i kitchen (已結業)

同老公結婚都好耐了，平時都好少出外慶祝結婚週年紀念，過去咁多年，都是同家人，一起在家食飯慶祝。難得是家人都外出，只剩下我倆在家，老公提議出外食飯，順便慶祝結婚週年紀念日。走進觀塘地鐵站附近，放工的時間，總是人頭湧湧，不是趕着回家，就是相約在商厦內的樓上餐廳搵食。我倆就是後者，是來找食的。走進餐廳，初時，餐廳的客人不多，但不久，客人就越來越多了。不時，都聽到*生日歌* 送上生日蛋糕，使到每一個客人都感受到氣氛。裝潢雅潔，精緻，坐得舒適。每晚的餐湯，都不同，今晚是大蒜薯仔煙肉忌廉湯，湯底香濃又稠，好順滑。每個主食，加上+58元就可享有甜點、餐湯、餐飲、餐前小食。海蝦慕絲海鮮撻，海蝦大大隻，又爽口彈牙，忌廉好滑香甜，撻皮夠鬆化，又脆口。北海道帶子黑松露意粉，香濃的忌廉加上清香的黑松露掛滿了每一條意粉，份量剛好，不會太多醬汁，香菇菌的菌味夠濃、熱辣辣送入口裏，即溶化，北海道帶子大隻，夠新鮮，爽口鮮甜。澳洲肉眼牛扒，牛扒好厚身，叫左7成熟，上檯時，剛好，切開內裏還有點粉紅，牛的鮮味夠濃，不嚡，好嫩滑，入口牛味慢慢散發出嚟，美味又可口。飯後甜點，朱古力蛋糕，精緻的擺設，蛋糕的朱古力奶味香濃，啖啖濃

今天來了觀塘工作，想起之前來過的I Kitchen，他們的午市套餐不單味道好，而且價錢非常經濟實惠，一於安歌再去啦坐下後，便研究一下今天的餐牌。我們叫了香煎鱸魚柳配松露薯蓉，及酥皮紐西蘭羊柳配芥末籽汁，跟餐還有沙律/餐湯、白飯/蔬菜、甜品及餐飲一杯。餐湯是紫薯蕃薯湯，味道非常清甜沙律新鮮，醬汁酸咪咪的，令人很開胃啊鱸魚柳煎得很香，魚肉肉質嫩滑，伴碟非常精美羊柳正到不得了，肉質有彈性，廚師掌握火候恰到好處，真的食到舔舔脷跟餐可配白飯或改配蔬菜甜品bite size，芝麻芝士蛋糕好香

今日同朋友去觀塘工廠大廈的西餐廳，個lunch set款式都多，好似食晚餐既質素咁，先來兩支餅乾，好像食法國餐般，用來點湯，有bacon的忌廉湯，Set lunch 叫了照燒加拿大牛小排$108，跟了白飯，牛扒有驚喜，一直以為牛小排有骨，點知原來是一塊好淋多肉汁的牛扒，牛味好香，相當出色。另一個set叫了7成熟的烤羊架伴虎蝦$158，賣相好吸引，擺設好像法國菜般咁靚，而且有好大隻蝦，羊架外烤得又香又脆，肉質夠淋配了香草，味道更香，配了雜菜，較健康。餐飲叫了蜜桃茶，有蜜桃肉，同百事可樂。

同好姊妹兩個傾心事，揀咗一間觀塘樓上café，環境夠靜氣氛好grand我地揀咗一個main一個pasta，兩個都加＄58轉做set，有前菜、湯、餐飲同甜品。海鮮批好特別，小小的圓批上面有蝦又有帶子，賣相都好靚，食落好香，真係要讚下廚師的巧手。香煎厚切鵝肝伴紐西蘭牛柳牛柳肉感豐富，7成熟味道剛剛。牛味好香嫩，鍾意食腍身既肉就可以選擇呢個。鵝肝都幾厚身，煎完之後有濃濃的油香味，唔洗點d咩就咁放入口已經好香濃。芝士海膽醬焗龍蝦伴龍蝦汁天使麵有半隻好多肉的龍蝦係上面，上面鋪咗滿滿的海膽醬，龍蝦肉質結實燒得剛剛好，唔會過火所以蝦肉好彈牙，天使麵充滿龍蝦醬汁，好入味，同埋都幾多麵，兩個人share都夠飽。甜品因為我地兩個都唔食朱古力，待應專登轉咗抹茶蛋糕比我地真係好好，抹茶蛋糕整得好香，仲有紅豆係當中，唔會太甜幾好味。

這餐廳位於觀塘的工廈內, 沒有華麗的外觀 , 但當我步入這餐廳, 就會感覺舒適。環境不嘈吵、 食物質素好, 另加上員工的態度 , 都令我感到滿意。 廚師餐湯 : 紫薯湯。 以為是平平淡淡的, 但呈上時, 已聞到濃濃的紫薯香味。入口更是不得了, 從沒試過紫薯湯能這樣幼滑, 紫薯味道也十分濃郁 田園沙侓 : 新鮮蔬菜配合黑醋， 口感清新。 烤羊髀扒配薄荷燒汁 : 有兩件羊髀扒, 羊羶味不會過重, 正合我口味。 不得不提那個薄荷醬, 十分配合羊髀扒, 不可錯過。 套餐可配白米飯或蔬菜, 我便選了蔬菜。 蔬菜只是用水煮的方法, 不需多加重口味調味, 反而是嚐到蔬菜本身的鮮甜味 厚切美國安格斯肉眼 : 配以燒汁、 七成熟的安格斯肉眼, 牛肉味濃, 配以白米飯, 很滿足。甜品: 朱古力榛子蛋糕。 朱古力榛子滑滑的, 味道濃而不膩 飲品 : 凍荔枝草莓綠茶（右）和凍蜜桃雜莓紅茶（在）: 荔枝草莓綠茶較清香。而蜜桃雜莓紅茶有粒粒的蜜桃和雜莓,入口清甜。

丈夫生日在訂座時註明，當日上甜品時為我們加上1支生日蠟燭，很窩心。另外，牛小排好好食，牛味香濃及有肉汁。而且可以選擇蔬菜或白飯，食得健康。在擺碟上看得出有用心的，整體上很滿意。

今日係附近做嘢晏左太肚餓 random走左入黎觀塘工廈餐廳醫肚 呢間餐廳裝潢設計不錯有種高尚嘅感覺！叫左一份香煎鵝肝伴牛柳配白飯，可能係即叫即整關係，等左大約15分鐘先上枱，一上枱見到餐碟擺設好靚，由於太肚餓已經等唔切開動，鵝肝外脆內軟入口即溶，估唔到工廈餐廳都係咁高質嘅食物～～～～牛柳叫左7成熟，唔un超級好味！餐前可以選擇餐湯/沙律，食完主菜仲有甜品上！另lunch set化包埋飲品。overall感覺性價比高，可以再encore多轉！！

今日收工約左老婆到觀塘先開餐再逛一田, 老婆提議去表妹推介嘅I Kitchen嘆西餐, 我地係觀塘站join埋就直接行過去。😁I Kitchen雖然位於工廈區, 不過距離地鐵站都好近, 只需5分鐘左右就行到。餐廳樓底高而且裝修有格調, 同工廈格局截然不同。晚市主食加$58可轉配套餐, 套餐包括餐湯, 頭盤, 甜品及餐飲。我地一人一set, 5 個course都係$200左右。😌海膽忌廉海鮮撻頭盤海膽忌廉海鮮撻撻皮鬆脆, 蛋味香濃, 加上海鮮配料, 味道唔錯。😋南瓜忌廉濃湯南瓜湯非常creamy, 味道清新自然。👍香煎美國黑豚豬肉眼 $156黑豚豬肉眼好厚身, 熟到剛好, 肉質鮮嫩富有肉汁, 配上黑醋汁, 非常惹味。😍芝士海膽醬焗龍蝦伴龍蝦汁天使麵 $170龍蝦肉鮮甜, 芝士海膽醬味道很突出, 天使麵爽滑, 龍蝦汁香甜味美。😌甜品甜品賣相非常吸引, 紅豆抹茶味道唔錯。鮮奶咖啡最後嘆埋杯鮮奶咖啡, 呢餐非常滿足。😋

當連鎖餐廳開到一間又一間的時候，你自不然就會好想到處找尋特色美食。觀塘就是其中一個地方能找到隱世餐廳小店。今日就一嚐了ikitchen，分別點了２款主食並加５８元轉為套餐（有餐湯、頭盤、甜品及餐飲）。是日餐湯：黑松露野菌茸湯黑松露味重，粒粒野菌，非常足料！頭盤：海膽忌廉海鮮撻撻的外皮鬆而不膩，撻上配有海膽泡沫忌廉及凍蝦，頗有特色，亦是不錯的頭盤。主食：芝士海膽醬焗龍蝦（半隻）伴龍蝦汁天使麵此主菜需加入了芝士但不膩，值得一讚是龍蝦上的海膽醬味極為濃郁豐富，愛海膽的人士會非常喜歡！天使麵加入了小粒三色椒，增加整個主菜的味道層次。主食：燒日本水飼豬豚腩肉，蜜糖芥末醬老實說，見到一大舊豬腩肉送上枱時我有點嚇了一跳，心裡就不斷說很肥膩啊！豬腩肉肥瘦各半分明，切上一片片送入口其實不覺肥膩感，相反豬豚肉很軟身，沾上醬汁更加不錯！唯獨個人覺得若豬豚肉能再軟身就更好，感覺會更入口即溶～是日甜品：甜品是餐廳安排的，需少少的２件但另人難忘，因確實的是不錯的甜品！好味！

係工廈中開餐，因租金比較無咁離地，可以食到性價比唔低嘅一餐，相對機會率會高D，就好似呢間西餐廳惠顧主菜/意粉/意大利飯/薄餅，加$58可以轉套餐，有埋餐湯，頭盤，甜品及飲品喎，咁著數無理由唔轉㗎?!是日餐湯為甘荀忌廉湯，飲到甘荀蓉，味道香甜，以特長香脆餅乾條代替餐包，轉下配搭都唔錯!頭盤為海膽忌廉海鮮撻，放係沙律菜上，黃黃地看似芝士撻帶子粒及蝦為餡料，配以海膽忌廉醬汁，鮮上加鮮，撻部分口感及味道似食開嘅蛋撻底，咸中帶少少甜，少少驚喜之作!食過頭盤，主菜出場啦，輕煎北海道刺身帶子黑松露意粉 ($128)帶子略為煎香底面，入口外香內面亦保持軟度，係刺身級材料先可以咁做而意粉加入黑松露醬及菇粒一齊煮，每啖都保證食到黑松露味道，入口creamy; 偶而食到芝士碎片，加添咸香味道，整客好快被食晒!好牛友人點會放過呢客厚切美國黑安格斯肉眼 ($208)，相當配服廚師嘅擺盤心思，以蔬果茸當顔料咁構圖，未食先加分說好了的肉眼，的確係厚切，無咩肥膏位; 點左五成熟，四面燒得香口，切開仍見紅色，肉汁流出!  入口鬆軟中亦帶少少嚼口，加配芥末，食得過!!是日甜品係綠茶慕絲紅豆蛋糕，係碟上畫上花朵，將蛋糕巧妙

位置方便，從apm往巧明街出口一出，過對面馬路就搵到棟大廈。服務很好，會好似食自助餐咁幫我地間中換碟。餐湯很好，唔稀，又大碗。飲完湯好快就上菜。海鮮撻，幾特別，又足料，有蝦有帶子，幾好食。炸魷魚，好食，粉唔多，又夠脆，又唔油。鵝肝配蘋果，我好滿意，咁樣配搭唔會覺得好膩，鵝肝仲好juicy。牛扒配鵝肝，牛扒就冇想像中咁重牛味，但又幾林，而牛扒配鵝肝又係幾夾，又係唔會覺得膩。套餐可以加錢食大蝦，隻蝦比想像中仲大隻，好正！芒果特飲，好味，仲唔會覺得好似出面啲乜乜特飲咁甜。男友生日，我預先打電話落左個心太軟先，叫人地寫字，冇特登叫佢畫野，廚師好細心咁幫我加左啲花上去，好靚！味道很好但入面唔夠流心。另外見到是日精選有個朱古力凍餅又叫左件，朱古力味濃，但都係心太軟濃啲。價錢唔算好平，但我地19:45前埋單離座有折就抵啲。唯一不足之處係我地坐喺廁所出面，隔個左櫃，雖然冇聞到味道，但啲人出出入入就唔太好。

觀塘西餐有好多選擇我今晚黎到ikitchen地點非常方便係地鐵站行幾分鍾就到既巧明街上到黎係好寧靜環境非常舒服我同朋友兩人點左酥皮釀焗鵝肝醬紐西蘭羊柳芝士海膽醬焗龍蝦(半隻) 伴龍蝦汁意粉大家都加左$58 套餐有餐湯 蘿蔔湯 熱辣辣 甜甜的三文魚多士非常足料三文魚好開胃 夾埋香脆多士主菜賣相非常靚有足料半隻龍蝦個人非常欣賞個芝士海膽醬同龍蝦好夾 天使麵都索哂個醬汁酥皮釀焗鵝肝醬紐西蘭羊柳睇得出廚師好用心擺盤酥皮厚度岩岩好羊柳7成熟肉質香軟配埋自家製既醬汁酸酸地中和番肉既油膩感非常之好味道！另一方面要讚店員既服務質素極有禮貌 效率成餐飯都食得好開心

相約同事放工一起去食西式晚餐，餐廳位於觀塘工廠區，鄰近港鐵站，交通方便。餐廳內部環境優雅，員工服務有禮。多款主菜供選擇，加58元便可轉為套餐。雜菌湯配特長餅乾條，湯味香濃，有很多雜菌碎粒。海膽忌廉海鮮撻，熱辣辣，餅底很鬆化，蝦肉爽脆，帶子鮮甜。香煎厚切鵝肝伴紐西蘭牛柳208元，鵝肝表面香脆帶少許鹽味，鵝肝肉入口即溶， 十分惹味。牛柳肉汁多，肉嫩不韌，牛味濃郁。輕煎北海道刺身帶子黑松露意粉128元，黑松露味很香，刺身帶子鮮甜，意粉忌廉味香濃。甜品賣相美觀。飲品款式多。結論：美味抵食。

今晚嚟到觀塘嘅ikitchen，落咗巴士行幾分鐘就到啦。我哋叫咗兩個主菜，之後再叫多份小食香脆魷魚圈，最鍾意脆卜卜香口嘅食物。而且加$58就可以轉做套餐，有頭盤海膽忌廉海鮮撻、餐湯同甜品呢，都好抵呀~ 頭盤嘅海膽忌廉海鮮撻，撻皮脆脆地又甜甜地，仲啖啖都有海鮮呀！先上嘅喺厚切美國黑安格斯肉眼，五成熟度啱啱好，肉質細嫩而且牛肉味道濃，油脂入口即溶呀，加埋醬汁yumyum！而醬燒美國豬仔肋骨，肉質好軟熟，而且肉汁豐富，食完都覺得東好邪惡呀。最後唔少得嘅緊喺甜品啦~

今晚同男朋友去觀塘食dinner，佢揀咗呢間餐廳，質素令人出乎意料👍🏻我地一人叫咗一款食物，其中一款有upgrade 加$58做套餐，有海膽忌廉海鮮撻、廚師餐湯、是日甜品，同埋一杯飲品～海鮮撻外皮鬆脆，入面焗到啱啱好，雖然海膽味唔係太突出，但有蝦同元貝仔幾好味。餐湯好滑，平時飲得多忌廉湯，轉下蔬菜口味都幾好！輕煎北海道刺身帶子，黑松露意大利飯 ($128)賣相好睇，帶子大粒好吸引😋值得一讚嘅係有時啲意大利飯會煮到生熟唔均勻，但呢到完全無呢個情況💯👏🏻黑松露味道適中，有時太濃郁反而會感覺好膩。燒日本水飼豬豚腩肉 ($148)一開始嘟嘅時候都有諗過會唔會好油膩，但結果係相反，一啲都唔會覺得好肥。肉質好結實，但又唔會好「鞋」好硬咁樣。味道方面，個人覺得唔點醬都okay，但點醬會有一份鮮味可以帶到出嚟😋腩肉好厚身，抵食👍🏻是日甜品係芝士蛋糕～擺碟有心思，畫咗隻蝴蝶好靚👍🏻芝士蛋糕上面有啲石頭朱古力，同蛋糕唔算太夾。味道就幾好，幾smooth又唔會太酸或者太鹹～另外再叫咗朱古力心太軟 ($68)伴碟同樣都係好有心思，朱古力外表微脆，入面好鬆軟，朱古力漿無流出嚟，但係軟心嘅感覺都好好食😋另外唔會係