，以墨西哥卷的形式，搭配醃三文魚，每次咀嚼，都有松露的香氣充滿，彷彿醃三文魚不存在一樣，滑蛋的口感讓人很難忽略，蛋的香氣和松露混在一起，讓人有點無法分開形容。每道菜旁都有相當高級的沙拉，還有一整片的起司，整體的搭配讓人覺得非常的用心，不只可以享受到濃郁和豐富口感的墨西哥卷，還能穿插清爽簡單的生菜沙拉，讓生菜的味道平衡墨西哥卷，也增加了料理的層次。好友瑞寶的同事是無肉不歡型的，點了肥牛漢堡這下樂壞了！看到整個爆出來的牛肉份量我也嚇了一跳，更特別的是這牛肉是作成日式燒肉的口味，雖然我只趁機吃了一塊牛肉，但它實在太合我的胃了，肥嫩的牛肉，是有油脂

本身在觀塘區返工，不時食lunch都會區內試下不同既餐廳，見Openrice好多好評所以Book位去食，點知經歷可謂全區最差1) 安排混亂：明明Book左位 去到同我講無位，要等好耐！2) 非一般的慢： 入座後急急腳落order，等左20mins先黎到個餐湯！3) 難食：a) 意大利飯 - 準備左30mins都仲係好硬，同事一句：「食759個D即食仲好食」；b) 魚柳拼糙米飯 - 舊魚好鞋好腥。4) 份量少：只適合減肥人士去食呀，即使女士，食完只得5成飽！回公司要再食tea~最重要係，以咁既質素，$108 蚊一個LUNCH真係好貴 (平心而論，雖然佢有俾九折)

星期五同好友飯聚，近近哋揀咗呢間喺觀塘工厦嘅西餐。早一日book要waiting不過最後都有位。餐廳唔算細，裝修算ok。被安排坐房仔，同房大概有五六張枱。 可能樓底唔高關係，非常之嘈吵。本來期望就唔高，實際出嚟結果亦符合預期。點咗set dinner同兩個頭盤。頭盤係腸同炸魷魚，好香口，係整晚最好食嘅嘢。set dinner 頭盤反而失色少少， 賣相算精緻但係味道普通。湯就ok囉，南瓜湯有南瓜味; 蘑菇湯有蘑菇味，但就唔算話好好味囉。主菜亦都係普普通通，意粉唔算煙韌; 帶子唔算好鮮甜; 黑松露又唔係好夠香。 酥皮豬又鞋得滯。

同阿妹去 apm shopping，當然要預先補充體力，apm 附近嘅工廈近年多咗好多樓上餐廳，今次我哋去呢間，同 apm只有一街之隔，地點非常便利。上到去，環境舒適乾淨，一啲都唔似身處工廈。我哋點咗黑松露少滑蛋配煙三文魚墨西哥卷同埋溫泉蛋巴瑪臣芝士煙肉蘑菇意大利粉.墨西哥卷嘅卷皮唔算厚，入面包住好多材料，黑松露味道唔算太突出，但係入面嘅蛋非常滑溜，再配埋煙三文魚真係好夾。另外個意粉有好多汁，合哂我胃口，最怕食嘢乾爭爭；溫泉蛋烹煮時間岩岩好，將個蛋攪勻再食意粉，會有好香蛋黃味我哋叫左個伯爵茶，茶味清新香濃。檸茶就正常啦。

星期六見完客，時間唔三唔四，決定搵間餐廳食番個 Brunch，餐廳就位於我見客果橦工廈，入到餐廳搵個靚位坐低，室內環境舒適，用咗深色做主調，再加鏡嘅反射，令到空間感擴大。我選了I kitchen (all day) breakfast，可以自選要幾多個配搭，認真少見，我就梗係要哂全部共九樣啦，材料非常豐富，包括德國鮮肉腸、炒蛋，煙三文魚，意大利煙腩肉，茄汁豆，蒜蓉法包，薯餅，慢煮蕃茄及大傘菇，當中的牛油果蓉於其它Cafe比較少見，味道酸酸甜甜好開胃，德國鮮肉腸味道反而偏淡，意大利煙腩肉都煎得好香脆，令人最回味反而係大傘菇，外表黑黑，但內裡非常多水份，而雞蛋都炒得好香滑，呢份全日早餐絕對能令我呢個星期六添注新能量。再配埋杯熱檸茶，簡直是 Perfect Match。

繼上次去工業區尋寶後 再一次搵到間好正既餐廳- I Kitchen 地方雖然比較間涉 係工廈樓上 但一定吾會令你失望星期日既八點 已經full house 好彩早左少少咋 裝修比較現代化 open kitchen 可以望到廚師既工作 由於比較多客 吾係我都可能會同佢地吹下水^_^坐底就快速送上凍水 並主動推介menu 比waiter 推介左個澳洲和牛配喜馬拉雅山礦物鹽 因為佢介紹得好detail 選用澳洲M6 和牛 而且係岩岩返貨 價錢又比出面同等餐廳相宜 所以就決定點呢個但可能我太餓啦 所以再問下有無咩其他小菜推介 結果又點多一個白酒煮紐西蘭托托蜆 都係時令菜 所以決定一試 (小知識：海鮮係冷水生長會較鮮甜 而呢個時候澳紐正正係冬天）好快就上左頭盤 車打芝士焗美國薯仔 鮮蝦 辣蕃茄 係先將薯仔掘空 再釀返以上配料入去焗 外脆內嫩 甜辣交接 吾錯既醒胃頭盤之後到個湯 鮮蟹肉粟米茸湯 滿滿既粟米茸 夾雜住一口口既蟹肉 好有誠意既餐湯 聽過人講如果要知間餐廳有無誠意 一定要先試個湯 其實都未嘗吾係道理主腳出場 和牛牛 around 6 oz 簡單既配碟 突顯出主角既地位 本人吾食太生 7成

經朋友介紹，今晚嘗試呢間西餐廳，係apm後面一出，在冠力工業大廈上二樓就見到！入到去見到bar枱，而四周環境較暗，但有蠟燭光閃下閃下都幾浪漫，見到full house左，都好多食客，好彩book左位，咁就吾洗等啦！兩人我地嗌左一份dinner set($128+40)，同店員推介的白酒煮紐西蘭托托硯($108)，加蒜茸法包($32)，因為店員話碟硯嘅汁點蒜茸包好好食，好多客人都咁食，所以就試下！店員服務好好，又介紹托托硯係紐西蘭現在時令海產，其實外國係可以當刺身食，為配合香港人未必接受嘅關係，所以就煮熟嚟整，都好好食！吾洗好耐，就上碟硯同蒜茸包，硯勁大粒，又好爽口鮮甜，一口必晒d汁出嚟，少少吾太熟，但聽完店員話生食都得，所以就吾擔心啦，d汁好重硯味，又好滑身，點蒜茸包食都好味！蒜茸包切得較薄又好多蒜茸好正丫！！之後嘅dinner set,頭盤係自家煙燻三文魚伴血橙，羊奶芝士，火箭菜！只係食煙燻三文魚嘅話就不過不失，但重點一提係個血橙汁，其實係紅菜頭加橙汁嚟，好新鮮嘅感覺，加上甜甜地嘅羊奶芝士，配住咁食嘅三文魚就特別好食！個血橙係重點！湯係黑松露野菌茸湯，好重茹味，好多茹麿碎，但略厭少少

之前朋友介紹這餐廳給我, 試過不錯再介紹好姊妹同她的朋友上去食, 點知她老定得滯早一日至打去訂唔到位同我呻無得試. 好啦!等我再約飲局帶妳去食好野.雖然是weekday, 訂定位無得輸, 早兩天訂位順便問下有咩當造生蠔. 三個女子梗係留定那四人檯坐梳化椅, 舒服D又唔駛拍住隔離, 傾計至怕嘈到人, 或者俾人嘈住哂

最近轉佐份新工，在觀塘，聽同事說最近觀塘有間餐廳好紅，價錢OK有水準，而且經常訂不到位，正好這月媽咪生日，為左幫媽咪慶生，我特地提前訂檯，試下這間傳說中的餐廳，我們一行4人，由於食量小，只點了主菜和甜品，食物賣相精緻，味道很好比得過星級酒店的，聽店員說，他們的廚師和侍應就是酒店出身，店員也很熱情為我們介紹食物，招呼周到。這家餐廳的卡邦尼意粉，蛋黃是放在蛋殼裏（另上）的，照顧到客人對膽固醇的驚怕，又不失傳統👍，口感非常好，墨魚麵，是用墨魚汁煮的，不腥，魷魚也很鮮甜，味道很夾👍，媽咪超鍾意，最後甜品也很有驚喜，媽咪很滿意！由於第一次光顧不知道這家店還有這服務，唯一不足就是，沒提前吩咐店員在甜品上寫：happy birthday！

同事生日，於是就去左附近幫佢慶祝！第一次黎都係試返set lunch穩陣啲，先飲左碗合格既南瓜湯，無影到，但味覺唔差幾creamy。西蘭花忌廉帶子耳朵粉，好少食到耳朵粉，不過口感麻麻太淋。煎帶子好大粒而且無雪味呢！飲完杯熱朱古力其實已經好飽，因為佢啲奶泡打得好厚～不過仲食到個甜品！意大利奶凍都幾好味，好軟滑，不過對上面既果醬有啲保留。總括性價比幾高加埋一都係八十幾有齊哂成個set,lunch 想食好啲係個唔錯既選擇！

之前想試，今晚終於一試，先打電話預約，行上去等一陣就可以入座了時候唔早，都9pm，場內都坐滿晒，好熱鬧…有set menu，又有a la carte加錢轉set，幾好我地叫左大蝦天使麵 同埋 西冷扒，再加$40轉set menu鴨胸沙律，我對鴨胸一般，都覺得幾好味，朋友不停讚唔記得係咩魚(刺身)配檸檬泡，有d份子菜式feel，幾fresh，食完開晒胃啦餐湯1) 露荀忌廉湯，朋友話好味(我冇試唔知咩味)2) 南瓜蠔湯，好鮮甜，我唔中意南瓜都飲晒店員主動問5成熟ok嗎？我地見佢咁有信心，好啦！牛扒，味濃，外脆內juicy，like!造型浮誇！佢個天使麵唔係就咁白汁煮，而係先輕微煎一煎成麵餅，再加汁，口感好特別。蝦亦算新鮮，三文魚煎至皮脆，好香，肉未至於太乾身，整體令人好回味！是日甜品brownies，好濃厚，好圓滿工廈價錢，食品比有d酒店還有要求，值得再來！

媽媽生日，呀哥話帶我們到觀塘工廈「食好嘢」收工後立即趕到觀塘，幸好這間餐廳不算難找，就在apm後一條街，距離地鐵站只要五分鐘。ikitchen是吃西餐的，但正門掛了一個福字，好像有點怪怪，但內裡就很有格調。我們分別點了set，先上枱的就是鯛魚刺身配意式蕃茄沙沙檸檬泡沫。這個檸檬泡沫聽起來很新奇，應該就是分子料理之類。泡沫其實入口已經化水，味道有少少檸檬芳香。反而我很喜歡這個蕃茄沙沙，酸酸甜甜很開胃。之後+$20試了黑魚籽鮮蝦忌廉蛋。賣相不錯，味道更不錯。入口香滑，蛋中有蝦，味道十分鮮甜！而黑魚籽的鹹味令味覺不感單調。之後到餐湯，當日的廚師餐湯是蜆肉湯，材料豐富，多種蔬菜配很多蜆肉，賣相有點淡色，但味道鹹淡適中，不過如果可以杰一點，更正！之後便到主菜，我最期待就是這個香煎鵝肝伴紐西蘭牛柳。煎鵝肝的香味完全刺激我的食慾！鵝肝肥美，入口有一點點快要溶化的感覺。而牛柳煎得適中，沒有過熟。肉本身沒有很多脂肪，但不會很乾。牛柳牛味濃郁，不會覺得靭。之後是酥皮釀焗鵝肝醬羊架，這樣花心思煮的羊架我是第一次吃。 把羊架切開，已經聞到鵝肝醬的香味，連酥皮一起吃，口感很豐富。羊架應該經過先煎後焗，但肉質依然