FUMI (已搬遷) 新店位置

FUMI假日有semi-buffet，至於平日呢個壽司set就叫做不過不失..性價比亦不高.*️⃣ 特上壽司拼盤定食 $408拼盤有toro同海膽壽司再加十款廚師推介。海鮮不過不失，沒有什麼驚喜。至於魚生有少少雪太耐既感覺，toro味道很淡。唯一係兩款火炙壽司整得幾出色。朋友同我叫咗同一款定食...當中嘅toro 竟然變咗三文魚佢即刻換返俾我地，可惜只係變左油甘魚。如果當時知道拖羅有寫落Menu一定會叫佢follow返.結論：encore機會很微🥱.@fatpet_natalie

已經好耐無寫食評，今次不得不寫！呢間位於中環既日本餐，剛剛過去一星期就食左佢兩次，點解會食佢兩次呢？一次因為工作需要，另一次因為幫朋友慶生，同時因為佢用既食材非常新鮮，我地一行5人叫左兩個刺身拼盤，刺身拼盤係俾高級食材，佢係吾會俾三文魚你食嫁！另外6款串燒，其中一款係雞棒，出面食串燒多數會俾生蛋，呢到就俾溫泉蛋，不過味道就濃多啲！另外牛舌都係無得輸，食完要再encore ，另外仲叫多左個炸蝦卷，因為有朋友吾食生野😅，飲品就飲生啤🍻，生啤啲質感真係吾同啲，夠冰凍又滑😋 朋友們都非常滿意餐飯，食到佢地肚滿腸肥，佢地既服務態度都非常好！上食物速度都夠快😆值得一讚👍🏽幸好有訂位，因為星期五個個都出黎Happy Friday，好食既餐廳真係食多幾次都吾怕呀😆

今日同個已經有五年冇見的中學同學去了中環的一間高級餐廳敘舊，吃了當天的特別晚餐因為疫情關係點了第一款菜後所以第二款可以半價。覺得壽司很新鮮很鮮甜，稻庭烏冬都唔錯，特別喜歡日本清清地甜甜地的湯底。最喜歡的是他的日本拖羅壽司入口即溶但因為是雜錦壽司的關係，每個餐只有一件。買單最後每人約$350。算是正常價錢

Sunday Brunch有任食又有酒任飲🥂都係拍拖或好友相聚的好選擇。今次hubby生日🎂搵間未去過的試試。首先FUMI可以食3️⃣個鐘就幾吸引，唔駛食到好趕；唔知係咪疫情關係枱與枱距離拉遠感覺良好；每人送1️⃣隻生蠔🦪非常creamy😋沙律吧個烤牛肉做得出色；刺身新鮮，我巧like吞拿魚腩🐟，食左好多蟹🦀應該可以翻本（小女人心態😜）。小丸子學堂有師傅教點整章魚🐙小丸子幾得意，自己做得好又有成功感👍燒物烤物做得唔錯，燒雞翼直頭好like啦！訂位時加$58 order左個special 甜品比hubby，因為差D忘記上最後經理主動offer免費巧感動🙏😊有一個主菜可以order，我的A4宮崎和牛udon好食，不過hubby話佢個味噌銀鱈魚就一般般所以無比我試🤨 服務員經常主動添加酒給我們。整體FUMI唔算巧多選擇但貴精不貴多，推介👍

年年情人節都去鋸扒，今年來啲唔同啲嘅今年嘅情人節慶祝我同男朋友去咗中環呢間日式餐廳嗰度食飯，一睇個Menu就覺得好吸引。最令我驚喜係個頭盤，名為三文魚子湯葉海膽杯＋慢煮鴨胸火夠三文魚壽司，淨係聽個名會覺得三樣嘢好唔夾，但係其實識落真係好match、好juicy。，第二個我哋最鍾意嘅係刺身，分別有蘋果目煙燻赤鮭、吞拿魚、同牡丹蝦。佢個蘋果木係有個樽裝住，味道有啲似shisha甜品方面都有好正嘅日本雪糕同日本生果～呢間日本野值得推介

首次試呢間brunch, 優惠是買三送一，要先付每位二百元訂金，環境很好，安靜沒有像酒店自助餐的嘈吵聲音。 食物方面比一般日式放題店高一級，可惜食物種類實在太少，而且與收費不成正比，甜蝦及皇帝蟹腳好食，爐端燒雞翼好食，其他一般。大約1:30店員已經問可否收枱上甜品，被拒絕後2:00再催要收枱上甜品，外面自助餐枱refill 次數慢，2:00大部份已經不再補充，其實個brunch 係12:00-3:00，last order 係2:30，唔明白點解咁急要上甜品？

睇了openrice 的食評 & 食物相片、環境，決定一試Fumi ! 點知，真係好失望。叫了魚生，壽司，串燒.......質素真係好一般，唔可以話難食，但魚生唔係話好新鮮、串燒更加係冇咩味特飲就....正常嘢飲咁嘅味，同食物一樣，唔可以話難飲囉。以佢個價錢 + 佢嘅地段，同行友人同我都冇諗過會係食呢個一般嘅質素及一般服務。我哋都冇興趣再食其他嘢了...如果心懷能嘗到如在日本般的食物享受，香港其他地方有更平、but 更好的選擇。可能中環蘭桂芳鋪租貴，經營者都受好大壓力，體諒呢點。如果能提升食物質素、定時搞優惠活動吸引客人嘗試，通過活動來用質素讓客人回頭及轉介紹；或者將貨就價、降低價錢，或許能改善生意。除了包裝賣相照片，食物也要有內涵。總結：無法回頭第二次。

I want to say that we usually don't take advantage of restaurant discounts because we're lazy and sometimes were are just too hungry to wait for an off-peak time to have our meal. Sometimes if we find a good deal with a spur of the moment, we might just end up at a nice restaurant like Fumi's.We started off the meal with two cocktails, Smoke C and Lychee Lover. Both were really exceptional. I might just come back for the cocktails!The Hokkaido crab with fresh soy milk skin and sea urchin was a w

因為弟弟生日的關係，所以跟家人吃了semi buffet 慶祝，我精選了一家在蘭桂芳的日本餐廳Fumi ，這名字一向也在我的eat list 上，但就是貴吧，原價是$480 +10%，這價錢可以到別的地方叮自助晚餐了吧。到了最近我發現它們有做3送1的優惠，我們一家剛好四個人呀太好了！記得要在它們的網訂位才有這優惠，不過訂位就已經要付訂金了，琅注意一下呢。另外週六和週日的主食餐牌也有點不一樣，要先看。*我本沒打算寫食評的所以沒什麼拍照，自助的選擇就是冷盤，刺身，蟹腳，卷物和炸物，說真的都好吃，但一開始應該吃熱的，因為剛炸好很新鮮，如果遲了吃就差了一點，因為人不多，所以能吃新鮮炸起的應該只有一開始吧。*刺身全部都很新鮮很好吃，肥美，我特別喜歡帶子和吞拿魚。卷物也ok 但就是沒太大的驚喜。*這是我爸瘋狂吃的蟹腳，算是很好肉，而且不會是浸了鹽水的死咸味，我爸應該吃了20隻腳吧哈哈。*炸物我吃了這些，我吃的時候都有點室溫了，雖然也好吃但熱的更好。*這是主食的餐牌，店員會主動過來介紹的。*十件壽司拼盤這十件壽司拼盤是很吸引，我最愛的是魚類，其他也是很出色，飯的大小剛好，就算一人吃也不會飽死。*北海

知我者都知我無牛不歡，尤其是和牛更是我的超愛，當我知道！蘭桂芳FUMI推出了日本和牛套餐，每位$888，我就按奈不住相約好友們去一嘗和牛的滋味，當日我真是吃得超級的滿足，好想再來一次。呢個和牛套餐共有六道菜，由前菜開始已令我好有驚喜，這道宮崎和牛洋蔥沙律，入口軟腍的牛肉配上洋蔥絲 和木魚碎，在酸甜醒胃的沙律汁下，真是胃口大開。 刺身就有超級爽口的赤貝、鮮味十足的油甘魚及深海池魚，還有甜蝦，款款都好新鮮。 吸物就是鯛魚濃湯，一打開碗蓋，看到的是由鯛魚煮成的白色湯，再來是濃濃的魚香味鼻而來，入口鮮甜度百分百。 燒物是宮崎和牛肩鐵板燒，不但是我的最愛，更有一場火燒的場面出現，講明先，其實是可供個人慢慢燒，可是我總怕會浪費了宮崎和牛肩，還是交給專業人事代勞，他先將牛肉放到文字爐上面，用猛火烤過後，先將和牛的肥油全數逼出，最後便加入蒜片、日本芥辣和蔥花同吃，口感豐富更帶出了和牛的香味，嫩滑無比，好好味呀！ 另一重頭戲食事，就是宮崎和牛壽喜燒小鍋，鍋內是細嫰的薄牛肉，伴了蒟蒻麵、雜菌和豆腐，由於那壽喜燒實在太惹味，令我也按奈不住來加多半20來一碗白飯，又是好滿足。 飯後一定要

有次約朋友響中環食Lunch, 試咗呢間在 California Tower 嘅 FUMI, 中環好多日本料理, 呢間都去過幾次，用餐部份有兩邊，一邊係專用來Serve buffet 嘅setting, 另一邊就係細一點但有Privacy 嘅房間。今次叫咗銀鱈魚西京燒定食，魚皮燒了一層薄薄的焦味，魚肉有口感，雖然未到入口即熔的感覺，不過魚肉混合日式忌廉汁係不錯嘅食法。刺身組合份量同味道還可以，天婦羅炸得妥當，炸粉唔會太多。

近來不同餐廳為左爭取生意，紛紛推出不同的套餐和優惠，就算不少中環蘇豪區和蘭桂坊的餐廳都加入戰團。特別呢排，雖然政府話減少聚餐，但人總要食飯，都冇可能日日喺屋企食，碰巧restaurant week 同black series 都係呢段時間舉行，大家紛紛召喚良久冇出街食嘅靈魂番黎。我反而就睇準限時優惠，來到想去已久嘅FUMI食佢嘅宮崎賞味套餐，幾個友人吃過都有讚無彈。幸好到二月尾，還有時間來吃。你以為冇人出街食飯咩？當晚餐廳卻非常多人，而且個個都飲晒清酒，今朝有酒今朝醉咁樣，同而家嘅疫情環境有一個幾強烈嘅對比。雖然我哋幾個朋友食飯，簡簡單單，但見個個飲清酒，自己都叫番支house，話明House嘅，雖然不是頂級好飲，但當然人人適合。前菜已經來過宮崎和牛洋蔥沙律，宮崎和牛片加上了不少調味，加上洋蔥吃又係另一個感覺，配菜嘅蕃茄甜得驚人。FUMI 一向出名刺身，刺身部份有四種赤貝、油甘魚、深海池魚和甜蝦，我最喜歡的當然是赤貝，不過另外油甘魚和深海池魚都是非常肥美，油份高而新鮮，好快就食完。鯛魚濃湯異常地白，送上一件鯛魚，味道濃得來精彩。主角係宮崎和牛肩鐵板燒，絕對係賞心悅目之作，仲要有靚仔親自

很多年前，蔡瀾先生在《壹週刊》有個「未能食素」的專欄，雖然我逢周三在FB有個菜菜子節目，介紹不同餐廳的素食，但老實說，我跟蔡先生一樣，未能食素，因為肉食的世界實在太誘人，其中一個誘因，就是和牛！ 蘭桂芳FUMI在新年期間推出了日本和牛套餐，每位$888，忍不住又去大飽口福！清酒 $195吃牛肉最好配美酒，我們這天order了日本清酒，瓶身很有趣，可以藏著一粒大冰塊，能確保溫度，這一瓶甜甜的很易入口，我們四個人邊喝酒邊開心談天，前後共喝了三瓶。前菜：宮崎和牛洋蔥沙律套餐共有六道菜，先來和牛洋蔥沙律，吃時將牛肉夾著洋蔥絲和木魚碎，沙律配以酸汁，整體十分清新開胃。刺身：赤貝、油甘魚、深海池魚、甜蝦之前來過FUMI吃早午餐，早已知道她們的刺身十分高質，今晚套餐都將強項show一下，赤貝爽口、甜蝦鮮甜，都很喜歡。吸物：鯛魚濃湯甫打開碗蓋，濃烈的魚湯味道即撲鼻而來。用鯛魚煮成的湯，已濃得變成白色，可想而知其鮮甜程度。燒物：宮崎和牛肩鐵板燒然後重頭戲就來了！是燒宮崎和牛，可要求專業的服務員代勞。只見他先將牛肉放到文字爐上面，輕烤之後再來個猛燒，和牛的肥油都被逼了出來，燒好後加上蒜片、日本芥辣和蔥花

發現原來佢地有搞weekend brunch buffet，四百幾蚊食足三粒鐘，除咗包主菜同甜品之外，有刺身壽司沙律熟食任食，跟晚市相較之下性價比更高，胃口大又想食平啲嘅非常推薦呢個brunch呢先講任食部分，回本位刺身有甜蝦/帶子/吞拿/三文，仲有比較少見到可以任食嘅油甘魚，當日佢仲要真係幾隔離放咗勁大條油甘魚響度添，當然仲有蟹腳啦，不過我呢啲懶拆殼嘅都係主力攻刺身算xD沙律區有款係薄牛肉同晚市食過嘅有八成似(當然任食未必係用和牛啦)，一樣係只燒外面內裏仲係生，食到牛香同時又食到嫩滑質感，加埋沙律醋更為開胃，呢個我食咗成十塊都嚟；至於熟食區個天婦羅都幾有驚喜；炸皮脆得嚟又唔算厚，入面隻辣都好新鮮嫩滑，完全超過咗任食嘅水準另外佢地仲有好過癮嘅和食學堂，會有人教你整大阪燒，可以自己任落料，有得食又有得玩，不過要留意星期六就係整大阪燒餅，星期日就係整章魚燒小丸子呢主菜方面星期六日嘅menu都唔同，以下都係星期六供應der~其實本身都有任食部分，所以主菜選擇上比起可以填飽個肚倒不如揀啲比較名貴啲嘅嚟回本，首推當然係極上四點刺身拼盤，除咗有拖羅同海膽之外仲有我至愛嘅金目鯛，一秒上天堂；而北海道

新年限定宫崎和牛賞味套餐之宮崎和牛肩鐵板燒，幾鐘意宮崎和牛，紅肉同脂肪比例剛好，油味係響度但又唔會話肥到冇哂牛味咁，而且自己動手燒DIY好玩得嚟仲可以自己控制生熟度，個人鐘意食得比較生，最好輕輕燒熟上下表面內裏生生地就最正，隨肉更附有好多調味配料俾你搭住食，令味道變化更大，另外仲有埋杯白飯俾你做和牛丼添，正！前菜係宮崎和牛洋蔥沙律，和牛薄切兼燒至內生外熟，夾埋生洋蔥絲同沙律醋汁食夠開胃，仲有一粒粒迷你疑似花椒刺激味蕾好得意刺身拼盤有赤貝/油甘魚/深海池魚/甜蝦，赤貝夠爽嫩，油甘魚油香濃郁，深海池魚雖然有油甘個油份咁高，但都帶有油香而且仲偏爽口，至於甜蝦就夠哂鮮甜鯛魚濃湯真係濃湯唔係得個講字，一開蓋陣魚味已經湧出嚟，飲落亦感覺到成條魚嘅濃縮精華煲哂出嚟；宮崎和牛壽喜燒小鍋，最愛壽喜燒甜甜嘅味道，牛肉都索盡湯汁令牛味中都帶甜，仲有啲疑似蒟蒻芋絲腍得嚟又彈牙，好食！