Greyhound Café (MOKO新世紀廣場) (已結業)

一直好想試下，今日終於有機會喺旺角lunch繁忙時段人唔算多，可能係地方較大，好舒適!兩個人一於叫兩個set lunch 加多兩個小食其中一個前菜 泰式辣汁青木瓜沙律汁微辣夠惹味，青木瓜好爽，感覺清新醒胃!另一個set嘅前菜 烤南瓜豆腐沙律好味！南瓜微脆，烤得好香甜，冇諗過烤南瓜原來可以咁好味加上豆腐點綴，好夾，豆腐香囗薄薄地點少少汁食呢個真心好正！帶子、蘆筍香草寛麵個汁味道好特別，味道清新得嚟又唔會太淡，濃度剛剛好，唔漏又好香草味，係成個寛條麵嘅靈魂，好夾冇諗過帶子可以咁好味煎得好香，口感好好！真係好想知道點解可以咁香咁好味！另一個主菜 鮮蝦炒金邊粉，蝦份量ok，整體味道都ok!小食方面，三文魚配泰式辣汁原來可以咁出色另一個香口嘢，好香口，都唔錯！最後甜品出場，有驚喜！甜度還可以，香濃朱古力味，劃上完美句號。呢餐好滿足，每樣嘢都好有水準！好期待下一次