i kitchen (已結業)

近年觀塘愈來愈多好餐廳，所以到觀塘搵食絕不會錯。今晚去了這間比較高質的西餐廳，歎一歎牛扒同海鮮～香煎刺身帶子這三隻帶子十分大隻，加上香草煎香，鮮味濃厚，同時都很香口。香檳煮紐西蘭托托蜆呢一個真係好好味，蜆肉好大隻，從未試過咁大隻的蜆，份量雖然只有5-6隻，但每隻肉汁飽滿，充滿鮮味，絕對值回票價。松露芝士焗生蠔焗蠔要做得好不易，又想吃到面頭材料的香口，又想吃到蠔的鮮甜，而這裡的蠔便做到，面頭松露芝士的惹味跟生蠔的鮮味配搭完美。澳洲M6和牛我們點了七成熟，和牛一直是最好的牛肉，每次都吃不夠喉，由其有少少脂肪的部分，入口即溶，要做多幾日運動都值得！原隻波士頓龍蝦肉質鮮甜，能夠吃得出是新鮮的龍蝦，加上面頭焗芝士醬料，是很好的享受～

這天和朋友在7點左右到達觀塘，先找地方填飽肚子，再走走海旁聊聊天。 我們找到這家西餐店，大概7:15，那時候店裡不算多人。雖然已經過了聖誕節但是燈飾和裝飾的佈置確實花心思，整體環境佳。我們先選主菜，朋友選了黑豚豬肉眼，而我選了雪花鱸魚的意大利飯。 朋友升級了套餐，而我沒有。套餐包了一份湯，一份餐飲，還有海膽忌廉海鮮撻和甜品。 湯喝下去很滑，而那個撻很好吃 裡面有蝦，而且外皮也挺脆，吃起來有驚喜。 黑豚豬肉眼很好吃，肉質有口感，配上醬汁後很開胃。而鱸魚也不錯，魚肉嫩和芝士很夾，但意大利飯發揮普通。 我們還叫了一份雞翼，外皮的芝麻很香，裏面的肉也很嫩。總的來說這家店在觀塘裏的確是不錯的選擇。

呢日同另一半週年紀念，諗住搵間公司附近近近地收工去食，就上網見到呢間comment都唔錯，所以決定黎試下。我地叫左兩個main cours，每人加左$58轉左set dinner，set dinner包埋湯、頭盤、飲品同埋甜品。呢個蘑菇湯好濃味，而且佢唔係好稀既湯，湯內有蘑菇蓉的。頭盤呢個海膽忌廉海鮮撻海膽味好出，入面海鮮有帶子有蝦一d都唔馬虎。main cours首先叫左呢個煎鵝肝配牛柳，鵝肝真係非常之厚身，性價比高👍🏻牛柳我叫左五成熟，好林身牛味好突出👍🏻pasta叫左呢個帶子黑松露意粉，帶子好大粒，黑松露味道好重，好好味🤤兩個人食左大約$500，好抵食，而且食物方面亦都好高質一d都唔馬虎，咁既價錢食到約似高級餐廳咁既質素認真唔錯👍🏻

今晚去到觀塘樓上鋪網上訂左既貨之後同家人係附近i kitchen食晚餐。去到店員見我哋拎住咁多野就幫我哋放好話走先拎，抵讚咁就坐得輕鬆好多。睇完餐牌就點左魷魚圈，黑豚豬肉眼，芝士煙肉蛋黃醬意粉，加58轉餐有海膽忌廉海鮮撻同餐湯。魷魚圈：香口好味，又爽口彈牙。海膽忌廉海鮮撻：海鮮鮮味，份量都不少，撻都好香口。餐湯：南瓜味濃忌廉令到湯更香。黑豚豬肉眼：黑豚肉肉味濃，肉汁夠多，肉質良好。芝士煙肉蛋黃醬意粉：蛋黃醬香，混合一起吃真係好味道。餐飲選了薄荷茶同檸檬水都正常。甜品唔算好甜，朱古力味香。

觀塘巧明街工廈林立， 也有很多樓上隱世餐廳 不 愁在哪裏放工沒有選擇。今晚約了朋友去i-kitchen 晚飯， 餐廳裝修頗有氣氛， 有自家小店feel。點選 主菜加$58 有前菜，餐湯，飲品及甜品～ 少有嘅齊全， 非常豐富！餐湯「大蒜煙肉薯仔湯」， 大蒜嘅味道唔強烈， 反而有好香嘅洋蔥味， 煙肉薯仔也是不錯的配搭～前菜: 酥皮海鮮撻酥皮好香， 裏面有蝦和小貝煮， 海鮮味泡沫也令人有些驚喜， 味道唔錯還微微暖的。 海鮮撻底部還有沙律菜～ 相當平衡。虎蝦，番茄銀魚柳意粉虎蝦很大隻煎得很香， 肉質很紮實但蝦鮮味稍嫌不足。 銀魚柳相當鹹香， 但似乎分量過多，意粉整體偏鹹。酥皮鵝肝醬羊柳朋友試另一款主菜，酥皮鵝肝醬羊柳。 七成熟羊柳切开覺得好似有十成熟， 包住嘅鵝肝好香好滑， 再配合牛油焗酥皮， 香口滋味， 好適合鍾意食酥皮嘅朋友。這杯凍朱古力唔錯， 可可味濃郁， 奶泡綿密。是日甜品， 慕絲蛋糕， 擺盤好靚， 小巧精緻！餐廳雖然差不多滿座， 但唔覺得好嘈， 寧靜舒服地享受了一頓晚餐～❤️😋

放工 想食餐好去預備聖誕黎左觀塘工廠區既i kitchen係滿心期待既響門口佢地既佈置 已經好有氣氛 ..係似間bar 多d 地方都寬敞見到特別推介 都覺得吸引選擇都幾多 款式特喇我點左個香煎黑豚豬肉眼配意大利黑醋配埋set 加58蚊有埋頭盤,湯,甜品同飲品 朋友仔點多個意大利飯 同小食share呢個係頭盤 海膽忌廉海鮮撻個撻好鬆脆 裡面係忌廉mouse既海膽sauce質感好特別 海膽味偏淡呢個野菌湯 好濃厚既味道係本人偏愛 配埋上面脆脆既餅乾飲完好暖又滿足小食點了 這個焗蠔 有3大隻焗蠔 焗得剛好 唔乾係新鮮厚肉的到主菜喇 好繽紛既顏色 佢個豬煎得好脆身所以食落去 個外脆內軟 加上厚身的確啖啖肉 配個黑醋 係中和番油膩感好match呀上面綠色係青豆蓉 中間係紫薯蓉 右係甘筍蓉擺碟都都幾有心思呢個係香煎帶子既黑松露意大利飯充滿菇同黑松露既香味 意大利飯有咬口 帶子都夠大隻鮮味甜品就簡單左d 如果焗cake會開心但上面石頭朱古力係小時食開 好懷念呀總括係滿意既一餐!

之前朋友幫我慶生, 選了間近我工作地點, 是工廠區內, 外表雖不怎樣, 但裡頭裝修不錯, 而且人好多, 環境都舒服, 難怪都挑嘴既朋友會選呢間來。朋友選了主菜再加錢變套餐, 因為是生日飯所有好開心。第一道來個湯, 很香菌味, 喝得出是熬出來不是沖出來, 光這點就比好多連鎖店強。前菜是好有特色既海鮮撻, 食起來好香口, 味道好清新。我點了虎頭蝦意粉, 蝦肉不少,啖啖肉的,麵粉彈口爽身, 醬汁夠香濃惹味, 好味道~朋友果然知我喜好餐後有甜品, 小小個不會太膩但又滿足到我想食甜品欲望。食完好滿足~開心>W<

臨近聖誕，約朋友食飯，來到這間，聖誕氣氛不錯。擺枱疏鬆，留有空間，裝修驟眼睇似係去咗中環餐廳，高級。食物有驚喜。香煎西班牙辣肉腸，少辣，偏乾脆是日廚師餐湯紫薯湯特別，不是hea做酥皮鵝肝醬羊柳，厚切羊7成熟不酥，餐廳職員會問你要唔要薄荷醬。鵝肝醬present 吸引鱸魚菠菜枝豆意大利飯，菠菜枝豆配飯有口感，鱸魚新鮮。以工廈來講，食物有新意，不是普通菜式，食完印象難忘，用心製作, 兩人約$250，合理.

前幾日約咗朋友臨近聖誕食返餐好嘅。於是揀咗觀塘呢一間嘅西餐廳，請朋友介紹呢度嘅西餐唔錯所以來試吓。呢度嘅環境比較幽暗，感覺好高級，有朋友嚟傾計食飯真係唔錯，而且又夠靜我哋叫咗兩個主菜，加$58就有頭盤，湯，同埋甜品。呢個湯係紫薯忌廉湯， 鍾意紫薯嘅你一定鍾意，好重嘅紫薯味道，亦都好濃郁， 湯好甘甜然後都食主菜，呢個係油封法國鴨髀半煙肉煮白豆，鴨比外面真係非常之趣，而且裏面唔會吼焗到乾晒，因為我試過一啲係裏面乾晒好柴皮嘅感覺， 而呢一個絕對冇呢個問題，肉質仲好多汁，啲啱用可以就可以撕開，下面嘅煙肉煮白酒就充滿着煙肉嘅鹹味但又唔會好鹹，加埋啲冇乜味道嘅白豆就好均衡好似鵝肝半紐西蘭牛柳，上面嘅鵝肝煎到剛剛好，火候控制得好好，唔會令到個鵝肝個熟，鵝肝本身味道亦都好甜，冇腥味。而牛柳味道好香濃，個成數係同我地叫嘅一樣，好重牛肉味。食完主菜當然要食埋個甜品，係芝麻mousse,黑芝麻味好濃郁，又唔會太甜唔錯

這天休假，坐船過對面海吃下悠閒寫意的中午飯。觀塘區很多餐廳都在工廠大廈上，但裝潢卻一點都不馬虎呢！快要踏入聖誕，佈置已經充滿濃濃的聖誕味道，場面溫馨。午市套餐夠抵食，而且一點前結帳有優惠呢！剛好這天看見旁邊的幾枱人在開party呢。前菜可選湯或沙律，都挺有水準。煎鱸魚比較清淡，適合喜愛健康的人士。吃下口感少少乾，但配菜和薯蓉都挺好吃。羊柳卷用酥皮包著，比較膩。但羊柳很大塊，配酸酸辣辣的醬吃很惹味呢！厚厚的羊柳好彈牙。可選飯或雜菜。飯是珍珠米，非常好吃，雜菜也不錯。跟餐甜品還有靚靚的brownie。

香港的餐飲業近期經歷著非常的低潮,作為識飲識食的港人都不約而同地減少外出用餐;但見最近社會氣氛有點改善,而好朋友始終需要見面,來個輕鬆的晚餐相聚是最好不過的事了!好友想在觀塘聚餐,目標是可免可瓶費的西餐廳;各自問了親朋戚友,又用Openrice大神搜索了一番,得出了--i Kitchen,這個看上去頗滿意的結果;先打電話去訂位,問明了是可免開瓶費;這晚約定好友在觀塘地鐵站相等,之後一起走過去,約莫10分鐘的路程,看街上回復了相當多人流,心底多少覺得算是好事吧!位於工廈內的這間餐廳頗有私房菜格局;合適的餐檯編排,讓人置身在內感覺寬鬆舒服;以紫白色為主調散發出柔亮的燈光,頓添幾分浪漫!再稍稍來點聖誕的佈置,提醒了客人佳節將至;加上鄰座的客人都比較斯文,形成了清幽的氣氛很適合朋友或情侶的聚餐,更突顯了小店的可愛之處!其餐牌具備了一般傳統西餐所應有的食物種類,包括餐湯,前菜,小食,頭盤,薄餅,主菜等,而且價錢十分合理,從而也令人很易挑選到適合的食物;好友與我各選定一款主菜,再加數十元更可組合一個套餐,值得讚讚;先上來的餐湯--南瓜蓉湯,將南瓜蓉與忌廉湯完美的融和,入口啖啖都是甜美的南瓜味,忌廉

又約了住在觀塘的朋友吃飯想找一間舒適的餐廳慢慢吃一頓朋友推薦了這一間位於工業區的 — i kitchen 餐廳內已擺放和掛上聖誕裝飾 滿有氣氛芝士海膽醬焗龍蝦伴龍蝦汁天使麵龍蝦半隻 肉質鮮甜幼細天使麵配上龍蝦汁 味道很夾 不錯不錯厚切美國安格斯肉眼扒牛味濃濃 點上牛肉汁和芥末醬 肉味更出更香 以蔬菜點綴作伴碟 美觀又好吃/加$58可轉套餐蒜蓉火腿薯仔湯餐湯質感細滑 加入薯仔蓉粒 口感更豐富海膽忌廉海鮮撻芝士撻加入鮮蝦和元貝 十分豐富撻皮香口鬆脆 很好味的頭盤荔枝草莓綠茶荔枝咪清甜 帶陣陣綠茶香是日甜品：綠茶紅豆蛋糕以果醬和朱古力拉花襯托 好有心思綠茶味道濃郁 伴碟加了不同種類的水果還有兒時回憶石頭朱古力

今晚到了一所位於觀塘舊工業大廈晚饍，十分有質素。甘筍湯很濃稠，相信是自家製，很香甜的甘筍味，配上餅乾條一起吃，味道不錯。海膽忌廉海鮮撻除了海膽外，內有鮮蝦、帶子及海膽，跟朋友一人一半，切開沒有散開也包括所有配菜，份量不小。松露芝士焗生蠔一碟有三隻生蠔，每隻都有手掌般大，肥美，松露及芝士完全帶出生蠔的美味，有海水咸味，建議必吃之選。輕煎北海道刺身帶子，黑松露意粉帶子經煎後，鮮味被鎖在內，配一點蠔醬更鮮美，外脆內嫩。意粉內充滿黑松露及蘑菇，充滿香氣，十分香滑。香煎美國黑豚肉眼，意大利黑醋醬黑豚肉眼肉汁鎖在扒內，切來的肉眼不會嚡，扒邊煎得香脆，每件肉眼吃落都包含脆皮，像同時吃乳豬及燒肉般。甜品頗有心思做的紐約芝士蛋糕，師傅用了不同顏色的醬料做了一幅簡單精美的汽球背景，令本來簡單的芝士蛋糕，吃來令人很高興。大眾化的價錢，卻享受到酒店級的西餐，環境、服務及氣氛都不錯，絕對應該一試。

今日約左好耐無見既朋友，佢揀咗呢間餐廳，我記得之前都食過一次，感覺很不錯臨近聖誕，餐廳內充滿著聖誕佈置餐湯：甘筍湯呢個湯好足料，超多甘筍茸，口感好實在甘筍既清甜滿佈口腔香煎鵝肝伴牛柳個賣相好靚呀法式的擺盤牛柳要左7成熟，煎得岩岩好肉質好軟腍，完全無痴牙既感覺牛味都好突出不過有少少美中不足既係有啲根！而鵝肝煎得好香，聞到已經好想食！不過呢塊鵝肝既口感不是入口即溶，有少許失望香煎鯛魚柳配柚子香草醬呢個超合我口味呀鯛魚肉質超滑，外層煎到微微香口，加左少許鹽同黑椒，味道好掂再加埋個柚子香草醬，甜甜地，出奇地好match呢個真係好好食配左蔬菜，健康哂甜品：呢個慕絲有點遜色，味道比較普通

餐廳環境一般，但食有驚喜價錢合理立陶宛白啤酒，唔錯塊牛扒5成熟煎得幾好味,好香牛味，但就細塊左d塊豬扒味道正常,個賣相有加分蘋果批呢個pie 好食，賣相同味道都ok