去黃埔睇電力老鼠，跟住周圍搵野食，無意之中搵到依間，因為本身鍾意食越南菜，所以抱坐不妨一試嘅心態入去鋪頭，點知非常有驚喜！

鋪頭雖小——只係得八個位，全部都係BAR檯位設計，可能主力係做外賣。中午岩岩開鋪好好彩唔駛排，即刻有得坐。
選擇唔多——河粉、法包同埋少量小食，唔駛心大心細諗黎諗去咁耐

今次嗌左招牌既大蝦蟹膏蟹肉湯河同埋肝醬燒牛肉米捲，兩樣都非常Yummy！
特別highlight大蝦同蟹膏，湯底亦好清

心血來潮想食漢堡扒，雖然香港無乜漢堡扒專門店，好彩記得依間蛋包飯嘅其中一道招牌菜係自家製漢堡扒，坐言起行即刻去解下癮 一嚟係星期日，二嚟聖誕節隔離利東街打卡位效應，比想像中多人排隊 好彩前面排左3～4檯都入得好快，等左15分鐘就入得，負責安排入座既姨姨仲好有禮貌 今次叫左牛肉汁+白汁嘅蛋包飯再加漢堡扒，雖然主角漢堡扒就梗係好好味，但係第一次試白汁都好有驚喜！ 個汁嘅湯底有心機整，入口嗒落有層次；平時去到通常係揀咖哩同牛肉汁，下次就要心大心細諗下先喇

兩個女仔想搵間舒服西餐廳Girl's talk，估唔到響鰂魚涌既一角會有一間咁別緻既Cafe
試左北京填鴨Pizza，幾有特色，值得一試，本身餅底都好香好味，下次都想試下其他口味 意粉叫左大路既茄汁肉丸意粉，中規中距
野飲Menu選擇唔多，但都有唔少特色野，揀左好鍾意而出面又唔係成日有既雜果賓治
最後響Openrice訂檯時無特別提到有咩remarks，不過店員留意到我地其實係慶祝生日，響最後上甜品蛋糕既時候好貼心咁插埋蠟燭，非常驚喜

恭喜台風旺角店一週年～!

今日落大雨但係依然好多人排，因為有限定蟹蝦湯底menu之餘仲有特價添！

湯底依然非常濃郁而又唔會咸死你，隻溏心蛋依然水準一流嗚呀🤗
另外麵廠仲特登為佢地整左一隻特別既拉麵，幼過佢地平時用開個種，D汁更加容易掛身，同埋個人黎講鍾意食幼麵多D～w

雖然已經好耐無黎，但依然keep到水準，佢地幾位日本人店長店員響到果然就有保證～

第一次寫食評，請各位多多指教m(__)m
今次試寫既係又一城GREYHOUND。

又一城既GREYHOUND不嬲都出名排長龍。
最近響太古城開左新分店，
諗住依邊會少D人啦，點知都係好多人排隊！
好彩係個FD黎拎位先，遲到既我一去到就有得入去食，哈哈。

個晚我地剩係叫左兩個主菜：一個辣牛肉沙律同黑色既水牛芝士漢堡包。
最鍾意食酸酸辣辣既泰國菜，個沙律真係好醒胃。
水牛芝士漢堡包應該係依間鋪頭既限定MENU，
個牛肉漢堡真係好JUICY～而黎到GREYHOUND點可以唔食甜品！
之所以剩係叫兩個主菜（雖然份量都幾大），
就係為左試真佢地個甜品。
雖然窩夫都好想食，但係千層蛋糕賣相真係好好，
結果我同朋友一人揀左一件。
朋友揀既椰子味，入面真係有新鮮椰肉！正～
我揀既雜莓味，澎湃既莓子令到D忌廉升華到有芝士味，勁。
食完個甜品，成個人都滿足晒呢～個晚兩個滿懷心事既少女坐埋一齊，就梗係想促膝詳談，
可惜真係逼左少少，幾驚俾前後左右隔離檯聽到啊。
不過個裝修其實幾OK，我聽朋友講，
牆上面既MENU係泰國DESIGNER專程過黎香港手寫上去，即刻有FEEL左～