i kitchen (已結業)

其實觀塘好多食好西既地方、你完全不必介意工廈既外表、因為餐廳裡面又係另一個天地、好似今次搵到lee間i Kitchen 、我地星期六去、先要喺樓下管理處登記、先可以上去、入到去、雖然唔講得上華麗裝潢、不過舒舒服服既藍色燈光、簡單天花吊飾、想二人世界食個晚餐、都很不錯！先係前菜：黑松露薯條、豬手片薯條大大籃、熱騰騰、又夠脆、個黑松露醬好香、真係食到唔停得口豬手已經切片、超方便、唔駛好似平時咁自己拎把刀切到手攰、好夠味、配個酸酸地既汁同底下有蔬菜、食樂無肥淋淋感覺、對於長期減肥既我、今日就放縱下自己喇湯：黑松露菇湯又係黑松露、我勁鍾意一上枱就已經好香、個湯好滑、仲有豐富菇菇粒、好好飲主菜：帶子意大利飯嘩好精緻、廚師好有心機畫隻蝴蝶、令到菜式錦上添花、讚帶子煎得剛好、意大利飯軟硬適中、好好咬口甜品：蘋果pie又係一幅藝術品不過pie有少少燶、如果唔係應該會更好食總括來說、所有菜式都好好食、不過黎lee間餐廳食飯一定唔可以急、因為慢工出細活、要欣賞廚師既畫作美食、就要點時間喇！一定會再黎！

因為工作關係, 每個星期日都經一經觀塘先番屋企朋友又住觀塘所以又抽籤方式食野選中這間呢其實應該之前講左想試終於試左喇 雞肉蝦凱撒沙律滿滿的雞及蝦菜也新鮮加上脆口果仁不錯 菠蘿特飲大到嚇親我地好在叫一杯SHARE飲要不然我地張細枱一定放唔晒 慢煮厚豬扒因為好耐之前食過另一間觀塘餐廳係好乾嘅（真係唔記得邊間）呢個就ＪＵＩＣＹ好多好食呀個配汁都好好味一定要試個配汁味道 松露帶子卡邦尼意粉好濃的松露味意粉就比較硬身，　但都可以接受 松露雪糕天真的我們誤以為係朱古力ＴＲＵＦＦＬＥ嘅朋友所以叫左黎食但一上枱我知我地中伏了原來真係松露味嘅雪糕之前已經食左個松露意粉所以我地稱呢餐為松露宴 這間不錯，　可以一試題外話我竟然上餐廳食飯要俾人抄身份證太特別了

觀塘區工廈大廈有很多特色的Cafe，下午茶時段又是食好野的時間，今日我和朋友一起去了一間 i Kitchen 的cafe 吃下午茶。食左個漢堡包加薯條味道唔錯，不過好貴或者講呢個價錢唔值

Have been so many times to visit restaurants located in industrial areas in Kwun Tong, most are taste good, but not much special~However, I kitchen surprises us for this dinner visit Cozy environment Braised N.Z Tua Tua Clams in White Wine ButterWhen this dishes on our table, it delighted us with good presentation, large clams with yummy breadNot so rich in white wine butter, taste super goodExtra large clams! Scallop mushrooms pasta, again the plate with nice “painting”. Compared with other dis

今日約左朋友係觀塘食飯，午飯時間觀塘真係勁多人！所以我地決定兩點先去食，避開人潮！今次朋友負責諗去邊到食，佢提議黎呢間位於觀塘工廈入面的西餐「I kitchen」。餐廳裝修及座位尚算簡潔舒適。Set lunch價錢合理。餐前小食Set lunch可以揀餐湯或者田園沙律，今日嘅餐湯係甘筍蓉忌廉湯，味道不錯我揀咗個澳洲羊肩肉配辣蒜子汁，羊肩肉十分嫩滑！比想像中好味值得一讚嘅係佢嘅擺盤都十非細心及有美感跟餐可以選擇蔬菜或者紅米糙飯。因為食咗個好豐富嘅早餐，唔太肚餓，所以我選擇咗較為健康嘅蔬菜。朋友就揀咗個冬陰公豚肉意大利飯。估唔到冬陰公都可以同意大利飯個味道咁夾！酸酸辣辣咁，十分醒胃！最後仲有個芒果芝士蛋糕作結

今日女朋友生日，訂咗依間西餐廳🍴食，本人第一次食依間，都幾有驚喜。食物，環境同服務都好好，令我女朋友過咗一個難忘既生日🎂。我下一次會再黎並會推薦俾其他人，上址交通都好方便。

聞說區內有不少高質素的工廈餐廳，今天晚餐時間去了其中一間試了他們的set dinner。頭盤蟹餅煎得很香脆，蟹肉也很多，跟伴碟的沙律菜一起吃特別夾！餐湯木瓜蘋果茸魚湯很厚身很濃味，好好飲！這是最意想不到的主菜！首先是意想不到的份量，上碟的是一整條盲鰽！魚是意想不到的新鮮，調味亦剛剛好這份晚餐以熱情果蛋糕作結，少許酸甜味道剛好平衡了主菜，Great Ending!在這裡渡過了實而不華的一個晚上，真是一個星期的好開始！

工廠區既西餐廳多的是，今次呢間餐廳價錢唔平，lunch set 平均都要成$80-90幾，以為有返咁上下質素啦，點知又係中左伏餐前小食，青瓜片上面果粒蟹柳粒紅到有幾假，可見有幾新鮮架啦！食之無味，不要也罷！餐湯及沙律不過不失，正常野。冬蔭公豚肉意大利飯：味道極濃，辣辣地且超咸，雖然有唔少香料，但完全唔似冬蔭公味好漏，基本上食左1/3已覺好夠！雞肉芝士漢堡配薯條：睇個麵包面就知有幾吸引啦壓到扁曬咁，塊芝士完全唔溶，薯條似連鎖老麥既辣味shakeshake薯條般，但價錢係人地既幾倍囉！毫無誠意成個餐唯一可取既係入面果塊暖暖地、經烹調過既雞肉扒。食完成餐飯，連同行同事既comment係，高價食低成本製作既西餐

這天是不用上班的日子，我和家人去觀塘吃午餐，經朋友介紹，我們便決定來到這間位於工廠區比較偏僻的西式餐廳試一試，餐廳的裝潢偏向酒吧風格，高身吧枱掛著各式各樣的酒杯，帶給我輕鬆的感覺，而店內環境清潔衛生前菜，稠得漿口的蛋沙律，富有水份的椰果，爽口微彈的青瓜鮮奶朱古力，鮮奶泡沫加上非常濃郁有少許甘苦的朱古力，口感延特別南瓜湯，從原個南瓜得出大量南瓜蓉，非常清甜又新鮮烤澳州羊架配薄荷燒汁($118)非常香稔軟嫩的羊架，質素十分高，配上清甜的燒汁，芥末，加上軟彈煙韌的木耳，爽口彈牙的西蘭花，延身的栗米，清鮮甜美的紅蘿蔔，爽口微彈的翠玉瓜，非常健康慢煮美國安格斯西冷($158)格紋焦痕厚身的西冷牛扒非常香稔軟嫩，質素非常高，份量延多，配上車里茄，栗米條，薯仔，瓜作襯托香桃慕絲甜品，香桃鮮甜，慕絲味道酸酸甜甜配上鮮甜的士多啤梨醬整體來說，食物的用料非常新鮮，食物的質素非常高，食物的份量足夠多，價錢相對很合理，店員有良好的服務態度，非常友善，所以我認為這間餐廳值得再去惠顧

返工返到好攰，想搵個地方放鬆下。今次黎幫襯下工廈餐廳, 環境唔錯, 燈光幾浪漫，坐得舒服之餘服務態度都好好。先有法式精緻小點清一清味蕾, 相當開胃。跟餐有餐湯椰菜花蓉湯同熱檸蜜，餐湯口感幾特別，味道濃郁。除左餐湯都可以揀田園沙律。輕煎刺身帶子加咖喱南瓜意大利飯 $78Pumpkin puree risotto with seared Hokkaido scallop帶子好彈牙, 表面煎香。Risotto吸汁力強, 味道濃郁。咖喱同南瓜呢個配搭耳目一新，重有南瓜同蔬菜粒加強口感添。最後個甜品係咖啡慕絲, 口感好smooth, 點d檸檬同士多啤梨醬更清新。

第一次在openrice寫食評，整體感覺可以，性價比正常。以lunch set來說，$68 up的價錢對得起質素。前菜是火腿包麵包條，味道一般。主菜分別叫了黑松露雜菌risotto及大蜆意粉 : 前者芝士味濃厚，米粒很好口感，可惜沒有其他配搭的食材，多吃幾口便略嫌單調。後者則較失色，蜆是足夠大的，但致命點是不太新鮮，有1/3分量是略腥臭變壞不能入口的。更致命一點是，當結賬時禮貌地 (必須強調) 向waiter提醒一下大蜆有部份變壞，可能在晚市前要略為留意時，waiter的反應是 : "無可能架喎，今日至入貨"。作為食客，見到食材變壞而向餐廳反映時，在我角度並不是要R折扣或是甚麼賠償，只是希望餐廳會更留意食材狀況精益求精。整體來說，服務質素是扣分位，暫時未有encore的打算。

見這間餐廳在做lunch 4人同行，一人免費，今天中午便和家人來觀塘工廈區吃午餐。環境不錯，裝修挺有氣氛。桌上預先放有麵包條，喝湯時可以一起吃。 頭盤是青瓜配風乾火腿，不會很咸，沒什麼特別。餐湯是甜薯蓉湯，很甜很香濃的甜薯味，非常好飲!主菜我們4人都選了香烤美國牛柳伴虎蝦，貌相非常精緻，虎蝦挺好吃，但略嫌不夠濃味。牛柳點了7成熟，但覺得還是好像熟了點，加上我吃這塊有根位，所以有少少韌，可能點5，6成會更好吃。燒汁挺不錯，和牛柳挺配的。伴碟的配菜分別有蘿蔔，牛油果，雲耳，粟米，車厘茄，不過味道沒太大特別。這個餐我選了配有機糙米飯，侍應說是糙米飯和普通白飯混在一起的，不過吃的時候我不太察覺到，覺得和普通白飯沒太大分別。不過這碗飯不會太生太硬，煮得還可以。餐飲我點了洋甘菊紅茶，淡淡的洋甘菊味挺不錯。弟弟則點了特飲--蘋果梳打，我飲了一些，甜甜的也不錯。甜品是檸檬慕絲配奇異果，檸檬慕絲和奇異果都不會很酸，慕絲有淡淡的檸檬香味，挺好吃。優惠後埋單537元，價錢是偏貴，不過食物貌相精緻，味道ok,環境裝修不錯，服務態度好，所以這個價錢來說也是值得去吃的。不過順帶一提，這間餐廳的食物份量也是偏少，

觀塘區工廈林立，近年很多食肆因租金問題，都向這種工廈進駐，在租金壓力相對低的情況下，往往可以令食客用一個相對便宜的價錢享受高質素美食，今晚和朋友便在工廈中的 i kitchen 享受了一頓高質晚餐店員在我們點餐前介紹他們有手工啤酒，我當然先來一支，麥味濃郁，作為餐前飲料的一個不錯選擇。同時店員亦介紹兩人可以試一下他們的 Set Meal for Two，免卻點餐的煩惱，我們當然樂於接受他的建議。第一份頭盤 海鮮凍盤 幾款海鮮都頗新鮮，唯一可惜是當晚生蠔賣完，但補上的凍蝦，蝦肉結實，味道新鮮，沒有因為缺少了生蠔而令我們失望另一款頭盤 威士忌脆煎蟹餅 味道上給了我們一個驚喜，蟹餅雖然是deep fried但沒有太油膩，配上火箭菜和帶點酸味的汁，感覺反而幾開胃餐湯我倆都選擇了牛肝菌茸湯，這個湯口感偏濃，而且牛肝菌味濃郁，我自己偏好濃湯，這款絶對啱我口味今晚的第一道主菜 慢煮美國頂級厚切肉眼，亦是整餐最令我們喜歡的一道菜。當牛扒上桌時，賣相可能不是十分討好，但當你用刀切下的一刹，便知道這塊扒還是很鮮嫩，果然入口咬落充滿肉汁，店員介紹這塊慢煮肉眼廚師每天都要從下午開始預備，亦因此，晚上賣完便沒有

觀塘工廠有好多餐廳待發掘，同友人本身約左係油塘睇音樂會，順道過觀塘食好西。預先做定資料搜集，知道呢到有間唔錯嘅西餐，就晨早訂左位。慢烤雞肉、海蝦、凱薩沙津其實真係估唔到前菜份量咁大，係主菜咁嘅份量，雞肉不算柴，蝦都幾新鮮彈牙不霉。面頭刨左好多芝士，整體偏濃味少少，如果沙津醬減少少就完美🤔法國油封鴨脾配水蜜桃砵酒汁香港好少地方有得食油封鴨脾，油封鴨脾比一般鴨脾少陣膻味，亦比較瘦，咸香咸香。其實淨係擺盤已經好吸引，最鐘意係佢個酸甜嘅汁，用黎點鴨脾一流😋帶子黑松露意大利飯芝士味重，整體感覺creamy，以為會好膩又唔會喎。帶子好似名咁講，輕輕煎過，所以保留到刺身嘅感覺，仲好甜同鮮。🤘🏽

七點半到，環境不算很有情調，勝在坐的是大梳化凳，幾舒服。食物份量足夠，不會太少分量，味道亦唔錯，最欣賞個鵝肝，大大件好滿足😋餐碟亦十分有心思地畫上圖案，唯獨飲品選擇不多，另外於OpenRice 選擇七點半，顯示有八折，但結賬時職員話要七點九前結賬才會有，難道十五分鐘可完成晚餐？！希望改善返，以避再有其他食客誤會和不快，除左呢樣，服務方面，因得兩位職員，需要落單和上菜較慢，但服務態度很好，所以值得一讚