Greyhound Café (MOKO新世紀廣場) (已結業)

之前有朋友介紹呢間fusion泰菜，兩個人嚟試試，叫左3樣野食加一個甜品，的確不俗。首先講嘅係一個粉皮生菜包（唔記得菜名），有泰式肉醬同蒜片芫茜醬，可以按自己喜好用粉皮或者生菜包住食，惹味帶點酸辣，但醬料稍嫌有點油膩。而好鐘意食青木瓜沙律嘅我，今次就試下呢度嘅青芒果絲魚沙律。好開胃嘅一道菜，酸酸地又硬嘅芒果絲加上泰式醬汁同煎香左嘅魚塊一齊食，感覺好新鮮。跟住就係我去泰國最鐘意食嘅小食之一，炸單骨雞翼。呢個都好食，但因為對比其他野食之下呢個算係冇乜驚喜，係穩陣嘅選擇之一（可能因為雞翼太易整得好食啦）。甜品有好多選擇，我地最後叫左個椰子千層蛋糕，因為曾經喺清邁食過一個好好食嘅椰子蛋糕，好想食返果個味道。呢個蛋糕真係有驚喜，好香椰子味，入面真係有椰子肉，非常邪惡，不過一個人食一件應該會有d滯，建議女士們可以兩個share一件。食泰菜嚟講呢間稍貴，不過環境同服務都唔錯，食物算係有d出面較少見嘅選擇，我覺得係可以偶爾一吃嘅選擇。

事日朋友生日，去左 Greyhound 食晚飯，因為我幾鍾意食，佢有 d fusion feel 又唔太貴。由於就返朋友方便，就揀咗去旺角（雖然我好唔鍾意去）。我地好早就到（7 點都未），所以人唔多，可以慢慢坐，我地睇左一陣，就叫左意大利海鮮餡餅，好好味呀，好多餡，熱辣辣！其實我好想叫多客 唔記得個名，我就麻麻地，唔太鍾意個皮，太黏 但意粉就淡左少少 總括都可以，但我鍾意尖沙咀嗰間多啲，嗰間好食啲

a phone to make reservations. range of food. quality and yummy. average spending per person around hkd250 for dinner. convenient location.love the single bone chicken wings. this restaurant can keep the same food taste as in Thailand. looking for this shop can provide more hot drinks selections. you cannot miss the crab rice as well. the amount of the crab meat allows you to taste rice and crab every spoon.

泰國菜我諗無人唔鐘意食既，哩間餐廳既水準每次都好平均，所以已經幫襯左好多次架啦🤩🤩🤩餐廳走型格路線，座得舒服👍👍👍首先嗌左嗰泰啤，啤啤佢先🤩🤩🤩嗌咗個炒蛋白火箭菜，雞肉芝士餡餅，泰式炒飯，炸花枝丸，軟殼蟹墨汁意大利粉，炒金邊粉，炸雞球😋😋😋😋😋食到lamlam利😋😋😋😋😋😋

係尖沙咀成日食，今次同女朋友咁岩去旺角，又想食，就揀左旺角呢一間。都係點番平時既野食。個粟米蟹肉羹，有陣酸味，一開始以為係泰國野啲酸味（之前尖沙咀飲開係甜既）再飲多啖，發覺係變左既酸味咁，叫人換過，拎左入廚房乜都無講（係咁既味？定變左？）道歉都無講，淨係黎講，我幫你取消佢？定你想轉第二個野食？之後取消左就算其他野食都正常，三文魚，牛串燒，米卷。之後叫甜品，叫左個芒果糯米飯，一黎到已經怪怪地，個芒果生到好似白色咁，好啦，試下，酸到好似青芒果咁。最後換左個，熟到爛既，雖然個味都怪怪地，但最後都照食算數。啲服務質素又差，一入門口已經黑口黑面，問下啲野點解咁酸（唔係投訴，同埋好有禮貌），又黑口黑面咁拎走。總結，同尖沙咀啲野食質素差太遠，以後都唔會去呢間。

今天推薦朋友一齊去食，結果點左「冬陰公炒螺絲粉」，仲提個朋友會有小小辣，好好味，但一食以為食緊蕃茄炒螺絲粉......😑冬陰公冇左....其他就唔講啦！呢個價錢，就真係超一般

今日預祝母親節, 黎左呢間泰國菜食, 無book位, 雖然門口都幾多人, 等左15分鐘有位。嗌左碎肉卷, 帶子墨汁意粉, 咖哩薄餅, 豬肉串配糯米飯, 同椰子蛋糕。普遍黎講, 食物份量比較細如果人多share 比較難。小食同主菜都係common菜色,帶子墨汁意粉個人幾中意食, 調味適中, 用料唔錯 。而當中最好食同特別推介椰子蛋糕, 香港好少地方有得食, 感覺好新鮮。真係有d椰子肉係cake入面, 成個蛋糕都好香新鮮椰子味, 未試過值得試下。

今日星期六收工同朋友出旺角，14:00 出到旺角都肚餓先食野，再去行街…新世紀廣場好多間都食過，呢間未試過就試一試！14:00望入去都唔少客人，著住全套黑色制服(我諗係經理) 店員招呼入座，地方都唔錯算舒服既我同朋友兩個人叫左4樣野-冬陰公湯意大利雲吞 $118 等候約5分鐘上(三粒雲吞一隻大蝦，普普通通既冬陰公) -燴牛肉牛丸河 等候約20分鐘(好霖既牛肉，好闊的河粉，味道正常唔差) -黑豚肉腸沙律 $98 等候約10分鐘(其實是一碟切片既腸，有青檸同花生，極普通) 見冬陰公湯同沙律的份量我地後加一份-肉碎飯…唔加還好一加就出事！在朋友食緊河粉到一半既時候，飯還沒到(其實加單到追單已經過了半小時左右) ，我地就揾一個著白色恤衫既姐姐追一追單。朋友吃完河粉，店員也將我台面的餐具都收走…我的飯還沒到！(時間已經過了45分鐘) 我再同帶我入座既店員確認有冇漏單，如果漏單就同我埋單！果然不負眾，漏單！那我第一次追單時不是應該會知道嗎？？怎麼我要繼續追單時才會知道，一間有接近十幾人在樓面的餐廳有幾多個係番緊工…

服務態度簡直差到令我大開眼界……今日中午12點左右去到旺角呢間餐廳食飯餐廳本身冇乜人唔使等位但入去坐咗成五分鐘都冇人理我哋終於搵到人幫我哋落單服務員明顯心不在焉然後食物上來後真係發現落錯左單……餐廳處理嘅方法係穩三個職員圍住我哋 明明係落錯單反而話係顧客嘅問題… 大大聲強調員工冇錯一定係顧客嘅錯……請問我有追究過係落錯單的問題嗎？我只係問咗一句點解我落單係豬肉丸河粉會變咗豬肉碎飯？ 服務員大大聲反駁咗我一句餐廳係冇豬肉丸河粉……食物好唔好食就見仁見智…… 但這樣的服務態度真心希望貴公司可以正視這個問題 不要讓有心去幫襯的顧客失望。

Pomelo Salad多左蝦乾仔既柚子沙律Pink Journey士多啤梨+蘋果+青檸汁沙冰->清爽唔藥水味Foie Gras Toast純粹忽然想食鵝肝,味道正常Softshell Crab Ink Spaghetti軟殼蟹超香, 墨汁意粉有驚喜最後黎兩個甜品~Crepe Cake係比較甜品中比較出名,都係椰子味吸引Mango with sticky riceMix Berries Crepe Cake

前幾曰同閏蜜黎moko睇戲，順便食埋lunch!!時間尚早食唔落太多野，所以點左唔太多野食。重點最主要都係想食窩夫，之前黎食過1⃣️次，即刻愛上了。窩夫整得好香脆，有兩款口味，又有多款配料水果丶醬可夾埋一起吃超正

星期六休息日，四人行黎到呢間泰國菜坐下飲杯野食下野。黎到Greyhound Cafe必頂要叫單骨雞亦，第一次係泰國食就已經覺得好好食!加多個飯-泰式辣肉碎飯，唔會太辣，味道OK最後叫多2款甜品，芒果糯米飯同DIY WAFFLE雖然味道無泰國咁好，但未能去泰國食係香港食住先~

星期天同老公黎到MOkO商場睇戲，睇完戲剛好晚飯時間，就黎到 GreYhound Cafe醫肚。我地點左5款菜式:有軟殼蟹墨魚汁麵、意大利肉腸芝士餡餅、薄切三文魚配泰式辣汁…款款都色香味俱全，再加多杯泰式奶茶，正

為食家又出動啦！朋友選擇旺角greyhound cafe食新派泰菜～叫左好多野食丫！！單骨雞翼呢個好味，熱辣辣，惹味香口，當時想馬上encore多一份tim ar~~~鮮蝦粉金邊粉呢個撈個時小心，因為有一些乾辣椒碎，如果撈埋就會有少少辣，不過味道都唔錯～～燒尤魚味道ok, 但尾部有d燶左，苦苦地份量偏少呢個薯角又係我鍾意。因為香口～份量都夠，不過如果帶小小辣就更惹味芒果糯米飯賣相麻麻地，少許失望，雖然芒果果肉好香甜，但果肉份量太少，cp值低椰子千層，真係有椰子肉在千層蛋糕中間，而且椰子好清新爽口，唔錯今次獲安排坐成間餐廳最內部的梳化位置，環境不錯，適合一大班人聚會。整體食物份量較少，價格較貴，如果可以有d dinner set就更好啦！

泰國旅行回來後，日日都想食泰國菜，星期六上午趁著老公回公司加班，自己獨個兒去Greyhound品嚐。Greyhound的座位舒適，環境清淨，適合一個人沈思。泰式炸蝦、魚餅球，一盤有兩款口味，炸蝦充滿蝦味，應該有新鮮蝦混入，爽口彈牙，魚餅充滿泰式香料味。一人份剛好滿足，如多人食，就應該不夠了。招牌脆炸單骨雞翼，Greyhound的名物，是我必食之選，可能因為單骨關係，每件都香脆入味，唔會過乾，配上香葉伴碟，無論賣相定味道都絕佳。最後來一碗泰式河蝦冬陰公湯河粉，河蝦鮮甜，冬陰公濃味，但可能因為用超粗河粉的關係，河粉食落無乜冬陰公味。除咗價錢略貴外，味道及舒適度都一流，可以休閒一整個上午。