Give Me 5 (已結業)

想同朋友食飯，咁岩見到佢水牌，所以上去試下。同朋友食飯既環境最緊要舒服岩傾計！呢到就真係好岩啦！佢枱同枱中間唔會好逼。因爲地方都幾大，座位選擇有睇到海景既卡位同flexible d既普通枱凳。傾到咁上下想行下郁下佢仲有飛鏢機同桌球。同fd篤返場都唔錯！menu係用pad放既，選擇都幾多，又環保D.試左2隻蠔。$10隻都唔會expect肥，有少少咸味，不過不失啦！前菜係開胃salad + pama ham, 好少咁食，通常pama ham都係配d甜野，好似密瓜個D, 等一次配少少酸辣既沙律，感覺都幾清新！個湯幾好飲。我好喜歡佢放左D三色椒，平時少D見。唔會太奶太creamy, 飲落都幾滑。個包做得幾好。如果有得refill我會想再要。蒜蓉既份量好足。包好脆。呢個鱈魚係出奇地有驚喜！好好食！無雪藏既感覺。D魚肉好soft好香。就咁煎香佢已經覺得好正！唔使再話用咩醃。旁邊黃色既汁有D似蜜糖芥末醬，出奇地夾。令個鱈魚更出色。不過下面既茄汁就有點畫蛇添足啦。無會更好！D配菜都好好味，食得出有落過心機！另外叫左個豬手，好肥大。肉質都唔錯。層皮好夠脆！不過我有少少嫌佢炸得太脆haha, 咩都嫌！女人

聽朋友介紹咗呢間野好耐今次終於有機會試下一入到去個場好大同闊落 坐得好舒服仲要有標機同桌球玩 好適合一大班人gathering 見到有promotion話follow instagram 就會送蝶豆花特飲一杯 不過其實同普通檸檬水差不多但就健康得多每人限叫3隻10蚊蠔 鮮味爽口呢個價位算係唔錯叫咗兩個set首先嚟咗個湯同蒜蓉包湯好creamy 蒜蓉包又脆又香Main dish 1 炸軟殻蟹煙肉卡邦尼意大利粉軟殼蟹好大件 個麵一般Main dish 2 美國安格斯肉眼扒 5成熟煮得幾好 真係5成熟 肉味濃Dessert 一件小蛋糕加雪糕下次一定同成班fd來

12點剛剛好，見到lunch 一個set,有沙律自助，同紅，白酒任飲，咁抵，咁當然試下，因為佢依個價錢，係其他地方只係普通跟茶坐好望下環境裝修都唔錯，見到有埋飛標機同桌球枱，正喎，同朋友一齊黎，可以除左食野，仲有野玩之後叫左澳洲肉眼扒配野箘燒汁，等待期間當然出去自助沙律吧拎野食，最開心係見到紅白酒，真係放係到俾你自由斟，誠意十足，好任性呀，lunch就飲酒，仲可以任飲，另外，我甜品控，對d甜品都滿意，都估唔到肉眼扒黎到，見到真材實料，唔會因為咁抵食，咁多野食，牛扒就hea整，我要7成熟處理得剛剛好，切落時就感覺到肉的軟嫩，放入口肉汁和牛味就湧出黎，覺得成餐好抵食，食時真係想同人give me 5最後仲有杯餐飲嘆下

唔知幾時愛上左桌球, Give me 5有得督波同食野🤤仲有得玩飛標🎯炸軟殼蟹carbonara $188 (4 courses set dinner)燒春雞 $238 (4 courses set dinner)4 courses包括Pama Ham, 周打魚湯 & cheese cake, 仲有coffee or tea呢度環境衛生, 又keep住播韓文歌, 感覺好young🕺🏼🕺🏼佢地仲有buffet set可以揀, 鐘意勁食既朋友可以考慮下;)食完飯督返場波, 玩下飛標, 飲下啤酒, 係幾chill~~

短促我午膳時間相聚，食物質素也不能馬虎。看中了這裡的半自助午餐，有多款沙律吧任君選擇，先吃一點綠色墊墊胃，再去自取是日餐湯，是經典款式粟米湯。吃過前菜後就點主食，香煎雞排配蘑菇松露汁，雞排體積超巨大，外皮煎得相當香脆，肉質細嫩不柴口，配菜有薯條紅蘿蔔等⋯⋯很高興這次有個正確選擇。朋友是個嗜牛人士，點了澳洲肉眼排配野菌燒汁，八安士的牛排看起來很有份量，五分熟廚師處理得剛剛好。最後是自取甜品時間，芒果布丁牛乳布丁都不錯，慰藉好肚皮後又要再戰下午。

今日放假，由朋友帶路黎左呢間「Give me5」午餐，佢上一兩個月黎過，話環境同食物都唔錯，值得再黎！距離地鉄站遠少少，大約行10分鐘左右，唔難搵～地方好寬敞乾淨，重有海景望到12點未夠，我地係第一枱客到1點左右午飯時間開始多人，9成滿座，但餐廳都無想趕你盡快走既意慾午餐餐牌沙律吧、甜品、湯、蒜蓉包任食重有埋紅酒～叫個最平既餐連加一唔洗$100確係抵！沙律吧亦有三款醬、有醋、芝士粉提供，一點都唔hea南瓜忌廉湯好夠味，只係口感較稀，結身點會更正！蒜蓉包好脆，沙律菜好新鮮德國燒豬手拼黑椒汁豬手外脆內滑，連個薯蓉都好好味！澳州肉眼扒配野菌燒汁7成熟，雖然望落黑左少少，但食落無問題食埋個甜品滿足曬

餐廳位於工廠區內，地點距離觀塘地鐵站比較遠 。餐廳面積很大，有些卡位還可望到海景，客人還可玩飛鏢和打桌球，侍應招待也很好。蜜瓜西班牙火腿配黑醋汁沙律西班牙火腿也幾鹹香，哈蜜瓜切粒粒上碟幾特別，沙律菜也很新鮮。周打魚忌廉湯可惜餐湯和蒜蓉包都只是普普通通。香煎紐西蘭羊架配薄荷燒汁 原價$188的羊架加$80可轉四道菜套餐。一客有三大件羊扒，有少少羶味正合我意，我們要求四成熟，廚師烤得剛剛好，肉質鮮嫩又很入味，配上薄荷醬令羊架很美味。安格斯牛小扒伴虎蝦伴香辣燒烤汁 虎蝦新鮮也煎得很香，但略嫌熟了一點，牛小扒雖然很薄身但仍然能煎至中間是紅色，很是難得，加上香辣燒烤汁調較得很惹味，整體上是不錯的。芝士餅配雪糕甜品賣相都可以，但可能我對甜品的要求很高，所以芝士餅未能滿足我的要求。Cappuccino 加$10便可轉飲特式咖啡，咖啡味也很濃。

原來在觀塘區，也有半自助餐吃，而且價錢實惠。Give me Five提供半自助形式的沙律吧，提供種類不少的新鮮沙律，甜品，餐湯，還有蒜蓉多士。Lunch set 由$65-$128不等的GIVE ME 5，餐廳都算大，而且有海景。在享用主菜之前，先到沙律吧拿取熱湯和蒜蓉多士。餐湯是粟米湯，味道不過不失，蒜蓉多士剛新鮮烘焗完成，每片都均勻搽上蒜蓉牛油，非常香脆可口。沙律吧當然還有多達6種沙律和4款配料任均選擇，包括粟米沙律，青心沙律，蕃茄沙律，沙律菜，蝴蝶粉沙律等等，配料則有蘑菇，車厘茄，麵包糠，洋蔥圈，還有3種沙律汁供隨意配搭。蜜汁焗豬肶配薯條$128主菜點了蜜汁焗豬肶配薯條。雖然是較細的豬肶，但一共有3隻的分量還是足夠有餘。豬肶烤得不算香口，但肉的質感很淋，吃著還是覺得不錯，午市自助套餐還包括餐飲，性價比絕對是很高的一餐。西京銀雪魚拼三文魚Set lunch不算大份，兩塊魚都燒得不錯。銀雪魚沒有過熟變得容易散開，肉質厚實、刺少、味道鮮美，而且蛋白質含量非常高，而脂肪含量極低。三文魚有點過熟但仍然味道鮮美最後是甜品，有啫喱杯，奶凍，蛋糕等等，切成細分，我選了奶凍和芝士蛋糕。奶凍質感頗細

觀塘果然係值得尋寶嘅地方，響鴻圖道嗰頭有一間沙律吧放題嘅餐廳，滿足過green monday癮既我😆Give me 5向工廠大廈內，所以環境闊敞，由玻璃向望到外面天橋條車龍，同悠閒既我產生強烈對比，將上一分鐘仲比老闆捽到爆既感覺完全放低。來到唔係為咗睇景，係為咗沙律放題，太興奮唔記得影沙律吧，超多選擇有成廿幾款配料任㨂，出面要盒沙律都要50蚊！仲有紅酒白酒任添，飲悶左仲可以裝碗西餐湯飲，選擇如此豐富，夫復何求😭問咗侍應每日唔同餐湯，同日日黎都有唔同驚喜🎉Lunch set可以再搭一個主菜，我㨂咗香煎雞扒，同事揀咗鮮茄蜆肉意大利粉～主菜係正常份量，賣相精緻，味道亦唔馬虎，不過沙律吧配菜太多選擇，食下食下已經七成飽，結果我主菜食唔晒有d內疚，細食既朋友仔淨食沙律吧$65+1係最佳選擇✨

同朋友講開官塘工廈好多野食，上網睇吓有間任食牛扒介紹好似唔錯喎~就趁今日得幾度偷懶唔煮飯去試吓沿住敬業街一直行，見到一座有幾間餐廳冒招牌就係啦， 好易搵。店員好親切咁介紹menu，除左任食澳洲穀飼肉眼，仲有好多款set dinner同埋可以散叫。最後都係揀左任食啦,$218仲有豬肋骨(有四款每日輪流轉款) , 湯, 飲品，甜品同埋沙律吧都係任食 , main course 仲可以加薯菜/飯或意粉. 咁又真係抵既 如果飲酒既朋友仲可以加$50/ 位可以free flow tim~ 好啦,出去拎野食~ 餐湯 - 忌廉湯沙律吧有6款,有蟹肉蕎麥麵, 沙律菜,食d 蕃茄開吓胃先~ 生蠔              $10/隻, 無理由唔叫啦, 每人可叫3隻, 第4隻起 $15/隻 肉眼喺沙律吧有專人切, 中意厚d薄d ,要多件都可以order , 唔食咁生既都可以要求煎返熟d ga仲有燒烤汁, 紅酒燒汁,芥末醬可以加 . 燒烤汁豬肋骨, 燒得剛好離骨, 醬汁惹味得黎唔會搶去烤骨既味道 . 甜品係任食,不過都擺好每碟2件唔同配搭 , 每款都唔太甜可以食多幾碟~  要一提menu 既dessert

之前已經來過Give me 5一次，今次來推出了 - 120分鐘無限任吃牛扒，一於就試試一開始梗係食牛扒先啦： 肉感較嫩多汁，同時中間有少少生。可配紅酒汁 or BBQ汁(微辣🌶推薦)。特別推薦加沙律吧醬汁，別有風味。朋友食了十幾塊，一d都唔誇張！牛魔王可以黎挑戰😏😏豬肋骨：焦味十足，食落有韌性，美中不足的是醬汁不夠，建議配搭BBQ汁。甜品布丁：奶味同芒果味十足，食落又滑又香。甜品蛋糕：布丁佔頭3/4，蛋糕佔1/4，食落唔覺得膩，適合較喜愛酸味既人。飲品也不馬虎。呢度有得挽有得食 同friends黎最合適

難得係觀塘收工，就約左係附近返工嘅舊同事去隱世工廈食好西。上到去環境好寬闊，比人好舒服嘅感覺。食完野仲可以繼續飲下野玩下飛標、桌球！點完餐之後就上左蒜蓉餐包，麵包烘到外脆內軟，蒜蓉味啱啱好，唔會太多，食完唔會成陣蒜蓉味。安格斯牛小排伴虎蝦配香辣燒烤汁$188牛小排7成熟，好易切開，食落一啲都唔痴牙，肉質好嫩好juciy！虎蝦有成隻手掌咁大，蝦肉鮮甜彈牙，蝦頭都有蝦膏添！炸軟殼蟹煙肉卡邦尼意大利粉$108軟殼蟹炸到好鬆脆，又唔會話好油膩，咬落唔洗拆殼就可以食到蟹肉，正！煙肉卡邦尼意粉都好野味，意粉烚到啱啱好，配埋煙肉卡邦尼醬簡直令人抗拒唔到。雞肉沙嗲$60沙嗲醬比較重椰香，雞肉串燒到外脆內嫩鮮果窩夫配雪糕球$67雪糕係冧酒味，都整到幾滑，配埋細細個嘅窩夫，冇得彈！成個甜品一上餐望到就已經好開心！食飽之後打返鋪桌球，好滿足！

聖誕節🎄我地小組飯聚導師推介我地黎食尼間西餐廳慶祝聖誕節尼間店近工廠區出地鐵仲要行一段路程，店鋪環境超大適合多人聚在一起吃晚餐🥣平日晚上人流不算多除左食野之外仲有桌球🎱同標機俾大家玩我地6個人叫左4個餐加個pizza辣雞肉pizza夠入味但就比較細份同薄身食左好似無食吾夠喉前菜好特別除左湯、餐飲外仲有蒜蓉包加ham豬肋骨好好味烤得配埋個醬同夠厚肉黑椒汁豬手超大隻肉質夠嫩好惹味軟殼蟹卡邦尼意粉反而吾太夠味比較普通黑松露野菌意大利飯超正飯夠多忌廉黑松露夠多必食最份仲有特色甜品 🍮餐包埋不過味道道麻麻 只係樣子吸引店內職員好細心上菜等我地影完再幫我地切埋豬手同豬肋手

今日係觀塘收工，約左朋友係公司附近食好西！有同事推介過Give me 5呢間樓上西餐廳，即管黎試下可能平日既關係，餐廳唔算多人～靜靜地好適合傾計～我地首先嗌左個安格斯牛小排伴虎蝦伴燒烤汁呢個牛好值得推介，薄身、易入口，夾埋啲汁好好食我地仲嗌左個pasta，炸軟殻蟹煙肉卡邦尼意大利粉軟殻蟹好香口，整得不錯！同朋友嗌左杯green tea smoothies呢杯綠茶味略有啲淡，但也可以一試身為綠茶控既我地，最後緊係嗌返個抹茶朱古力心太軟作結心太軟個皮整得好好，外脆內軟，食好味既甜品真係另人好開心呀下次一定再帶朋友黎食

觀塘工廈美食多籮籮，今晚收工我就同同事嚟咗呢度食啦，因為聽另一位同事講呢度有特價oyster，我哋呢啲蠔痴又點會放過啊。喺度食晚飯望住窗邊都幾舒適 ， 呢度設計時尚年輕風格，叫咗一個香煎紐西蘭羊架配薄荷燒汁， 羊㗎燒得好靚， 肉質鮮甜， 好新鮮， 唔知羊㗎好靚係邊度來嘅呢， 下次要問下先得。之後再叫左個墨西哥薄餅配蕃茄沙沙及牛油果醬， 我17年去到美國都有得食呢個墨西哥薄餅，味道一模一樣，好有口感。再叫多一個周打魚忌廉湯， 湯裏面材料十足，味道不錯，最後再有甜品上 ， 就係芝士餅配雪糕。呢度食飯環境好優雅，座位舒適！