Greyhound Café (MOKO新世紀廣場) (已結業)

以前都係泰國食過呢間餐廳見到佢冇乜人排隊所以就來食個下午茶我覺得一般來講食下午茶先比較抵因為有套餐佢個pancake真的好好味啲cream好rich佢個泰式奶茶味道同泰國一樣味道偏甜但係我鍾意飲甜野非常好飲奶味香濃，可能係因為用煉奶另外重點左個單骨雞翼食嘅時候非常方便而且炸得好香脆

Our ordersSalmon carpaccio - yummy as alwaysBasil leaves minced pork with steamed rice. The accompanying soup served was COLD, we sent it back to be re heated. The rice and minced pork was almost cold, room temperature. Taste, +less. BlandWaterfall grilled lamb - ditto, room temperature to almost cold. Taste - was it really grilled? EdibleChargrill squid - not sure if I am eating a squid since there is not taste, but it sure was chewy

平時去greyhound食lunch得散叫，今日去點知有lunch set, 仲好抵食添！$138 (未計加一)就有沙律、泰式奶茶、pad thai同埋daily dessert 朋友就試咗帶子意粉，overall main course同奶茶都高質 不過個classic chocolate cake (daily dessert) 就普普通通，成件都係chocolate sponge cake, 得面頭上有朱古力醬，冇咩特別不過我都推介大家試下個lunch set

All the food is cold and the service is very slow.Need to wait a lot .waiting queue is very slow,not enough waiter

之前經朋友介紹巳經黎食過一次,味道或各方面都可以 所以今次再黎食過 不過今次d味道好似退步左 我地叫左一個咸魚意粉 一個意大利肉腸芝士餡餅同埋1⃣️件cake!!前者個意粉冇咩特別 口感亦麻麻 後者個芝士餡餅 🈵️滿芝士 食既時候亦做到拉絲既效果 但唔夠熱同埋食完兩件都已經有飽肚既感覺 好滯開講都有話女人食甜品就有第二個胃 就算幾飽都好都要食埋甜品先上次黎就食左椰子千層蛋糕 超正今次就試下新野啦 叫左呢個野莓千層蛋糕 🍰 食落係超級酸 too bad 連我咁鍾意食酸野都頂唔順最後埋單4百幾 唔太值 叫個女侍應點餐又扮聽唔到 愈叫愈走 咁既服務態度 下次唔會再嚟

聽朋友介紹來greyhound 試試、好好彩晚上約七點未洗等位、侍應話個半鐘就要還枱並附上餐牌、我地一家三口叫左一個海南雞飯俾阿仔、另外叫了青芒炸鱸魚、冬蔭功海鮮螺絲粉和泰式豬手配糯米飯。海南雞飯不過不失、飯略嫌較硬；青芒炸鱸魚的泰式醬汁非常惹味、又吾會太辣👍🏻👍🏻；冬蔭功螺絲粉味道濃郁開胃，醬汁吾會太多又吾會太少；泰式豬手配糯米飯的豬手皮炸得很脆口、而糯米飯放在手織草盒仔內好別緻、配以惹味特色泰式汁、正！👍🏻👍🏻👍🏻值得一試！🌟最後講講環境👌🏽嘅、但如果枱與枱之間濶落一d 會更好😬

睇完電影~~好想食少少嘢，又想吃甜品，MOKO發掘一下，有點貴格既驚喜...記得，係貴格！高級餐廳的風格，門面都唔多似。不過一坐入去，沙發位有抱枕！好舒服~~ 點了脆炸粟米蟹肉餅配甜酸醬和泰式迷你排骨生菜包這兩個小吃~和朋友談談心，是不錯的地方~~ 飲品叫了一個Pick You Up (Grapefruit, Pineapple, Banana)和Lemongrass Tea。 Lemongrass Tea~~味道香濃，天氣凍凍所以飲一下都好。 泰式迷你排骨生菜包~~~ 好好味啊！肉和似雞軟骨，外脆又香口，包著生菜好開胃！ 脆炸粟米蟹肉餅配甜酸醬~~小吃當中，這個都算中上！ 內軟的蟹肉令個餅好好味，蟹味唔算突出，但有粟米粒有口感。不過我比較喜歡生菜包。 之後點了一個甜品~~ Thai Pandan Custard Crepe Cake！！好期待啊~~~~班蘭+千層，第一次品嘗！ 甜品上的小馬好可愛哦~~~~ 好香班蘭味~~而且個千層做得好好，不易散開！ 而且唔算好甜，所以是晚上甜品之選！！ 啊~~~這個值得推介，不過真係貴左少少...T.T大家可以T

看見店又進來了，東西還是挺好吃的，牛油果鮮蝦沙拉牛油果熟度剛剛好，蝦也新鮮，帶子意面裏的帶子非常鮮美，面偏硬是我喜歡的硬度，白汁意面醬汁略淡，一套吃下來有點膩，本來還想吃椰絲千層，實在吃不下了

Greyhound Cafe 係我同同事們嘅愛店之一, 佢地 更連去到泰國都要食...我地好少黎旺角店, 因為之前黎過幾次, 嘢食質量都係比其他分店爭啲啲呀~今次再黎, 因為响附近開會, 腦塞 真係諗唔到食咩好...所以, 就入黎喇~同事叫咗佢食開嘅咸魚炒飯, 佢好鍾意食, 對我黎講 ok 嘅, 口感同配搭都OK, 只係稍為辣咗啲;而我就叫我咗心愛嘅炸軟殼蟹墨汁意大利粉, 真係比其他分店鹹同埋油膩咗... 本身勁鍾意呢味菜 平日清碟嘅我 真係食唔落近碟低嗰啲, omg!炸蟹餅, 而呢間分店來講 比之前好, 但都係未達標, 比較油 同埋薄, 明顯冇其餘分店炸得咁乾身咁足料~好在, 呢度嘅同事親切友善, 加返啲分啦!

呢間食過幾次唔同的分店，食物水準都保持得不錯。點左個柚子沙律，味道酸酸甜甜，十分適合做開胃菜。但又不是我食過最好食的味道。因為佢汁比較少，上面的柚子係冇調味過。再點左甜咖哩薄餅，有兩種薄餅配食，好好食，看似細份，但足以飽肚。最後點左個西貢撈米粉，個汁十分出色，酸酸甜甜，入面又有好幾粒魚蛋肉丸同大蝦，十分好食。

一直好想試下，今日終於有機會喺旺角lunch繁忙時段人唔算多，可能係地方較大，好舒適!兩個人一於叫兩個set lunch 加多兩個小食其中一個前菜 泰式辣汁青木瓜沙律汁微辣夠惹味，青木瓜好爽，感覺清新醒胃!另一個set嘅前菜 烤南瓜豆腐沙律好味！南瓜微脆，烤得好香甜，冇諗過烤南瓜原來可以咁好味加上豆腐點綴，好夾，豆腐香囗薄薄地點少少汁食呢個真心好正！帶子、蘆筍香草寛麵個汁味道好特別，味道清新得嚟又唔會太淡，濃度剛剛好，唔漏又好香草味，係成個寛條麵嘅靈魂，好夾冇諗過帶子可以咁好味煎得好香，口感好好！真係好想知道點解可以咁香咁好味！另一個主菜 鮮蝦炒金邊粉，蝦份量ok，整體味道都ok!小食方面，三文魚配泰式辣汁原來可以咁出色另一個香口嘢，好香口，都唔錯！最後甜品出場，有驚喜！甜度還可以，香濃朱古力味，劃上完美句號。呢餐好滿足，每樣嘢都好有水準！好期待下一次

因為之前一向也幫襯開中環及沙咀的分店，今晚既然在太子， 很自然的光顧, 但結果令人十分失望。因為平日在中環及尖沙咀店也叫開的東西： 炸栗米蟹餅及泰式銀魚蓉意粉。 一如既往也點了這兩樣食物。 其實星期三的晚上（9點）， 客人已不多， 眼見只有6檯客， 叫了店員幾次先來點菜， 請他們加水4次 , 最後才加了一次 蟹餅跟平常的差不多, 不用提了， 最恐怖是泰式銀魚蓉意粉， 跟平日的是兩個樣， 上菜是變了蕃茄濕炒意粉。 這個意粉本身是乾身的， 本身不是蕃茄底的 但見圖看看， 只有很咸的蕃茄汁， 一粒魚蓉也沒有 是一粒也沒有！上菜時我問服務員這是什麼意粉, 她也看不出來, 我跟她說我要的是泰式銀魚蓉意粉， 她也說上錯粉拿回廚房， 但過一會她拿回意粉出來跟我說這碟是泰式魚蓉意粉, 只是廚房加多了茄醬， 即表示叫我「硬食」.....😡食落去意粉不是一條條的 ， 已爛哂既意粉粒， 因為太濕 ， 食落很咸， 沒有其他材料 ， 冇了魚蓉一句： 黑名單首位 一肚氣離開😡😤😤😤😤

今日去開新世紀, 見到呢邊有分店梗係要入去醫下肚, 4點半左右唔駛等住, 場內只有1/3人流, 見到甜品餐牌出咗好多新款千層蛋糕, 泰式拉茶味, 泰式咖啡味, 泰式斑蘭味等等, 但我都係想試番椰子味, 但入單後都等咗好耐, 要追單先至出食物泰式豬肉丸湯河 - 豬肉丸都有6粒咁多, 仲有啲豬肉片, 但比較老身, 湯底好濃味, 呢到既河粉好特別, 係一片片既, 而唔係平時食開既一條幼身既, 呢款湯河都幾好味泰式單骨雞翼 - 呢款雞翼係推介品, 個個都post 個個都叫嚟食, 可以話係招牌菜, 確實又真係好惹味, 皮脆肉滑今次個賣相好似齋咗啲, 如果有啲伴碟或者畫花會好睇啲囉! 味道好似唔同咗咁, 之前喺海港城食過, 又一城又食過, 千層蛋糕夾住一條條既椰子, 椰子好清甜又爽口

約朋友出黎食飯都係想傾下幾，今日黎到太子既新世紀（moko）又唔想食food court, 就去佐間似係cafe既餐廳食飯。帶子露荀香草闊麵 $128有好濃郁既香草汁包實每一條闊麵，食每啖闊麵都有露荀同香草味，帶子煎香佐既味就已經一早聞到，帶子煎到有少少金黃色，仲係好嫩，好味。軟殼蟹墨魚汁麵 $148成隻軟殼炸好上，隻蟹中間仲有膏，隻軟殼蟹仲大過一隻手掌。墨魚汁麵係成條麵都係黑色，而唔係用黑色既汁撈上去，成碟覺得佢一d都唔求實ga!炸魷魚圈 下次唔會再食，唔脆，賣相十分求其。

今日口痕搵嘢食，嚟咗呢間greyhound 旺角新世紀分店。見佢個餐牌全部漢堡都過百蚊諗住好食應該冇死，點知就咁中咗招。。。叫左個和牛漢堡，賣相OK，牛肉同個麵包都係熱嘅，但係一食落去，極乾，果件牛肉就好似樹皮一樣，我從來未食過咁難食嘅和牛。從來冇食過啲咁難食嘅漢堡，比百幾蚊好似食樹皮一樣。仲有，啲服務員嘅態度一啲都唔友善，比二百幾蚊兩個人入嚟食個下午茶就好似要受氣睇人面色咁。冇下次！！！！！難食過麥當當！