Fûhn (The L. Square) (已結業)

是日一個人去銅鑼灣購物, 因時間較趕急, 無相約朋友, 想自己食碗越南粉解決肚餓就算, 揀選新開既心儀餐廳, 可能因為有報導關係, 很受歡迎, 幾乎全場爆滿, 好在我早到。食碗粉一直比我印象係好casual, 好適合獨食的, 但呢度好多都大夥兒, 証明有質素越南粉都出得大場面, 不過就令一個人的我覺得有點怪。特式牛湯粉$98大部分湯粉都有REG L XL分, 但呢款就只得大, 因為佢有好多料, 包括生牛肉、牛坑腩片、牛筋片、手打肉丸、手腩邊、牛栢葉, 叫左少粉仍然有好多粉, 唔只粉多料都好多, 唔係樣樣比少少, 湯亦滿滿的, 有啲似鬼佬份量, 可能因為北美式越南粉關係吧。先試啖湯, 用牛腩同牛骨長時間煲成, 清香味濃帶啲油脂味, 初初覺得幾好飲, 不過後來飲到一半就覺得有啲鹹。粉係河粉來的, 好幼身似金邊粉, 入口滑溜。湯裡有唔少生洋蔥, 浸耐少少食就唔覺辣, 好爽, 仲有大量芽菜自己加落去, 正!不過香料我就唔係好岩, 都無用到, 甜醬辣醬加落粉同湯度試左少少, 係有唔同風味, 不過都係鍾意原味多啲。生牛肉夠生我BUY, 浸到幾熟可以自己控制, 牛肉亦夠薄夠嫩滑, 牛坑腩淋得來口感唔

香港真係好多越南野, 公司附近都已經有4間, 成日都可以食到, 但呢一間FUHN 的確是不一般的越南菜, 係我鐘意的!樓下已有大大個餐牌, 等朋友已經可以喺樓下揀定野食! 店面以木色為主, 比較簡約舒適。生牛肉牛丸湯麵 XL size$85,  加一份牛丸$8, 再加多一份雞肉丸$8 - 我最愛個湯底, 清甜而香, 味精味不濃, 好FRESH! 牛肉嫩滑, 牛丸重牛味, 好食, 但雞肉丸相對淡味, 食完都覺得好健康! 份量的確多, 3個女仔SHARE食, 一人至少食左一碗仔!  而且另附整棵紫蘇葉及薄荷葉自由放! 好味!燒豬頸撈檬 $65 - 與泰式豬頸肉唔同, 越式係一條條的, 少得好滑, 彈牙有口感, 檬粉點醬汁好食!炸蝦餅$88 - 別睇少呢個外貌簡單的炸蝦餅, 我覺得佢比我之前食過的蝦餅都要優勝!!! 粒粒鮮蝦即炸的蝦餅, 鮮! 甜! 彈牙! 爽口! 出色!鮮蝦米紙卷$58 - 好清新, 點埋花生粒粒醬, 好好食!!飲品都係正正常常~我相信我會再黎食新野!

今朝去銅鑼灣拎body check report, 趁11點半未到食晏peak time 時間黎食碗生牛肉湯河Lunch menu 包左小食同飲品，$79 係銅鑼灣都算okay la~睇左之前d 食評，蝦餅一致好評，小食毫不猶豫咁揀左呢樣牛肉我鐘意食琳d 嘅部分，lunch menu 有生牛肉湯河，不過我都唸左一陣揀唔揀佢好。因為試過係尖沙咀食pho 個湯底唔夠熱，結果食完餐飯d 牛肉都係得三成熟⋯望均成間餐廳淨係得3-4 個客人，風險程度應該唔大😂咁就搏一次啦～生牛肉湯河湯底清甜，食完成碗都唔會有口渴嘅感覺. 河粉上嘅時候d 湯仲幾熱，牛肉輕輕燙一下就熟。因為牛肉片仲有少少粉紅色，食落去一d 都唔老食左一半牛肉河先見到蝦餅。果然無令人失望～蝦餅熱辣辣炸完即刻拎出黎，質地好彈牙，入面仲有少少蝦子tim~ Btw d staff 都幾nice, 做野又快手，值得一讚下次再經過銅鑼灣，應該仲會再幫襯，試下其他野食～

今天放工去了銅鑼灣剪頭髮，剪完頭髮行了一會街，轉眼又到醫肚的時候！行經駱克道 The L. Square. 銅鑼灣這座大廈單看招牌已有很多餐廳選擇，我食過其中一些餐廳，質素也不錯！今次有緣看到這間越南餐廳，於是決定吃這間！內部裝修簡約、潔凈，環境很舒服！我點了生牛肉牛丸湯粉、椰青及蝦餅！生牛肉牛丸湯粉：牛肉湯味道清甜，沒有油膩感；生牛肉肉質軟滑，吃得出此餐廳選用靚牛肉；牛丸爽口彈牙，好吃！椰靑：椰靑水清甜可口，椰肉爽甜，正！好多餐廳無論越南或泰國餐廳，都未必提供到新鮮椰青，這間餐廳給顧客享用的椰青很新鮮，誠意可嘉，值得加分！越式手打炸蝦餅：蝦餅吃到啖啖爽口彈牙蝦肉，炸的時間恰到好處，金黃香口😻整體來說，我對這間餐廳的印象不錯呢。

星期二放工同2個同事去銅鑼灣搵食, 路過The L. Square見到成楝係餐廳, 諗緊食咩好?就見到馬路旁放了Fuhn的餐牌, 3個人都想食湯河一於食越南湯河~入到去見到餐廳裝修唔錯, 原木風格, 我們還坐在舒服的卡位, 再來坐多3個人都仲得!呢個手打蝦餅真心推薦, 好彈牙, 真係手打出來WOR~ 而且我過一陣先食第二件, 凍了都係好食, 唔會好硬~!這是XL size!!好大碗~ 試完個湯好清甜~好想飲多幾啖生牛肉都大塊, +8有多些牛丸/雞肉丸, 啱晒我地呢D"餓鬼"豬頸肉是一條條, 並不是平時見到的一片片, 食落嫩口撈檸醬汁有少少辣, 酸酸甜甜夠晒開胃這個鮮蝦米紙卷與撈檬相似, 配上醬油(味道似麻醬+花生醬), 又是另一種滋味~特別要講下上湯麵時會配上一瓶香草, 好正!! 自己可以親手摘完再放落湯內~卡位旁有水喉"針"溫水飲~勁方便~ 

同朋友都愛越南粉，某日雜誌睇到介紹呢間嘅湯底用純淨水煲，於是來試。叫咗碗大嘅特色牛湯粉，料好多，兩個人實在食唔晒。不過點都要加個2人份小食拼盤試試。兩樣都係水準以上，粉比觀塘嗰間越南最好食嘅要好，價錢於銅鑼灣也算合理。插曲係店員會遞上一杯herbs畀你加入粉度，但每個人都用手摸/摘，跟住店員又拿給下一檯。朋友多口問句咁唔衛生，店員先話我哋攞過新嘅俾人𠺝（明明就唔係）。朋友鍾意herbs落左好多，結果回家後肚痾，我無食herbs, 一啲事都無。希望老闆睇到會有所改善！

今晚好夜收工, 難得約到朋友, 就去左銅鑼灣一齊食好野啦!大家點左生牛河, 扎肉同椰青一起分享扎肉的口感是凉凉的冰冰的, 肉質香, 非常美味, 口感Q 彈! 送埋青瓜、酸蘿蔔, 再夾一齊食, 別有一番風味L SIZE生牛肉河都只係68蚊, 以銅鑼灣來說，價錢頗合理, 以大碗盛載, 湯底清澈不混濁，帶牛香又不油膩，還隱隱帶有香料的餘韻, 另上芽菜、九層塔、青檸及辣椒，自己可以揀落多定落少, 有心思! 牛肉薄薄的，以筷子輕按浸在熱湯中至七成熟，嗒落有牛香，肥瘦兼備越南河粉吃起來口感滑溜中帶點韌度 椰青,口感就是微凉清爽, 椰子香氣，有淡淡甘甜味，味道很純

晏晝2點幾走嚟食lunch，唔算好多人，坐得舒服，最重要係仲有set lunch食！牛坑腩片湯粉 ($79)湯底香濃清澈甜美，唔會好油膩。金邊粉非常煙韌滑溜，仲有啲米香添；牛坑腩片雖然肥瘦適中，不過唔係好軟腍，食落羶味非常勁，以為自己食緊羊肉，唔係太啱我了；加$8要咗牛丸，牛味幾濃，唔係好彈牙但感覺足料；仲有一碗配料，有芽菜、青檸、辣椒等越式炸蝦餅喺徘徊在似蝦餅又雞翼之間，我揀咗蝦餅。果然無令我失望，外層炸得金黃色，非常香脆，入面係真係有蝦肉，爽口彈牙，非常好味！$79有個set lunch食，環境好又幾抵食。但論好味程度，遠不及Pho Bar了

之前某朋友在臉書上極力推介這間餐廳的生牛肉河，這天恰巧到銅鑼灣，於是約友人一起到這店食晚餐。原來是樓上鋪，所以食物的價錢都頗合理。店員很有耐性地向我們解釋「Fûhn」的意思，我恍然大悟。原來「Fûhn = 粉」，終於識讀這店名了 ^_<只有一頁紙的餐牌在桌上，又可作枱墊，一舉兩得。我們點了「生牛肉湯河 (XL)」及「柚子鮮蝦沙律」。柚子鮮蝦沙律，很清新，酸酸地很開胃。生牛肉湯河 (XL)，不要以為只是碗大而份量少。材料非常多，足夠兩人食。隨後侍應奉上一盆葉，原來是九層塔及其他香菜。放入牛肉湯河調味。侍應隨即附上介紹這些香菜的單張及其功效。友人放了一些九層塔及其他香菜在湯河內，我們等待一會兒，讓香菜入味才吃。牛肉肉質嫩滑，粉亦很滑，湯有香菜味。但友人略嫌香菜太遲給我們，所以湯不夠濃濃的香菜味。而我覺得剛剛好，因我不太愛這麼濃味的，但覺得湯不夠熱。整體來說，這大碗生牛肉湯河很美味及足夠兩人食的

越南菜，乃香港其中一個最易中伏的菜系。有好多餐廳只是將越南兩個字印在招牌上，就賣所謂的牛肉湯粉給客人。雖然我沒有去過越南，但是個有味覺的人。那些餐廳可以說是人人都可以開，要的是牛肉湯底味精。我人生最好味的一碗牛肉湯河是在墨爾本越南街嚐到。湯底清徹、香甜，牛肉味濃，芽菜新鮮…… 算吧，都只因為是澳洲食材新鮮。自那次之後，我再沒有找到一家我認為好吃的牛肉湯河了。幾星期前約了朋友食飯，碰巧看到這家新餐廳的介紹，在沒有期望之下去試了，因好多時報章見到的都是鱔稿。試一下吧，反正想不到吃什麼。當晚餐廳多人到不得了，幸好有訂座，我慣性第一次光顧的餐廳都先點招牌菜 - 越南牛肉湯河，而朋友想要香茅豬扒湯檬。點菜時，侍應說沒有，於是我們反問為什麼有豬扒撈檬而沒有豬扒湯檬呢？侍應說不出原因，只是說餐牌上沒有等無聊原因。朋友不服氣，找了老闆問過究竟，原來餐廳沒有做豬肉湯底，如用牛湯或雞湯都不夾。這個回應我們都十分接受，能看出老闆的堅持，讚！老闆即時還給了我們他的名片，可享九五折之用。牛肉粉試一啖湯，味道特別而未曾在香港試過。牛肉味濃，配爽口金邊粉是不錯。湯粉送上之前，付上一碟芽菜、青檸及辣椒，不夠用可要求多

放工約咗2個朋友食飯，想食啲熱嘅湯麵。地方好方便, 環境舒適，同朋友傾計係唔錯嘅選擇！唔洗點等就有位坐，啱唒我嚟啲一放工特別肚餓嘅人！點咗個特大嘅越南粉，個牛骨湯底特別濃，應該係餚咗好耐而且真材實料嘅。 越南粉會另上8種唔同嘅香草！再來一杯牛油果奶昔，我係第一次試！原來嚟個配撘都幾正，味道一流，用料又新鮮而且唔甜！胃口大開，再點個越式小食拼盤。牛油雞翼，炸得脆，牛油味超濃。蝦餅彈牙，點埋個汁仲正，好配！越式三色飯，有煎蛋，香茅豬扒，蛋餅佢個蛋一啲都唔老，撈飯食正！

我超級鍾意食越南粉但香港地真係好難搵到一間專門食越南粉嘅地方。不過我溫哥華個朋友同我講近排佢發現咗新大陸，佢話銅鑼灣開咗間食北美style嘅越南粉嘅新店，佢仲話十足十温哥華食嗰D咁。聽到呢個消息，我非常興奮，所以我上星期放工同佢會一會我非常掛住嘅特式牛肉粉！嘩！七點左右去到已經好多人，要等位！嘩！見到佢個餐牌已經好有北美feel!D粉有size揀！我到我兩個friends都係起愛牛肉粉，所以叫佢哋個招牌XL Size特式牛湯粉！我哋must叫嘅越式小食拼盤！我哋咩叫咗個越式三式飯！我個friend叫咗牛油果奶昔！佢D水好得意！係自己fill嘅！先黎咗個越式小食拼盤，我哋叫咗二2人份！拼盤有牛油雞翼、春卷同蝦餅！牛油雞翼好脆口同勁膿牛油品，咬落好有驚喜！春卷同樣即炸，好脆同個餡都幾豐富！塊蝦餅好彈牙同真係見到粒粒蝦肉，我諗可能是手打先可以咁！正！開頭諗牛油果奶昔唔知會唔會太heavy但飲落覺得清新唔會太甜，好好味！之後我期待已久嘅特式牛湯粉終於見到真身啦！XL超大碗！個湯未食已經聞到好香！上面仲有好多料，有生牛肉、牛腩、牛筋、牛丸同牛栢葉，仲要係全部都好多唔會Hea你！牛肉好滑好膿味又唔

這間靚 裝 餐 廳, 在窗附近仲有卡位坐, 夠晒舒服呀!叫左碗特式雞絲湯河, 湯底是靈魂所在，這靈魂清澈不混濁，味濃而顏色清澈, 帶雞香又不油膩，還隱隱帶有香料的餘韻，以芽菜、九層塔、青檸及辣椒, 香 味 突 出, 這正是令人難以忘懷的味道, 河 粉雪 白 、 油 潤 滑 溜 ， 薄 身 得 來 帶 點 煙 韌 ， 細 嚼 下 要 有 米 香， 河 粉 吸 到湯 精 華, 正!雞絲入口滑溜帶肉香, 手打雞肉丸勁有口感, 鵪鶉蛋口感軟滑，且帶有鹹香扎肉撈檬配料新鮮，青瓜鮮爽，扎肉比一般餐廳既好多好多, 煙韌, 硬切, 口感不錯, 淋上魚露汁，清新開胃, 魚露將各種食材的鮮味融合, 夏季愛它的清爽開胃，不油膩、酸酸甜甜，吃了不必擔心發胖!

一個人都要吃好的。今日放工早左，中午就可以收工，聽朋友介紹有間越南餐廳都唔差，就去試試啦。自助水？餐廳選擇唔算多，但係款款都好想試下。牛油果奶昔。牛油果係最健康既生果，我最鐘意食牛油果。濃濃奶香又唔會甜膩，入口反而清新，岩哂熱辣辣既夏天。我叫左個特色牛湯粉。牛湯濃香清清的，唔會好油，牛湯味好濃好鮮。牛肉爽嫩唔鞋口，牛味好濃，牛肉丸爽口好彈牙。好鐘意加九層塔增加香味。另加雞肉丸，味道都好好。好有心思的越南餐廳，一定會再來。

We ordered item No.8 on the menu, Raw Steak and Flank with pho in extra large portion ($90) along with appetiser platter ($98) for two. Particularly the pho, it was a major disappointment. The soup was not hot enough and it took a very long time for the raw beef to cook. After the waiting, we tried the flank steak and it was so tough that it couldn't be bitten through, ie felt like leather. We asked the waitress if we could have something else in substitute and she explained that it's due the th