Green Orange

工作繁重，下班想和友人聚餐，二話不說就選擇此就近公司的熱店。平日晚上都幾乎滿座，可幸座位之間寬敞，食客侍應都斯文有禮，環境清靜舒適。餐包熱烘烘奉上，伴著清香欖油黑醋同吃，轉瞬清籃。24個月黑毛豬火腿不過鹹，帶有微微橡木香，哈蜜瓜和沙律菜爽脆清甜，是不錯的前菜。第一道主菜意大利飯是招牌菜，飯粒不會過軟，加有不少雜菌粒，蟹肉足料味鮮。混入黑松露醬同吃，香氣十足，出色之作。之後是經典菜式海鮮慕絲烤釀虎蝦。慕絲多以魚和蝦肉加入蛋白忌廉等打成蓉，避免烤蝦吃下太乾。這裏的慕絲做得出色，表面香脆中間軟腍，伴以結實彈牙大蝦，錦上添花。甜品焦糖芝士蛋糕甜度輕微，加上表面香脆焦糖和軟腍餅底，口感豐富，適合嗜甜又怕胖的食友。這裏環境舒適，食品質素突出，值得一再光顧。

下班與朋友晚餐，大家都不想去喧鬧地區，倒不如在公司附近食，便去了之前食過又覺得不錯的 green orange。烤帶子柚子沙律帶子大粒薄身，煎得很香; 沙律菜，青瓜及蕃茄等均新鮮，柚子有點酸，不過伴著沙律食屬開胃之選。西班牙黑毛豬火腿伴哈密瓜24個月的 parma ham，味道濃郁，跟哈密瓜一起吃，鹹香中帶清甜，兩者非常相襯。黑松露麵包蟹意大利飯餐廳的招牌菜之一，看到已垂涎三尺。蟹肉鋪滿在蟹蓋上，蟹蓋內則釀滿雜菌意大利飯，飯吸收了蟹蓋香氣，配上蟹肉及黑松露醬，回味無窮。海鮮慕斯烤釀大虎蝦又一吸睛主菜，3隻虎蝦 size 中等偏大隻，開邊釀上海鮮湯煮成的慕斯烤焗，不用太多調味已突出了蝦的鮮味。至於配菜如薯仔及翠玉瓜等同樣出色，整個主菜十分豐富。雖然有好一陣子沒來，但餐廳依舊保持水準，在舒適環境下跟朋友大快朵頤，絕對是一樂事。

今晚係上環附近放工，就搵下附近有咩餐廳好食。見到呢間係CS tower 2樓的Green Orange西餐廳,環境舒適優雅，美食又多，就上黎試下。好近地鐵站出口，在後面街而已。座位唔算太多，如果人多黎食最好都訂咗位先。餐牌上的主菜同意粉，飯都可以加$88做套餐，包埋沙律，餐湯，甜品，好抵我就揀咗升級做套餐，首先係煙三文魚沙律，份量原來好多，一整大碟，沙律菜清爽鮮甜，可以自己調加沙律汁，煙三文魚嫩滑新鮮，入口即溶，好入味芝麻餐包暖和鬆軟，芝麻味香濃，南瓜濃湯稠身清甜，夠熱今餐的主角 醬燒美國豬仔⻣，份量好大，都夠兩個人食呢，醬汁香濃，有少少微辣，蕃茄味重，有少少似水牛城雞翼的醬汁咁惹味。豬仔⻣十分厚身，肉排超鬆軟，嫩滑，鮮甜。甜品係朱古力布郎尼，比較結實硬身，朱古力十分濃郁滑身，加上半粒新鮮的士多啤梨，絕配。

黎到上環,除左海味舖重可以去邊度呢,朋友介紹,有間西餐廳都唔迫，又好似屋企咁舒服既感覺首先黎個熱辣辣既法式面包，再沾上初搾欖油，同埋意大利黑醋暖暖個胃先呢個忌廉白酒煮青口入口CREAMY得黎青口肉夠厚實，重有淡淡既蒜香味呢個南瓜龍蝦湯我鐘意佢個口感夠特別蓉得黎有少少南瓜絲既咬口龍蝦肉都鮮甜，好match充滿厚厚香草鋪係羊架上面羊架五成熟，個皮夠哂脆口內裡肉夠juicy 五成岩岩好鵝肝意大利飯熱辣辣既鵝肝，配埋香滑既醬汁好豐濃，但感覺一啲都唔肥最後加返個brownie What a great night!

喺openrice見到呢間人氣頗高嘅西餐廳，於是book定枱去試佢嘅lunch。餐廳裝修偏復古，燈光柔和，幾有氣氛！可能空間唔算大，會有少少嘈吵。Lunch Set包含蒜蓉包、餐湯/沙律、主菜、咖啡或茶，可額外加錢叫甜品。佢嘅lunch menu定期會轉吓，今期嘅食物種類、肉嘅種類（海鮮豬牛雞都有）都算多，除咗有比較輕盈嘅沙律、意粉，仲有大大件嘅Ribs同肉眼扒蒜蓉包焗得幾香脆，蒜蓉味濃，正！餐湯（唔記得咗係咩款式）味道濃郁，有少少粒粒喺入面。帶子香草忌廉汁扁意粉 ($98)香草味重，忌廉汁濃，個醬汁係無得頂帶子嘅數量多，煮之前有醃過味，略嫌有少少鹹。紅黃椒令個意粉鹹得嚟，都帶有甜味，唔錯！甜品Chocolate Brownie (+$10)味道不過不失，唔算太特別。整體嚟講，呢間餐廳嘅西餐有水準，偶爾想食餐高檔少少嘅lunch都可以揀呢間

年年聖誕節去BBQ，但今年無人搞，又吾想留係屋企，叫男朋友搵左間餐廳2個人sweet sweet 咁過男朋友搵左呢間樓上鋪，貪佢聖誕節餐吾貴聖誕節$488一位真係吾貴，平日食一個人都要$3-400節日上環吾多人，多一份寧靜同悠閒，好適合情侶先黎一個餐湯，好香黑松露味，口感好厚身紅湯超足料餐包小小熱，好味頭盤有煎帶子沙律，仲有魚子係面，加强左帶子鮮味，沙律新鮮，甜甜酸酸好開胃每人一份肉眼扒，五成熟仲見到紅，正，肉質好嫩滑，少根無咩肥糕，超好味，而且好大份，物超所值甜品一d都吾求其，呢件cheese cake 好滑，cheese 味同焦糖味match 得好恰當雪糕係用movenpick ，真係好抵，又靚又好味今餐聖誕節大餐真係物超所值，真係想年年都係呢度慶祝十個讚

餐廳環境好舒適，好有情調，播住好休閑嘅古典音樂，適合我同男朋友黎呢到撐枱腳，食燭光晚餐西餐廳當然會先送上餐包，有橄欖油同埋醋做調味汁，我就鍾意沾醋多啲Starter方面，我地叫咗兩隻生蠔，好大隻，又肥美，我覺得就偏重海水味，偏鹹嘅，係我鍾意食既生蠔味我地亦叫咗焗蟹肉酥皮，蟹肉醬上面又有芝士，加上酥皮好可口，整體來講一流！Main dish我地食咗煎帶子墨魚汁意大利飯，帶子煎得好香！意大利飯有啲芝士味，好creamy大食既我地仲叫咗三隻大虎蝦，碟嘅側邊仲有黑松露醬添！辣味薯仔沾上黑松露醬之後幾好食，幾夾甜品方面我哋就叫咗個brownies with vanilla strawberry ice cream, 估唔到好大個portion, 有三個brownies加兩球雪糕，我哋都食到好滿足，飽曬嚕 雪糕味道好濃郁，鮮甜，配上朱古力布朗尼蛋糕，絕配

我向來都好鍾意試d樓上舖，今次見到昌盛大廈有間西餐廳，價錢同食物賣相都好吸引，所以決定入去一試😋我地雖然冇叫到set dinner，全部都係單點兩個人share，但係都食到好飽好滿足!首先，我哋每人都叫咗一隻生蠔，我估唔到嘅就係每隻生蠔都好大隻， 每隻啖啖肉，而且海水味都啱啱好，加埋檸檬汁簡直可以食到佢嘅鮮味。 食完好之後， 可以係話晚餐嘅好開始。 之後我哋就叫咗個焗蟹肉酥皮， 個酥皮裝住好多蟹肉， 而且蟹肉加埋調味料嘅配合好好， 個酥皮又整得好脆 ，酥皮嘅口感連埋蟹肉好match。我哋仲叫咗帶子墨魚汁意大利飯，同埋海鮮慕斯釀大虎蝦。 意大利飯方面， 墨魚汁 中嘅鹹味啱啱好，而我最欣賞嘅就係個帶子，帶子嘅表層有啲燒焦嘅味道， 入面啱啱熟透， 口感同味道都一流。至於個虎蝦方面， 佢每隻蝦都會開邊然後喺上面搽咗慕斯。黑椒喺上面同蝦嘅味道好配合，肉質都好彈牙同爽口。最後我哋叫咗個朱古力布朗尼配雪糕，分量好多，而且布朗尼一d都唔乾，雪糕同布朗尼嘅甜味適中，雪糕嘅士多啤梨味同布朗尼嘅朱古力味好夾好好味😍整體黎講，環境同服務都好高質素，食物嘅味度一流，價錢合理，絕對係西餐廳之中嘅好選擇👍

好耐無出街慶祝除夕，今年特別d，成為人妻後第一個除夕，約左老公去green orange 共進晚餐地點近地鐵，樓上鋪寧靜帶一點浪漫靜靜坐在一角，享受2人世界價錢十分化算，節日每位$500絕對係良心價頭盤係黑松露西班牙黑毛豬多士黑松露香氣配以黑毛豬多士，齒頰留香黑松露椰菜花忌廉湯黑松露份量適中，粒粒椰菜花好有口感，湯好creamy 最愛以餐包配湯，美味黑魚子伴北海道帶子沙律第一次食黑魚子，帶出帶子鮮味，沙律清甜帶子煎得好香New Zealand 肉眼扒，好嫩滑，五成熟仲有血水，無肥糕，油脂溶入口中，色香味具全甜品酥皮盒movenpick 香蕉及意大利焦糖cheese cake 入口軟湑，甜度適中，賣相吸引，不能錯過今晚真係好滿足，過時過節價錢都咁平真係超值

難得呢日喺上環做嘢，所以就 book 好位，約埋好友一齊食個 dinner 先。餐廳夜晚燈光暗暗哋，好柔和，加埋蠟燭就好有情調; 睇完餐牌後，同朋友決定 share 食物，咁就可以一齊試多幾款啦!餐包 - 質地鬆軟，甜甜哋，點埋油醋汁好好味。蟹肉南瓜忌廉湯 - 南瓜味好濃好滑，裡加咗好多蟹肉，一路飲湯都食到呀，唔錯。燒帶子柚子沙律 - 帶子煎得剛剛好，有鮮味得嚟又唔會韌，西柚好甜又多汁，加埋沙律菜，好 refreshing! 香煎鵝肝伴黑松露雜菌意大利飯 - 鵝肝外皮煎得香脆，內裡就軟滑甘香，意大利飯煮得剛剛好，加咗雜菌碎，增加咬口，亦可能因為咁樣，呢個飯好清爽，完全唔會覺得膩。脆焗豬手伴蜜糖芥末汁 - 侍應會拎隻豬手問要唔要幫手切，我哋就緊係要啦! 豬手外皮鬆脆，豬肉腌得鹹香入味，肉質又唔會好嚡，點埋蜜糖芥末汁，食落無咁膩同乾之餘，又帶出另一種香味，好惹味呀! 伴碟用上甜薯，好 match! 朱古力布朗尼伴雲呢拿雪糕 - 布朗尼熱熱哋，配埋質感綿密幼滑嘅雲呢拿雪糕，一冷一熱，正! 餐廳整體食物水準高，侍應細心有禮貌，雖然係樓上鋪，但都唔會好嘈，傾計都 ok。

今晚約左朋友去中山公園跑步,跑之前就梗係食飽左先架啦就去左上環搵野食,去左GREEN ORANGE睇完餐牌就叫左以下幾樣野食脆焗豬手伴蜜糖芥末汁,蟹肉南瓜忌廉湯,燒帶子柚子沙律,香煎鵝肝伴黑松露雜菌意大利飯,朱古力布朗尼伴雲呢拿雪糕一開始就食左個包先,點下野黎食,都唔錯脆焗豬手伴蜜糖芥末汁--隻豬手上個陣服務員好貼心咁問要唔要幫手切左上枱.簡直好啦,隻豬手都好脆,不過又唔燶,好夠味仲有肉夠淋,幾好食蟹肉南瓜忌廉湯--南瓜味甜,D蟹肉都好多食住蟹肉飲住湯非常正燒帶子柚子沙律--煎香左既帶子,柚子都幾多汁好開胃,D菜都OK新鮮香煎鵝肝伴黑松露雜菌意大利飯--鵝肝香到呢....而黑松露隻味都好遠已經聞到,個飯都OK朱古力布朗尼伴雲呢拿雪糕--食完飯食個甜品就完美了,朱古力味濃,糕又鬆口,加埋個雪糕就真係一流

都有一排冇黎上環食野, 朋友問有冇抵食西餐呀, 我就諗起呢間Green orange幾時都覺得呢到有我細個同屋企人食西餐個種裝潢感覺好有親切感當然服務都好nice!點完餐就有餐包好鬆軟, 好香, 加少少OLIVE OIL 好正呀叫左我最愛南瓜湯, 好Creamy, 好滑, 仲食到南瓜蓉忌廉白酒青口大大隻, 2個人share 都有點多不過我咁大食, ok的!黑松露鵝肝risotto 見到都流口水, 鵝肝的油又夠甘香香草鈕西蘭羊架medium rare 岩曬我口味肉質又嫩好好食呀!!!!!應該好快我又會再黎架喇

呢晚同班大學同學一齊返去學校拎畢業袍，拎完之後當然趁呢個機會去食個晚飯！住港島既同學就帶咗我地黎呢間西餐廳，話好有氣氛、好有情調，最啱吹水。一黎到呢間餐廳，就已經feel到個氣氛同埋個情調，帶點romantic，好適合情侶黎慶祝周年紀念，食食下飯黎求婚都得，同學話呢到真係會借場地出黎搞speed dating ga!!。所以初頭黎到都驚一大班人黎呢到吹水會破壞咗呢到既氣氛，同埋會阻住咗其他食客。但係成晚其實都唔係太多食客，所以吹水都唔驚。餐牌有唔同既set dinner，餐包+餐湯+main course+甜品，係正常西餐都會有既。我地叫咗幾款，諗住人人都可以試下唔同既食物。食物味道唔錯，服務態度都幾好，D waiter見你冇水都會自動走黎幫你斟水，但價錢偏貴，可能係食個氣氛啦！

呢間餐廳唔知點解叫Green Orange， 入面綠色及橙色的佈置寥寥可數 如果帶女朋友來可能有驚喜， 燈光柔和有情調， 天花板用上古色古香嘅燈，夠浪漫。 一坐下，店員很細心的點上蠟燭餐牌只有一張紙， 不用揭來揭去一眼望曬。燒帶子柚子沙律果然是廚師精選，有新鮮剝了皮的西柚肉，簡直就是用心之作，燒過的帶子香口， 配上沙律 就瞓外宜人。由於是散叫，份量比Set餐的沙津大。 蟹肉南瓜忌廉湯， 淡淡的南瓜在忌廉湯中透出來， 再配上蟹肉， 作為餐湯就非常之好。 份量亦都比一般既餐湯多。主菜燒西班牙黑毛豬， 黑毛豬大啖肉煮得均云剛剛好，下面有薯仔及豆， 配菜煮得出色。平日晚上啲枱都好爆， 果然好受歡迎。

一入到去就比個酒吧吸引住，因為餐廳本身吾大，一眼就會見到，相信餐廳夜晚都以serve酒類為主的。雖然餐廳地方比較小，但位與位之間都好闊落，坐得幾舒服！加上有聖誕裝飾，心情都開心啲！講返食物先！比起配牛油我好欣賞配醋同橄欖油既包仔😋酸酸味味好開胃！頭盤柚子帶子沙律真係值得一讚！帶子煎得岩岩好，食落有口感兼仲有少少脆～沙律菜好鮮甜特別係柚子😆如果可以多返少少汁就完美啦👍🏻海鮮湯一睇就知材料豐富啦！有蝦有帶子有青口～海鮮味好出好濃！如果吾係怕之後食吾晒主食我一個人一定飲得晒🤣大蝦意粉好似好普通，但加埋啲菜食落口感都幾特別！隻蝦啲肉好彈牙，我相信應該係新鮮蝦！重點嚟啦！雖然價錢好似係算貴，但絕對係物超所值！最中二有少少肥肉既牛扒，口感無咁單一！7成上枱即食岩岩好～吾點汁原味一樣正！配菜都好有誠意全部燒到岩岩好！食物質素好好，環境靜靜地服務態度良好，最岩約埋三五知己食個晚餐吹下水，絕對會encore啊！