i kitchen (已結業)

觀塘工廈餐廳遍佈林立, 除了食物質素要好之外, 服務亦佔餐廳好重要嘅因素，所以我會留意每間餐廳既服務態度餐廳帶點韓系cafe裝修，簡潔乾淨一入內，服務員好細心為我朋友推櫈，跟我地講解是日餐湯，Today special 等等， full house 既情況下，只得2位服務員，但佢地態度亦十分有禮貌，還不停為我地加水只要order 主菜/意粉/飯或薄餅類，加$58 就可以轉套餐(頭盤+餐湯+甜品+飲品), 十分超值！頭盤： 海膽忌廉海鮮撻雖然不太吃出海膽的味道, 但有著香濃忌廉還有香脆餅撻,已經十分好味香煎美國黑豚豬肉眼 $156配上意大利黑醋醬，醬汁酸酸十分開胃，黑豚豬煎得剛剛好，夠juicy 輕煎北海道刺身帶子黑松露意粉$128刺身帶子煎得十分香口，帶子很新鮮，一入口令人驚喜，香濃黑松露汁配意粉，creamy +$68 厚切鵝肝鵝肝煎得香脆，配上菠蘿，令入口感覺不太膩，配搭得宜是日餐湯： 甘筍湯餐飲： 荔枝草莓綠茶餐飲不是一般凍檸茶/咖啡，可以選擇其他$24 飲品不用加錢，多選擇，正甜品： New York cheese cake欣賞工廈餐廳都有優質嘅服務態度，真的值得推介

係觀塘想食高級西餐廳，搵到這一間 i kitchen。小食點了黑松露薯條， 薯條即炸很脆不油膩， 配上香濃的黑松露醬， 令人很想一路吃下去。香煎北海道刺身帶子配黑松露意大利飯加58蚊升級套餐會有海膽忌廉海鮮撻， 磨菇忌廉湯，餐飲同甜品，超級抵食。 第一次食海膽忌廉海鮮撻， 所有海鮮都非常新鮮，好好食。 磨菇忌廉湯， 用磨碎了的蘑菇煮成， 很重磨菇味，讚！！ 再講香煎北海道帶子刺身配黑松露意大利飯， 意大利飯用超正宗手法煮， 散發出濃厚的黑松露香氣， 北海道帶子煎的時間剛剛好， 恰到好處不會太老， 有清甜的帶子味道。另外還點了酥皮焗鵝肝醬紐西蘭羊柳， 一上菜整個賣相就非常之精緻吸引。酥皮很脆，鵝肝醬味道濃， 而且五成熟的羊柳煮得啱啱好， 煮得很軟熟入口即溶而且唔會見到血水， 再配上薄荷醬， 非常的配搭。甜品點了鏡面伯爵茶朱古力凍餅配雲呢拿雪糕， 賣相望落去已經十分之吸引。 朱古力凍餅不會太甜， 口感綿密，配上雲呢拿雪糕都不會覺得太肥膩。

和朋友在觀塘apm看完戲後搵餐廳吃飯想起這一間舒適的餐廳 — I Kitchen吃過一次味道和環境都不錯 便決定再來吃晚飯一人點了一個主菜加$58轉套餐包餐湯、頭盤、飲品和甜品廚師餐湯 紫薯湯餐湯質感細滑 加入紫薯粒 口感更豐富海膽忌廉海鮮撻芝士撻加入鮮蝦和元貝 十分豐富撻皮香口鬆脆 很好味的頭盤烤虎蝦 香辣蕃茄銀魚柳意粉虎蝦兩隻 烤得很香蕃茄醬帶點酸酸的 十分開胃 芝士海膽醬焗龍蝦伴龍蝦汁天使麵龍蝦半隻 肉質彈牙 吃下去鮮甜幼細天使麵配龍蝦汁味道很夾 不錯香煎美國黑豚豬肉眼 意大利黑醋醬黑豚豬眼肉肉質鮮嫩彈牙配上黑醋醬味道特別 又夾又好吃伴碟裝飾也有心思 是日甜品 綠茶紅豆蛋糕以果醬和朱古力拉花襯托顯得更精緻綠茶紅豆味道濃郁 一口吃下去剛剛好

朋友在觀塘附近工作，特別推薦這家餐廳。雖然位於工廠大廈，但內部裝修也不馬虎，偏暗的藍色燈光，富有情調，安排座位前，餐廳提供消毒物品，防疫衛生做到足，令食客安心用餐。所有主菜、意粉、薄餅和意大利飯加$58可升級為套餐（ 包括餐湯、頭盤、甜品和餐飲），我們分別點了兩個套餐。今天的餐湯是南瓜湯，香滑的南瓜蓉，口感細滑健康又美味 ，配了一條長餅乾佐湯食用，口感不錯。海膽忌廉海鮮撻這個賣相很特別，看得出廚師對食物別出心裁，除了有味道，還注重質感賣相，餡料有一隻大蝦和帶子粒，大蝦彈牙爽脆，撻皮鬆脆，而且啖啖充滿牛油味，芝士海膽醬焗龍蝦伴龍蝦汁天使麵半隻龍蝦鋪滿芝士，芝士很香滑，龍蝦新鮮肉厚，啖啖滋味。龍蝦汁味道香濃，每口麵條掛滿龍蝦🦞汁，不咸不膩，令人回味。香煎厚切鵝肝伴紐西蘭牛柳鵝肝口感細滑，入口即溶，外脆內軟，火喉恰到好處。西蘭牛柳7成熟，肉質鮮嫩多汁，油脂均勻，牛味香濃，沾上醬汁，更覺滋味。飯後甜品甜品精緻，味道不過不失，賣相也不錯，豐富美味的晚餐，滿足了一整天疲勞的身軀，靜靜的在鬧市中和朋友享受晚餐。

今天同朋友慶祝生日，佢係官塘地頭蟲，最鍾意四圍搵好野食。佢帶左我到冠力工業大廈二樓嘅i Kitchen，入到去完全沒有半點工業大廈的感覺，浪漫的氣氛加上柔和的背景音樂，讓人很放鬆。Appetizers - 紫薯湯、海膽忌廉海鮮撻不同一般西餐的紅白湯，餐廳絕對有在菜單上下了功夫。Snack - 扒德國肉腸拼盤有巴雷特豬肉腸、維也納芝士雞肉腸、黑椒牛肉腸伴炸薯條🍟三種腸仔組成，個人最喜愛芝士雞肉腸，咬下滿口維也納芝士。豬肉腸配Mustard醬也是惹味的配搭！Main Course - 香煎厚切鵝肝拼紐西蘭牛柳牛柳意外地鮮嫩，口感跟味道兩者兼備，七成熟煎得剛剛好，製作用心。配上皇牌配搭的鵝肝，教人一刻愛上Main Course - Carbonara每條意粉也沾滿醬汁，煙肉香氣𡂈鼻，淋上原個蛋黃之後更加錦上添花建議各位可加$58追加頭盤、餐湯、是日甜品及飲品，因為甜品絕對會有驚喜 在這裏就先賣個關子

最近很喜歡作新嘗試，專登尋找工廈上既美食，一來可幫襯小店支持一下，二來個人覺得在工廈裏的餐廳食物同服務質素都很好，很用心今次來了觀塘巧明街的冠力大廈，餐廳給人感覺很有情調，還以為自己在Soho區呢～一進去員工會幫忙探熱，消毒用品亦都齊全令我們食得放心!首先點了餐湯黑松露野菌茸湯打碎既野菌同黑松露混為一體，好香濃!好有菇味!好creamy 主菜點了厚切美國安格斯肉眼肉眼如此厚，但不會太生，火喉控制得岩岩好!肉質軟腍，值得一讚的是餐廳自家制的芥辣醬，非常好味!和平常食的芥辣不同波士頓龍蝦，龍蝦汁天使麵龍蝦新鮮多汁，咬落啖啖肉，配埋龍蝦汁好美味!和天使麵非常夾另外如點主菜加$68 選厚切鵝肝鵝肝煎得非常非常香脆!上碟會跟埋塊菠蘿一齊食，超好味，個人十分喜歡最後還加了甜品朱古力心太軟配雪糕，想不到會有埋雪糕，心太軟亦做到外脆流心效果，讚!最喜出望外的是，咁有情調食物服務質素都很好的西餐廳，價錢一點也不貴!難怪在用餐時都見到有不少客人呢！

朋友喺觀塘返工，帶我去附近工廈覓食，估唔到嘢食出奇地有出準，仲好精緻！選擇幾有彈性，主菜全部單點。 想豐富啲，叫個主菜、意粉、意大利飯或者PIZZA都可以加$ 58轉套餐。套餐包頭盤、餐湯、甜品同餐飲。頭盤【海膽忌廉海鮮撻】酥脆嘅撻皮，牛油味好香，撻入面加咗啲粒粒海鮮，面頭仲有啲泡泡，好食。餐湯係菇菌湯，足料但味道一般。 【香煎美國黑豚豬肉眼】份量唔算大，但都幾厚。 輕輕一切已經可以切開，肉質彈牙，又有肉味，配上意大利黑醋醬大大減低滯膩感。【焗原隻波士頓龍蝦配芝士海膽醬】新鮮焗起，用叉一起肉就食得，好滋味。要讚一吓兩個主菜都用豆蓉、南瓜蓉、紫薯蓉做伴碟，顏色好靚，令人食慾大增。 甜品【芒果慕絲】雖然係細細件嘅小甜品，但裝飾得好有心思，影相打卡一流！餐飲都係嗰啲，凍飲唔駛另外加錢。整體食物好高質，會encore。

經常都同朋友去官塘工廈食飯，今次這間很近地鐵站，非常方便。這裡的招呼很有禮貌，而且食物質素也很好。只要order 一個主菜，加$58就可變成套餐，有餐湯，前菜，甜品及餐飲，非常抵。今日是南瓜湯~湯內有少許南瓜蓉，非常清甜。前菜是鮮蝦海鮮撻~賣相不錯，蝦很新鮮，加上黑醋沙律，非常醒胃。主菜是香煎北海道刺身帶子黑松露意大利飯~帶子鮮甜與意大利飯很配，忌廉汁不太濃，剛剛好，好好味。香煎美國黑豚豬眼肉配黑醋漿~豚肉肉質很嫩，味道可口。另外加了香煎西班牙辣風腸~味道越食越好味，配酒一流。

嚟呢度食過幾次午餐，今晚試下佢哋嘅晚餐。餐廳選咗藍色調子，氣氛唔錯Main course唔少選擇，加$58可以轉套餐，包括餐湯，頭盤，甜品，咖啡或茶。硬係轉喇先嚟香蒜薯仔湯，薯仔係打到溶曬嗰隻，幾滑，仲襯上長餅乾，型。頭盤有海膽忌廉海鮮餐，撻面的泡泡很有趣，裡面還有蝦同帶子，撻皮鬆脆，值回票價揀咗烤虎蝦，香辣蕃茄銀魚柳意粉。虎蝦好大隻，新鮮爽口，啖啖肉，真係唔捨得咁快食曬。意粉軟硬適中，仲有唔少配菜另外一款係香煎厚切鵝肝伴紐西蘭牛柳。 厚厚的鵝肝放在牛柳上面，鵝肝香口，入口即溶。紐西蘭牛柳肉質幼嫩，牛味濃沃，伴碟也花心思甜品有芒果mousse，碟面還畫上美麗的花朵，望見都開心以凍朱古力同凍檸茶作晚餐的完結。

喺觀塘商業大廈搵到呢一間iKitchen，由於唔係好肚餓我叫左一個香檳忌廉煮托托蜆。飯後返到家上網查下，原來係紐西蘭cloudy bay clams 托托蜆，佢係貝類海鮮中享譽全球，係紐西蘭最偏遠、海浪洶湧、海水養份高嘅海灘而黎。上網查係因為蜆肉肉厚鮮甜爽脆，無沙又大隻，一試難忘。朋友叫左美國安格斯肉眼，佢話味道唔錯，我偷食左一舊，煮得岩岩好，唔會太老太鞋，牛肉味又夠。仲有最緊要係員工服務態度好，久唔久就黎加水，我同朋友慢慢食，吹水吹得好開心

<環境舒服既觀塘西餐>觀塘有好多工廈西餐 呢間 ikitchen環境舒服 少少幽暗既燈光 食物西餐選擇多 而且唔貴 啱人少少去食個 dinner 👍🏻menu入面有扒 意粉 飯 甜品 小食等等 應有盡有🍴香煎美國黑豚豬肉眼 意大利黑醋醬 156 蚊🐷豬扒有 d燒汁同胡椒調味 豬扒煎得幾香脆 豬肉夠juicy而且佢用紫薯 南瓜蓉等等 present得好靚 整體十分唔錯👍🏻🍴香煎西班牙辣風腸 68 蚊🐷🌶️辣風腸 醃得好香咸 口感煙靭 切成薄切夠彈牙 上面鋪左 d咸芝士 同腸夠 match 🧀 覺得肥膩 可以食 d落左黑醋既沙律菜 🌿 都十分唔錯🍴煙三文魚牛油梨薄餅 148 蚊🍕都幾大塊薄餅 厚度適中 比較似意大利薄身薄餅 好香芝士味 帶 d香咸🧀 上面鋪左 煙三文魚 夠入味 中層有芝士同牛油果 都落足料🥑 加埋 pizza皮既香脆 唔錯👍🏻🍴炸薯條 松露醬 42 蚊🥔🍄薯條即叫即炸 十分香口 帶 d香草調味🌿 薯條幼身 夠香脆有口感 點 d茄汁 同香濃既黑松露醬都好 match#芝士 #牛油果 #薄餅 #三文魚 #炸薯條 #黑松露 #豬扒 #薯蓉 #辣肉腸Score 平均

星期四放工，放工約了朋友到觀塘附近吃晚飯。在冠力工業大廈的「i kitchen」是一間比較清靜的，適合傾計的地方，餐廳面積闊落，燈光偏暗，氣氛不錯的。這家餐廳位於工廈二樓，餐廳空間不算大，修裝都非常新淨及豪華，與工廈殘舊的外表形成強烈的對比。看看餐牌，每個主菜只需加$58元就可以升級成套餐，有頭盤、餐湯、飲品和甜品，非常抵食。我和朋友分別叫了2個套餐。紫薯忌廉湯賣相豐富，口感細滑，飲落淡淡既紫薯味，整體不甜也不鹹。海膽忌廉海鮮撻頭盤是這個海鮮撻，餡料有大蝦肉和小帶子，層次十足，相反海膽味就不太食得出。而撻餅入口酥脆，牛油味香濃，相當惹味，吃過不停。香煎厚切鵝肝伴紐西蘭牛柳這個主菜很抵食，既有鵝肝，也有紐西蘭牛柳。鵝肝都非常足料，油脂均勻，入口即溶，質感幼滑，十分惹味！紐西蘭牛柳7成熟，肉質鲜嫩多汁，結實軟嫩，油花均勻，牛味濃香。食落幾乎無筋，肉汁豐富，入口啖啖滋味，令人一試難忘。香煎美國黑豚豬肉眼黑豚肉眼煎過後散發香濃肉香，很有份量，肉質非常軟腍，油脂同肉嘅分怖平均，有彈性和啖啖肉汁，也不會嚡口。而伴碟的意大利黑醋醬味道酸甜甜，味道清新很開胃。荔枝草莓綠茶 蜜桃雜梅紅茶是日甜品是Che

近近地係觀塘搵間cafe食lunch，二人餐半價就即時有位就試試佢。半價二人餐包餐湯，麵包條，一份意粉一份主食，甜品同兩杯餐飲。每人除開$160，係同區黎講嘅價錢偏貴但質素真係普通。餐湯就比較稀，淡身冇料。麵包條好硬，似一包即食嗰啲餅乾咁。餐前沙律係蜜桃鴨胸跟黑醋汁，全部都係現成料，好難唔好味🤣主菜意粉就正常d，蝦算幾新鮮，茹同蒜頭炒香左，意粉質感岩岩好唔太淋有咬口，但偏油。油封鴨脾好淋，完全冇外面煎封嘅感覺，唯一可取就係個肉唔老身嘅。配菜個三色汁真係色素嚟，冇味之餘，d色好嚇人。個扒order七成熟，上碟得五成咁，而且好韌，勁多肥肉。甜品係芝麻奶凍，餅底超厚但好淋🤣 味道不過不失啦另外就係d service好麻麻，侍應全情西臉，叫十次先應咁。呢個質素試一下真係夠哂！😢

今晚放工後到觀塘取貨，原來取貨大廈就是I KITCHEN那一幢大廈，所以順道到I KITCHEN晚飯。只要惠顧主菜，就可以加$58轉套餐，套餐有頭盤、廚師餐湯、飲品和是日甜品。頭盤 - 海膽忌廉海鮮撻海膽忌廉海鮮撻有大蝦和帶子，撻皮有酥脆可口。廚師餐湯芝士海贍醬焗龍蝦 (半隻)伴龍蝦汁天使麵半隻龍蝦已經舖滿半隻碟，非常大隻，龍蝦肉新鮮彈牙，龍蝦汁天使麵味道濃郁又唔會太膩！輕煎北海道刺身帶子，黑松露意粉選用北海道帶子，超厚身，食落好有口感，煎過既帶子亦好香，黑松露醬夠creamy。蜜桃雜莓紅茶雜莓味配上蜜桃粒，飲落開胃。熱檸水是日甜品 – 紐約芝士蛋糕甜品份量剛剛好，芝士味濃，而且不會太甜。

限聚令放寬，即刻約閨密飯聚啦。閨密揀咗公司附近一間工廈餐廳。非常方便易搵。上到去先記得原來兩年前黎過。餐廳的環境音樂都與兩年前差不多，但仍然保持得很新淨，氣氛很浪漫，非常適合情侶或者閨密撐枱腳。 空間闊落，一點也不嘈吵。 侍應服務貼心，一到已經幫我拉凳，還介紹了時日餐湯。食物會食完一碟才送上另一碟，沒有放滿桌子、趕收碟或者不問就取走。 我同朋友食得很開心，輕鬆食了2小時，因為沒有被趕埋單的束縛。海鮮撻 （+58 轉套餐包餐湯，甜品）頭盆是雜菌湯，菇味濃郁，沒有稀了了的，非常有口感。再黎海鮮批，白色的泡泡，非常特別，食落有一種酸酸的味道，十分開胃，內有爽口蝦，沾上酸甜的醬汁，鮮味更特岀。小妹我個人十分喜歡這個海鮮批。厚切美國黑安格斯肉眼 $208水飼豬豚腩肉 $148主菜叫了美國黑安格斯肉眼扒和豬豚腩肉。由於我朋友不吃太生，所以牛扒叫了7成熟，食落也不錯。但如果我自己食，會叫5成熟。厚切果然厚，啖啖肉很滿足。豬豚腩肉的口感及層次亦很豐富，愛吃肥肉的人是非常啱食。 就算不愛吃肥的也不錯，因為肥肉不會太過油膩，瘦肉亦不會太硬，肉汁鎖得好好。套餐甜品朱古力心太軟套餐包了一個小甜品，擺碟非常精緻