i kitchen (已結業)

餐廳地理位置方便，非常近地鐵站。入到餐廳情調不錯適合情侶，亦有一間細房，可以一班朋友開party，慶祝節日也不錯。今日黎餐廳食晚餐，揀咗雞翼，炸魷魚圈，白酒煮蜆頭盤，雞翼同魷魚圈咋得啱啱好，白酒蜆味道非常鮮甜。而正餐揀咗北海道帶子意粉同美國安格斯牛扒。北海道帶子意粉，帶子煮得啱啱好，鮮嫩多汁，而意粉亦煮得有咬口，非常美味。另外一個正餐美國安格斯牛扒，分量唔細，一個人未必食得晒，而不得不讚擺碟極有心思，用不同的蔬菜磨成蓉來裝飾，既令到隻碟美觀而又可以食用。

近期發覺上樓餐廳好好，較為優靜。今次這間地點近住大型商場，好方便。訂了位，不用等，超好。餐廳氣氛好浪漫，入坐就點起枱上蠟燭杯。店員話揀任何主菜都可以加錢轉餐，餐跟湯，頭盤，甜品和飲品。餐飲選擇好特別，有伯爵紅茶，洋甘菊紅茶，薄荷茶等等。今日餐湯係椰菜花溶湯，椰菜花溶濃郁，勁有椰菜花。頭盤係海膽忌廉海鮮撻，撻皮鬆脆，蛋漿滑，海鮮料又足。虎蝦，蕃茄銀魚柳意粉，虎蝦大大隻，煎得好香，蕃茄汁味濃，意粉彈牙，好味。甜品好靚，細細件，好啱我，而且又唔會太甜。餐飲選擇好特別，有伯爵紅茶，洋甘菊紅茶，薄荷茶等等。

我和朋友經常在觀塘開餐，工廠區有好多選擇，今次特別想食意粉西餐，就來到這間餐廳。一入去侍應服務不錯，快手快腳，舉手好快就會有人應，又會好快收拾餐具，抵讚。環境有點像小酒吧，座位寬闊幾舒服。點了托托蜆天使麵，蜆肉有半隻手掌大，不腥，鮮甜帶點海水咸味。天使麵硬度適中，不會太軟有點口感，芝士味超級濃，每條麵都沾滿芝士忌廉，好食。小小一碟其實已經好飽肚，以價錢來說是花算的。鵝肝牛肝菌意大利飯的菇菌味非常香濃，未吃已經聞到，還加了黑松露，香味更加特出。

在OpenRice找到這間餐廳，發現她原來是我們之前吃過的餐廳的分店，同樣是在觀塘工業大廈，內裏裝修夠晒精緻，給人乾淨新鮮的感覺。見到餐牌推介澳洲穀飼M6和牛肉眼，就點了一客五成熟的，價錢都不算便宜，約180g重，牛肉味道幾濃郁，煎得很香，中間鎖着的肉汁一咬下去很滋味，有玫瑰岩鹽可以沾少少，太多就很咸。另外配菜裝飾得非常精緻，外觀一百分！蜜桃雜莓紅茶有幾香的蜜桃味，雜莓味道比較清，整體不算太甜，很易入口解渴。今晚的晚餐很好吃，很久沒有吃肉眼，對這間餐廳印象加分了。

原來觀塘真的有很多隱世美味西餐廳在工廈大廈，今晚收工就來到I Kitchen，在附近工作的朋友都有介紹過這間餐廳，價錢中上但是環境適合年青人，是現代的裝修而且地方乾淨。黑松露野菌茸湯惹菌味道很香濃，攪碎得十分均勻， 所以很重野菌味，同事保留了粒粒細碎的口感。烤茄子牛肝菌青橄欖番茄長通粉，本身想材料都不是特別的，可能沒什麼驚喜，但是一吃就發現十分美味，首先醬汁的味道是非一般番茄醬，重橄欖油香味，長通粉很彈牙，鋪面的芝士半溶！甜品試了朱古力心太軟，這個較可惜的是做不到流心效果，不過份量和味道都水準之上，加上鮮忌廉和雪糕雖然肥，但真是停不了口。

今日約左男朋友去觀塘睇戲，睇之前就先去食個lunch先。男朋友之前係觀塘返工，所以知道工廈入面有好多小店，由於我話想食西餐，所以佢就帶左我去佢前公司附近既i kitchen。  Set lunch方面包左沙律或餐湯、主菜、飲品同甜品。主菜都有幾款選擇，沙律、意粉、飯同扒類，價錢就由$78到$188。今次我就揀左燒紐西蘭西冷扒松露燒汁配蔬菜，男朋友就揀左牛乳浸煮比目魚配有機糙米飯。  餐湯方面每日都有唔同選擇，今日我地就係大蒜周打蜆湯。本身餐廳都準備左啲麵包條，可以配埋湯一齊食。  西冷扒侍應落單嘅時候問要幾多成熟，我揀咗5成，煎得啱啱好，唔會過熟。擺盤方面亦都值得一讚，而松露汁松露味好香，配蔬菜食都好夾。  男朋友嘅牛乳浸魚比目魚，睇圖都見到比目魚扒好厚，肉質亦幾滑。個汁好香牛奶味，配埋魚食都唔錯。  其實食完主菜都已經九成飽，甜品個size細細件啱啱好，唔會太多。

自從之前係駱駝漆附近工廈搵到間唔錯既餐廳之後,而家都會搵下附近有咩好食,因為價錢同外面差不多,但質素好d今次係巧明街,apm行過去10分鐘唔洗,地點算方便,餐廳燈光偏暗,大家都細細聲傾計,枱之間空間唔會好迫,幾舒適餐牌選擇多,扒/飯/意粉/小食小食要左個一口炸芝士,新鮮炸起熱辣辣,芝士好香,有8粒都唔錯我叫左美國安格斯肉眼,5成熟火喉岩岩好,出面好多時都overcook! 擺盤都幾靚,加分個碟比較大所以睇落好細件,但其實份量夠食,肉味好重亦唔韌,呢個價錢黎講我覺得算不錯主食都可以升級做set, 不過我唔太喜歡沙律,所以就散叫野飲,凍朱古力只係$20, 直情係抵!另外朋友叫左比目魚,做到皮脆肉滑,整體黎講呢間餐廳幾好

是次星期日午餐來，幸好早十五分鐘打電話來，否則高朋滿坐了。午市只有套餐所以即使有點飽，還是點了兩個餐。而最終實在太飽，抱腹而走，因為有硬面包條，餐湯，主食，飲品加甜品。所以說系非抵食。蟹肉意大利飯。只有極少蟹絲和蟹味。整個飯吃上去只有忌廉飯味。牛柳拼虾。虾大小ok，不大不小，肉質爽口，算香。牛肉叫五成，變成全熟，沒牛肉味。份量不算少。加上，可以選擇配飯或者菜。我們選擇菜，菜比較清淡，包含西籣花，翠瓜及木耳。飲品普普，水蜜桃荔枝尚可，還是很甜。甜品也是十分甜的朱古力。

依間餐廳坐得幾舒服，又唔會趕人走，可以慢慢同fd吹下水。Lunch set 可以揀soup pr salad， 我就揀左南瓜湯，係唔錯既。檸檬蟹肉意大利飯我覺得偏咸左d，調味可以輕手d就perfect。個Ribs 煮得幾腍，覺得成餐最好食係佢😍牛肩可以配飯或者菜，但我覺得兩樣唔太夾，我想食薯條多d......跟餐甜品cheesecake 畫左朵花伴碟幾有心機！仲有杯餐飲，叫左凍桃茶，原來真係有桃好surprised!Weekend有8折，每人食左$80，質素ok，幾抵食。

今晚我與朋友來幫襯觀塘工業區「i kitchen」。 雖然是工廠區，但食肆裝修絕不遜色，地方很清潔乾淨，環境很舒服！一口炸芝士：芝士細細塊，容易入口，簡單的菜充滿啖啖濃郁的「芝士味」，很滿足呢！帶子黑松露扁意粉： 意粉很有咬口，帶子清新好滋味，配上黑松露醬，的確一個簡單而又帶點高貴扁意粉！脆皮朱古力心太軟：薄薄的朱古力脆皮包著流心朱古力醬，內胞外軟，趁熱食，非常好味！厚切安格斯肉眼扒： 我地叫了五成熟，厚切肉眼扒有肉味有肉汁，五成熟令肉質咬落去剛剛好，很有質感！

坐低叫餐先呢兩個湯 一個紅菜頭湯，一個選用洋蔥湯， 兩個湯入口完全唔係一般嘅感覺，似乎係用新鮮嘅食材打出嚟咁樣。洋蔥湯 唔使講味道一定濃郁，加條卜卜脆嘅餅脆，點下食下傾下，真係一樂也!紅菜頭湯 用紅菜打出嚟嘅湯，望落去都已經好感受到嗰種熱情，食落去更加意外驚喜，除咗配料之外就係食材。餐前小點幾件，擺設都好靚，見到廚師都好有心思。煎蝦一隻 坐食香口見到海鮮，都係一個好好嘅賣點。蝦沙律份量唔多，少少哋食落，沙律味道非常可口。鵝肝醬一件鵝肝香甜入口鬆脆，淡淡香味都係從外散出，但係一啲都唔覺得漏呀， 廚師煎嘅手勢亦是一絕，從外面香入面一軟，一啲都無影響。帶子扁意粉 見到意粉加咗帶子，呢個配搭係常見嘅，因為帶子整得好帶出味道，食扁意粉係一個幾好嘅配搭。甜品兩件，就好簡單，加埋配碟嘅裝飾，就好似穿花蝴蝶咁，有啲唔捨得食。美國咖啡一杯，飲埋就是個完美嘅餐食。

呢間位於觀塘巧明街既餐廳，已經數唔到成為佢既忠實Fans幾多年🤫空間不算大，以至於每次想食的話一定要Reservation,想Walk in而真係食到的機會微乎其微.....犀利到連樓下個保安叔叔一聽到你話要上2樓食呢間餐廳，即刻就問你有Book位，無Book位唔洗上去架啦🥺因為一定Full Booking！！Waiter 哥哥超nice落Order會好貼心問你係想Share定點架？Share的話會上多兩個碟卑你，飯都自動幫你係碟度分開兩個Portion，呢個舉動超加分🥰，上菜速度都恰到好處，皆因Waiter哥哥睇住客人食既進度，到時到侯先上下一個菜，唔會一下子上到成檯食物，又唔洗點等（繁忙時間或者會唔會有差別呢？）Risotto 濕度適中汁好Creamy又唔膩，帶子鮮甜🥰食落每一啖都覺得好幸福！！🙈BBQ🐷仔骨好入味，唔好以為好難切，但原來好菍熟，口感似慢煮👍🏼Dinner set包含餐湯，Salad（上一個Post其實就係佢個柚子醋三文魚有機蕃茄沙律，個樣都😋！），仲有餐飲及的色甜品，如果好似我咁為食，仲可以加多個心太軟外脆內熔岩....而家唸起都流口水而環境空間雖然不大，但每一檯

呢日係觀塘個頭食晏，過咗午飯時間基本上去邊都唔使等，有啲想食西餐，就去咗試下i kitchen啦。環境好舒適，俾人一種好安靜乾淨嘅感覺。頭盤有得揀由園沙律或者甜薯蓉湯，我地兩個一人叫左一款泥食，沙律好清新但有啲少，甜薯蓉湯好夠份量好有飽肚感，好似食緊薯仔蓉咁。泰式辣肉腸比目魚配蔬菜 $108呢個配撘幾特別，小小微辣嘅醬汁，魚皮煎香左，好可口，而魚肉味道淡，配上醬汁惹味，蔬菜份量睇落好少，但食落又幾夠，而且有幾種蔬菜，唔單調。魚肉嫩滑，唔腥。炭烤鹿兒島豬鞍架配飯 $188炭烤燒完出泥好香，非常吸引，切開肉汁流哂出泥，好juicy，豬鞍肉好厚，食落唔銀，肉質仲有少少彈牙，同一般豬肉唔同，配上偏酸嘅黑醋一流。豬鞍架燒至八成熟，略帶少許粉紅色，服務員話八成熟係最好食嘅。甜品係自製藍莓芝士蛋糕，有心思咁係碟到做少少裝飾，令到甜品好似幅畫咁，見到已經覺得好開心，芝士味好濃，蛋糕唔會太甜。兩個人食左三百幾，個時過左放飯時間，餐廳好似比我地包左場咁，服務員都好留意我地，主動過泥幫我地添水

朋友在觀塘工作，約了他下班食晚飯，因為我好少去觀塘，要靠他帶路搵好餐廳。他帶我去了一間位於巧明街的工厦樓上西餐廳，介紹這間餐廳的食物水準很高，性價比很好，我們就選了這間名字叫I Kitchen的餐廳。工厦俾我感覺比較舊式，但我入到店內裝潢設計非常新穎，地方乾淨舒服，令我眼前一亮。其實除了食物，環境舒適都是享受一餐飯的重要因素。打開餐牌，食物選擇很多，我們選了二人套餐，非常豐富，頭盤有波士頓龍蝦，冰鎮鮑魚，北海道刺身帶子，海蝦，翡翠螺。龍蝦非常多膏，帶子刺身超鮮甜，海蝦肉質爽實，好新鮮👍主菜我們了烤美國安格斯牛柳，所以前菜我們選了意大利火腿鮮果田園沙律，沙律菜非常爽口，好新鮮。安格斯牛柳我強烈推薦，牛柳上枱時已經聞到好香，牛柳雖然厚身，但㕑師烹煮功夫好👍👍表層烤得香脆，內層肉質嫩滑，牛味濃厚，好吃！隨碟附上燒汁，我覺得沾不沾汁都可以，因為牛柳本身已經好juice 。套餐還有飯，我們選了辣肉腸紅花意大利飯。意大利飯的飯粒硬度適中，不會太稔太硬，飯粒沾滿醬汁，醬汁好滑，少少忌廉感覺，好吃。最後甜品是比利時窩夫伴雪糕，為這一餐完美作結，好滿足👍朋友介紹得果然無錯，值得推薦。

今次來到觀塘，見到這間 i kitchen來吃午餐，這間餐廳是主打西餐的。我們叫了兩樣款式，有燒紐西蘭西冷扒,松露燒汁還有酥皮芥末焗澳洲羊柳。首先上了餐湯-薯仔蜆肉湯，湯很濃郁，湯的料都打得很溶，很好飲。上了主食，牛扒叫了5成熟，肉質鮮嫩，很多肉汁。而羊柳食落不會很騷，有酥皮焗，配合羊柳很香。兩種肉類都很新鮮，食落很多汁。兩款主菜都可以配飯或蔬菜。最後亦叫了兩杯飲品，而甜品是藍莓醬慕絲，甜度適中，很好食。