Greyhound Café (MOKO新世紀廣場) (已結業)

Greyhound開左好多年而且有好多分店，但係自己就一直未食過香港既Greyhound，係泰國食過覺得味道好一般。朋友生日話想食GREYHOUND，見環境帶點文青疏落，幾適合坐埋一齊聚餐，所以就揀左呢度。⭐️鮮蝦雞肉米紙卷米紙卷內只得雞肉、蝦同生菜，就算點左醬汁食，都覺得好寡，食唔到咩味，只食到淡淡既雞肉味同味。皮就偏硬，咬落去幾煙韌。⭐️粟米餅配甜酸醬呢個炸得唔夠脆，而且炸粉太厚，感覺上淨係食緊炸粉加粟米粒，裡面既魚肉比例又少，要靠點甜酸醬先覺得好食少少，就咁食係只食到粟米既味道，食唔出有其他調味，所以十分普通。👎🏿⭐️鮮蝦炒金邊粉味道跟地道既泰國餐廳差不多，炒得幾香，吃起來不油膩，但呢碟野$148蚊只得3隻蝦球，會唔會少左d?而且豆乾等等既配料又細粒又少，味道上可以但性價比好低👎🏿⭐️豬手糯米飯睇相覺得幾靚幾吸引，亦係最期待的菜式，最後換來係失望。豬手皮好韌，完全不脆，好就好在唔算油膩，但真係好失色。而肉質偏乾同埋好硬，咬到好攰，同想像中係兩回事，IKEA既豬手仲好食過佢，一個字，差！不過糯米飯就Ok，幾煙韌軟熟。⭐️奶茶千層蛋糕呢個蛋糕用來打卡係OK，但食落就......蛋糕只有淡淡既奶

下午茶時間, 買杯野飲整件蛋糕🍰kill下時間又半Day. 已經行緊上starbucks, 但經過Greyhound Cafe個cafe櫃, 見到上次喺泰國食過嘅Thai Tea 千層Cake好吸引😍泰式奶茶千層cake好靚嘅千層蛋糕😍一層cream一層皮疊成好n多層, 重點係旁邊一小杯濃稠泰式奶茶, 大刀闊斧地淋哂, 聞落已經有茶香, 食落甜味非常適中, 泰式奶茶特別之處係使用煉奶沖調, 而比例差唔多係一比一咁濟, 所以顏色較淺, 泰式茶香同味道亦濃. 芒果千層cake有心機地以芒果🥭糖漿劃出個好靚presentation, 同樣係千層蛋糕, 裡面夾足足兩層芒果肉❤️, 好新鮮無青味, 兩個人share兩件一啲都唔guilty🤪

係上個星期六要睇演唱會，就諗咗黎Moko搵食，係某個App搵到有得折，仲要係七折，所以便揀咗呢間，不過係五點半入坐，食個半鐘，對我哋鐘意食早飯就啱哂，入去坐一陣先落單，跟住六點左右上菜開始慢慢食，啱哂！😁✌🏼其實都去過呢間嘅其他分店，食物ok啦，不能’嘩!’一聲講好好味，佢個千層cake 曾幾何時我都’嘩!’過好好味，但後期就無咁好味 lu，同埋呢度啲價錢都唔平，所以見到有七折，都可再黎食下😅例牌都係叫二樣，豬柳串燒糯米飯，另外一個就係泰國嘅招牌飯- 煎蛋肉碎飯，有豬肉同雞肉俾你揀，今次我哋㨂雞肉，因為已有豬串燒😋豬柳串到先，都好精緻，味道正常，蔬菜串好新鮮，個汁幾好味😋跟住另一飯都到，噢！原來炒雞肉同炒豬肉係好唔同！不論色水同香味都爭咗少少，但依然好食嘅，佢隻蛋煎得好好味，又有可能係佢隻蛋夠靚，但至於個湯🙊 本人就麻麻，因為直頭係咸菜湯，好咸😝 口味真係因人而異，我女友居然話ok🧐但唔好意思，張相影濛咗🙈

今日去咗呢間晚飯，冇咩人，地方好寬敞，環境好舒服，今次叫咗蒸粉卷，炸粟米餅，脆皮豬手糯米飯，椰子雞湯，炸雞翼，蟹肉炒飯，而甜品就叫咗招牌椰子千層蛋糕，同埋新款嘅奶茶千層蛋糕，樣樣都好出色，我叫咗好多款都係招牌菜，蟹肉好鮮味，又唔油，豬手糯米飯就要等大約20分鐘，不過幫你切埋，而且好脆，又唔肥膩，好值得等！成餐最出色係甜品，椰子蛋糕不太甜又清爽，奶茶千層蛋糕，有奶茶味，連個糖漿都係奶茶味，但唔會太甜，好出色！

二人行 唔洗等位嗌完幾分鐘 D菜已經上枱 感覺好似佢唔係即煮係一早煮好晒 分一份岀黎甘泰式米卷個皮好厚 包住菜蝦 無味個汁麻麻 真心唔好食 食過最差既米卷好似食緊米皮加汁呢個係全餐飯最好個個 炒得香既但係佢放左好多蝦乾 海鮮唔夠多蝦乾又乾又硬每口pad thai都要係度咬勁耐 救命然後就係個咖哩牛唔好講笑 好似一盤乾薄餅甘 想點？唉 個牛 好似食緊隔夜餸甘以後都唔會再食呢間其實之前食過幾次 宜家做乜搞成甘？唯一贊既地方係不停有人加水

朋友帶我們來這裡聚會，一行六人安排坐在一張圓枱，傾計很方便，環境很好坐得舒服👍🏻食物方面大部份都是泰式。首先來個鮮蝦米紙卷，鮮蝦和醬汁好香但較細舊。蘆筍帶子寬條麵一上枱就見份量十分少，醬汁好稀，好似溝左水咁，味道很淡蛋糕方面，賣相好靚、味道不錯，不會太甜，朱古力味就不夠濃，上面有鹿仔曲奇餅很可愛很香脆而招牌椰子千層蛋糕是三個之中最好食，椰子很香，cream很濃味，推薦總括來說，蛋糕不錯，菠蘿炒飯好食（沒有拍照）但其他味道很一般和價錢頗貴不值。

食cake🎂🎂唔一定係女人既專黎，今日要等到夜晚先有波踢，晏晝同老死黎左呢度攝時間。呢間既蛋糕一向都知道高質有水準，所以好想試一次，睇下係咪真係咁好味🤤🤤🤤店鋪既右手面，可以見到甜品櫃，各色各樣既蛋糕都顯現面前。而亦都可以望到甜品師傅整蛋糕既過程，衛唔衛生，一眼就睇得哂了😉😉😉下午3點幾食，呢d時間無乜人，所以環境好寧靜、好舒服。我叫左個芒果千層，單係賣相都已經值得比滿分，芒果汁多到流哂出黎，碟既裝飾都整得好。食落去層與層之間都係充滿住芒果肉，芒果唔會太酸。味道唔錯🤤🤤👍🏾👍🏾👍🏾

一大班人4-5 點想係MOKO搵個地方坐低飲下野吹下水原來都好難，唔係執左笠就落緊場😫，呢間咁啱有位，就入去坐下啦🤗1️⃣ Lemon Cake 🍋✔️ 賣相好靚。-餐牌寫件蛋糕有mascarpone cheese，因為呢隻cheese 味道都比較淡，所以配上忌廉同檸檬醬，整體都好light 同fresh。如果飯後食都唔錯。2️⃣ Coconut Crepe Cake 🥥Cream 好滑，加埋中間嘅椰子肉，豐富左成件蛋糕嘅口感。-椰子味好香，食晒成件都唔會覺漏。3️⃣ Thai Pandan Custard Crepe Cake （斑蘭千層蛋糕）蛋糕上面有3隻鹿仔餅好得意，不過塊餅就冇咩特別，當裝飾。-斑蘭醬味道咸咸地，同以我認知嘅斑蘭味有少少出入，味道冇咩特別。留返quota 試其他蛋糕好過。4️⃣ Classic Chocolate Cake 睇落去好似好漏咁，但我反而嫌佢唔夠漏。-超鍾意食chocolate mud cake 嘅我覺得呢件蛋糕味道ok 嘅，不過朱古力醬唔夠，蛋糕唔夠濕潤，冇果種好rich嘅感覺。回頭指數：7/10 （甜品不過不失，最好味係椰子千層蛋糕）-Ig: myfoodmyli

不想吃中菜了，平日這天晚上，想試泰國新派菜，旺角這間，大家就腳。早一星期訂了位，被安排在窗口位置，大玻璃窗，雖然下雨，也有遠遠的雨景，感覺舒適。就朋友不吃辣，點了單骨雞翼、雞絲粉卷、炸蝦餅、炸魷魚圈、炒金邊粉、火箭菜沙律、咖哩牛肉、芒果糯米飯⋯⋯每碟份量不多，四人分享，剛剛好，可以多試幾樣。最後，加了兩個甜品，甜品精緻，又不會太甜，沒有負擔，非常滿足的一個晚餐。價錢適中，我還有很多辣的東西想吃，下次再來試。

軟殼蟹沙律配蜜糖芥末醬原隻軟殼蟹炸至香脆,新鮮嘅沙律菜加美味嘅蜜糖芥末醬，絕對配合。意大利海鮮餡餅以餡餅方式，把海鮮食材鎖住，焗至皮脆肉嫩。脆炸粟米蟹肉餅配甜酸醬把蟹肉沾上粟米槳，炸至香脆，配上甜酸醬美味非常。香草蜆肉意大利麵清淡嘅香草加上新鮮蜆肉，再配彈牙嘅意大利麵，口感豐富。

今晚與朋友們食咗晚飯無所事事，想吃一點甜品，於是去了旺角新世紀廣場這間口碑不錯的Greyhound Cafe食甜品！我們點了一客香橙芝士蛋糕、芒果糯米飯&朱古力窩夫，五位一起分享！香橙芝士蛋糕： 由於我很喜歡橙味嘅製成品食物，所以點了這款比較冷門的蛋糕試試！我覺得這個蛋糕很清新的香橙味配上軟軟的芝士蛋糕，感覺很好！芒果糯米飯：芒果不會太甜也不會太酸，配上簡單椰汁糯米飯，感覺也不錯！朱古力窩夫： 窩夫很大，也有很濃郁朱古力味，雖然配上朱古力雪糕，但也不感覺很「溜」 ！反而覺得很好味，值得推介！雖然這間餐廳主打泰國菜，但甜品也不過不失，很有驚喜！

Greyhound的千層蛋糕一直享負盛名，雖然並非如LadyM一樣班戟皮透薄之餘忌廉比例均稱，反而忌廉份量佔了整整七成，但之前曾經到又一城分店品嚐過其雜莓千層蛋糕的確覺得甚為出色，打破了我對忌廉比重奇高的蛋糕印象；不過，事實上我倒是從未曾試過到Greyhound享用正餐或任何鹹點，這次正是第一次——但亦會是最後一次。與朋友來到MOKO閒逛，眼見將近晚飯時段，但MOKO與大部份香港的其他商場一樣，絕大多數都是連鎖餐廳，選擇不多，但到美食廣場中覓食又彷彿太「頹」，難得學期結束固然會想待自己好一點，而一向Greyhound的評價亦算是四平八穩，最終決定落腳於此。我們點了兩款意粉及一款小食共同分享，首要感覺是其環境相當擠逼，與鄰桌只有約二十厘米之隔，能夠清楚聽到對方對話，而且餐桌偏小，雖然我們只點了三款食物但已經難以容納；另外侍應更加是心不在焉，當我們點菜時總要多番重複菜名，但侍應卻仍要多次重複詢問和出現錯漏。泰式雞肉意粉 ($128)雞肉肉質極其乾韌粗糙，比起隔夜一個星期的白烚雞胸有過之而無不及；意粉油量過多，每嚐一口都吃得滿嘴是油，而且口感硬實根本屬並未徹底煮熟的狀態，份量更加是少得可憐

最近多左個習慣，一到星期六日就會想比平時食多一餐，下午茶😂之前有個吃貨朋友一直有推介greyhound, 佢知我實中意呢類環境好，仲要空間又大又坐得舒適既地方，完全岩我呢d追求悠閒型。最正既系，食物種類五花八門，好似叮噹個百寶袋，你要咩，就有咩，最後決定每人揀一樣。我都真系心思思左好耐，每樣都好正甘，終於都系嗌左最想食的士多啤梨鵝肝多士，士多啤梨同鵝肝都食得多，但兩樣一齊食，酸甜既鵝肝入口即溶，完全震撼味蕾，點解我甘識食🤣🤣🤣

泰式炸蝦、魚餅球 $98，蝦餅質感彈牙爽口，但蝦味唔夠突出，炸得香口。魚餅同樣彈牙，而且魚味濃郁，香料味不重，幾易接受，配搭花生碎同醃青瓜粒都幾有咬口。不過份量少，味道無驚喜。特色家鄉羊肉串 $98，用泰北煮法，有家鄉香料風味，羊肉配洋蔥、乾辣椒及青檸汁配搭，味道辣中帶酸，醒神開胃。份量雖然少，羊肉幾嫩幾多汁，不過羊羶味太勁，唔係人人食到。啖啖鮮蟹肉炒飯 $188，配中式清湯。炒飯用蒜蓉、乾辣椒、蟹肉炒泰國茉香米，炒得幾乾身，但連蟹肉都偏乾，辣度幾到位，但咸度不足，要加旁邊的魚露增加咸味同鮮味。清湯偏咸，有瓜同豬肉粒，味道一般。幸好整個飯份量都幾多，夠飽肚。

星期六夜晚晚餐兩個人去了 moko 的 Greyhound Cafe，完全不用等位，入到餐廳發現全程都有吉檯，以週末的 moko 餐廳來說，有D出奇。我們點了：• 米紙卷• 海南雞飯• 卡邦尼意粉• 椰子千層蛋糕米紙卷：很明顯米紙卷是在廚房預先包好，上檯時，3條米紙卷已經「痴埋一堆」，每條米紙卷切開3份，但又冇切到底，要食客自己切開。盛醬汁碟配的小茶匙崩掉了很多。這碟米紙卷完全不值$78。海南雞飯：雞⋯⋯「鞋」到不得了。飯也不好吃。湯⋯⋯咸到不行。$148一份海南雞飯出去有很多更好的選擇。卡邦尼意粉：很水 (too watery)，偏淡。椰子千層蛋糕：全晚最可取的食品。偏甜，但不錯。$68難怪週末的晚上餐廳會有吉檯～