Greyhound Café (又一城)

營業中

休息中

今日同朋友補返食生日飯，佢兩點先放工，但我地又肚餓，所以近近地去九龍塘搵餐廳食lunch做生日飯。周圍都勁多人等位，但我地抱住試新野既心態，最後選擇左greyhound! 雖然都要等，但我地無試過，就等一陣位啦😆 都係等左十五分鐘就有位啦，我地叫左三樣野加一個甜品 炸薯角-好味，炸得剛剛好 泰式雞肉串燒-好味，但個辣椒串好辣，我都食到想喊，不過有小小糖水甜甜地調返d味，中和返蟹子蝦帶子墨汁意粉-炒得幾好，意粉彈牙夠味芒果千層pancake-唔太漏，芒果好甜食完埋單都係$350 好抵食又大份! Like👍

由於鄰居返學地點，Greyhound Café 已經幫襯左4、5次是日溫書前，同男友快食醫肚~是日晚餐：迷你三色漢堡 $138單骨雞翼 $68鮮蝦辣椒膏炒飯 $118迷你三色漢堡：三款迷你漢堡内配餡料分別是士多啤梨、芝士煙肉和醃青椒~切開就知漢堡扒好厚，而且好多肉汁~~最特別係配士多啤梨~ 估唔到會夾！好睇又好食的迷你漢堡~旁邊粗薯條亦討人歡心，新鮮炸起~裡面薯蓉粉粉的！單骨雞翼雞翼炸得香脆，但肉汁依然能夠保~而肉質亦唔會乾 & 鞋！所以單骨雞翼係我每次必點小食~~鮮蝦辣椒膏炒飯上台十分賣眼~~炒飯配以辣椒粒、青檸、蝦乾、炸豆乾、木瓜絲、咸鵪鶉蛋~旁邊亦有辣椒浸魚露首先將所有材料伴好~入口十分濃味~~炸豆乾、蝦乾都好脆口~一啖有多種口感！推介！辣得十分過癮~~唔小心咬到辣椒粒此時，肉碎湯大派用場！飲一啖即刻解辣~~離開時，8點半~門外排住大約20位客人~又一城晚飯，真係要好夠耐性~好多餐廳長期排隊…

話說那款太古坊吃過感覺“幸福”的甜品還是一樣神奇呀，花生碎變成杏仁碎更有大加分：硬脆的顆粒在口中迸裂開，一瞬間杏仁油獨特的芳香佔領了口腔，和混有香蕉茸因而有不同層次柔軟的鮮奶油，介乎軟硬之間﹑粗糙又鬆香的oreo餅碎，以及不經意竄出的Caramel幼滑甜香，這是一支甜品界的Band，沒有主唱太搶風頭, 但每個角色都各擅勝場, 讓我的味蕾如痴如醉。墨汁意粉除了有點辣以外，是我在香港餐廳吃過最好的，有al dente的口感，配菜帶子則有點小顆，還是sky bar鮮嫩許多。 乳酪FRESH，但每口都咬到青蘋果果皮實在是美中不足。 整體用餐感覺算是均衡滿足：）。

一到便有位 可惜只得1.5小時 朋友因遲了,食到尾聲 我們還沒食完就遞上帳單 感覺不太好加上待應態度一般冬蔭公不太熱大蝦還好的, 而亮點是椰子蛋糕, 比香蕉蛋糕還好吃的. 但價錢比較貴. 但來到都知是食環境的, 所以如食泰國野講食物質素一定是九龍城

My friend and I had decided on coming to Greyhound Cafe in Festival Walk for dinner on Sunday. I had been to this branch before and hadn't been extremely impressed but this time surprised me! The food we ordered was quite delicious!There was a queue of around 5 people in front of us but we didn't have to wait long (around 5-10 minutes), understandable at dinnertime on a Sunday night, we got seated relatively quickly in the corner of this open-space cafe! The music created a nice ambience and we

到這一間Greyhound 用餐共3次，每次的食物質素也相當不俗，特別是甜品，讓我最有驚喜。前菜三文魚，個辣汁非常出色，越食越開胃，但真係幾辣。兩款串燒都醃得好味，又唔燒得太燶，抵讚，跟配菜、麵包和飯，好飽肚！炒金邊粉好夠味，啲蝦亦算新鮮，有少少調味辣粉放在一邊，讓人客按喜好自己加，蠻貼心的安排！甜品方面，最喜歡那個杯裝，混合了新鮮芒果肉、糯米飯、椰子雪芭的一款，名字就忘記了，味道好清新！其他crepe cake 方面，椰子味比芒果味好食。總括來講，每次用餐都是滿意的，唯獨其排隊等候入座的安排不太好，有待改善！

因为不想排队等晚餐，所以就和友人5:45walk in吃晚餐了，menu上有很多选择，不过只有2个人也吃不了太多，所以order了2个appetizer和一个金边粉金边粉很香，本身粉的味道就很入味，粉也不会太软，蛮弹牙的，和炒的花生还有辣椒捞埋一起更好味还有两个appetizer，但是没照相，一个是Pita-bread with italian sausage，还有一个是玉米什么的。Pita bread那个馅饼非常好吃，里面的cheese和意大利香肠还有番茄在一起非常好味，cheese melt的刚刚好，味道也不会太咸，而且Pita饼烤的薄薄脆脆的，吃了还想再吃玉米海鲜那个有点像Donut的样子，也很好吃，不会有很多面粉的感觉，而且也有很多玉米，健康又好吃虽然我们2个女生一边吃一边说好饱，但是还是把所有的东西都吃完了，因为太好吃了

多謝OP相送的電影票, 於是這天便來到了又一城看特別場, 當然看之前要先解決午餐的需要。在又一城這處處都要排隊的地方, 看到了GREYHOUND不用排隊便馬上進內。先點了一客頭盤和朋友分享, 是生菜包肉碎河粉, 河粉是正方型的, 薄薄的一片一片, 蒸得滑溜。而配上的肉碎醬帶點香辣, 十分可口。生菜新鮮而爽脆, 把所有材料包在一起吃, 十分相襯, 而比別家的生菜包來得特別。 我選的主菜是大蝦冬陰功河粉, 大蝦的長度有我的手掌那麼長, 而且彈牙非常, 而其中的河粉也十分滑溜, 湯的底冬陰功酸辣相而, 值得推介。朋友選的是香蒜大蝦飯, 香蒜和大蝦是十分好的配搭, 蝦肉亦是爽口彈牙, 但所配的湯卻味道有點古怪, 湯味帶甜, 不是我們的口味, 所以便放棄了。GREYHOUND的河粉的確是做的不錯, 如果不用等位的話, 再來吃個飯也是無妨的。

很久沒有過來又一城了，難得撞著是下午茶時間，當然要一個人歎歎茶。走到頂層才發現首選的 Simply Life 實在太多人，幸好次選 Greyhound 無需等候便有位！每次到 Greyhound 都是吃意大利粉或泰式粉麵，多沉悶呀，今次一於改為試試她們的和牛芝士煙肉漢堡。和牛肉的肉味的確頗濃，但肉汁不夠多，因此入口乾了點。不過熱辣辣的薯條香口鬆脆，總算填補了漢堡飽的少許不足。來 Greyhound 絕不能不喝這𥚃的泰式凍奶茶，如絲般幼滑的口感，加上多奶少茶，正正合我口味。

第一次寫食評，請各位多多指教m(__)m今次試寫既係又一城GREYHOUND。又一城既GREYHOUND不嬲都出名排長龍。最近響太古城開左新分店，諗住依邊會少D人啦，點知都係好多人排隊！好彩係個FD黎拎位先，遲到既我一去到就有得入去食，哈哈。個晚我地剩係叫左兩個主菜：一個辣牛肉沙律同黑色既水牛芝士漢堡包。最鍾意食酸酸辣辣既泰國菜，個沙律真係好醒胃。水牛芝士漢堡包應該係依間鋪頭既限定MENU，個牛肉漢堡真係好JUICY～而黎到GREYHOUND點可以唔食甜品！之所以剩係叫兩個主菜（雖然份量都幾大），就係為左試真佢地個甜品。雖然窩夫都好想食，但係千層蛋糕賣相真係好好，結果我同朋友一人揀左一件。朋友揀既椰子味，入面真係有新鮮椰肉！正～我揀既雜莓味，澎湃既莓子令到D忌廉升華到有芝士味，勁。食完個甜品，成個人都滿足晒呢～個晚兩個滿懷心事既少女坐埋一齊，就梗係想促膝詳談，可惜真係逼左少少，幾驚俾前後左右隔離檯聽到啊。不過個裝修其實幾OK，我聽朋友講，牆上面既MENU係泰國DESIGNER專程過黎香港手寫上去，即刻有FEEL左～

第一次黎食greyhound cafe,排左隊半小時左右就可以入座。叫左兩杯野飲，味道唔錯，諗住食物都ok啦。先黎既buffalo burger入面既肉完全冇味，似麥當勞既肉加厚少少，好乾，但呢個水準都要收費$128咖！Greyhound famous fried chicken wings不過不失，炸雞翼既味道，係所有食物中最好既。Spaghetti cha cha cha係最差，我叫左小辣，呢碟意粉咸到不得了，意粉好硬。帶子同蝦味道係正常既，但意粉啲汁搞到個意粉好咸。食左一半真係食唔落去，問下侍應呢個菜既味道係咪真係咁咸，可唔可以同廚師反映下味道過咸。佢答我：泰式煮法係又咸又辣。聽完都呆左埋單時我忍唔住再同另一侍應反映多次個意粉真係好咸。今次既侍應認真處理問題，拎返碟菜入廚房比廚師試，試完出黎佢話：我地試過唔覺得咸，泰式煮法既味道較濃。可能你平時食慣淡味野，下次你落單時可以要求煮淡啲。佢都講到咁，即係唔會檢討啦最後，走既時候我腳踢到啲野，一望原來枱下有隻爛左一半既玻璃杯。我話比個侍應聽枱底有玻璃呀，佢乜都冇講，執左個爛玻璃杯就算數，連一句唔好意思都冇。試完呢一次，以後都唔敢再黎喇

呢一晚去睇戲之前我地就去左GREYHOUND 食野先， 所以之前都去過IFC 同太古城，今次就試下又一城先對於成日都出街食飯既我來講呢, 餐廳氣氛好重要，令我對每一個飯局多d回憶既，GREYHOUND 個環境有型又舒服，真係襯返晒我地 哈哈朋友未到，佢又想食d 酸酸味味的野食，於是我就先叫左個泰式燒牛肉沙律，侍應知道我怕辣，就提議個汁同個沙律分開上比我試下味先，好貼心呀佢地 個份量比我想像中多好多 個沙律好大份，d 牛肉堆到好高同埋好多菜，相信一個女仔會食唔晒。味道不太辣，係少少酸辣接受到將成個汁加入去，d 菜好大塊喔! 大到可以包住牛肉一齊食，又夠爽脆，牛肉又不會燒到太乾又硬, 加埋個汁少少辣真係好醒胃^ ^辣辣地就叫左兩杯野飲清涼一下啦~ 我杯Passion Fashion 兩隻色好靚bor, 有熱情果﹑菠蘿﹑薄荷， 佢就叫左Orienal Kiss, 係石榴+梅，唔太酸，甜甜地幾好味, 襯返個名 <3因為要留肚食甜品，所以主菜都係叫左一樣share 食。咁岩我同佢都想食黑色, 我提議食帶子墨汁麵，佢話想食漢堡, 好啦, 叫個黑色既水牛芝士漢堡啦, 第一次o係greyhou

與同事選擇係又一城食LUNCH,原因只有一個,根據我既經驗話我知,當12點鐘而係孤身一人,係好難係又一城搵食.老屈佢地陪我食係個唔錯既選擇.搵左好多地方都已爆滿,好好運咁樣見到GREYHOUND CAFE有空缺就沖去拎位.LUNCH SET由$78-98不等,但如果要飲野,要加多最少$20,姐係套餐最低消費係$98 加1,即係$107.8首先一定要食點菜,所以放棄了湯.凱撒沙律既菜份量有點少,但畢竟係跟餐而已就算吧.汁不多,但味道係唔差,夠咸帶酸有蒜味,包粒勁大粒有點HEA,煙肉又用現成貨亦見求其既一面.主菜我今次就簡左$98既香草辣椒雞肉醉配白飯,肉醉份量都幾多,香草既味道不算強濃,O岩哂我呢類怕怪味既人,辛辣度亦只屬小朋友級,肉碎炒得不算乾爽,以醬油既咸味為主,但不算好重口味,盤上亦有魚露提供給予變得更咸香.蛋黃半生熟當然要當充加濕既角色,把飯更加易入口.餐湯用咸酸菜整出黎,有點古怪,好似飲緊酸菜浸水咁.果然係創新泰菜,但個人唔識欣賞食完當然叫飲品,$20 既ICED LEMON TEA(GREYHOUND STYLE)係我今次既選擇,佢最大既分別係首先冰粒都係用茶做,咁一定唔會變

今日約左朋友係又一城食下午茶，唸左好耐都未唸到去邊食，經過衣間cafe發現原來有tea set，之前一直想試佢既椰子蛋糕，今日終於有機會啦！一個tea set $68 包飲品，飲品款式幾多選擇，價錢尚算合理。Fresh coconut crepe cake好特別既千層蛋糕，好多椰子肉配上mouse好好味，成個蛋糕甜而不膩，讚！唔記得叫咩名，類似雞肉蝦米卷之類，粉皮好薄，好足餡，好多雞肉同蝦，配埋甜酸醬好正！Thai Iced Tea with Milk泰式奶茶，味道同講式奶茶有少少唔同，深色啲，甜甜地好重茶味。Lemongrass Hot Tea好香檸檬味同帶有少許薑味既茶，附上糖醬，個人認為唔落糖醬比較好飲。

想食泰國菜，但呢間係不太泰國的泰國菜，照殺～早兩日電話訂位話無位，8點去到就要排隊等位，無得攞飛，要企定定等。三個人叫左4道菜（無影到個串燒糯米飯），本身幾個人都細食，所以夠食有餘，分量不過不失。個三文魚係用經典生蝦刺身個辣汁，配生蒜，基本上就係生蝦食法，好味！好清新！再黎一定會再叫～沙嗲串燒飯得三串串燒，人多就未必啱。個炸雲吞⋯可以不用叫，得個皮咁，幾乎完全無餡，呢個好唔值。墨汁海鮮意粉嘅意粉好硬身，感覺似僅僅熟，煮唔透，唔好食，但帶子同蝦都好足料！平時覺得呢間不錯，但呢晚係有啲失手。另外叫左兩杯特飲，五百幾埋單。